சனி, மே 27, 2017

சிறார் வன்கொடுமை சட்டம் டிவிக்காரங்க மேல பாயாதா?! - கேபிள் கலாட்டா


தினமும் காலை 8. 45 மணிக்கு சன் டிவில நாட்டு மருத்துவம்ன்ற நிகழ்ச்சி ஒளிப்பரப்பாகுது. நம் வீட்டு அடுப்படியில் இருக்கும் பொருட்களையும், வீட்டுக்கு அருகில் நம்மால் கண்டுக்கிடாம இருக்கும் அருகம்புல், அம்மான்பச்சரிசி, குப்பைமேனி, கீழாநெல்லி, முடக்காத்தான் முதற்கொண்டு சென்பகப்பூ, நெய், வாழைத்தண்டு, நெய், தேன் வரை அந்த பொருட்களில் மறைந்திருக்கும் சத்துக்கள் பற்றியும் சொல்லி, அம்மூலிகைகள் கொண்டு சாதாரண தலைவலி முதல் வெண்குஷ்டம் வரை போக்கும் வழிகளை அழகா மருத்துவர் சக்தி சுப்பிரமணியம் அய்யா சொல்றார். அய்யா சொல்ல சொல்ல அந்த மூலிகைகளை பக்குவப்படுத்தி மருந்தாக்கும் முறைகளை அய்யாவோட உதவியாளர் (பேர்தான் தெரில) செய்யுறது நிகழ்ச்சிக்கு கூடுதல் சிறப்பு சேர்க்குது. இந்த குறிப்புகளை எழுதி வெச்சுக்கிட்டா சின்ன சின்ன நோய்களுக்கும் விபத்துகளுக்கும் முதலுதவியை வீட்டுலயே செஞ்சுக்கலாம்...
ஜீ டிவில சனி மற்றும் ஞாயிற்றுக்கிழமை மாலை 6.30 லிருந்து 7.30 வரை அதிர்ஷ்டலட்சுமி ஒளிப்பரப்பாகுது. கமல், மகாலட்சுமி தொகுத்து வழங்குறாங்க. அண்ணன் தங்கையோ, நட்போ, காதலர்களோ எந்த உறவா இருந்தாலும் இரண்டு பேர் கலந்துக்கலாம்.  சின்ன சின்ன விளையாட்டு நிகழ்ச்சிகள் வெச்சு நிகழ்ச்சி நடக்குது. ஏன் ஏன் கத்துறேங்குற ஒரு விளையாட்டுல  ஒருத்தர் காதுல ஹெட்போன்ல பாட்டு போட்டு வெளில இருக்கும் சத்தம் கேக்காத மாதிரி செய்திடுவாங்க. தொகுப்பாளர் கொடுக்கும் வார்த்தைய  இன்னொருத்தர் சத்தமா சொல்லனும். சைகைல உணர்த்த விடாம கைகளை கட்டி விடுவாங்க. சொல்ற வார்த்தைய கண்டுப்பிடிக்க முடியாம திணறுவதும், தப்பா சொல்லி மொக்கை வாங்குறதும் சிரிக்க வைக்கும். நிகழ்ச்சில தோத்தாலும் ஜெயிச்சாலும் ஆண்ட்ராய்டு போன், மிக்சி, வாட்டர் ஃப்யூரிஃபையர்ன்னு கிடைக்கும்.

நியூஸ் 7 டிவில ஃபீனிக்ஸ் பெண்கள்ன்ற நிகழ்ச்சி  ஞாயிறு மாலை 5.30க்கு ஒளிப்பரப்பாகுது.  பொதுவாவே, ஒரு லட்சியத்தை நோக்கி நடைப்போடுவது, அதை அடைவதும் ரொம்ப கஷ்டம். அதுவே பெண்ணுன்னா இன்னும் தடைகள் கூடும். அந்த தடைகளை உடைத்து சாதனை புரிந்த பெண்கள் கலந்துக்கொள்ளும் நிகழ்ச்சிதான் இந்த ஃபீனிக்ஸ் பெண்கள். ஆசியாவின் முதல் பெண்  பேருந்து  ஓட்டுனரான வசந்தகுமாரி, மாதவிடாய் கொடுமை பத்தி ஆவணப்படமெடுத்த கீதா முதற்கொண்டு என்பது வயசுலயும் யோகா செய்து அசத்தும் பாட்டி, வீட்டு வேலை செய்யும் பெண்கள், மெரினாவை சுத்தம் செய்யும் பெண்கள்ன்னு இந்த பட்டியல் நீளுது...
ராஜ் டிவில  திங்கள் முதல் வெள்ளிவரை மாலை 5.30க்கு வெள்ளித்திரை நிகழ்ச்சி ஒளிப்பரப்பாகுது. இது சினிமா சம்பந்தப்பட்ட தகவல்களை கொண்டது.  சினிமா கிசுகிசுக்கள், சினிமா நட்சத்திரங்களின் பேட்டிகள், திரைக்கலைஞர்களின் பயோடேட்டா என இந்த நிகழ்ச்சியின் பட்டியல் நீண்டாலும் இந்த நிகழ்ச்சியோட ஹைலைட்டே ‘அந்த நாள் ஞாபகம்’ன்ற பேர்ல பழைய படங்கள் பற்றிய நினைவுகளை அழகா பகிர்ந்துக்கிறார் சித்ரா லட்சுமணன்.

ஜூனியர் சூப்பர் ஸ்டார், ஜூனியர் சூப்பர் சிங்கர், ஜூனியர் பிரபுதேவா....ன்னு விதம்விதமான தலைப்புகளில் குழந்தைகளை வெச்சு நிகழ்ச்சி நடத்துறது மட்டுமில்லாம நாடகத்துலயும் இப்ப குழந்தைகளை வெச்சு எடுக்குறது அதிகமாகிடுச்சு. ஸ்டேஜ் ஷோவில் மோசமான அங்க அசைவுகள், மோசமான பாடல்கள் வெச்சு பசங்களை கெடுக்குறாங்கன்னா நாடகங்களில் பெரியவங்களுக்கு சமமா சதி செய்யுறமாதிரியும், திருட்டு, காதல்ல துணைப்போற மாதிரியும் காட்டுறாங்க. அதைவிட கொடுமை மாந்த்ரீகம்,  பேய், பிசாசு அமானுஷ்ய நாடகத்துலயும் நடிக்க வெச்சு குழந்தைகள் மனசுல மூட நம்பிக்கை உண்டாக்குறதோடு பேய் பிசாசாவே நடிக்க வைக்குறாங்க. பதினெட்டு வயசுக்கு கீழ இருக்கும் பசங்க வேலை செய்யக்கூடாதுன்ற சிறார் வன்கொடுமை சட்டம் இந்த விசயத்துல எதும் செய்ய முடியாதா?!

தமிழ்மணம் ஓட்டுப்பட்டை தெரியாதவங்களுக்கு....
http://tamilmanam.net/rpostrating.php?s=P&i=1461420
Tamil Nadu kid , India: I am adopting from India, they 31 million children living in the streets. Clearly this gorgeous girl is well taken care of, but there are children in India without parents, hope, or love. Let's work and pray on their behalf for a better future and a loving home <3:
நன்றியுடன்,
ராஜி. 

வெள்ளி, மே 26, 2017

மனைவியை விட்டு கொடுத்துதான் கடவுள் அன்பை பெறனுமா?! - நாயன்மார்கள் கதைகள்


எத்தனை இடர் வந்தாலும் கைப்பிடித்தவளை கைவிடக்கூடாதுன்னுதான் எல்லா மதமும், எல்லா நீதிநூல்களும்,  எல்லா வேதங்களும் சொல்லுது.. ஆனா, கைப்பிடித்தவளை கடவுளுக்காக விட்டுக்கொடுக்க முன்வந்து நாயன்மார்கள் வரிசையில்   இடம்பிடித்தார்... அந்த கதையை பார்ப்போம். 

இயற்கை நியதிக்கு புறமபா நடந்துக்கிட்டதால இயற்பகை நாயனார்ன்னு வந்துச்சான்னு தெரில.  இவரின் சொந்த பேரு தெரில.   ஓயாத உழைப்புக்கும்,விடாமுயற்சிக்கும் எடுத்துக்காட்டாய் விளங்கும் கடலை புறத்தே கொண்டுள்ள ஊரான காவிரிபூம்பட்டினத்தில்  வசித்தவர் இந்த இயற்பகை நாயனார். வணிகக்குலத்தில் பிறந்து செல்வத்தில் மிதந்தாலும் சிவப்பெருமான் மீதும், சிவனடியார் மீதும் மாறா பக்தி கொண்டு  வாழ்ந்து வந்தவர். சிவனடியார்களுக்காக எதையும் கொடுக்கவும், செய்யவும் சித்தமாய் இருப்பார். 

இயற்பகையார் மகிமையை உலகம் அறிய வைக்கும் பொருட்டு சிவனடியார் வேடம் பூண்டு சிவனே இயற்பகையாரின் இல்லம் நோக்கி வந்தார்.  சிவனடியாரை கண்டதும் ஆனந்த கூத்தாடினார் இயற்பகையார். பாதபூஜை செய்து,  வீட்டினுள் அழைத்து சென்று ஆசனத்தில் அமரச் செய்து சிரம பரிகாரம் செய்வித்தார். சிரமபரிகாரங்கள் முடிந்ததும் அடியாரே! தங்களுக்கு  என்ன வேண்டுமென வேண்டி நின்றார் இயற்பகையார்.

தான் வந்த வேலை இன்னும் சுலபமாகிப்போனதை எண்ணி மகிழ்ந்த அடியவர் வேடம் பூண்ட ஈசன், அடியவர் எது கேட்பினும் நீர் மறுக்காமல் செய்பவர் என கேள்விப்பட்டதால்  நான் வேண்டுவனவற்றை பெற  உம்மை நாடி வந்தோம்’ என கூறினார்.  

ஐயனே! தாங்கள் கேட்பது எதுவாக இருப்பினும் நான் தர சித்தமாய் உள்ளேன். என்னிடமுள்ள எதும் எனதல்ல. எல்லாமே அந்த ஈசன் தந்தது. அவன் தந்ததை அவன் அடியாருக்கு அளிப்பதில் எவ்வித தயக்கமுமில்லை என பணிந்து நின்றார். 

இல்லை, நான் கேட்க இருப்பது இயற்கை நியதிக்கு  மாறுபட்டது. நான் கேட்டப்பின் நீ மறுத்தால்..... எனக்கூறி சென்றார் சிவனடியார்.  அவர் பேச்சை இடமறித்த இயற்பகையார், எதுவாகினும் கேளுங்கள். தர சித்தமாய் உள்ளேன்.  இது அந்த ஈசன்மீது சத்தியம் என கூறினார். 

உன்னுடைய மனைவி அழகில் மயங்கிவிட்டேன். அவள் எனக்கு வேண்டும். அவளை என்னோடு அனுப்பி வை என்று  தன் நோக்கத்தை முன்வைத்தார் சிவனடியார். மனைவியை வெட்டி போட்டாலும் போடுவாங்களே தவிர  எந்த சூழ்நிலையிலும் மனைவியை அடுத்தவருக்கு விட்டு தர மாட்டார்கள். ஆனா, இயற்பகையார் விட்டுத்தர முன்வந்தார். சிவனடியாரே! என்னிடம் இல்லாத பொருளை கேட்டு என்னை தர்மசங்கடத்தில் ஆழ்த்துவீர் என நினைத்து கலங்கி நின்றேன். ஆனால், அப்படி ஒரு நிர்ப்பந்தத்தில் ஆழ்த்தவில்லை.  என் மனைவியை தங்களோடு மகிழ்ச்சியோடு அனுப்பி வைக்கிறேன் என கூறி வீட்டினுள் சென்றார்.

மனைவியிடம் நடந்ததை சொல்லி, சிவனடியாருடன் செல்ல மனைவியை பணித்தார்.  இயற்பகையாரின் இயல்பை நன்கு அறிந்திருந்த அவரது மனைவி கணவனின் பேச்சுக்கு மறுப்பு சொல்லாமல் அவர் விருப்பத்திற்கு இணங்கி சிவனடியாருடன் செல்ல தயாரானாள்.  மனைவியை சிவனடியாரிடம் ஒப்படைத்து அழைத்து செல்க என பணிந்து நின்றார்.
  


சிவனடியாரும், இயற்பகை நாயனாரின் மனைவியும் சேர்ந்து நடக்கலானார்கள். சில அடிகள் நடந்தப்பின் எதையோ யோசித்தவாறு நின்று,  இயற்பகையாரை தன் பக்கம் அழைத்தார்.  எதற்கு நின்றார்?! ஏன் அழைக்கிறார் என புரியாமல் பதறி அடித்து சிவனடியாரிடம் ஓடி ’வேறு எதாவது வேண்டுமா” என கேட்டார் இயற்பகை நாயனார், 

அதற்கு அடியவர் வேடம் பூண்ட சிவன், ‘ஒன்றுமில்லை, இந்த ஊரில் உனது உற்றார், உறவினர்கள் வசிக்கின்றனர். அவர்கள் நான் உன் மனைவியை அழைத்து செல்வதை பார்த்து ஊரை கூட்டி எனக்கு இடையூறாக இருக்கக்கூடும்.  ஆகவே, ஊர் எல்லை வரை நீ எனக்கு துணையாக வந்தால் நல்லது என நினைக்கிறேன் என்றார்.

சுவாமி! இதுப்பற்றி நானே யோசித்திருக்க வேண்டும். ஆனால் அவ்வாறு செய்ய தவறிவிட்டேன். நீங்கள் நினைத்தது சரிதான். நான் உங்களுடன் உங்களுக்கு காவலாக  நானே வருகிறேன் என வாளும், கேடயமும் எடுத்துகொண்டு அவர்களோடு கிளம்பினார்.  சிவனடியார் முன் செல்ல, அவரைத்தொடர்ந்து இயற்பகையாரின் மனைவியும் பின் இயற்பகையாரும் சென்றனர். இதற்கிடையில் வேலையாட்கள் மூலம் நடந்ததை கேள்விப்பட்ட இயற்பகை நாயனாரின் உறவினரும், ஊர்க்காரங்களும் இவர்கள் மூவரையும் தடுத்து நிறுத்தினர். 



இயற்பகை நாயனாரை நோக்கி, அடே மூடனே! எவரும் செய்ய துணியாத காரியத்தை செய்ய துணிந்து ஊருக்கும், உறவுகளுக்கும், உன் மனைவிக்கும் களங்கத்தை ஏற்படுத்த பார்க்கிறாயா?! இப்போதே உன் மனைவியை வீட்டிற்கு அழைத்து செல் என ஊரார் கூச்சலிட்டனர்.   அடியவர் விருப்பத்திற்கு மாறாக என்னை நடக்க சொல்லும் உங்கள் அனைவரையும் கொன்றொழிக்க தயங்க மாட்டேன் என சூளுரைத்து எதிர்த்து நின்றவர்களை வாளால் வெட்டி வீழ்த்தினார். தப்பி ஓடியவர்கள் பிழைத்தனர். அந்த இடமே மயானக்கோலம் பூண்டது. எங்கும் மரண ஓலம்.  

எது எப்படியாகிலும் சிவனடியார் இயற்பகையாரின் மனைவியோடு  ஊர் எல்லையான சாயாவனம் வரை வந்துவிட்டார். அங்கு அவர்களை எதிர்க்க ஆள் இல்லை. எனவே, இயற்பகையாரை நோக்கி, இனி, உமது காவல் எனக்கு தேவை இல்லை. நீர் திரும்பி உமது ஊருக்கு செல்லுமென கட்டளையிட்டார். அவரது வாக்கை வேதவாக்காக கருதி இயற்பகையார் சிவனடியாரை வணங்கி விடைப்பெற்று அங்கிருந்து கிளம்பினார். அப்படி போகும்போது தன் மனைவியை நிமிர்ந்து கூட பாராமல் அதேநேரம் சிறிதும் சலனமின்றி அங்கிருந்து புறப்பட்டார். அவரது செய்கை சிவனடியார் உருவில் இருந்த சிவப்பெருமான் மனம் மகிழ்ந்து, இயற்பகையாரின் பக்தியை எண்ணி இன்புற்றார். 



இயற்பகையார் கொஞ்ச தூரம் கடந்து வந்துவிட்ட நிலையில், இயற்பகையாரே! காப்பாற்றுங்கள் என ஓலம் கேட்டு பதறியடித்து வந்த வழியே ஓடினார்.  ஐயனே! தங்களுக்கு தீங்கிழைப்பவர் யாராகினும் அவர்களை கொன்றொழிப்பேன் என கத்தியபடியே ஓடினார். அங்கு தன் மனைவி மட்டும் தனித்திருப்பதை கண்டு குழம்பி சிவனடியாரை அங்குமிங்கும் தேடினார். 

அப்போது பேரொளி விண்ணில் எழுந்ததோடு கூடவே சிவனடியாரின் குரலும் ஒலித்தது.   இயற்பகையாரே! உம்மை சோதிக்கவே காமாந்தகாரனாக யாம் வந்தோம். ஊரார் தடுத்தும், எம் இயல்பை எடுத்து கூறியும், உலக மாந்தர்களின் இயல்பான சுபாவத்திலிருந்து மாறியதோடல்லாமல் எத்தனை பேர் தடுத்தும்  நீர் கொண்ட கொள்கையில் மாறாமல் உறுதியாக நின்றீர். சிவனடியாரை உபசரிக்கும் உமது பண்பு கண்டு இவ்வுலகம் வியக்கும். அதை உணர்த்தவே யாம் இங்கு வந்தோம் எனக்கூறி நீரும், உமது பேச்சை மீறாத  உமது மனைவியும், உங்கள்மீது அன்புக்கொண்டு உம்மை காப்பாற்ற வந்த உமது உற்றார் உறவினர்களும் சிவலோகம் வந்தடைவீர் என அருள் புரிந்தார்.  இயற்பகையார் மெய்சிலிர்த்து நின்றார். அவர்மீதும் அவர் மனைவி மீதும் விண்ணவர் பூமாரி பொழிந்தனர். அனைவரும் சிவனடி சேர்ந்தனர். 

இயற்பகை நாயனாரின் குருபூஜை மார்கழி மாதம் உத்திரம் நட்சத்திரமாகும்....


பின்குறிப்பு: இயற்பகை நாயனார் கதையை கேட்கும்போது அப்படியே பத்திக்கிட்டு வந்துச்சு. இது நாயன்மார்கள் வரிசையில் வரும் பதிவுங்குறாதால இத்தோடு விடுறேன். இயற்பகையார்  பத்திய விமர்சனத்தை வேற பதிவில் பதிகிறேன். விவாதிக்கலாம் வாங்க

தமிழ்மணம் ஓட்டுப்பட்டை தெரியாதவங்களுக்காக....
http://tamilmanam.net/rpostrating.php?s=P&i=1461305

நன்றியுடன்,
ராஜி.

வியாழன், மே 25, 2017

கமல் கடாய்ன்னு ஏன் பேர் வந்திருக்கும்?! - கைவண்ணம்


எனக்கு எம்ப்ராய்டரி செய்ய ரொம்ப பிடிக்கும். அதுல கமல் கடாய் தையல்ன்னா (இந்த பேர் எதுக்கு வந்துச்சுன்னு யாராவது சொல்லுங்களேன்)  ரொம்ப பிடிக்கும். பசங்களுக்கு இந்த வேலைப்பாட்டுல சுடிதார் தைச்சு கொடுத்தேன். ஆனா, எனக்கு இந்த வேலைப்பாடுல சேலை ஒன்னு வேணும்ன்னு ரொம்ப நாள் ஆசை. அதான் ஆரம்பிச்சு முடிச்சாச்சு.  
சங்கிலி தையலும், கமல் தையலும் சேர்ந்த வேலைப்பாடு ... கிட்டத்தட்ட ஒரு மாசமாச்சு முடிக்க....
 இந்த தையலுக்கு கோன் த்ரெட்ன்னு சொல்லுற இந்த நூல்தான் சரிப்பட்டு வரும். எல்லா நிறத்திலும் ஒரே கண்டுல நிறைய நிறங்கள் சேர்ந்தும் வருது.
இதான் தையல் பழக தேவையான கோடுகள்... 
 துணிக்கு அடியிலிருந்து  ஒ புள்ளி வழியா நூலை மேல எடுக்கனும்...

 அடுத்து  ஏ வழியா ஊசியை துணிக்குள் விட்டு, பி வழியா ஊசியை எடுக்கனும்.
பி லிருந்து  மறுபடியும் ஓ வழியா ஊசி நூலை துணிக்கடியில் எடுக்கனும்....
 ஓ புள்ளியிலேயே கொஞ்சம் தள்ளி மீண்டும் ஓவிலேயே நூலை வெளில எடுத்து சி புள்ளியில் ஊசியை நுழைச்சு டி வழியா ஊசி நூலை எடுக்கனும்...
டி புள்ளியிலிருந்து மறுபடியும் ஓ புள்ளியில் ஊசியை நுழைச்சு, கொஞ்சம் தள்ளி ஓ புள்ளியிலேயே ஊசிய துணிக்கு மேல எடுக்கனும். அப்படி எடுத்து ஈ புள்ளியிலிருது எஃப் புள்ளிக்கு போய் மீண்டும் ஓ புள்ளியில் ஊசியை நுழைச்சா மேல இருக்குற மாதிரி நூல் அமையும்.  இந்த நூல் நல்லா டைட்டா இருக்குற மாதிரி பார்த்துக்கனும்...
நான் சொன்ன மாதிரி செஞ்சா துணிக்கு பின்னாடி இப்படி வரும். எம்ப்ராய்டரி டிசைன் எப்படி  அழகா இருக்குமோ அதே மாதிரி துணிக்கு பின்பக்கமும் நீட்டா முண்டும் முடிச்சுமா இல்லாம சுத்தமா அழகா இருக்கும்... இருக்கனும்.
 ஊசியை துணிக்கடியிலிருந்து மேல எடுத்து ஈ புள்ளி மேல ஊசி, சி புள்ளி நூலுக்கு கீழ நூலு, ஏ புள்ளிக்கு கீழ நூலுன்னு மாத்தி மாத்தி  ஆறு நூலிலும் நூலை கோர்த்துக்கிட்டே போகனும். பாய் பின்னுற மாதிரி...
 ஆறு நூல் முடிஞ்சதும் அடுத்து நாலு நூல்லயும் இதேமாதிரி மாத்தி மாத்தி நூலை கோர்த்துக்கிட்டே வரனும்...
 நாலு நூல் முடிஞ்சதும் ரெண்டு நூல் வழியா மாத்தி மாத்தி கோர்த்துக்கிட்டு வரனும்...
முடிந்த நிலையில் இப்படிதான் இருக்கும் கமல் கடாய் தையல்...
பல நிறத்தாலான கோன் த்ரெட்ல கமல் கடாய் எம்ப்ராய்டரி.... இது என் கொழுந்தனார் மகள் சேலையில் ஆரம்பிச்சிருக்கும் வேலைப்பாடு... முடிஞ்சதும் பதிவிடுறேன்...
சேலையின் முந்தி, பார்டர்லாம் ஒரே படத்தில்...

ஏற்கனவே செஞ்ச கமல் வொர்க்கை இங்க போய் பாருங்க.... 

நாளைக்கு இயற்பகை நாயனார்  பத்தி தெரிஞ்சுக்கலாம்...

தமிழ்மணம் பட்டை தெரியாதவங்களுக்காக...

நன்றியுடன்,
ராஜி.

புதன், மே 24, 2017

மரணத்தாலும் கைவிடப்பட்டவள்

கொஞ்ச நாட்கள்  முன் உடல்நிலை மோசமான காரணத்தால் மருத்துவமனையில் அனுமதிக்கப்பட்டு இருந்த சமயம் அது. நினைவு வருவதும் போவதுமாய்..... நினைவு வந்தபோது வலியின் கொடுமை தாளாமல் கதறல். என் சத்தத்திலிருந்து மருத்துவமனையை காப்பாத்த நர்சம்மா ஒருத்தங்க  மயக்க ஊசி போட்டாங்க.  சிறிது நேரத்தில் உடலெல்லாம் கனத்து என் எடை என்னாலே தாங்க முடியாததை போல ஒரு உணர்வு. வேண்டியவர்கள் யாராவது கிட்டக்க  இருக்காங்களான்னு கண்களை சுழற்றி பார்த்தேன். பின்புதான் உரைத்தது..., சிகிச்சை அறையில் நான் மட்டுமே இருப்பது...,


ஏதேதோ நினைவுகளின் தாக்கத்தினால் எழுந்த இயலாமையால் கண்ணீர் சுரந்து வழிந்தோடி தலையணை நனைகிறது. கண்ணீர் காதில் நுழைந்து குறுகுறுக்க, அதை துடைக்க கைகளை தூக்க முயல கைகள் மேலெழவில்லை. 

இறைவா! எத்தனை சொந்தம் எனக்குள்ளது இப்படி என்னை கண்ணீர் துடைக்க கூட ஆளில்லாமல் அனாதைப் போல் கிடத்திவிட்டாயே!ன்னு மனதில் ஒரு கூப்பாடு. நா வரளுது, தண்ணீர் தர ஆளில்லை. விரக்தியின் விளிம்பிலிருந்தாலும் உயிர் பயம் ஆட்டி படைக்கிறது. கைப்பிடித்து ஆறுதல் சொல்ல ஆள் இல்லை. நான் கொண்ட நட்பு, காதல், நேசம், சண்டை அழுகை, வெற்றிக் களிப்பு, பெருமிதம், அவமானம், விருப்பு, வெறுப்பு, ஆசை எல்லலாமே வந்து கண்முன் என்னை எள்ளி நகையாடுகிறது. இப்போ என்ன உன்னால் செய்ய முடியும் என என் முன்னால் வந்து நின்று அரூபமொன்று  கொக்கரித்து எள்ளி நகையாடுது.
Pinterest                                                                                                                                                                                 More:
என்ன நரக வேதனை இது? நீ யார்? என்று மனது அருகில் நின்ற உருவத்திடம் கேட்க, நான் ’உன் விதி’ என்கிறான். மரணம் நேரப் போகிறதா எனக்கு?!  சொர்க்கம் செல்வேனா?! நரகம் செல்வேனா?! என் வாழ்வில் அறிய முடியா ரகசியங்களை இப்போதாவது அறிவேனா?! மண்ணும்மாறுகின்ற விண்ணும்,பூவும்புல்லும்மனித பசிக்களும் இன்னும்எனக்கு   அலுத்துவிட்டது.  வீடு, வாசல், தோட்டம், துறவு, பெற்றோர், இணை, பிள்ளைகளை விட்டு வர ஆயத்தமாகிறேன்.  இல்லை,  உன் காலம் முடியவில்லை என கூட்டிப்போக மறுக்கிறான். 

to_the_moon_by_sylar113:
கெஞ்சுகிறேன்... இரஞ்சுகிறேன்.... ம்ஹூம் மசியவில்லை. வாதங்கள் தொடர்கிறது. கைப்பிடிக்கிறேன், கை உதறிவிட்டு செல்கிறான்.  துக்கம் தொண்டையை அடைக்க மூச்சுவிடக்கூட சிரமப்பட தலைக்கோதி ஆறுதல் சொல்ல ஆள் இல்லை. 

திக்கவற்றவருக்கு தெய்வமே துணை என இறைவனை தொழ, பெரும் வெளிச்சத்தோடு அவனும் கீழிறங்கி வருகிறான். என்னவென்று கேட்பவனிடம் விதியின்  வாதத்தை எடுத்து சொல்கிறேன். இவனும் ஆன்மா, கர்மா, வினைன்னு ஏதேதோ பிதற்றுகின்றான். 

Je veux voir les lignes du vents:
என்னால் பாசம், அன்பு, துரோகத்தை தினம் தினம் சந்திக்கும் தெம்பில்லை.  கைக்கொடுக்க உடன்பிறந்தார் யாருமில்லை என்னை அழைத்து செல் என்கிறேன்.  வலியோடு இருக்கத்தான் உன்னை தனியாய் படைத்தேன் என்கிறான்.  காதல், அன்பு, சிரிப்பு, கோவம், பயம் மாதிரி வலியும் ஒரு உணர்வே.

என்னை வலியோடு இருக்க பணிக்க நீ யார்?!   எனக்கு கடவுளாய் வாய்த்தது உன் குற்றம்.    உன்னை நம்பிய குற்றத்திற்கு  நீ வலியை பரிசாய் தந்தால்  அதையும் ஏற்றுக்கொள்வேன்..  மனம் மரத்தவளுக்கு எல்லாமே ஒன்றுதான்...
¿Japón? / Japan?:
எத்தனை மணித்துளிகள் இந்த போராட்டமோ தெரியாது. கண்விழிக்கையில் இலவம்பஞ்சாய் மாறிய மனம் கடவுள் தந்த பரிசான வலியுடன் கூடிய வாழ்க்கையை வாழ பூமி பந்தை எதிர்கொண்டது.

அம்மா! அழுதப்படியே சொன்னாள்... ’நீ செத்து பிழைச்சேடி’ன்னு.....

நான் சொன்னேன்....  இல்லம்மா.... பிழைச்சு தினம் தினம் சாகப்போறேன்னு....

#தமிழ்மணம் ஓட்டுப்பட்டை தெரியாதவங்களுக்காய்..
http://tamilmanam.net/rpostrating.php?s=P&i=1461076

The Art Of Animation, Sylar113:
நன்றியுடன்,
ராஜி.

செவ்வாய், மே 23, 2017

மெதுவடையில் ஓட்டை ஏன் போடுறாங்க?! - கிச்சன் கார்னர்

உளுந்து அல்லது உழுந்துன்ற  செடில இருந்துதான் உளுத்தம்பருப்பு கிடைக்குது.  உழுந்து என்பது சங்க இலக்கியங்களில் உளுதின் பெயராகும். இது தெற்காசியாவிலிருந்து இந்தியாவிற்கு வந்த உளுத்தம்பருப்பு இந்தியர்களின் குறிப்பாக தென்னிந்தியாவின் தினசரி உணவுகளில் முக்கியம் இடப்பிடித்துள்ளது.  இட்லி, தோசை, வடை, முறுக்கு, வடை, களின்னு தமிழர் உணவுகளில் உளுத்தம்பருப்பு இடம்பெறுது.    தோல் நீக்கிய உளுத்தம்பருப்பைவிட தோல் நீக்காத கருப்பு உளுந்தில் சத்துகள் அதிகம் உள்ளது.

நீண்ட நாள் நோயின் தாக்கத்திலும், மருத்துவமனையிலும் இருந்துவந்தவர்கள் உடல்பலம் பெற இப்பருப்பு பெருதும் உதவுது.  கஞ்சியாகவும், களியாகவும், இட்லியாகவும் எந்த வயதினரும், எந்த நோயின் பிடியிலிருந்தாலும் உட்கொள்ளலாம்.  எலும்பு, தசை, நரம்புகளின் ஊட்டத்திற்கு உளுந்து பெரிதும் பயன்படுது.
பொதுவாய் உளுந்து நீர்ச்சத்து நிறைந்துள்ளதால் குளிர்ச்சியை தரக்கூடியது. கருப்பு உளுந்துடன், தவிடு நீக்காத பச்சரிசி, சுக்கு, வெந்தயம் சேர்த்து அரைத்து களி செய்து பனைவெல்லத்துடன் சேர்த்து சாப்பிட்டா தூக்கமின்மை, ஓயாத உழைப்பு, மன உளைச்சலால் வரும் உடல்சூட்டை சரிச்செய்யும்.
தோல் நீக்காத கருப்பு  உளுந்தை காய வைத்து  அரைத்து தேன் கலந்து சாப்பிட்டு வந்தால் தாது விருத்தியாகும். நரம்புகளும் புத்துணர்வு பெறும். உளுந்தை காயவைத்து அப்படியே அரைத்து அதனுடன் தேன் கலந்து சாப்பிட்டுவந்தால் தாது விருத்தியாகும். நரம்புகளும் புத்துணர்வு பெறும். உளுந்தை ஊறவைத்து வடை செய்து சாப்பிட்டால் உடலுக்கு குளிர்ச்சியை தருவதோடு பசியையும் போக்கும்.  

எலும்பு, தசை முறிவு மற்றும் ரத்தக்கட்டிகள் குணமாக உளுந்து சிறந்தது. உளுந்தை நன்கு பொடி செய்து சலித்து அதோடு தேவையான அளவு முட்டையின் வெள்ளைக்கருவை சேர்த்து கலந்து கலக்கி அடிப்பட்ட இடத்தில்  தடவி கட்டு போட்டால் ரத்தக்கட்டு குணமாகும். 

இடுப்பு எலும்பு வலுப்பெற உளுந்து களி  தினமும் சாப்பிட்டு வந்தால் பலம் பெறும். வளரும் பிள்ளைகளுக்கு இட்லி பெரும்பங்கு வகிக்கிறது. எந்த சூழ்நிலையிலும் சாப்பிடலாம்.  நாற்பது வயது நெருங்கும் பெண்களுக்கும், பருவம் அடைந்த வளரிளம் பெண்களுக்கும் உளுந்து கஞ்சி உடல் ஆரோக்கியத்துக்கும் நல்லது. பூப்பெய்திய பெண்களுக்கு உளுந்து கஞ்சியும், களியும், லட்டும்  கொடுப்பது வழக்கம். 
இனி  மெதுவடை செய்யும் முறையை பார்க்கலாம்....:

தேவையான பொருட்கள்...
உளுத்தம்பருப்பு,
ப.மிளகாய்,
இஞ்சி,
உப்பு,
சமையல் எண்ணெய்,
கறிவேப்பிலை கொத்தமல்லி..

உளுத்தம்பருப்பை இரண்டு மணி நேரம் ஊறவைக்கவும்...

ப.மிளகாய், இஞ்சியை சுத்தம் செய்து உளுத்தம்பருப்போடு  உப்பு சேர்த்து லேசா தண்ணி தெளிச்சு அரைச்சுக்கோங்க.

அத்தோடு பொடியா நறுக்கிய வெங்காயம் சேர்த்துக்கோங்க...

சுத்தம் செய்து பொடியாக நறுக்கிய கறிவேப்பிலை, கொத்தமல்லி சேர்த்து நல்லா பிசைஞ்சுக்கோங்க..

வட்ட வடிவமா தட்டி...



வாணலில எண்ணெய் ஊத்தி காய்ஞ்சதும் போட்டு ரெண்டு பக்கமும் சிவக்க விட்டு எடுத்தா ....... 

சுவையான மெதுவடை தயார்,....  உளுந்தை ஒன்றிடண்டா அரைச்சு மிளகு சேர்த்து வடை சுட்டெடுத்தால் மொறுமொறுப்பா ருசியா இருக்கும்..  மீந்துடுச்சுன்னா கவலைப்படத்தேவை இல்ல. லேசா சுடவெச்சு  தயிர்வடை, சாம்பார்வடையா  மாத்திடலாம். மோர்க்குழம்பிலும் போட்டு சாப்பிடலாம். உளுந்தை வெச்சு செய்யும் வடை ரொம்ப ஸ்பெஷல். இந்த வடையை ரசம், சாம்பார், தயிர்ன்னு எதுல போட்டாலும் அதோட ருசியை தனக்குள்  இழுத்துக்கிட்டாலும் வடையோட ருசில இருந்து மாறாது.   நம்மை சுற்றி இருக்கும்   விஷயங்களை கிரகிச்சு  சேர்த்து பல்கலை வித்தகராய் விளங்கினாலும் நம்மோட தனித்தன்மையை மாத்திக்கக்கூடாதுன்னு சொல்லாம சொல்லுது இந்த வடை.

இனி டிப்சுக்கான நேரம்.....

உளுந்தை ரொம்ப நேரம்  ஊற வெச்சா வடை எண்ணெய் இழுக்கும்... உளுந்தோடு கொஞ்சம் பச்சரிசி சேர்த்துக்கிட்டா வடை மொறுமொறுப்பா இருக்கும். வடை மாவுல தண்ணி அதிகமாகிட்டா அரிசி மாவு சேர்த்துக்கலாம். இல்லன்னா அப்பளத்தை ஊறவெச்சு அரைச்சு சேர்த்துக்கலாம்...   வடை தின்னா ஏப்பம் வரும். செரிக்காது. நெஞ்சு எரிச்சல், எண்ணெய்ன்னு  சொல்வாங்க. ஆனா அது அளவுக்கு மிஞ்சினால் அமிர்தமும் நஞ்சு. அதனால ஒன்னிரண்டு எடுத்துக்குறதுல ஒன்னும் ஆகிடாது. 

பருப்பு வடையில் ஏன் ஓட்டை போடலை, உளுந்து வடையில் ஏன் ஓட்டை போடுறாங்கன்னு விஜய் மதுர படத்துல குடிச்சுட்டு கலாய்ப்பார். மெதுவடையில்ஓட்டை  போட காரணம்.... உளுந்து மாவு பிசுபிசுப்பா இருக்குறதாலயும்  கொஞ்சம் தடிமனா வடை பொறித்தால் சீக்கிரத்துல வேகாது. அதனால, சீக்கிரம் வேக வடை தட்டும்போது ஓட்டை போடுவாங்க. அந்த ஓட்டை வழியாவும் எண்ணெய் உள்ள போய் சீரா வேகும்.... இதான் மெதுவடைல ஓட்டை போட காரணம்...

தமிழ்மணம் ஓட்டுப்பட்டை தெரியாதவங்களுக்காக....
http://tamilmanam.net/rpostrating.php?s=P&i=1460911
நன்றியுடன்,
ராஜி.

ஞாயிறு, மே 21, 2017

ஒருவருக்கு 24 ஆசிரியர்களா!? - தத்தாரேயர் ஜெயந்தி


Bala Swaroopa of Shri Adiguru Dattatreya  (via Shree Kshetra Ganagapur):
சிவன், பிரம்மா, விஷ்ணுவின் அம்சத்தோடு ஒரு பிள்ளை வேண்டுமென அத்ரி, அனுசுயா தம்பதிகள் விரும்பி மும்மூர்த்திகளையும் வேண்டி நின்றனர். இச்சா, கிரியா, ஞான சக்தியாகிய மூன்று சக்திகளுக்கும் அப்பாற்பட்ட நிர்க்குணப்பரம்பொருளை குறிக்கும் பெயரே அத்ரி.. அனுசுயா என்பதற்கு பொறாமை, அசூயை, வெறுப்பு போன்ற தீய குணங்கள் இல்லாதவள்ன்னு பொருள்.. தத்த என்றால் வழங்கப்பட்டது என்று பொருள். சுய லாபமில்லாத தியாகத்தை உணர்த்துது. அத்ரி முனிவரின் மகன் என்பதால் ஆத்ரேயர் என்றும் சேர்ந்து தத்தாத்ரேயர் என்று பேர் வந்துச்சு.
Sadguru Dattatreya, the first guru to take a body.  Usually depicted as the Male Trinity:
இவர் மிக இளம் வயதிலேயே பிரம்மச்சரியத்தை கடைப்பிடிக்க வீட்டை விட்டு வெளியேறி, பிரம்ம ஞானத்தை அடைய பல இடங்களை சுற்றி கர்நாடகா மாநிலத்தில் உள்ள கங்காபுரத்தில் பிரம்ம ஞானத்தை அடைந்தார். இவரது பத்தினியின் பெயர் அனகா தேவி. ஆந்திராவில் அனகா தேவி விரதம் சிறப்பாக அனுஷ்டிக்கப்படுது.இந்த விரதம்  கணவன் மனைவி ஒற்றுமை பலப்பட அனுஷ்டிக்கப்படுது. வட இந்தியாவில் தத்தாத்ரேயர் விரதம் பரவலாக அனுஷ்டிக்கப்படுது.

Lord Dattatreya Trinity Wallpaper-guru datt-guru-giranar-girnari-parikrama:
இனி தத்தாத்ரேயர் அவதாரம் பற்றி பார்ப்போம்...
Birth of Dattatreya:
மும்மூர்த்திகளே பிள்ளையாய் வரவேண்டி பதிவிரதையான அனுசுயா தவமிருந்ததால் அவளின் வேண்டுதலுக்கு செவிசாய்க்க வேண்டிய கட்டாயத்தில் மும்மூர்த்திகளும் இருந்தனர். இதுக்குறித்து தங்கள் பத்தினிகளான பார்வதிதேவி, சரஸ்வதி, லட்சுமி ஆகியோரிடம் ஆலோசித்தனர். பெண்களுக்கே உண்டான பொறாமை குணத்தோடு, அனுசுயா சிறந்த பதிவிரதைதான் என்று நிரூபித்தப்பின் அவள் கேட்கும் வரத்தை கொடுங்கள் என்று கூறினர். அனுசுயாவின் பதிவிரதத்தை நிரூபிக்கும் பொருட்டு அனுசுயா இல்லம் நோக்கி சென்றனர். அப்போது அத்ரி முனிவர் வெளியில் சென்றிருந்தார்.
தங்கள் இல்லம் தேடி வந்தவர்கள் மும்மூர்த்திகள்ன்னு அறியாவிட்டாலும், விருந்தோம்புதல் இல்லாளின் முக்கிய கடமையாதாலால் அவர்களை வரவேற்று ஆசனத்தில் அமர்த்தி அறுசுவை சமைக்க சென்றாள். உணவு சமைத்து, உணவு பரிமாற ஆயத்தம் செய்து  மும்மூர்த்திகளையும் அழைத்து மனையில் அமர்த்தி உணவு பரிமாற சென்றாள். அப்போது, மும்மூர்த்திகளும் அம்மா! நாங்கள் உணவு உட்கொள்ள வேண்டுமெனில் ‘நிர்வாண நிலையில்தான் நீ உணவை பரிமாற வேண்டுமென ‘ கூறினர். அனுசுயா ஒருகணமும் யோசியாமல் தன் கணவனின் கமண்டலத்திலிருந்து நீர் எடுத்து மும்மூர்த்திகளின் மேல் தெளித்து அவர்களை குழந்தையாக்கி உணவூட்டினாள். 
Lord Dattatreya Mantra or Datta Mala Mantra  is a very oowerful beej mantra. You can chant it 108 times for prosperity, goodluck and Blessing of Dutt Guru.:
அனுசுயாவின் கற்பை பரிசோதிக்க சென்ற தங்கள் கணவன்மார்கள் வராததை அறிந்து கலக்கமுற்ற முப்பெரும்தேவியர்கள் அனுசுயா இல்லம் நோக்கி வந்தனர். அங்கு உலக உயிர்களை தங்கள் குழந்தையாய் பாவித்து காக்கும் மும்மூர்த்திகளும் குழந்தையாய் இருப்பதை கண்டு திகைத்து அங்கு நடந்ததை உணர்ந்து, தங்கள் கணவன்மார்களை திருப்பி தருமாறு அனுசுயாவை வேண்டி நின்றனர்.   அனுசுயாவும் மும்மூர்த்திகளையும் முன்போலவே மாற்றி தந்தாள். அனுசுயாவின் கற்பு நெறியை மெச்சி மும்மூர்த்திகளும் அனுசுயாவின் மகனாக தத்தாத்ரேயர் அவதரித்தார்.
Lord Dattatreya Trinity Wallpaper-guru datt-guru-giranar-girnari-parikrama:
மூன்று திருமுகங்கள், ஆறு திருக்கரங்களுடன் காட்சியளிக்கிறார் தத்தாத்ரேயர்.  சிவன் அம்சமாக சூலம், சங்கும், பிரம்மா அம்சமாக கமண்டலமும், துளசி மாலையும், விஷ்ணு அம்சமாக சங்கு சக்கரம் தாங்கி காட்சி தருகிறார். நான்கு வேதங்களும் நாய்களாகவும்,  தர்ம நெறிகளும் பசு உருக்கொண்டு இவர் அருகில் இருக்கின்றது.   தத்தாத்ரேயரை வாங்கினால் ஞானம்,மோட்சம்,நற்குணங்களை பெறலாம்.இவர் மந்திரம் ஞாபக  சக்தியை தரும்.குழந்தை இல்லாதவர்கள் இவரை வணங்கினால் குழந்தை பாக்கியம் கிடைக்கும். குழந்தைகளுக்கு நினைவாற்றல் கூடும். கணவன் மனைவி ஒற்றுமை பலப்படும். வீட்டில் இன்பம் பெருகும்.

இவரை வழிப்பட கடுமையான விரத முறைகள் ஏதுமில்லை. ஒரு மிட்டாய்க்கு தாவி வரும் பிள்ளைப்போல இவரை உள்ளன்போடு நினைத்து காயத்ரி மந்திரத்தை ஜபித்தாலே போதும். நினைத்தது நடக்கும்.
Vedic Astrology - Acharya Priti Bhargava | This blog is in praise of Bhagwan Shiv Shankar : http://www.vedic-astrology.co.in:
ஒருநாள் யது என்ற மன்னன் காட்டிற்கு வேட்டையாட சென்றான். அங்கு , தத்தாத்ரேயர் மிகுந்த மகிழ்ச்சியோடு இருந்தார். அதைக்கண்டு ஆச்சர்யமுற்ற மன்னன், ஐயா! ஒரு குடையின் கீழ் உலகை ஆண்டு பொன், பொருள், அந்தஸ்து, அதிகாரம் இருந்தும் மகிழ்ச்சியற்ற நிலையில் இருக்கின்றேன்.ஆனால், தாங்களோ ஏதுமற்ற நிலையிலும் மகிழ்ச்சியோடு இருக்கிறீர்களே எப்படி?! ஏதுமில்லாமலும் மகிழ்ச்சியாய் இருக்க உங்களை பண்படுத்திய குரு யார்?! என வினவினான். அதற்கு, தத்தாத்ரேயர் மன்னா! எனக்கு மொத்தம் இருபத்தி நான்கு குருக்கள். அவர்களிடமிருந்து கற்ற பாடமே என்னை இப்படி மகிழ்ச்சியுள்ளவனாக ஆக்கியுள்ளது என்றார். 
Lord Dattatreya (Vishnu) is worshipped in a very graceful householder's avatar in addition to the famously known ascetic forms. This very form is called as Anagha Swami, where His consort is called Anagha Devi - She who can make all of us cross this ocean of bondages and Karma. http://www.dycuk.org/newsletters/anaghastami2011.html:
ஐயா! எனக்கு விளங்கவில்லை. ஒருவருக்கு ஒரு குருதானே இருக்க முடியும்?! விதிவிலக்காக சிலருக்கு இரண்டு அல்லது மூன்று குருக்கள் இருக்கலாம். ஆனால், தாங்கள் இருபத்தி நாலு குருக்கள் என்று உரைப்பது ஆச்சர்யத்தையும், சந்தேகத்தையும் அளிக்கின்றது என பணிந்து நின்றான்.
மன்னா! பூமிதான் என் முதல் குரு. அதனிடமிருந்து பொறுமையை கற்றேன். 

தண்ணீரிடமிருந்து தூய்மையை கற்றேன்..

பலரோடு பழகினாலும் பட்டும் படாமலும் இருக்க காற்றிடம் கற்றேன்...

எதிலும் பிரகாசிக்க வேண்டுமென தீயிடம் கற்றேன்..

பரந்து விரிந்த எல்லையற்ற மனம் வேண்டுமென்பதை ஆகாயத்திடம் கற்றேன்....

மாறுபாடுகள் உடலுக்கே அன்றி ஆன்மாவுக்கல்ல என்பதை சந்திரனிடம் கற்றேன்...

மனம் ஒன்றாக இருந்தாலும் சிந்தனைகள் பலவற்றால் நிறைந்தது என்பதை சூரியனிடம் கற்றேன்...

வேடன் ஒருவனின் வலையில் சிக்கிய தன் குஞ்சு புறாக்களை காக்க தாய் புறாவும் வலிய சென்று வலையில் மாட்டியது. இதன்மூலம் பாசமே துன்பத்திற்கு காரணம் என உணர்ந்தேன்..

எங்கும் அலையாமல் தன்னைத்தேடி வரும் உணவை உட்கொள்ளும் மலைப்பாம்பை போல கிடைத்ததை உண்டு உயிர்வாழ கற்றுகொண்டேன். 

கணக்கில்லா நதிகள் வந்தாலும் ஏற்றுக்கொள்ளும் கடலிடமிருந்து துன்பத்தை ஏற்றுக்கொள்ளும் பக்குவத்தை கற்றேன்..

பார்வையை சிதறவிடாமல் ஒரே இடத்தில் மனதை செலுத்த  விட்டில் பூச்சியிடம் கற்றேன்..

தேனீக்கள் பூக்களிடமிருந்து தேனை எடுப்பது போல துறவி யாசகம் பெற்று ஜீவிக்க வேண்டுமெனவும், அதேநேரத்தில் தேனை சேகரிப்பது போல் உணவை சேகரித்து பின் பறிகொடுக்கவும் கூடாதென  தேனீக்களிடம் கற்றேன்...

 குழிக்குள் மாட்டிக்கொண்ட பெண் யானையின் மேல் மோகம் கொண்டு போன ஆண் யானையும் குழுக்குள் மாட்டிக்கொண்டதை கண்டு பெண்ணாசை கூடாதென கற்றேன்...

 மானின் வேகம் நான் சொல்லித்தான் தெரிய வேண்டுமென்பதில்ல. ஆனால், இசையை கேட்ட மாத்திரத்தில் ஓடுவதை நிறுத்தி இசையை கேட்க ஆரம்பிக்கும். அந்நேரத்தில் கொடிய விலங்குகள் வந்தால் அதன் கதி!? பிரம்மச்சர்ய விரதம் மேற்கொள்வோர்  இசை, நடனங்களில் நாட்டம் கொள்ளாமல் இருக்கவேண்டுமென மானிடம் கற்றேன்..

 நாவை அடக்க முடியாத சபலத்தால் தூண்டிலில் சிக்கி உயிரிழக்கும் மீனிடம் நாவடக்கத்தை கற்றேன்.... 

 பிங்களா என்ற தாசிப்பெண் ஓரிரவில் பலருடன் சேர்ந்து வருமானம் பார்த்தப்பின்னும் இனியும் யாராவது வரமாட்டார்களா என்று காத்திருந்து ஏமாந்து கிடைத்ததே போதுமென உறங்கிவிட்டாள்.  இதிலிருந்து ஆசையை விட்டால் எல்லாமே திருப்திப்படுமென கற்றேன்...

 குரரம் என்ற பறவை தன் இரையை பெரிய பறவைகளிடமிருந்து தப்புவிக்க கீழே போட்டு தன் உயிரை காப்பாற்ற்க்கொள்ளும். அதன்மூலம் வேண்டும் என்ற ஆவலை தவிர்த்தால் துன்பம் நேராது என்று கற்றேன்...

பாராட்டினாலோ, ஏசினாலோ எந்தவித உணர்ச்சிக்கும் சிறு குழந்தைகள் ஆட்படாது. அதுமாதிரியான உணர்ச்சிவசப்படாத மனம் முனிவனுக்கு வேண்டுமென சிறுவனிடம் கற்றேன். 

 ஒரு சிறுமியின் கைவளையல்கள் ஒன்றோடொன்று உரசி சப்தமெழுப்பின.  அவள் ஒரு வளையலை கழட்டியப்பின் சப்தம் நின்றது. இதிலிருந்து இருவர் மட்டுமே இருந்தாலும் தேவையற்ற விவாதம் எழும் எனவும், தனிமையே சிறந்தது எனவும் கற்றேன்..

போர்   ஆயுதங்கள் செய்பவன் பக்கத்திலே போர் நடந்தாலும் தான் செய்த ஆய்தங்களை எடுத்து செல்லாமல்,  ஆய்தங்கள் செய்வதிலேயே அவன் கவனம் இருக்கும். அவனிடமிருந்து எண்ணத்தை சிதற விடாத தன்மையை கற்றேன்.. 
Anaghashtami Dattatreya is one of the incarnation of Mahavishnu and Mahalakshmi will be worshipped with him in the form Anagha devi. According to Bhavishyottara Purana, Anagha devi and Dattatreya should be worshipped on Margashira Krishna paksha Ashtami.:
பாம்பு தனித்து இருந்தாலும் கவனமாய் இருக்கும். தனக்கென வீடோ, கூடோ கட்டிக்கொள்வதில்லை அதுப்போல முனிவருக்கும் வீடு கூடாதென பாம்பிடம் கற்றேன்..

 தன்னிலிருந்து நூலை வெளியேற்றி வலை பின்னி அதனுடன் விளையாடி, உண்டு, உறங்கி பின் அதையே உணவாக உட்கொள்ளும். அதுப்போல பரபிரம்மமும் உலகை உருவாக்கி, காத்து பின் அதை தன்னுள் ஐக்கியமாக்கி கொள்வார் என உணர்ந்தேன்.

ஒரு வகை வண்டு, தன் முட்டையிலிருந்து புழுவை கொண்டு வந்து தன்னருகில் வைத்து ஒருவித ஆசையை எழுப்பிக்கொண்டே இருக்கும். அந்த சத்தத்துக்கு பயந்து அந்த புழுவும் வெளி செல்ல பயந்து அங்கேயே இருந்து  வண்டாய் மாறும். அதுப்போல மனிதன் பயம், பக்தி, காமம், குரோதமென தன் மனதை எதில் செலுத்துகின்றாறோ அதன் உருவை அடைவர் என உணர்ந்தேன்.... எனக்கூறி முடித்தார்..

யது மன்னனும் தத்தாத்ரேயரின் உபதேசத்தின்படி பதவி, நாடு, மனையாள், பிள்ளைகளை துறந்து ஆன்மீகத்தில் ஈடுபட்டான்...
தத்தாத்ரேயருக்கு வட நாட்டிலும், ஆந்திராவிலும் ஏராளமான கோவில்கள் உண்டு. ஆந்திராவில் எல்லார் வீட்டுலயும் தத்தாத்ரேயரின் படங்கள் வைத்து வழிப்படுவர். தமிழகத்தில் தத்தாத்ரேயர் பற்றி அறிந்தோர் சொற்பமே. இவருக்கு சேந்தமங்கலம், சுசீந்தரம் தானுமலையான் கோவில் மற்றும் ஆற்காடு அருகில் உள்ள வாலாஜாபாத் தன்வந்திரி பீடத்திலும் இவருக்கு தனிச்சன்னிதி உண்டு.
நன்றியுடன்,
ராஜி