Friday, July 10, 2020

அருள்மிகு ஸ்ரீ கிருஷ்ணசுவாமி திருக்கோவில்-புண்ணியம் தேடி ஒருபயணம்.

கடந்தவாரம் கன்னியாகுமரி மாவட்டத்தில் இருக்கும் கோவில்களுக்கு ஆன்மீக யாத்திரை சென்ற பட்டியலை பார்த்துக்கொண்டே வரும் போது சில கோவில்களின் படங்கள் எந்த இடத்தில சேமித்து வைத்திருந்தேன் என்று தெரியவில்லை அந்த குழப்பத்தில்,சரி என்று மொபைலில் சேமித்துவைத்திருந்த திருநாகேஸ்வரம் கோவிலுக்கு சென்ற படங்கள் கண்ணில்படவும் உடனே அந்த கோவிலை பற்றி போனவாரம்  பதிவு செய்துவிட்டேன்.அதற்கு முந்தைய வாரத்தில் நம்முடைய புண்ணியம் தேடி ஒருபயணம் பதிவில் ஒழுகினசேரியில் அமைந்துள்ள சோழராஜா கோவிலில் தரிசனம் செய்தோம்.இந்தவாரம் நாம தரிசனம் செய்ய போறது.அருள்மிகு ஸ்ரீ கிருஷ்ணசுவாமி திருக்கோவில்,கிருஷ்ணன் கோவில்...

Sunday, July 05, 2020

தம்பியென்ற நிலையை கடந்து போனானே! போனானே! - பாட்டு புத்தகம்

தனியாய் பிறந்து வளர்ந்ததால் எனக்காக, என் சார்பா பேச யாருமில்லைன்ற எண்ணம் எனக்கு இன்றுவரை உண்டு.  இரண்டாவது பெண்ணாய் பிறந்தபோது ஆண் பிள்ளை இல்லியேன்ற எண்ணத்தைவிட, இரு பெண்களும் ஒருத்தருக்கு ஒருத்தர் ஆறுதலாய் இருப்பாங்கன்ற எண்ணமே எனக்கு தோணுச்சு. வேண்டுதலின் பலனா?! இல்ல அம்மா அப்பா செய்த புண்ணியமான்னு தெரியாது. மூன்றாவது பையனா பிறந்தான்.  

Saturday, July 04, 2020

உண்மையான பக்தி இதுதான் - சுட்ட படம்

பக்கம் பக்கமா படிக்கும் இம்சையிலிருந்து இன்று விடுதலை.. இணையத்துல சுட்ட படங்கள், வீடியோவை இன்னிக்கு பதிவா பார்க்கலாம்...

Friday, July 03, 2020

ராகு-கேது பரிகார தலம் - திருநாகேஸ்வரம் - புண்ணியம் தேடி ஒரு பயணம்...


ஜோதிடரீதியாக முற்பிறவியில் நாகங்களை துன்புறுத்துவதாலும், ஆண் பெண் பாம்புகள் இணைந்திருக்கும்போது அவற்றை பிரிப்பது, நாகங்களை கொன்றதாலும் ராகு-கேது தோசம் வருமாம்.  எங்க வீட்டுக்கு மட்டுமில்லாம தெருவில் யார் வீட்டுக்கு பாம்பு வந்தாலும் என்னைய கூப்பிட்டுதான் அடிக்க சொல்றாங்களே! நான் கொன்ன பாம்புகளின் கணக்குப்படி பார்த்தால் ஏழேழு ஜென்மத்திற்கும் ராகு-கேது தோசம் என்னை விடாது போல! 

Thursday, July 02, 2020

பழைய புடவை டூ கால் மிதியடி - கைவண்ணம்

முன்னலாம்  பாத்திரக்காரருக்கு கொடுத்து, பாத்திரம் வாங்குவது வழக்கம். இப்ப யாரும் அப்படி வருவதில்லை. அதனால் துணிகள் நல்லா இருக்கும்போதே  கொடுத்துடுவேன். சேலை வாங்குமளவுக்கு பேண்ட், சர்ட், பொண்ணுங்க சுடிதார்லாம் யாரும் வாங்குவதில்லை.  இப்பலாம் துணிகள் சாயம் போவதுமில்லை, அதிகம் கிழிவதில்லை. நம் அஜாக்கிரதையால கிழிச்சிக்கிட்டாதான் உண்டு.  

Wednesday, July 01, 2020

பாரீஸ் கார்னர் கதை தெரியுமா?! - மௌன சாட்சிகள்

அடிக்கடி கேள்விப்பட்டு, பார்த்து பழகிய நமக்கு தெரிந்த இடங்கள்தான், ஆனா அந்த ஊரை பற்றி எதுவுமே நமக்கு தெரியாது. ஒவ்வொரு ஊரின் பின்னும் ஒரு கதை இருக்கும். வீரம், காதல், தியாகம், பழி உணர்ச்சின்னு எதாவது ஒரு உணர்வே  அந்த கதையின் ஆதாரமாய் இருக்கும். அந்த காதைகளை தன்னுள் கொண்டு  கட்டிடங்கள், கோவில்கள், அரண்மனைகள் அவற்றின் மௌன சாட்சிகளாய் நம் முன்னே இருந்தாலும், இந்த அவசர உலகில் நமக்கு அதெல்லாம் தெரிஞ்சுக்கக்கூட நேரமில்லாம, விருப்பமில்லாம  எதை எதையோத் தேடி, ஓடிக்கொண்டிருக்கிறோம். அவ்வாறு ஓடியும் கிடைக்கவேண்டிய நிம்மதி நம் காலடியில் மிதிபட்டுக் கிடப்பதைக்கூட அறியாமல் இருக்கும் அற்ப மானிடராய் இருக்கிறோம்.  இந்த அவசர காலக்கட்டங்களில் அனைவரும் தெரிந்துக் கொள்ளமுடியாத பல  கதைகளைத் தன்னுள் கொண்டிருக்கும் இடங்களை மௌன சாட்சிகள் மூலம் பார்த்து வருகிறோம். அந்த வரிசையில் இன்னைக்கு நாமப் பார்க்கப் போறது பழைய மெட்ராஸ் பிரெசிடென்சில இருந்த சில முக்கியமான இடங்களை....

Saturday, June 27, 2020

இதுக்கு ஈசி சேர்ன்னு பேரு வச்சது யாரு?! - கிராமத்து வாழ்க்கை

பழமையின் முடிவையும், புதுமையின் ஆழம்பத்தினையும் கண்டு களித்த மத்திய வயதுடையவர்களின் நினைவுகளை கிளறி விடும் சிறு முயற்சியே இந்த கிராமத்து வாழ்க்கை தொடர்...

Friday, June 26, 2020

அருள்மிகு சோழராஜா திருக்கோவில், ஒழுகினசேரி-புண்ணியம் தேடி ஒருபயணம்.

லாங்க்.. லாங்க்.. அகோ.. ஒன்ஸ் அப்பான் எ டைம்..  கன்னியாகுமரி மாவட்டத்தில் இருக்கும் கோவில்களை பற்றிய தொடர் ஒன்றை பதிஞ்சது உங்களுக்கு நினைவிருக்கலாம்.   இப்ப லாக் டவுன் காரணமா எங்கும் போகமுடியாத சூழல். ஆடின காலும், பாடின வாயும் மட்டுமல்ல ஊர்சுற்றி எஞ்சாய் பண்ணினதை பதிவாக்கின மனசும்   சும்மா இருக்காது. பதிவாக்காக  எங்காவது போகலாம்ன்னா முடியல. எதையாவது மீள் பதிவா போட்டுக்கலாம்ன்னு முடிவு பண்ணியாச்சுது.  சரி, எருமைமாடு அசை போடுற மாதிரி டூர் போய் வந்த போட்டோக்களை பார்த்துக்கிட்டே வரும்போது சில கோவில்களை பதிவாக்காம இருந்தது தெரியவர லாஸ்ட் பாலில் சிக்ஸர் அடிச்சு ஜெயிச்ச மாதிரி ஒரு பீல் வந்துச்சு.. உடனே இன்னிக்கு அதை பதிவாகவும் போட்டாச்சுது.  

Thursday, June 25, 2020

க்ராஸ் கட் மார்க்கெட் வயர் கூடை - கைவண்ணம்

கொரோனா வந்தாலும் வந்தது, விடிஞ்ச பிறகு எழுந்து , எட்டு மணிக்கு காபி குடிச்சு, பத்து மணிக்கு டிபன் சாப்பிட்டு என வாழ்க்கை முறையே மாறிட்டுது... சோம்பேறித்தனம் மெல்ல எட்டி பார்க்க ஆரம்பிச்சிருக்கு. ஒரு வாரத்தில்  முடிக்கும் 2 ரோல்  ஒயர் கூடையை பின்னி முடிக்க ஒரு மாசத்துக்கும் மேல ஆச்சு. கூடை பின்னி ஒரு கைப்பிடியும் போட்டு வச்சு  21 நாள் ஆச்சு. பதிவு போடனுமேன்னுதான் இப்பயும் முடிச்சேன். இல்லன்னா, அதுவும் முடிச்சு இருக்க மாட்டேன். 

Wednesday, June 24, 2020

ராமனின் பெண்பால்தான் இந்த மணிமேகலை - வெளிச்சத்தின் பின்னே...

சிலப்பதிகாரத்தில் பாவப்பட்ட கதாபாத்திரம் யார்ன்னு கேட்டா  யாரை சொல்வீங்க? மாதவியிடமும், பிறகு எமனிடமும் கணவனை பறிகொடுத்த கண்ணகியையா?! தாசிக்குலத்தில்  பிறந்து கற்பு நெறியோடு வாழ்ந்தாலும் சந்தேகம் கொண்ட கோவலனால் கைவிடப்பட்ட மாதவியையா?! ரெண்டு பெண்களோடும் வாழ்ந்து, பொய் குற்றம் சாட்டப்பட்டு தலை வெட்டுண்ட  கோவலனா?! அதிகாரிகளை நம்பி தீர விசாரிக்காமல்  தண்டனை வழங்கி தப்பென்று தெரிந்தபின் உயிர் விட்ட பாண்டிய மன்னனா?! அல்லது கணவனோடு சேர்ந்து உயிர்விட்ட பாண்டிமாதேவியா?! இல்லை வாழ்வில் எந்த சுகமும் அனுபவிக்காத மணிமேகலையா?! சிலப்பதிகாரத்தில் பாவப்பட்ட கதாபாத்திரம்ன்னா அது மணிமேகலைன்னுதான் நான் சொல்வேன்.  

ஏன் மணிமேகலையை பாவப்பட்ட கதாபாத்திரம்ன்னு சொல்றேன்னு இன்றைய வெளிச்சத்தின் பின்னே... பகுதியில் பார்க்கலாம்..

Tuesday, June 23, 2020

சத்தான முட்டை+கேரட் பொரியல் -கிச்சன் கார்னர்

கேரட் பொரியலில் துவரம்பருப்போ அல்லது பை பருப்போ சேர்த்து கூட்டு செய்வோம். இல்லன்னா, தேங்காய் துருவல் சேர்த்து பொரியல் செய்வோம். முட்டை போட்டு புதுவிதமான பொரியலும் செய்யலாம். முட்டையில் இருக்கும் வைட்டமின் ஏ,பி,சி,டி,ஈ.. அயோடின், பாஸ்பரஸ், துத்தாநாகம் போன்ற சத்துகளும், கேரட்டில் இருக்கும் வைட்டமின் ஏ,சி,கே, பொட்டாசியம் மாதிரியான சத்துக்களும் சேர்ந்து நமக்கு அதிகப்படியான சத்துக்களை தரும்ன்னு சொல்லி குழந்தைகளை ஏமாத்தலாம்..

Monday, June 22, 2020

உலகிலேயே மிக அமைதியான இடம் எதுவென தெரியுமா?! - ஐஞ்சுவை அவியல்

எங்கே நிம்மதி?! எங்கே நிம்மதி?! அங்கே எனக்கோர் இடம் வேண்டும்....

என்ன புள்ள?! காலங்காத்தால பாட்டு அதுவும் நிம்மதி எங்க இருக்குன்னு பாடிக்கிட்டிருக்கே?! 

இந்த கொரோனா  கிருமி தரும் மன உளைச்சல், பிள்ளைங்க வீட்டில் இருந்து படுத்தும்பாடு, சொல்பேச்சு கேட்காம என்னைய இம்சிக்கும் நீங்க, ஓயாம ஓடும் டிவி சவுண்ட்ன்னு பலமுனை தாக்குதல் பக்கம்ன்னு என்னால சமாளிக்க முடில.  அதுதான் எங்காவது அக்கடான்னு போயிடலாமான்னு இருக்கேன்...

எங்க போவே?! 

ஏதாவது ஆறு, குளம், அருவி, கடலுக்கு பக்கத்துல   இருக்கும் ஆள், அரவம் இல்லாத வீட்டில் தங்கிப்பேன். நினைச்ச பாட்டு, ரசித்த படம், நினைச்ச நேரத்துல எழுந்து, பிடிச்சதை சாப்பிட்டு, உக்காரு, இப்படி நில்லுன்னு அட்வைஸ் பொழியும் உங்கக்கிட்ட இருந்து தப்பிச்சு  ஹாயா இருப்பேன். 

அப்ப, எங்க நிம்மதியான இடம் இருக்குன்னு நீ கண்டுபிடிச்சுட்டே?! அப்படித்தானே?! சரி, உனக்கு நிம்மதி தரும் இடம் ஓகே. உலகத்துலயே நிம்மதியான இடம் எது?!

இதுல என்ன சந்தேகம் எல்லா வசதியும் இருக்குற, இயற்கை எழில் கொஞ்சும் , வாகன நெரிசல் இலலாத, காற்று, ஒலி மாசில்லாத இடமே நிம்மதியான இடம். அப்படி ஒரு இடம் வளைகுடா பாலைவனத்திலோ, இல்ல நயாகரா நீர்வீழ்ச்சிக்கு அருகிலோ அல்லது எவரெஸ்ட் சிகரத்திலோ இருக்கும். தேடி கண்டுபிடிக்கனும் ..

ம்ஹூம் நீ நினைக்குற மாதிரி தீவு, பாலைவனம், சிகரம், காடு, நகரம்ன்னு எதுவுமே அமைதியான, நிம்மதியான இடம் கிடையாது. 

அப்ப எங்கயுமே நிம்மதியான இடம் இல்லியா மாமா?!


இருக்கே!!  மைக்ரோசாஃப்ட் நிறுவனத்தின் தலைமை கிளை அமெரிக்காவில் Redmond Washington பில்டிங்க்ல 87 மாடில இருக்கும் ஆன் எகோயிக் சேம்பர்(Anechoic Chamber)ன்ற ரூம்தான் உலகிலேயே அமைதியான இடமாம்.  

என்னதான் 87வது மாடில ரூம் இருந்தாலும் ஃபேன், ஏசி ஓடும் சத்தம், ஊழியர்களின் பேச்சுன்னு எதாவது சத்தம் இருக்கத்தானே செய்யும்?!  அப்புறம் எப்படி மாமா அது அமைதியான இடம்ன்னு சொல்றீங்க?!

நீ சொல்ற சத்தங்களோடு, காற்று வீசும் சத்தம், காக்கா, குருவியோட சத்தம்ன்னு இந்த ரூம்ல இருக்கும் சத்தத்தோட அளவு 20,35டெசிபல். இந்த இரைச்சலை குறைக்குறதுக்காகவே  ரூம் முழுக்க  ஆப்பு வடிவ ஒலி உறிஞ்சுகள்  (Sound Absorbing Wedges) கொண்டு அந்த ரூமை வடிவமைச்சிருக்காங்க. 

மைக்ரோசாஃப்ட் நிறுவனம் புதுசா கண்டுபிடிக்கும் தங்களுடைய எலக்டாரானிக் சாமான்களின் ஒலித்திறனை  பரிசோதனை செய்றதுக்காகவே இப்படி ஒரு ரூமை ஸ்பெஷலா வடிவமைச்சிருக்காங்க.   மின்னசோட்டாவின் Orfield Laboratoriesல் அமைக்கப்பட்டுள்ள Anechoic Chamberஐவிட மேம்படுத்தப்பட்டதாகும்.  Orfield Laboratoriesல் வெளியாட்களை அனுமதிக்குற மாதிரி இங்க அனுமதி கிடையாது. உலகின் மிக அமைதியான இடம்ன்னு இந்த இடம் கின்னஸ் ரெக்கார்டில்  இடம் பெற்றிருக்கு.  மனிதர்கள் அனுமதிக்கப்படும் இடங்களில் அமைதியான இடம் மினசோட்டாவின் Orfield Laboratories-ல் உள்ள Anechoic Chamber. இது 2012-ல் உருவாக்கப்பட்ட இந்த அறையின் பின்னணி இரைச்சலின் அளவு ஏறக்குறைய -9.4 டெசிபல்

மினசோட்டாவின் Orfield Laboratories-ல் உள்ள Anechoic Chamberன்ற இந்த இடத்தில் அதிகபட்சமா  45 நிமிசத்துக்கும் மேல் இருக்கமுடியாதாம். 45 நிமிசத்துலயே பைத்தியம் பிடிக்குறமாதிரி ஆகிடுமாம்.  வெளிச்சமில்லாமல் இருக்கும்  இந்த ரூம்ல ஒருத்தர் இருந்தால், சில நிமிடங்களில் இந்த அறைக்கு தகுந்த மாதிரி அவர்களின் கேட்கும் திறன் மாறிக்கும். கொஞ்ச நேரம் கழிச்சு  அவர்களுடைய இதயத்துடிப்பை அவங்களுக்கே கேட்க ஆரம்பிக்கும், இன்னும் கொஞ்ச நேரம் போனா, அவங்க மூச்சுபோது நுரையீரல் சுருங்கி விரியும் சத்தமும் கேட்க ஆரம்பிக்கும். இன்னும் நேரமாக  ஆக வயிற்றின் உள்ளுறுப்புகளின் அசைவுகளின் சத்தம், இரத்த ஓட்டத்தின் சத்தமெல்லாம் நம் காதுகளில் கேட்கும்.  அதாவது உள்ளே சென்ற சில நிமிடங்களில் நாமே ஒலிமூலமாக மாறிவிடுவோமாம்‌! இதுவே நமக்கு மிகப்பெரிய மன அழுத்தத்தை ஏற்படுத்தி நம்மை மேலும் மேலும் பதற்றமாக்கி, நம்  கட்டுப்பாட்டை இழந்து  பைத்தியமாக மாறவும் வாய்ப்புள்ளதாம். இந்த மாதிரியான சத்தமில்லாத அறை உலத்துலயே 6தான் இருக்காம். ஏன்னா, ஒரு அறையை உருவாக்க 100மில்லியன் அமெரிக்க டாலர் ஆகுமாம். இந்திய ரூபாயில் சொல்லனும்ன்னா 700கோடி ரூபாய் செலவாகும். அம்புட்டு பைசா இருக்கான்னு சொல்லு.  உனக்கு ஒரு ரூம் கட்டிடலாம்...

அம்புட்டு பைசாவுக்கு எங்க போக?! அதுமில்லாம பைத்தியமா ஆக, அங்கிட்டுதான் போகனும்ன்னு இல்ல. இங்கனயே யார் மேலயாவது கண்மூடித்தனமா பாசம் வச்சா போதும்.  பைசா செலவில்லாம நம்மை அவங்க பைத்தியமாக்கிடுவாங்க. நேத்து சூரிய கிரகணம் என்ன செய்யலாம்?! என்ன செய்யக்கூடாதுன்னு வாட்ஸ் அப், பேஸ்புக், யூடியூப்ன்னு  பலர் பலவிதமா சொல்லி கேட்டு அலுத்து போச்சு.  ஆனா, எனக்கொன்னுதான் புரில, கோவில்களை நடை சாத்தி இருக்கும்ன்னு திருப்பதி, திருத்தணி, திருப்பரங்குன்றம், மதுரைன்னு பெரிய கோவில்கள் முதற்கொண்டு தெருமுனையில் இருக்கும் பிள்ளையார் கோவில்களும்  பூட்டி வச்சிருந்தாங்க. ஆனா, சப்த கன்னிகைகள், முனீஸ்வரன், ஐய்யனார், சண்டியர் மாதிரியான சிறுதெய்வங்கள் வெட்டவெளியில் இருக்கே. அவங்களை சூரிய கிரகணம் பாதிக்காதா?!


பதிக்காது. ஏன்னா, அவர்கள் காவல் தெய்வங்கள். காவல் தெய்வத்துக்கு எது காவல் ?! அதுமில்லாம கோவில்கள் ஆகம விதிப்படி கட்டப்பட்டது. அப்படி கட்டப்பட்ட கோவில்களில் நேர்மறை சக்தி எனப்படும் பாசிட்டிவ் எனர்ஜி நிறைந்து காணப்படும். ஆனா, சிறுதெய்வங்கள் உறையும் கோவில்கள் எந்தவித ஆகம விதிப்படி கட்டப்படுவதில்லை. அதனால் அக்கோவிலுக்கென எந்த விதிகளும் இல்ல. அதுமில்லாம, நீயே சொல்லிட்ட திறந்தவெளியில் இந்த தெய்வங்கள் இருப்பதால், எப்படி பூட்ட முடியும்?!

முன்னலாம் மின்சாரமோ, விளக்குகளோ இல்ல. மரங்கள், செடிகொடிகள்ன்னு போதிய வெளிச்சமில்லாமல்தான் ஊரே இருக்கும்.  சந்திர கிரகணமோ அல்லது சூரிய கிரகணமோ எந்த  கிரகணத்தின்போதும் சூரிய/சந்திர வெளிச்சம் பூமியில் விழாமல் ஊரே இருள் அடையும். இருள் அடைஞ்ச கோவிலுக்குள் விஷ ஜந்துக்களோ எல்ல கொள்ளைக்காரர்களோ நுழைந்தால்?! பாதுகாப்பு கருதியும் சூரிய கிரகணத்தின்போது கோவில்களை பூட்டி வைக்கின்றனர். காவல் தெய்வங்கள் காவல் காப்பவை. அவற்றை பூட்டி வச்சுட்டா ஊர் பாதுகாப்பு?! சிவன், முருகன், வினாயகர், பெருமாள் மாதிரியான முதன்மை தெய்வங்கள் தூய்மை நெறியில் நிற்பதால் தூய்மை கருதியும் கோவில்களை பூட்டி வைக்கின்றனர்.

காரண காரியங்களை சொல்லாம பொத்தாம்பொதுவா சொல்லி வச்சா, மூட நம்பிக்கைன்னு எதிர்க்கத்தான் தோணும்..

சரி, ரொம்ப பேசிட்டோம்.. வெளிநாட்டு பெற்றோர் எதையும் அடிச்சு சொல்லிக்கொடுக்காம, ஏன், எதுக்கு, எப்படின்னு சொல்லி தன்னம்பிக்கையோடு வளர்க்கிறாங்க. 
நம்ம ஊரில் பிள்ளையை எப்படி அடக்கி ஒடுக்கி வளர்க்குறாங்க பாருங்க. வீட்டுலயே இப்படி கைய கட்டி, அழுத்தி சொன்னா பாடம் எப்படி மனசில் பதியும்?!பாடம் மனசில் பதியாட்டியும் கடைசியில் இப்படித்தான் எதிர்த்து பேச தோணும். 
சரி,நான் போய் சமைக்கும் வேலைய பார்க்குறேன்...

நன்றியுடன்,
ராஜி


Sunday, June 21, 2020

குரங்கு கையில் சிக்கிய பூமாலை போல இந்த பாட்டு - பாட்டு புத்தகம்

கோதுமை ஊற வைத்து ஆட்டி,  பால் எடுத்து, புளிக்க வைத்து, வாணலியில் நெய் சேர்த்து அதில் நீர்த்த கோதுமை பாலை சேர்த்து கிளறி, சர்க்கரை சேர்த்து கிளறி, வறுத்த முந்திரி, திராட்சை ஏலக்காய் பொடி சேர்த்து கிளறி, சுருண்டு வரும்போது இறக்காம விட்டால் அடிப்பிடிச்சு மொத்த உழைப்பும் வீண்,

Saturday, June 20, 2020

லெமனே இங்கு சிவனாய்.. -சுட்ட படம்

பக்கம் பக்கமாய் படிக்கும் இம்சையிலிருந்து இன்னிக்கு விடுதலை.. இணையத்தில் பார்த்து ரசித்தவற்றின் தொகுப்பு இது.. முன்னாடியே பார்த்திருந்தால் மன்னிச்சு...

Friday, June 19, 2020

ஸ்ரீதட்ஷிணாமூர்த்தி சுவாமிகள், பள்ளிதென்னல்-பாண்டிச்சேரி சித்தர்கள்.

கடவுள் விசயத்தில் இருவேறு மாறுபட்ட கருத்துகள் இருந்தாலும்,  இத்தனை சித்தர்கள் ஒரே இடத்தில் ஜீவசமாதியானது அதிசயத்திலும் அதிசயம்தான்.  நம்மை மிஞ்சிய சக்தியின் அருள் இல்லாமல் இது சாத்தியமில்லை என்பது புரியும்.  நேரமின்மை காரணமாக பல சித்தர்களின் ஜீவசமாதிகளை தரிசனம் செய்யமுடியவில்லைஇருந்தாலும் இறையருளும் குருவருளும் இருந்தால் விரைவில் மீதமுள்ள ஜீவசமாதி கோவில்களுக்கு சென்று அதைப்பற்றியும் ஒரு நீண்ட தொடர் எழுத ஆசை. போனவாரம் நாம ஸ்ரீ வண்ணாரபரதேசி சுவாமிகளின் ஜீவசமாதியை பாண்டிச்சேரி சித்தர்கள் வரிசையில் தரிசித்தோம். அந்த வரிசையில் இந்த வாரம் நாம பார்க்கப்போவது பள்ளித்தென்னல்ல இருக்கிற ஸ்ரீதட்ஷிணாமூர்த்தி சுவாமிகளின் ஜீவசமாதியினை...

Wednesday, June 17, 2020

ராமனுக்கும் அணிலுக்கும் என்ன சம்பந்தமென தெரியுமா?! - தெரிந்த கதை, தெரியாத தகவல்...

பாலையா என்னும் பழம்பெரும் நடிகர் பாமா விஜயம் படத்துல ஒரு வசனம் சொல்வாரு. வாழ்க்கை என்பது விசித்திரமானது. பாடம் சொல்லிக்கொடுத்து பரிட்சை வைக்காது. பரிட்சை வச்சுட்டுதான் பாடமே சொல்லிக்கொடுக்கும்ன்னு சொல்வாரு.  அதேமாதிரிதான் காலமும்..... காலத்தால் நிகழ்த்தப்படும் ஒவ்வொரு செயலும் வீணாய் நிகழ்வதில்லை. அந்த நிகழ்வின் காரண காரியத்தின் பலன் பின்னாளில் தெரியவரும்.  நாம் வரமா நினைச்சது சாபமா மாறும். சாபம்ன்னு வெறுத்தது வரமாகும்... சாபம் வரமான கதை புராணங்களில் பார்த்திருக்கிறோம். ராமாயணத்தில் நிகழ்ந்த ஒரு துர்மரணம் இரு வரமானதை இன்றைய தெரிந்த புராணம் தெரியாத தகவலில் பார்க்கப்போகின்றோம்..

Tuesday, June 16, 2020

புழுங்கல் அரிசியிலும் இடியாப்பம் செய்யலாம்!!- கிச்சன் கார்னர்

எங்க வீட்டில் யாருக்கும் இடியாப்பம் பிடிக்காது.   இடியாப்ப செய்றதில்லைன்றதால இடியாப்ப மாவு வீட்டில் இருக்காது. மாமனாருக்கு  உடம்பு சரியில்லைன்னா இரவு உணவுக்கு  கண்டிப்பா  இட்லியோ இல்ல இடியாப்பமோ இருக்கனும். அவருக்கு என்ன வேணும்ன்னு முதல்லியே சொல்லமாட்டாரு. திடீர்ன்னு அரை மணிநேரத்துக்கு முந்திதான் சொல்வாரு :-(

Monday, June 15, 2020

கவலைகளை மறக்க இந்த பாப்பாவோட சிரிப்பை பாருங்க -ஐஞ்சுவை அவியல்

போர்க்கால அவசரத்துக்கு உதவும்ன்னு கோவில்,  அரண்மனைகளிலிருந்து கோட்டைக்கு வெளியில் அல்லது காடு, மலைகளுக்கோ போற மாதிரி சுரங்கப்பாதை  அமைச்சிருப்பாங்களே! அதுமாதிரி, ஒரு நாட்டுக்கும் இன்னொரு நாட்டுக்கும் சுரங்கப்பாதை அமைக்கலாமில்ல!!

Saturday, June 13, 2020

அரசு இயந்திரம் இயங்க இந்த 6823 ஸ்பேர் ஸ்பார்தான் காரணம்-சுட்ட படம்

பக்கம் பக்கமா படிக்கும் இம்சையிலிருந்து இன்று விடுதலை... இணையத்தில் வலம் வந்த படங்கள், வீடியோக்களின் தொகுப்பு இது..

Friday, June 12, 2020

ராகு-கேது தோஷம் நீக்கும் திருப்பாம்புரம்- புண்ணியம் தேடி

முன்னலாம் குழந்தை பிறந்ததும் ஜாதகம் எழுத,  திருமணத்திற்கு பொருத்தம் பார்க்கவும், திருமணத்திற்கு நாள் குறிக்கவும்தான் ஜோதிடர்களிடம் போவாங்க.  வீட்டில் யாராவது காணாமல் போனால், தீக்கமுடியாத பிரச்சனைகளுக்காகவும் ரொம்ப அரிதா ஜோதிடம் பார்க்க போவாங்க. காது குத்து, சீமந்தம், வீடு கிரகப்பிரவேசம் மாதிரியான நிகழ்ச்சிகளுக்கு வீட்டில் இருக்கும் பெரியவர்களே பஞ்சாங்கம் பார்த்து நாள் குறிப்பாங்க. இப்ப யாருக்கும் பஞ்சாங்கம் பார்க்க தெரிவதில்லை. அதனால் எல்லாத்துக்கும் ஜோதிடர்கிட்ட போறாங்க. அதுமட்டுமில்லாம,   ஜாதகம் பார்த்து ரொம்ப நாள் ஆச்சுதேன்னுலாம் போறவங்களும் இருக்காங்க. 

Wednesday, June 10, 2020

வருவேன் என்ற ஒற்றை வார்த்தைக்காக காத்திருந்த சகுந்தலையின் காதல் - வெளிச்சத்தின் பின்னே..

காதல் என்னவெல்லாம் செய்யும்?! அள்ளி அணைக்கும், அழ வைக்கும், கெஞ்சும், கொஞ்சும், காத்திருக்கும், காணாமல் போகும்... சகுந்தலையின் காதலும் அப்படித்தான்.. பார்த்ததும் காதல் கொண்டது, குலம் குணம் தெரியாமல் மணம் புரிந்தது, தன்னையே தந்தது, வருவேன் என்ற ஒற்றை வார்த்தைக்காக காத்திருந்தது, யார் நீ என கேட்டு எட்டி உதைத்தபோதும் பல ஆண்டுகளாக காத்திருந்தது... திரும்பி வந்த துஷ்யந்தனை ஏற்றுக்கொண்டது.....  அதுவரை வாழ்வில் எந்த சுகமும் அனுபவித்திராத சகுந்தலை ராஜபோகத்தில் திளைத்தாள்.  அத்தோடு சுபம் போட்டுடலாமா?! காத்திருந்த சகுந்தலை துஷ்யந்தனுக்கு ஒரு பரிசு தந்தாள். அது என்ன பரிசு என  வெளிச்சத்தின் பின்னே.. பகுதியில் பார்க்கலாம்...

Tuesday, June 09, 2020

யாராச்சும் ஃபீரியா இருந்தால் இதுக்கு பேர் வச்சிட்டு போங்க! - கிச்சன் கார்னர்

சிலபல வருடங்களுக்கு முன் மதுரை, திருச்செந்தூர், குற்றாலம்ன்னு தென் தமிழகத்தில் ஒரு வாரம் குடும்பத்தோடு டூர் போனோம். ஸ்ரீவில்லிப்புத்தூரில் ஆண்டாளை தரிசனம் செய்து முடிச்சோம். அப்பதான் கோவிலில் அன்னதான திட்டம் அறிமுகப்பட்டிருந்தது. தரிசனம் முடிச்சு வரும் வெளியூர் பக்தர்களுக்கு டோக்கன் கொடுத்துக்கிட்டு இருந்தாங்க. எங்க வீட்டில் யாரும் அன்னதானத்தில் சாப்பாடு வாங்கி சாப்பிடுறதை கௌரவக்குறைச்சலா நினைக்க மாட்டோம்.  அதனால் டோக்கன் வாங்கி சாப்பிட உக்காந்தோம்...

Monday, June 08, 2020

பெண்மனசு ஆழத்தையும் தெரிஞ்சுக்கலாம்.. ஆழ்கடல் ரகசியத்தை தெரிஞ்சுக்க முடியாதுபோல!! - ஐஞ்சுவை அவியல்

மாமா! என் போன்ல வால்பேப்பரா வைக்க நல்லதா ஒரு  கடல் படம் தேடி தாயேன்..

என்ன புள்ள! திடீர்ன்னு கடல் படம் கேக்குறே?!

இன்னிக்கு சர்வதேச பெருங்கடல்கள் தினமாம். அதனால் அதுபத்திய பதிவை பார்த்தேன். அதான் கடல் படம் வைக்கலாம்ன்னு..
குரங்கு, யானை, விமானம், கடல் இவற்றின்மீதான பிரமிப்பும், ஆர்வமும் எத்தனை வயதானாலும் மக்களுக்கு  குறையாது.  இந்த பூமி எத்தனையோ விந்தைகளை தன்னுள் கொண்டுள்ளது. அதற்கு சற்றும் குறைவில்லாதது  கடலும், கடல் சார்ந்த விசயங்களும்...    கடலைவிட பிரம்மாண்டது கடல் சார்ந்த விசயங்கள்..
மெரினா கடற்கரைக்கு போய் இருக்கியே! அதை பார்த்தே பிரமிச்சு நின்னியே!  தமிழ்நாடு முழுக்க நீண்டிருக்கும் கடற்கரைகளின் நீளம் எவ்வளவு தெரியுமா?! 

தெரியாது மாமா...

தமிழ்நாட்டில் 997 கிமீ நீளத்துக்கு கடற்கரை இருக்காம். இந்தியாவில் இருக்கும் கடற்கரை 7,517கிமீ ஆகும்.  உலகத்தில் இருக்கும் மொத்த கடற்கரைகளின் நீளம்  5,50,000 கிமீ.  கடலை ஒட்டிய கரையே அஞ்சரை லட்சம் கிமீக்கு மேல் நீண்டிருக்குதுன்னா.,  கடல் எந்தளவுக்கு பரந்து விரிஞ்சிருக்கும் . அப்படி பரந்து விரிந்திருக்கும் கடலில் இருக்கும் நீரின் அளவு எவ்வளவு இருக்கும் தெரியுமா?! 1450,00,00,00,00,000,0000 மெட்ரிக் டன் அளவுக்கான நீர் இருக்காம் . இது பூமியின் மொத்த எடையில் 0,022  சதவிகித எடைதான் இருக்காம்.

போ மாமா! பொய் சொல்லாத! பூமியின் மேற்பரப்பின் மூன்றில் இரண்டு பங்கு கடல்ன்னு படிச்சிருக்கேன். அப்படி இருக்க, 0.022 சதவிகித எடைதானா இருக்கும்?!
ஆமா புள்ள, நீ சொல்ற பூமியின் மூன்றில் இரண்டு பங்கு நிரைஞ்சிருக்கும் கடலானது பூமிக்கு மேலதான் இருக்கு,  பூமியின் குறுக்கு வெட்டு நீளம் கிட்டத்தட்ட 12,700கிமீ. , இதுல முதல் 5 டூ 10 கிமீக்குதான் கடல் தண்ணி இருக்கு. மிச்சம்லாம் மணல், பாறைகள், கற்கள், மலைகள்ன்னு இருக்கு. அதனாலதான் கடல்நீரின் எடையின் சதவிகிதமாகும்.      என்னதான் கடல் மூன்றில் இரண்டு பங்கு பூமியில் இருந்தாலும் பூமியின் மொத்த எடையில் ஒரு பங்கு கூட இல்ல. உதாரணத்துக்கு நம்ம உடம்பில் அதிகமா தென்படுவது தோல்தான். ஆனா, மொத்த தோலின் எடை எவ்வளவு இருக்கும்?! அதுமாதிரிதான் பூமியை மூடியிருக்கும் தோல்தான் கடல்ன்னு வச்சுக்கலாம். பூமிக்கடியில் இருக்கும் நெருப்பு குழம்பால் பூமியின் மேற்பரப்பு பாதிப்படையாமல் காக்கும் ஒரு இயற்கை அரணே இந்த கடல்ன்னு சொல்லலாம். 
உலகில் அட்லாண்டிக், பசிபிக், இந்தியன் பெருங்கல், அண்டார்டிக், ஆர்டிக்ன்னு மொத்தம்  5  பெருங்கடல்கள் இருக்குன்னு சின்ன வயசில் படிச்சிருக்கோம். இப்ப,  அட்லாண்டிக் பெருங்கடலை வட அட்லாண்டிக், தென் அல்டாண்டிக்ன்னும் பசிபிக் பெருங்கடலை வட பசிபிக், தென் பசிபிக்ன்னு பிரிச்சு மொத்தம் ஏழு பெருங்கடலா ஆக்கி இருக்காங்க.  தமிழ் இலக்கியத்தில்  குறிஞ்சி, முல்லை, மருதம், நெய்தல், பாலைன்னு  நிலத்தை வகைப்படுத்தி வச்சிருக்கிற மாதிரி பெருங்கடல்களை உப்புக்கடல், கரும்பச்சாற்றுக்கடல், மதுக்கடல், நெய்க்கடல், தயிர்க்கடல், பாற்கடல், சுத்தநீர்க்கடல்ன்னு ஏழா பிரிச்சு வச்சிருந்ததற்கான குறிப்புகள் இருக்கும்.

பெருங்கடல்களின் பகுதிகளாக கடல், வளைகுடா(Gulf) விரிகுடா(Bay), நீரிணை(Strait)  இருக்கு. நாலு பக்கமும் கடல் நீரால் சூழ்ந்தது தீவுன்னும் சொல்றோம். அதாவது கடலுக்கு அடியில் இருக்கும் மலைகளின் உச்சிப்பகுதி கடலுக்கு வெளியே நீட்டிக்கிட்டு இருக்கும் பகுதிதான்  தீவா உருவெடுக்குது. , மூன்று பக்கமும் கடல் நீராலும், ஒரு பக்கம் நிலத்தாலும் மூடியது தீபகற்பம்.  இந்தியா தீபகற்ப நாடுன்னு சின்ன வயசில் படிச்சதை மறந்திருக்க மாட்டேன்னு நினைக்கிறேன்.


ஐந்து வகை பெருங்கடல்களில் பசிபிக் பெருங்கடல்களில்  பசிபிக் பெருங்கடல்தான் பெரியது.இப்ப இருக்கும் உலக நாடுகள் மொத்தமும் சேர்த்து பசிபிக் கடலில் வச்சாலும் இன்னொரு ஆப்பிரிக்க கண்டத்தின் நிலப்பரப்பையும் வைக்குற அளவுக்கு பசிபிக் பெருங்கடல் பெரிசாம்.   சீனா, ஜப்பான் நாடுகளுக்கு கிழக்காகவும், அமெரிக்காவுக்கும் மேற்காகும் இடைப்பட்ட பகுதில் பரந்து விரிநதிருக்கும் பசிபிக் பெருங்கடல் சில இடத்தில் இதன் அகலம் 16,000கிமீ இருக்கு.  அதனால்தான் பசிபிக் கடலை தென், வட என பிரிச்சு வச்சிருக்காங்க. பூமி கிழக்கு பக்கமா சுத்துவதால், காத்து மேற்கு பக்கமா வீசும். இடையில் எந்த தடுப்பும் இல்லாததால் பசிபிக் கடல் காற்றின் வேகம் அதிகம் அதனால், கிழக்கு நோக்கி கப்பலை ஓட்டுறது மிக சிரமம்.  தென் பசிபிக் பகுயில் காற்றின் வேகத்தால் பெரியப்பெரிய அலைகள் உருவாகுது. இதுவரை உருவான சுனாமி மொத்தமும்  இந்த பசிபிக் கடலில்தான் உருவாச்சு.  பசிபிக் பெருங்கடலில் ஏற்படும் நடுக்கங்களால் உருவாகும் பெரும் அலைகள் ஜப்பானிய கடற்கரையைத்தான் தாக்கும். 
அண்டார்டிகா பெருங்கடலிலிருந்து பிரிந்து வரும் பனிப்பாறைகள் எட்டுமாசம் வரைக்கும் உருகாம பசிபிக்  கடலில் மிதந்து பல இடங்களுக்கும் போகுமாம்.  சில பாறைகள் நியூசிலாந்து வரைக்கும் நகர்ந்து போய் இருக்குன்னா பார்த்துக்கோயேன்.  கரையிலிருந்து கடலுக்குள் ஓரிரு மைல்கள் வரைக்குதான்  எல்லை பிரிச்சு வச்சிருக்காங்க. எல்லைக்குட்பட்ட பகுதிகளில் சராசரியா 600 அடி ஆழம் வரைக்கும் இருக்கும். கடலோட ஆழமே அதுக்கு பிறகுதான் ஆரம்பிக்குது.  எல்லை பிரிக்கப்பட்ட பகுதிகளுக்கு அப்பால் இருக்கும் கடல் பகுதிகளுக்கு காண்டினெண்டல் ஷெல்ப்ன்னு பேரு.  இதிலும் 3%கடல்தான் இருக்கு.  காண்டினெண்டல் ஷெல்ப்க்கு பிறகு97% கடல் இருக்கு. இங்கு  குறைஞ்சது 13,000 அடியிலிருந்துதான்  ஆழமே ஆரம்பிக்குது. அதுக்கு அபிஸ்(abyss)ன்னு பேரு. இங்கதான் நிலத்தில் இருப்பதுபோல் எரிமலைகள், சமவெளிகள், மேடுகள், பள்ளங்கள், மலைத்தொடர்கள் இருக்கு.  சூரிய ஒளி 100 அடி ஆழம் வரைக்கும்தான் போகும். 100 அடிக்கு மேல ஆழம் போகப்போக வெளிச்சம் குறைஞ்சுக்கிட்டே வந்து கும்மிருட்டாகிடும்.  இருட்டில் என்ன இருக்கும்?! ஒன்னுமே இருக்காதுன்னு நாம நினைச்சுக்கிட்டிருக்கோம்..


கடலுக்கடியில் ஏதோ இருக்குன்னு அரிஸ்டாட்டில் சொல்ல, அவரது அலெக்சாண்டர் கண்ணாடியில் பலூன் மாதிரி செஞ்சு, அதில் எந்தவித கருவியும் இல்லாம, மூச்சை அடக்கிக்கிட்டு   கடலுக்குள் போய் இருக்கார். மிகப்பெரிய திமிங்கலத்தை பார்த்ததா சொன்னார். அதுதான் கடலுக்குள் நடந்த முதல் ஆராய்ச்சி.. பலர் பல்வேறாய் முயன்றாலும் 1960ல சுவிட்சர்லாந்தை சேர்ந்த பிக்கார்ட் என்பவர் நீர்மூழ்கி கப்பலை உருவாக்கி ட்ரீஸ்டின்னு பேர் வச்சார். அதில் உக்காந்துக்கிட்டு செங்குத்தாக கடலில் இறங்கினார்.  4 மணி நேரமாகியும் அவரிடமிருந்து எந்த தகவலும் இல்லை.  அஞ்சு மணி நேரம் கழிச்சு தரையை தொட்டுவிட்டேன்னு வயர்லெஸ்சில் தகவல் அனுப்பினார். பிக்கார்ட்  கடலுக்குள் இறங்கிய இடம்தான்  ‘மெரியான் ட்ரெஞ்ச்’. இங்கு கடலின் ஆழம்  ஆறே முக்கால் மைல்.  அதாவது 35 ஆயிரத்து 808அடி. நம்ம எவரெஸ்ட் சிகரம் 29 ஆயிரத்து 28அடிதான். அதைவிட  அதிக ஆழமானது இந்த மரியானா ட்ரெஞ்ச். அங்க பிக்கார்ட் 20நிமிசம் இருந்தார்.  இதுவரை மனிதன் கண்டுபிடித்த மிகமிக ஆழமான இடம் இது. இதுவே இப்பவரைக்கும் சாதனையா இருக்கு.  கடல் சார்ந்த ஆரய்ச்சிகள் உலகம் முழுக்க குறைச்சலாகவே இருக்கு. மிகச்சவாலான இந்த வேலைக்கு எட்டு முதல் கோடி ரூபாய் வரைக்கும் சம்பளம் பேசப்படுது. ஆராய்ச்சிக்காக மட்டுமில்லாம எரிவாயு, எண்ணெய் குழாய்களை பதிக்கவும், கண்டங்களுக்கு இடையிலே தகவல் பரிமாற்றத்துக்காக கேபிளை பதிக்க, அவற்றை பராமரிக்க  ஆழ்கடல் மூழ்கு வீரர்கள் பயன்படுறாங்க.  இந்தியாவில் ஆழகடல் மூழ்கு வீரர்களுக்கான பயிற்சி வசதிகள் இல்லைன்னாலும் ஆனாலும் ஆஸ்திரேலியா, நார்வே மாதிரியான நாட்டில் பயிற்சிப்பெற்ற  800 ஆழ்கடல் வீரர்கள் இந்தியாவில் இருக்காங்க.   பெல் டைவிங்ன்னு சொல்லப்படும் இந்த ஆழ்கடல் வீரர் பயிற்சிக்கு பத்து லட்சத்துக்கும் மேல் செலவாகுமாம். 


 காற்றும், வெளிச்சமும் இல்லாத,  தண்ணீர் சூழ்ந்த இடத்தில் வேலை பார்க்கும் துணிவு இருக்க வேண்டும்.  டைவிங் பெல் அமைப்பினரால் மட்டுமே இந்த வீரர்களுக்கு உடைகள் கொடுக்கப்படும். அந்த அமைப்பின்மூலம் வெதுவெதுப்பான காற்றும், நீரும் அடிக்கப்படும். ஆக்சிஜன் சிலிண்டர், மற்ற உபகரணங்கள் இந்த அமைப்பின்மூலமே கொடுக்கப்படும்.  டைவிங் பெல் அமைப்புக்கு சொந்தமான கப்பலின் சாச்சுரேசன் சேம்பர்ன்ற பகுதியிலிருந்து வீரர்கல் கடலுக்குள் இறக்கப்படுவார்கள்.  ஒவ்வொரு வீரருக்கும் மூச்சு விடும் முறை மாறுபட்டு இருக்கும். அதனால் இவர்களுக்கு ஆக்சிஜனும், ஹீலியமும் கலந்த காற்றைதான் சுவாசிக்க கொடுப்பாங்க.  நாம் சுவாசிக்கும் காற்றில் ஆக்சிஜனும், நைட்ரஜனும் இருக்கும்.,  கடலின் ஆழத்தில் உள்ள அழுத்தத்தால் ரத்தத்திலிருந்து ஆக்சிஜனும், நைட்ரஜனும் வெளியேறும்.  அப்ப ரத்தக்கசிவு உண்டாகும். சிலசமயம் உயிரிழப்புக்கூட ஏற்படும். ஆனா, ஹீலியம் வெளியேறாது. அதனால்தான் ஹீலியத்தை கணிசமான அளவுக்கு உடலில் செலுத்துவாங்க. கடலுக்குள் பல நாட்கள் தொடர்ந்து ஆராய்ச்சி செது முடித்து வெளிய வந்தபின்  வெளிப்புற அழுத்தத்திற்கும், சூழலுக்கும் உடல் பழகும்வரை சாச்சுரேசன் சேம்பரில் வைப்பாங்க.  அந்த சாச்சுரேஷன் சேம்பரில் எல்லா வசதியும் இருக்கும்.  கடல் எல்லைகளை  ஐக்கிய நாடுகள் மன்றம் எனப்படும்  United Nations Convention on th Law of the Sea வரையறுத்தது.  இந்த அமைப்பில் 158 நாடுகள் இருக்கு.  கரையில் இருந்து ஆறு நாட்டிகல் மைல் தொலைவுக்கு உட்பட்ட கரைக்கடல் பகுதியில் கட்டுமர மீனவர்கள் மீன் பிடிக்கலா, அதற்கடுத்த ஆறு நாட்டிகல் மைல் தொலைவுக்கு இருக்கும் பகுதிக்கு அண்மைக்கடல்ன்னு பேரு. இதில் விசைப்படகு வீரர்கள் மீன் பிடிக்கலாம்.  அதற்குப்பிறகு இருக்கும் பகுதிகள் ஆழிக்கடல்ன்னு பேரு. இதில் கப்பல்களில் மீன் பிடிக்கலாம். கால மாற்றத்தால் கரையோரங்களில் மீன்கள் கிடைக்காததால் மீனவர்கள் இடம்மாறி மீன் பிடிச்சு சண்டை வருது. இந்தியா, இலங்கைக்கு இடையிலான கடற்பரப்பின் தூரம் 25கிமீதான். பல்வேறு அரசியல் காரணங்களல் எல்லை பிரிப்பு சரிவர நடக்காததால் இரு நாட்டுக்குமிடையில் எல்லை தகராறு வருது.    எந்த நாடா இருந்தாலும் கடலிலிருந்து 12 நாட்டிகல் மைல் தூரத்தில் அதாவது தோராயமா 22.2 கி.மீ தூரத்திற்கு பயணிகள் கப்பல் போகலாம்.  ஆனா, மீன்பிடிக்கப்பல், போர்க்கப்பல், சரக்கு கப்பல்லாம் போகனும்ன்னா பர்மிஷன் வாங்கனும். 
மனிதன், மிருகங்கள், பறவைகள், பூச்சிகள், புழுக்கள் என பலதரப்பட்ட உயிர்கள் இருக்கு. அவற்றை பற்றி ஆராய்ச்சிகள் பல காலமாய் நடந்துக்கிட்டு இருந்தாலும் அடிக்கடி புதுசா எதாவது ஒரு உயிரினத்தை பத்திய தகவல் வந்துக்கிட்டுதான் இருக்கு, இதேமாதிரிதான் கடலிலும் பலதரப்பட்ட உயிரினங்கள் இருக்கு.1சதவிகிதம்தான் பூமியில் இருக்கு. மிச்சம்லாம் கடலில்தான் இருக்கும் . கடலில் 25மில்லியன் உயிரினங்கள் வாழலாம்ன்னு ஒரு கணக்கு சொல்லுது.  உலகின் முதல் உயிரி கடற்பாசி, உலகின் மிகப்பெரிய உயிரினம் நீலத்திமிங்கலம்.. இப்படி பல சாதனைகள் கடலுக்குண்டு. சுறாவில் மட்டும் 350வகை இருக்காம்.

மாறிவரும் வெப்பநிலை, சுற்றுச்சூழல் மாசுகள், கடலில் கொட்டப்படும் கழிவுகளால் கடல் மாசுப்பட்டு வருது. வெப்பநிலை உயர்ந்துக்கொண்டே வருவதால் பனிமலைகள் உருகி கடற்கரைகள் நகரை நோக்கி நீண்டுக்கொண்டு வருகிறது. மாலத்தீவுகள் உள்ளிட்ட பல தீவுகள் தங்களது நாட்களை எண்ணிக்கொண்டு இருக்கு.  இனி கடல்களின் கதி என்னாகுமென சமூக ஆர்வலர்கள் யோசிக்குறாங்க.

அப்ப, கடலும் மாற்றத்திற்குள்ளாகும்போல.. உலக பெருங்கடல் தினமான இன்று கடலை பத்தி நிறைய விசயங்கள் தெரிஞ்சுக்கிட்டேன் மாமா.

கடலைப்போலவே கடல் சார்ந்த விசயங்களும் நிறைய இருக்கு. பதிவு நீளுமேன்னு இத்தோடு முடிச்சுக்கிட்டேன்..

ஆமா மாமா , ஏற்கனவே பதிவு நீளம்ன்னு பேச்சு வருது. வயித்துக்குள் இருக்கும் பாப்பாவை பத்தின மீம்ஸ். பார்த்ததும் பிடிச்சு போச்சுது. கூடவே அதிலிருக்கும் உண்மையும் ஒத்துக்க வேண்டியதா இருக்கு...
இந்த பாப்பாவை பாருங்க. கேட்டதும் கொடுக்கலைன்னு காண்டாகி என்ன பண்ணுச்சுன்னு...
கால்ல எதுக்கு இத்தனை விரல்ன்னு நினைச்சு கடிச்சு துப்ப பார்க்குதான்னு தெரில மாமா. 

பாப்பாக்கள் வீடியோலாம் செம சூப்பர்ப்பா... வெளில வேலை இருக்கு. நான் போயிட்டு வரேன்...



நன்றியுடன்,
ராஜி




Sunday, June 07, 2020

அக்கட தேசத்து பாட்டையும் ரசிப்போமில்ல!! -பாட்டு புத்தகம்

எங்க அப்பாருக்கு நான் டீச்சராகி பொத்தனாப்ல காலையில் வேலைக்கு போய் மாலையில் வீட்டுக்கு வந்து சனி, ஞாயிறுகளில் வீட்டில் இருக்குற மாதிரி டீச்சர் வேலைக்கு போகனும்ன்னு ஆசை. என் ஆத்தாளுக்கோ விஜயசாந்தி ஐ.பி.எஸ் சாரி வெஜெயந்தி ஐ.பி,எஸ் மாதிரி பறந்து பறந்து சண்டை போட்டு பேர் வாங்கனும்ன்னு ஆசை. இப்படி படிச்சு திரைக்கடல் ஓடி திரவியம் தேடனும்ன்னு ஆசைப்பட்ட பொண்ணு இது எதையும் மைண்ட்ல வச்சுக்காம பாட்டு கேட்டுக்கிட்டு படிப்புல கோட்டைய விட்டது. என்னோட இசையார்வம் தமிழ் பாட்டுக்களை மட்டுமில்லாம மத்த மொழி  பாட்டுக்களையும் ரசிக்க வைத்தது...

Saturday, June 06, 2020

நாங்கலாம் அப்பவே கொரோனாக்கூட பழகி இருக்கோமாக்கும்-கிராமத்து வாழ்க்கை

சிறு வயதில் அனுபவித்து வாழ்ந்த வாழ்க்கையின் சிறு நினைவு மீட்டலே இந்த தொகுப்பு.... 

பாடங்கள் போரடிக்கும்போது , வெட்டியாய் இருக்கும்போதும் பேப்பருக்கு அடியில் சில்லறைக்காசை வச்சு,  பென்சிலால் தேய்ச்சா, மேல் பேப்பரில் சில்லறைக்காசின் அச்சு விழும்.
பென்சில், ரப்பர், பேனாக்களை அட்டைப்பெட்டியில் வாங்கி வீட்டில் வச்சு பிள்ளைகளுக்கு கொடுத்து அனுப்பும் காலமிது.   கேட்டதும் கிடைக்குறதால் பொருளோட அருமை தெரியாமல் தொலைச்சுட்டு வருவது, பாதி பென்சிலை தூக்கிப்போடுறதும் நடக்குது. ஆனா, தேய்ஞ்சுப்போன சிறு பென்சிலை வீட்டில் காட்டினாலும் புதுசு வாங்கி தரமாட்டாங்க. கெஞ்சி கூத்தாடனும்...
உக்காந்தபடியே நோகாம விளையாடும் விளையாட்டு. ஒரு எழுத்தினை சொல்ல, அந்த எழுத்தில் ஆரம்பிக்கும் மனிதன், பூ, நாடு/ஊர், பழம், மிருகத்தின் பெயரை எழுதனும்... நாடு/ஊரு, விலங்கோட  பேரு ஒரு கட்டத்தில்  கிடைக்கவே கிடைக்காது. அதுலதான் மார்க் குறைஞ்சு போகும்.
டிசம்பர் பூ மாதிரி பூக்கும் காட்டுப்பூவின் விதை இது. இதை தண்ணியில் போட்டால் வெடிக்கும். கிளாசில்  இருக்கும்போது வாய்க்குள் போட்டு வெடிக்கவிடுவோம். எச்சிலில் நனைச்சு தேமேன்னு உக்காந்திருக்கும் பக்கத்துல இருக்கும் ஆள்மேல் வச்சு வெடிக்கும்போது அவங்க திடுக்கிடுறதை ரசிப்போம். சில சமயத்துல ஃப்ரெண்ட் மேல வச்சு வெடிக்காம போகும். மீண்டும் எச்சிலில் நனைக்க வாயில் வைக்கும்போது வாயிலேயே வெடிச்சு நம்மை திடுக்கிட வைக்கும்.
நாம் சிறுவயதில் பயன்படுத்திய பல பொருட்கள் இன்று மாற்றமடைஞ்சு வேற மாதிரி ஆகிட்டுது. ஆனா, சேஃப்டி பின் எனப்படும் ஊக்கு மட்டும் அதே வடிவத்தில் இருக்கு.  ஆனா, அதே சேஃப்டி பின்னின் தலைப்பாகத்தில் குரங்கு, பூனை, பூன்னு வடிவம் இருக்கும். அதை  வாங்கி தாவணி, சுடிதார்ன்னு அணிஞ்சு ஸ்டைல் காட்டி இருக்கோம்..
கொரோனா சைசிலிருக்கும்  இந்த காயை உடைச்சு, உருட்டி, பொரட்டி  சின்ன வயசில் விளையாடி இருக்கோம்.  அந்த காய்தான் நம்மை பழிவாங்க கொரோனா உருவெடுத்து வந்திருக்குப்போல!!

இந்த வார நினைவுமீட்டல் எப்படி இருக்கு?!

நன்றியுடன்
ராஜி...

Friday, June 05, 2020

அழுக்கு துணிகளை துவைத்து கொடுத்து துன்பம் நீக்கிய சித்தர்-பாண்டிச்சேரி சித்தர்கள்.

சித்தம் என்றால் அறிவு... அறிவு தெளிந்தோருக்கு சித்தர்கள் என்று பெயர்.  சித்தர்கள் யாருக்கும் அடிமை இல்லை. யாரையும் அடிமைப்படுத்த மாட்டார்கள். ஜாதி, மத பாகுபாடு கிடையாது. இவர்களுக்கு நேரம் கால்ம் கிடையாது. தீட்டு, தீண்டத்தகாதவை கிடையாது. சித்தர்களின் கோட்பாடு ஒன்றுதான். இறைவன் ஒருவனே! அவன் ஜோதிவடிவானவன். அதிலும் இறைவன் தன்னுள்ளே உள்ளான். இறைவனை அடைய அன்பு ஒன்றே சிறந்த வழி என்று உணர்ந்தவர்களையே சித்தர்கள் என போற்றுகிறோம். தத்துவங்கள் தொன்னூற்று ஆறையும் கடந்தவர்கள் சித்தர்கள் என திருமூலர் பாடி வைத்துள்ளார். இப்பேற்பட்ட சித்தர்களை பற்றியும், அவர்தம் வரலாறு, ஜீவசமாதி ஆன இடம் பற்றியும் பாண்டிச்சேரி சித்தர்கள் வரிசையில் பார்த்து வருகிறோம். இந்த வாரம் நாம பார்க்கப்போறது பாண்டிச்சேரியில் உள்ள வில்லியனூர் சாலையில் ஒதியம்பட்டு என்ற ஊரில் உள்ள ஸ்ரீவண்ணார பரதேசி சுவாமிகள் ஜீவசமாதியை...

Wednesday, June 03, 2020

கடமையை செய்ததற்கு கிடைத்த பரிசு - தெரிந்த கதை, தெரியாத தகவல்

ஏழை பணக்காரன், உயர்ந்தவர் தாழ்ந்தவர்ன்ற எந்த வித்தியாசமும் பாராமல்,தரும நெறியின் வழியில் நடப்பதில் தருமனுக்கு ஈடு இணை இல்லை என்பர். அவரைப்போலவே தருமநெறி தவறாமல் நடப்பது எமன். அதனால்தான் எமனுக்கு தர்மன் என்று பெயர் உண்டானது.    ஆனால், அந்த எமதர்ம ராஜாவையே நீ செய்ய வந்த வேலை தவறானது என உதை வாங்கியம்கதை தெரியுமா?! அப்படி உதைத்தவர் சிவபெருமான்?! தன் கடமையை எமதர்மன் செய்வதை ஏன் சிவபெருமான் தடுத்தார்?! எமதர்மனை ஏன் எட்டி உதைத்தார் என தெரிந்த கதை தெரியாத தகவலில் பார்க்கலாம் வாங்க!!

Tuesday, June 02, 2020

மொறுமொறுப்பான வாழைக்காய் வறுவல் -கிச்சன் கார்னர்


என்னதான் நிறைய வெங்காயம், தக்காளின்னு சேர்த்து வாழைக்காய் பொரியல் செஞ்சாலும் அது சீந்துவார் இல்லாமதான் இருக்கும் எங்க வீட்டில். பஜ்ஜி சுட்டால் மறுப்ப்பு சொல்ல மாட்டாங்க. ஆனா,. அடிக்கடி வாழைக்காய் கிடைக்கும்.  கிடைக்கும் வாழைக்காயை வச்சு என்ன செய்ய?!

Sunday, May 31, 2020

தெய்வீக ரகசியத்தை அறிந்துக்கொள்ளனுமா?! - ஐஞ்சுவை அவியல்

மாமா! இந்த மாசம் மளிகை லிஸ்ட்ல ரெடிமேட் சாம்பிராணி எழுத மறந்துட்டேன். அதையும் சேர்த்து வாங்கி வாங்க!

ஏன், தூபக்காலில் நெருப்பை வச்சு, அதில் சாம்பிராணி தூவி வீடு முழுக்க காட்டுறதுக்கென்ன?!

முன்னலாம் விறகு அடுப்பில் சமைச்சாங்க. அதனால் நெருப்பு இருந்தது. அதில் சாம்பிராணி புகை போட்டாங்க. இப்பலாம் கேஸ்ல சமைக்குறதால் நான் நெருப்புக்கு எங்க போவேன்?!

தேங்காய் ஓடும், தேங்காய் நாறும் இருக்கே. அதை வச்சு நெருப்பு கங்கை உருவாக்க முடியாது. மனமிருந்தால் மார்க்கமுண்டுன்னு நீ கேள்விப்பட்டதில்லையா?! 

இந்த ஈர வெங்காயமெல்லாம் எனக்கும் தெரியும். இப்ப ரெடிமேட் சாம்பிராணி ஏத்தி வீடு முழுக்க காட்டுறதுல உனக்கென்ன  குறைஞ்சு போகுது?!

அடியேய்! நான் சொல்லுற மாதிரி சாம்பிராணி புகையை காட்டுறதால எத்தனை நன்மை இருக்கு தெரியுமா?! சிவன் கோவிலில் தினத்துக்கும் குங்கிலியம் கொண்டு புகை போடுறாங்களோ அவர்களுக்கு தெய்வீக ரகசியம் தெரியவருமென அகத்தியர் தன்னோட வாத காவியம்ன்ற நூலில் சொல்லி இருக்கிறார்.  இப்படி தெய்வீக ரகசியத்தினை தெரிஞ்சுக்கிட்டவங்களுக்கு எமதூதர்களிடமிருந்து விடுதலை பெறும் சக்தி கிடைக்கும். அதாவது மரணத்தை வெல்லும் சக்தி கிடைக்குமாம். அப்படி சக்தி கிடைச்சவங்க தான் மட்டுமல்லாம மத்தவங்களையும் காப்பாத்துவாங்க. இது சித்தர்களின் வழிபாட்டு முறைகளில் ஒன்றூ. அதனால்தான் சித்தர்களால் மற்றவங்களை மரணத்திலிருந்து காப்பாத்த முடிஞ்சது. அதை நாம பல கதைகளில் கேட்டிருக்கோம். 

தென்னிந்தியாவில் மேற்கு தொடர்ச்சி மலைகளிலும், வட இந்தியாவில் இமயமலை அடிவாரம் மாதிரியான சில காடுகளில் விளையக்கூடிய கருமருதுன்ற மரத்தினை கீறி, அதிலிருந்து வடியும் பிசினை சேகரிச்சு காயவச்சால் கிடைக்குறதுக்கு பேருதான் குங்கிலியம். இதைதான் நாம சாம்பிராணின்னு சொல்றோம்.  இந்த சாம்பிராணி புகை இந்துக்கள் வழிபாட்டில் மட்டுமல்லாமல் மதங்களை கடந்து எல்லா எல்லா மதத்தின் வழிபாட்டிலும் இடம்பெறுகிறது.

இப்படி மதங்களை கடந்து எல்லோரும் சாம்பிராணி புகை போட இறை நம்பிக்கை மட்டுமல்லாம  வாசனைக்காகவும்,  காற்றில் கலந்து வரும் நச்சுக்கிருமிகளை அழிக்கவும் வீடு, கடைன்னு எல்லா இடத்திலும் சாம்பிராணி புகை  போடும் வழக்கம் உண்டானது.  முன்னலாம் குழந்தைகள், பெண்கள் அதிலும் முக்கியமா கர்ப்பிணி பெண்கள், புதுசா பிரசவிச்ச தாய்மார்களுக்கு வாரமொரு முறை எண்ணெய் தேய்த்து தலைக்கு ஊற்றி, சாம்பிராணி புகை காட்டுவது வழக்கம்.  சாம்பிராணி புகையை தலையில் காட்டுவதோடு புகையை சுவாசிக்கவும் செய்வாங்க. இதனால் கருப்பை சார்ந்த பிரச்சனைகள், தலைவலி,  தலையில் நீர் கோர்த்தல் மாதிரியான  வியாதிகள் தீரும். இளநரை, முடி கொட்டுதல், பொடுகு மாதிரியான தலைமுடி சார்ந்த பிரச்சனைகள் வராமல் இந்த சாம்பிராணி புகை தடுத்தது. 

சாம்பிராணி புகை  ஆஸ்த்துமா, வீசிங்க் பிராப்ளம் மாதிரியான சுவாசக்கோளாறுகளையும் போக்கியது.  சாம்பிராணி புகையில் புற்றுநோயை உருவாக்கும் காரணிகளை மட்டுப்படுத்தும் ஆற்றல் இருக்குறதாகவும் இப்பத்தைய ஆய்வுகள் சொல்லுது.  சுத்தமான குங்கிலியம் கொண்டு போடும் சாம்பிராணி புகையால் பாதிப்பு ஏதுமில்லை. ஆனா, நீ சொல்லும் ரெடிமேட் சாம்பிராணி புகையால் மூச்சடைப்பு, அலர்ஜி மாதிரியான தொல்லைகள் உண்டாகுவதை நாமே பார்த்திருக்கோம்..

ஆமா மாமா, ரெடிமேட் சாம்பிராணி ஏத்தினாலே என் பாட்டி மூச்சடைக்குதுன்னு வெளில போய்ட்டு கொஞ்ச நேரம் கழிச்சுதான் உள்ள வருவாங்க. 


ம்ம் அந்த ரெடிமேட் சாம்பிராணியில் சேர்க்கப்படும் செயற்கை ரசாயாண பொருட்களும், வாசனை பொருட்களும்தான் இதற்கு காரணம்.    முன்னலாம் மழைக்காலத்தில் சாம்பிராணி புகையுடன், காய்ந்த வேப்பிலை சருகு, நொச்சி இலை சருகையும் போட்டு மாலைவேளையில் வீடு முழுக்க காட்டுவாங்க. இதனால் கொசு தொந்தரவு இருக்காது.  மழைக்காலத்தில் உருவாகும் நோய்க்கிருமிகள் தொற்றிலிருந்து நம்மை காக்கும்.  சுத்தமான குங்கிலியம் பர்வதமலை, கொல்லிமலை, கஞ்சமலை, சதுரகிரிமலை, அத்ரிமலை பகுதிகளில் கிடைக்கும். இப்பலாம் அங்கும் கலப்படம் நடக்குது. தெரிஞ்சவங்கக்கிட்ட சொல்லி வச்சு வாங்குறது நல்லது. 

சரி இனி பார்த்து வாங்குறேன். காலையில் எழுந்து அரக்க பரக்க சமைச்சு டப்பா கட்டும் வேலையில்லை. காலெஜ் லீவுங்குறதால் பாப்பா இருக்குறதால் வேலையே இல்லாத மாதிரி இருக்குன்னு சொன்னது குத்தம்ன்னு அப்பு இந்த கணக்கை நேர் பண்ணுன்னு சொல்லிட்டு போறான். இதுல 8767458998 அரிசி இருக்கு வேணும்ன்னா எண்ணிக்கன்னு மொக்கை ஜோக் சொல்லக்கூடாதுன்னு கண்டிஷன் வேற!
 
தேவையா உனக்கு?! வாய வச்சிக்கிட்டு சும்மா இல்லாம...

நான் அவனை எப்படியெல்லாம் வளர்த்தேன் தெரியுமா மாமா!? இப்படி என்னையை நக்கல் அடிக்குறான்.

இதுக்கும் வடிவேலு காமெடி மாதிரி எதும் சொல்லிடப்போறான். சின்ன வயசில் இப்படி எதாவது அவனை வெறுப்பேத்தி இருப்பே! அதான் உன்னைய இப்ப அவன் ரிவெஞ்ச் எடுக்குறான்... 

அப்படித்தான் போல!   சில கடுப்பேத்தும் வீடியோக்களால் எனக்கு டிக்டாக்ன்னாலே பிடிக்காது. ஆனா, நல்லா இருக்குன்னு யாராவது பகிர்ந்தால் பார்ப்பேன். அப்படி பார்த்ததில் இந்த வீடியோ பிடிச்சது.  உலக அழகியாக ஐஸ்வரியா ராய் தேர்வானபோது,  இந்தியாவே அவர் அழகை கொண்டாடிச்சு. அப்ப எங்க சார் ஒருத்தர் சொன்னாரு. ஐஸ்வர்யா ராயின் உடல் வாகு, அறிவுத்திறனோடு, உயரம், எடையோடு ஒத்துப்போகும் மொத்தத்தில் ஐஸ்வரியா ராயைவிடவும் அழகான பெண் எங்கோ காடு மேடுகளில் வெளிச்சத்துக்கு வராமல் இருக்கலாம். அதனால் ஐஸ்வரியா ராய் அழகான பெண்களில் ஒருத்திதானே தவிர, அவளே அழகானவள் இல்லைன்னு சொல்வார். 

அதுமாதிரி, பயிற்சி எடுத்துக்கிட்டு அசரவைக்குற மாதிரி ஆடும் ஆட்கள் எத்தனையோ பேர் இருக்காங்க. ஆனா, எந்த பயிற்சியும் செய்யாம, எங்கோ ஒரு மூலையில் நேர்த்தியுடனும்,அசர வைக்கும்படியாகவும் ஆட்களுக் இருக்கத்தான் செய்றாங்கன்னு இந்த வீடியோ பார்த்ததும் தெரிஞ்சுக்கிட்டேன். அதனாலோ என்னமோ எனக்கு பிடிச்சு போச்சு. நீ இந்த வீடியோவை பார்த்துக்கிட்டு இரு. நான் போய் சமைக்கும் வேலையை பார்க்கிறேன்...


நன்றியுடன்,
ராஜி

மானே தேனே கட்டிப்புடி - பாட்டு புத்தகம்

மோகன் படமா?! மைக் புடிச்சு பாடும் பாட்டு கண்டிப்பா இருக்கும். அப்படி ஒரு காட்சி இருந்தால் படம் ஹிட்ன்னு 80-90களில்  சினிமா செண்டிமெண்ட்..  அந்த செண்டிமெண்ட் நல்லாவே வேலை செய்தது. பாட்டுக்காகவே மோகனின் படங்கள் ஹிட் அடித்தது. மொக்கை படமானாலும் மோகன் படங்களில் பாட்டு நல்லா இருக்கும். ஓரிரு பாட்டுக்கள் இல்ல எல்லா பாட்டுமே! மோகன்+இளையராஜா+எஸ்.பி.பி இந்த மூன்று பேரின் கெமிஸ்ட்ரி நல்லாவே ஒத்துப்போச்சு.

Saturday, May 30, 2020

அரிசி குத்தும் அக்கா மகளே! - கிராமத்து வாழ்க்கை

சிறு வயதில் வாழ்ந்த வாழ்க்கையின் சிறு நினைவுமீட்டலே இந்த கிராமத்து வாழ்க்கை தொடர்.. 80,90களில் வளர்ந்தவர்களின் பால்யம் அழகானது. பழமையின் முடிவும், அறிவியல்  வளர்ச்சியின் ஆரம்பத்தையும் ஒருசேர அனுபவிச்சவர்கள்.. 30டூ 50 வயதுகளில் இருப்பவர்கள் எல்லாத்தையும் அனுபவித்துக்கொண்டே எதோ இழந்தமாதிரி  சில நேரத்தில் உணர்வார்கள்...  வயதானவர்களைப்போல பழமையில் இருக்கவும், இப்பத்திய பிள்ளைகள்போல புதுமையில் திளைச்சிருக்கவும் முடியாம திரிசங்கு சொர்க்கத்தில் வாழ்வதுபோல வாழ்கிறோம்!!

Friday, May 29, 2020

ஸ்ரீலட்சுமண சித்தர் சுவாமிகள் -பாண்டிச்சேரி சித்தர்கள்.

பொழுதன்னிக்கும் சாமி கும்பிட்டுக்கிட்டும், இறை உணர்வோடும், தரும சிந்தனையோடும் இருக்கும் இறை பக்தர்கள் நம்மில் பலர் உண்டு. இன்னும் கொஞ்சம் அதிகமான இறை பக்தியுடன் குடும்பத்தை விட்டு விலகி சாமியாராய் போனவர்களும் நம்மில் சிலர் உண்டு.  ஆனா, நம்மில் எத்தனை பேர்கள் சித்தர்களா மாறி இருக்கோம்?! அதென்ன பெரிய விசயமா ஓலைச்சுவடிகளை படிச்சு சித்து வேலைகளை கத்துக்கிட்டால் சித்தராகிடலாம்ன்னு பதில் வரும். ஆனால், அது முடியாது. ஏன்னா, பக்தர்கள்/சாமியார்களுக்கும் சித்தருக்கும் ஒரே வித்தியாசம்தான் இருக்கு. பலவாறாய் குழம்பி, இறைவனை காண முயன்று, கோவில் குளம் என இறைவனை தேடிக்கொண்டிருப்பவர்கள் பக்தர்கள்/சாமியார்கள். இறைவனை கண்டு தெளிந்தவர்கள் சித்தர்கள்.  இறைவனை கண்டபின்  சித்தர்களுக்கு எங்கும் எதிலும்  இறைவனே! இறைவன் ஒருவனே என உணர்ந்ததால் பெரிதாய் இறைவழிபாட்டில்கூட அவர்கள்  அதிகமாய் ஈடுபடுவதில்லை. முடிந்தளவுக்கு அடுத்தவர்களுக்கு உதவி செய்துவிட்டு சதா சர்வக்காலமும் தான் உணர்ந்த இறைவனை நினைத்து கொண்டு தனிமையில் இருப்பர். 

Tuesday, May 26, 2020

சுலபமாய் செய்யலாம் முறுக்கு வத்தல் - கிச்சன் கார்னர்

வெயில் காலம் வந்துட்டாலே வத்தல், வடாம் போடுறதுன்னு ஏக பிசி.  முன்னலாம் கஞ்சி வத்தல், முறுக்கு வத்தல், மாங்காய் வத்தல், கொத்தவரங்காய் வத்தல், மோர் மிளகாய், தாளிப்பு வடகம்ன்னு  கோடை விடுமுறையில் பிசியாகிடுவேன். கஞ்சி வத்தல் ஊத்தும்போது அதில் ஒரு டம்ப்ளர் கஞ்சியை சுடச்சுட குடிக்க எனக்கு ரொம்ப பிடிக்கும்.. சீரகம், இஞ்சி, பச்சை மிளகாய், பெருங்காயம்லாம் போட்டு வாசமாய் அட்டகாசமாய் இருக்கும்..

Monday, May 25, 2020

தாராவியினை இதே நிலையில் இருக்கச்சொல்கிறதா Slum Tourisam?!- ஐஞ்சுவை அவியல்

மாமா! டிவியில் கொரோனா பாதிப்பு பத்தி போடும்போது தமிழகத்தில் சென்னையில் அதிகமா பாதிப்பு இருக்குற மாதிரி, மும்பையில் தாராவியில் அதிகமா பாதிச்சிருக்குன்னு சொல்றாங்களே! தாராவின்னா இந்த நாயகன், காலா, காதலர்தினம், ஸ்லம்டாக் மில்லியனர் படத்துல வந்த  இடம்தானே! 

அதேதான் புள்ள! சூரியன் மறையாத நாடுன்னு பிரிட்டனை சொல்வாங்க. ஏன்னா, பிரிட்டனின் கொடிஉலகத்தின் எல்லா மூலையிலும் எதோ ஒரு நாட்டில் பறந்து சூரியனை பார்த்துக்கிட்டே இருக்கும். அதேமாதிரிதான் ஏதோ ஒரு நாட்டிலிருந்து சூரியனை  24 மணிநேரமும் தமிழன் பார்த்துக்கிட்டே இருக்கிறான்னு சொல்ல ஆரம்பிச்சாட்டாங்க. அந்தளவுக்கு உலகம் முழுக்க தமிழனின் கொடி பறக்கின்றது.  சிங்கப்பூர், மலேசியா, அமெரிக்கா, அரபு நாடுகள்ன்னு தமிழகர்கள் பெருமளவில் இருந்தாலும்  ஒரே இடத்தில் இருப்பதில்லை. பரவலாய் நாடு முழுக்க இருப்பாங்க. உலகம் முழுக்க தமிழர்கள் இருக்கும்போது நம் இந்திய நாட்டிலும் தமிழன் கால் பதிச்சிருப்பாந்தானே?!    மகாராஷ்டிராவில் கொஞ்சம் அதிகமாவே தமிழன் கால் பதிச்சுட்டான்போல! மும்பையில் ஒரு குட்டி தமிழகத்தை உருவாக்கிட்டான். 
18ம் நூற்றாண்டு வரை மேற்கு வங்கத்தில் மான்க்ரூவ்  தீவுகளைப்போல தாராவியும் தீவாகத்தான் இருந்தது.  அப்ப, கோலின்ற மீன் பிடிப்பதை குலத்தொழிலாக கொண்ட  மக்கள் மீன்பிடித்து வாழ்ந்து வந்தனர். ஆங்கிலேயர்களால் கோலி-வாடா என இந்த இடம் அழைக்கப்பட்டது. கிழக்கிந்திய கம்பெனியின் காலத்தில் இந்த இடம் பம்பாய் ஆனது. இங்கு 1887ல் தோல் பதனிடும் தொழிற்சாலை பம்பாயில் தொடங்கப்பட்டது.   பம்பாய் நகரம் அசுர வளர்ச்சியடைய ஆரம்பித்தது.  உத்தர பிரதேசத்திலிருந்து வந்தவர்கள் எம்பிராய்டரி தொழிலும், குஜராத்திலிருந்து வந்தவர்கள் மண்பாண்ட தொழிலும், தமிழகத்திலிருந்து சென்றவர்கள் நெசவுத்தொழிலும் செய்தனர். கூடுதலாக ப்ளாஸ்டிக் மீள் உற்பத்தி தொழிலும் கன ஜோராக நடந்தது. 

 
பம்பாய் நகரின் அசுர வளர்ச்சி ஏராளமான வேலைவாய்ப்புகளை உருவாக்கித் தந்தது. பொதுவாக நகரங்கள் செழித்து வளரும்  அதேநேரம் கிராமப் பகுதிகளில் பஞ்சம் தலைவிரித்தாடும் என்பது உண்மை.  மெட்ராஸ், கல்கத்தா, பம்பாயின் வளர்ச்சி கிராமத்து உழைக்கும் வர்க்கத்தை தன்பால் ஈர்த்தது. காரணம், நகரங்களின் வளர்ச்சிக்கு கட்டுறுதியான உடலும், கடுமையாய் ழைக்கும் ஆட்கள் தேவை. அத்தகைய ஆட்கள் கிராமப்புறங்களில் இருந்தார்கள் அவர்களை பல்வேறு ஆசைவார்த்தை காட்டி நகரங்கள் தங்கள் வளர்ச்சிக்கு பயன்படுத்த ஆரம்பித்தார்கள். 

பம்பாய் நகரத்தின் தேவையும், கிராமப்புறத்தில் உருவான வறுமையும், இயலாமையும், தமிழர்களை பம்பாயை நோக்கி போக வைத்தது. அன்றைய மெட்ராஸ் மாகானத்து மக்களே பெரும்பாலும் பம்பாய்க்கு புலம்பெயர ஆரம்பித்தார்கள்..  திருநெல்வேலி, வட ஆற்காடு, சேலம் போன்ற மாவட்டங்களைச் சேர்ந்த மக்கள் பிழைப்புக்காக பம்பாயை நோக்கிச் பயணப்பட்டனர். அப்பதான் ஓடத்துவங்கிய ரயிலில் பலர் பயணப்பட்டனர். மீதி ஆட்கள் நடந்தே மும்பை சென்றனர். வந்தாரை வாழவைக்கும் சென்னை மாதிரி அன்றைய பம்பாய் வந்தவருக்கெல்லாம் வேலை கொடுத்தது.  ஆனா, தங்க இடம் கொடுக்கலை.  மீன் பிடி தொழில் சரிய தொடங்கியதால் மீனவர்கள் கோலி-வாடாவிலிருந்து வேறு இடம் நோக்கி நகர்ந்தனர். புலம்பெயர்ந்த தொழிலாளர்கள் சதுப்பு நிலப்பகுதியாய் இருந்த 7 தீவுகளில் குடியேற ஆரம்பித்தனர்.  அதுவே இன்று தாராவியாய் சுமார் 10 லட்சம் மக்களால் வளர்ந்து நிற்கின்றது. 
தாராவியிலிருந்து பம்பாயின் எல்லா பகுதிகளுக்கும் சீக்கிரத்துல போயிடலாம்ன்றது தொழிலாளர்களுக்கு வசதியா போச்சு. ஏர்போர்ட் 12கி.மீ,  நடந்து போற தூரத்துல 4 ரயில்வே ஸ்டேஷன், பஸ் ஸ்டாண்ட்ன்னு இருக்குறதால பெருமளவில் தொழிலாளர்கள் இங்க இருக்காங்க.  வெறும் 100- 200 ச.அடியில்  தகரத்தால் ஆன வீடுகள்ன்னு 520 ஏக்கர் பரப்பளவில் தாராவி பறந்து விரிந்திருக்கு.  வீட்டுக்கொரு கழிப்பறை இல்லைன்னாலும் மிக்சி, கிரைண்டர், ஆப்பிள் போன்ன்னு எல்லா வசதியும் இவங்கக்கிட்ட இருக்கு.  ஒரு காலத்துல சீந்துவார் இல்லாம இருந்த கோலி-வாடா, தாராவியாய் மாறி மும்பையிலேயே நெருக்கடியான இடமாகிட்டுது. இங்க 100 சதுர அடிகூட பல லட்சங்களுக்கு விலை போகுது. அதுவும் கிடைக்கவும் மாட்டேங்குது. படிப்பு, பதவின்னு உயர்ந்தாலும் இந்த இடத்தைவிட்டு அவங்க இடம் மாறுவதில்லை.



வருசத்துக்கு 1பில்லியன் டாலர் அளவுக்கு முறைப்படுத்தப்படாத பொருளாதாரத்தை ஈட்டி தந்தாலும் உங்க உட்கட்டமைப்பு வசதியை யாராலும் செய்து தரப்படவில்லை. தரப்படவில்லை என்பதைவிட முடியவில்லை என்பதே உண்மை. இதற்கு காரணம் புறா கூண்டு சைசிலான வீடுகளும் வாழ்வாதார சிக்கல்களும், மறைவான அரசியலும்தான். நுகர்வு கலாச்சாரத்தால் ஈர்க்கப்பட்டுள்ள மேற்கத்திய நாடுகள் குறிப்பா ஐரோப்பியர்களுக்கிடையே slum tourismன்ற வாழ்க்கையின் விளிம்பு நிலையில் இருக்கும் மக்களை கண்டு அவர்களை ரசித்து, பரிதாபப்பட்டு, வியந்து, உதவி... தங்களது ஆன்மாவை திருப்திப்படுத்திக்கொள்கின்றனர். வறுமையுடனான மக்களின் போராட்டத்தை ‘உண்மையில் ஏழைகள்தான் மகிழ்ச்சியாக இருக்காங்க’ன்னு  தங்களைத் தாங்களே ஆறுதல்படுத்திக்கொள்ள இல்லன்னா நாம எவ்வளவோ பரவாயில்லைன்னு  திருப்திபடுத்திக்க்குறதுக்கோ இந்த சேர் சுற்றுலாவை  தேர்ந்தெடுக்கிறாங்க.  தாராவி மக்களுக்கு பொருளாதார ரீதியாய் உதவினாலும் அவர்களின் வறுமையை, சுகாதாரமின்மையை ஊக்குவிக்குற மாதிரி இருக்குன்னு சமூக ஆர்வளர்கள் சொல்றாங்க. இங்கு நடக்கும் உள்ளடிகளை வச்சுதான் நாயகன் படம் எடுத்தாங்க. 

அவரை பத்தி சொல்லேன் மாமா! இப்பவே பதிவு நீண்டு போச்சு. அவரது வரலாறை இன்னொரு நால் பதிவில் பார்க்கலாம்.. 

சரி, இந்த mpl கேம்ன்னா என்ன  மாமா?!

எதுகு கேக்குறே புள்ள!?

டிவியில்  ஒருபையன்  தான் இஞ்சினியர் படிச்சுட்டு வேலையில்லாம வீட்டில் இருக்கும்போது இந்த கேமை விளையாடி 50,000வரைக்கும் ஜெயிச்சதாவும் வீட்டுக்கு ஹெல்ப் பண்ணதாவும், அந்த விளையாட்டை யார் வேணூம்ன்னாலும் விளையடாலம்னு சொல்றான். இன்னொரு பையன் இந்த கேமை விளையாடி 40000வரை ஜெயிச்சு பிரண்ட்ஸ்கூட செலவு செஞ்சதாவும் ராயல் என்ஃபீல்ட் வாங்கனும்ன்ற தன் ஆசை இதாலதான் நிறைவேற போகுதுன்னு சொல்றான். அதான், நாமளும் விளையாடி சம்பாதிக்கலாம்ன்னு கேட்டேன்..
முன்னலாம் பொழுது போகதாயம், பல்லாங்குசின்னு விளையாடுவோம். இந்த டிஜிட்டல் உலகில் கூட சேர்ந்து விளையாட ஆள் இல்லாததால் வீடியோ கேம் வந்தடு. அதுவே வளர்ந்து மொபைல், கம்ப்யூட்டரில் ஆங்கிரி பேர்ட், டெம்பிள் ரன், கேண்டி கிரஷ்ன்னு வளர்ச்சி அடைந்தது., இப்ப அதோட லேட்டஸ்ட் வெர்ஷந்தான் இந்த mpl, ஆன்லைன் ரம்மி மாதிரியான விளையாட்டுகள்.  பணத்தை காட்டி   விளையாடும் எந்த விளையாட்டும் சூதுதான். இதுலாம் விளையாடுவது தப்பு. 


சின்ன வயசு பசங்களின் ஆசையை தூண்டி கோடிகோடியாய் பணத்தை குமிக்குறதுக்கு பேரு ரியல் மணி கேம். இதோட விவரத்தை இன்னொரு பதிவில் பார்க்கலாம். முன்னலாம் வீட்டில் தாயம் விளையாடுவதையே  சில் பெரியவங்க ஒத்துக்க மாட்டாங்க. ஏன்னா அது விளையாடியதால் தருமன் தோற்றான். நாடு நகரமிழந்தான். தம்பி, மனைவியை அடமானம் வைத்து, திரௌபதி துகில் உறியப்பட்டாள்ன்னு சொல்வாங்க.  ஆனா, இப்ப தினத்துக்கு ஆன்லைன் சூதை விளையாடச்சொல்லி நடுவீட்டில் நின்னு தமன்னா, வீராட் கோலி மாதிரியான பெரிய ஆளுங்க கூப்பிடுறாங்க. இந்த விளம்பரத்தால் இஞ்சினியரிங் படிச்சா வேலை கிடைக்காது. வேலை இல்லன்னாலும் இந்த ஆன்லைன் விளையாட்டை விளையாடி சம்பாதிச்சு ஜாலியா இருக்கலாம், வேலைக்கு போறதைவிட இதுல அதிகமா சம்பாதிக்கலாம். வீட்டில் இருந்துக்கிட்டே அதுவும் விளையடிக்கிட்டே சம்பாதிக்கலாம்ன்ற மாதிரியான  தப்பான அபிப்ராயத்தை உண்டாக்கும். எனக்கு தெரியாம எதாவது விளையாடி, எதாவது சிக்கலை இழுத்து விடடுக்காத. 

சரி அந்த கேமை விளையாடலை. ஆனா, இந்த விளையாட்டை விளையாடவா?!
இது விளையாட யாருக்குதான் பிடிக்காது., வேணும்ன்னா சொல்லு நானு, உன்னோடு வந்து விளையாடுறேன்.   என்ன ஒன்னு இந்த விளையாட்டின் ஒரே விதி பாப்பாக்கு பல் முளைச்சிருக்கக்கூடாது. பல்லு இருந்தால் விரல் துண்டாகிடும்.  

ஆமா மாமா! எந்த விசயத்திலும் ஆம்பிளைங்களுக்கு பயம் வந்தால் எதுவா இருந்தாலும் அப்படியே கைவிட்டுடுவாங்க. ஆனா, பொம்பளைங்களுக்கு பயம் வந்தால் தப்பா எதுவும் நடந்துடக்கூடாதுன்னு முன்னைவிட பலமா இறுக்கமா பிடிச்சுப்பாங்க. இதுதான் ஆணுக்கும் பெண்ணுக்குமான வித்தியாசம். அது வண்டியிலும் தொடரும், கீழ விழுற மாதிரி இருந்தால் ஹாண்டில்பாரை விட்டுட்டு கீழ குதிக்க பார்ப்பாங்க. ஆனா, பொண்ணுங்க, முன்னைவிட ஆக்சிலேட்டரை முறுக்குவாங்க. அப்படி முறுக்கித்தான் ராஜி கீழ விழுந்தாளம். அவ அப்பா சொன்னாரு. இந்த வீடியோவை பார்க்கும்போது அவ நினைவுதான் வந்துச்சு.  இந்த வீடியோவை பார்த்துக்கிட்டு இருங்க. நான் போய் சாப்பாட்டு வேலையை ஆரம்பிக்குறேன்..
நன்றியுடன், 
ராஜி

Sunday, May 24, 2020

என்னை ஏன் பிடிக்காது என்றாய்?! - பாட்டு புத்தகம்

என்னதான் பிடிச்ச இனிப்பு பண்டமா இருந்தாலும் ஓரிரு துண்டுகள் சாப்பிட்டால் பரவாயில்லை.  அதையே சாப்பிட்டுக்கிட்டிருந்தால் போரடிக்க ஆரம்பிக்கும். அதுமாதிரிதான் இந்த பாட்டும்... ஆனா என்ன டிவில தினத்துக்கு பத்து முறை பார்த்து, கேட்டு போரடிக்கவே ஆரம்பிச்சிடுச்சு.

Saturday, May 23, 2020

அன்பு எப்படி இருக்கனும்ன்னு தெரியுமா?!


பக்கம் பக்கமா எழுதி போரடிக்கிறேன்ல! ஒரு சேஞ்சுக்கு இணையத்துல சுட்டதை பதிவாக்கி இருக்கேன்....

Friday, May 22, 2020

சிவன்மலையில் வீற்றிருப்பது யார்?! - புண்ணியம் தேடி..


சின்ன மகளின் கல்லூரி மேற்படிப்புக்காக  கோவை பயணத்தின்போது  சிவன்மலைக்கு போகலாம்ன்னு அப்பா சொன்னதும் அங்க சிவன்தான் இருப்பார்ன்னு நினைச்சேன்.  மலையடிவார நுழைவு வாயிலிலேயே தெரிஞ்சுது மலைக்குமேல் குடிக்கொண்டிருப்பது சிவன் இல்லை. அவரோட சன் முருகன்தான்னு.. அப்பா கட்டிய வீட்டில் பிள்ளைங்க இருக்குற மாதிரி சிவன்மலையில் முருகன் இருக்கார்ன்னு நினைச்சுக்கிட்டேன்.  இந்த தலத்தை வாழ்நாளில் மறக்கமுடியாத இன்னொரு நிகழ்வு, என் பையன் முதன்முதலா கார் ஓட்டிக்கிட்டு மலைமீது ஏறினது இங்கதான்.  கொஞ்சம் பயத்தோடுதான் காரை ஓட்டினான். தைரியம் சொல்லி கூட்டிப்போனோம். நல்லாவே ஓட்டி பத்திரமா கீழிறங்கி வந்துட்டோம். அவன் பதட்டம் ரசிக்க வைத்தது.

Sunday, May 17, 2020

வீட்டில் திட்டு வாங்க வைத்த பாட்டு - பாட்டு புத்தகம்

மாயாவி படத்தில் ஒரு காட்சி வரும். அவனவன் சிம்ரன் படத்தைதான் மூணு மணிநேரம் பார்ப்பான். நான்லாம் சிம்ரன் போஸ்டரையே மூணு மணிநேரம் பார்ப்பேன்னு... அந்த மாதிரிதான் நானும் கார்த்திக் போஸ்டரையே மூணு நாள் பார்த்துக்கிட்டிருப்பேன். அப்பேற்பட்ட ஆளுக்கிட்ட இந்த பாட்டு சிக்கலாமோ!!??  சிக்கிடுச்சு. முன்னலாம் ரீல் அந்துபோகும், சிடி தேஞ்சு போகும். இல்லலாம் எத்தனை தடவை ரிப்பீட் ஆனாலும் கவலை இல்லை. டிவில டேட்டா கனெக்ட் செஞ்சு யூட்யூப்ல ஒருநாள் முழுக்க கேட்டும் பார்த்தும் அளுக்கலை. ஆனா டேட்டா காலியாகுதேன்னு டவுன்லோடி ரிப்பீட் மோடுல போட்டுவிட்டு வீட்டில் சிறுசுங்கக்கிட்ட திட்டு வாங்கியும் ஆஃப் பண்ண பாடில்லை..

Saturday, May 16, 2020

தொற்றுநோயாளிகளை அரவணைத்துக்கொள்ளும் தாம்பரம் சானிடோரியம்

நம் தனிப்பட்ட அனுபவங்களை தவிர்த்து ஒவ்வொரு ஊருக்கும் ஒரு வரலாறு உண்டு.  நாம் சாதாரணமாய் கடந்து செல்லும் பல ஊர்களுக்கு பின்னாடி மிகப்பெரிய சரித்தரம் இருக்கு. தாம்பரம் சானடோரியம் என்றால் அவரவர் அனுபவம் தவிர்த்து  MEPZ , புறநகர் பேருந்து நிலையமும், ஒரு ரயில்வே ஸ்டேஷனும்  நினைவுக்கு வரும்.  ஆனா, இன்று தாம்பரம் சானடோரியம் என அழைக்கப்படும் அந்த இடத்தின் அடையாளமாய்  முன் இருந்தது எது என தெரிஞ்சுக்கலாமா?!

Friday, May 15, 2020

அருள்மிகு ஸ்ரீமஞ்சனீஸ்வரர் அய்யனாரப்பன் திருக்கோவில் -கீழ்ப்புத்துப்பட்டு.

நினைச்சது ஒன்னு நடந்தது ஒன்னு, மாட்டிக்கிட்டு முழிக்குதே அய்யாக்கண்ணு..ன்னு பழைய பாட்டு ஒன்னு  இருக்கும், அதை அனுபவப்பூர்வமா உணர்ந்தேன்.  என்ன அனுபவம்ன்னு படிக்கும்போதே தெரிஞ்சுப்பீங்க!. போனவாரம் ஸ்ரீமௌலானாசாகிப் சுவாமிகள் ஜீவ சமாதியான தர்காவினை பற்றி  பார்த்தோம். அங்கிருந்து  கீழ்புத்துபட்டு  ஸ்ரீலஷ்மண சுவாமிகள் ஜீவ சமாதிகளை பார்க்கலாம்ன்னு கிளம்பினோம். வாழ்க்கையில் அடுத்த நிமிடம் என்ன நடக்கப்போகுதுன்னு யாருமே அறியாதது. அதுமாதிரிதான் நாங்க நினைச்சது ஒன்னு, நடந்தது ஒன்னு...

Wednesday, May 13, 2020

அரிச்சந்திரன் நல்லவனா?! கெட்டவனா?!- தெரிந்த கதை, தெரியாத தகவல்


அதுவரை சராசரியான மனித வாழ்க்கை வாழ்ந்து வந்த மகாத்மா காந்தியின் வாழ்க்கையை அரிச்சந்திரன் கதை மாற்றி அமைத்ததுன்னு சொல்லி கேள்விப்பட்டிருக்கோம். அன்றிலிருந்து என்ன கஷ்டம் வந்தாலும் பொய் சொன்னதில்லைன்னும் சொல்வாங்க,... காந்தியடிகள்  மனசு மாறினதுக்கு காரணமான அரிச்சந்திரன் உண்மையிலேயே பொய்யே சொன்னதில்லையா?!  அரிச்சந்திரனும் குறிப்பிட்ட காலம் வரை சராசரி மனித வாழ்க்கையை வாழ்ந்தவர்ன்னு சொன்னால் ஏற்பது கஷ்டம்தான்.

Monday, May 11, 2020

இப்படியா சோறு திம்பாங்க?! - ஐஞ்சுவை அவியல்

மாமா ! என் ஃப்ரெண்ட் ராஜி தன்னோட பையன்கூட வாக்குவாதம் பண்ணிக்கிட்டிருந்தா.

என்னவாம்?! உன் ஃப்ரெண்ட் ஒரண்டை இழுக்காத ஆள் யாராவது இருக்காங்களா?! எல்லார்க்கிட்டயும் சண்டை இழுக்குறதே அவளுக்கு வேலை. சரி, பெத்த புள்ளைக்கிட்ட எதுக்கு சண்டை போட்டாளாம்?! 


அப்பு புதுசா வாங்குன தன்  வண்டியின் முன்பக்கத்தில் தன்னோட  பேரும், சிறகு இருக்கும் ஒரு கொம்பை, இரு பாம்புகள் பின்னி இருக்குற மாதிரி ஒரு குறியீட்டை வரைஞ்சு வந்திருக்கான். இதை ஏன்டா வரைஞ்சேன்னு ராஜி கேட்டதுக்கு, இது மருத்துவத்துக்கான குறியீடு, இதை டாக்டர்கள், நர்ஸ், ஹாஸ்பிட்டல், ஆம்புலன்ஸ், மருத்துவம் சார்ந்த தொழிலாளர்கள், வண்டிகள், இடங்களில் பயன்படுத்தலாம், நான் பிசியோதெரபி படிக்குறதால், நான் என் வண்டியில் வரைஞ்சுக்கிட்டேன்ன்னு சொல்லி இருக்கான்.

சரியாதானே சொல்லி இருக்கான்?! அப்புறம் எதுக்கு புள்ளைய திட்டினா?!

யார்கிட்ட கதை விடுறே! ஆம்புலன்ஸ்சில் சிகப்பு கலர்ல ப்ளஸ் குறிதான் இருக்கும். நிறைய டாக்டர்கள் தங்களோட வண்டிகளில் அதைதான் போட்டிருக்காங்க. நான் நிறைய அதுமாதிரி பார்த்திருக்கேன்னு சொல்லி இருக்கா.

ராஜி சொல்றதும் சரிதானே?!

மாமா! யாராவது ஒருத்தங்க பக்கமா பேசுங்க! ரெண்டு பேரில் யார் சொல்றது சரி?!


ரெண்டு பேரும் சொல்வதுமே சரி. பரவலா சிவப்பு கலர் ப்ளஸ்தான் மருத்துவமனை, ஆம்புலன்ஸ்சில், ஹாஸ்பிட்டலில் இருக்கு.  ஜெனிவா ஒப்பந்தப்படி போர்க் காலங்களில் மனிதாபிமான அடிப்படையில் உதவி செய்பவர்களும், மருத்துவ உதவி செய்பவர்களும் வெள்ளை நிறத்து பிண்ணனியில் சிவப்பு நிறத்து பிளஸ் குறியீட்டை பயன்படுத்துவாங்க. இதுக்கு ரெட்கிராஸ்ன்னு பேரு. நம்ம ஊரு ஸ்வஸ்திக்ல இருந்து இந்த குறியீடு வந்ததுன்னு நம்மாளுங்களும், இல்லை எங்க சிலுவை சின்னத்திலிருந்து வந்ததா கிறிஸ்துவர்களும் சொந்தம் கொண்டாட, உங்க ரெண்டு பேரு சகவாசமே வேணாம்ன்னு  அரபு நாட்டினரும், இன்னும் சில நாட்டினரும் இந்த குறியீட்டுக்கு பதிலா பிறை, சிங்கம், செம்படிகம்ன்னு வேறு சில குறியீட்டையும் பயன்படுத்திக்கிட்டாங்க. 1864ல் போர்ப்படையில் மருத்துவப்பிரிவினர் தங்களை தனித்து அடையாளப்படுத்திக்க இந்த ரெட்கிராஸ் சின்னத்தை பயன்படுத்திக்க ஆரம்பிச்சாங்க.  தூரத்திலிருந்தும் பளிச்சுன்னு இந்த குறியீடு தெரியும் காரணத்தினாலும், உதவி தேவைப்படுறவங்க சுலபமா அடையாளம் காணவும், சுலபமா வரையக்கூடியதாலும் இந்த குறியீடு உலகம் முழுக்க பரவிச்சு.  ஹாஸ்பிட்டல், ஆம்புலன்ஸ்,  மருந்துக்கடைன்னு எல்லாரும் இந்த குறியீட்டை பயன்படுத்தி வர்றாங்க. ஆனா, மருத்துவத்துக்கான குறியீடுன்னு பார்த்தா அப்பு வரைஞ்ச கொம்பை சுத்தி இரு பாம்புகள் இருக்கும் படம்தான் சரியானது.


சரி, இந்த குறியீட்டின் அர்த்தம் என்ன மாமா?!

நமக்கு எதுவுமே சாமிக்கிட்ட ஆரம்பிச்சாதான் புரியும், கடைப்பிடிப்போம். அதனால், ஆன்மீக காரணத்தை சொல்றேன். சிவன் கோவில்கள், ஆல/அரச/வேப்ப மரத்தடியில் இரு பாம்புகள் பின்னி இருக்கும் சர்ப்ப பிரதிஷ்டைகளை பார்த்திருப்போம். இந்த பிரதிஷ்டையை தினமும் தரிசனம் செய்தால் நாம் செய்த கர்மவினைகள் நீங்கும், தீராத வியாதிகள் எல்லாம் தீரும்ன்றது நம் நம்பிக்கை. இதை பார்த்துதான் இந்த குறியீடு உண்டாக்கினதா சொல்றாங்க.

ஜோதிட ரீதியா செவ்வாய்கிரகம் நோய்க்கு காரணமான ரோகக்காரன்னும், பகைக்கு காரணமான சத்ருகாரகன்னும், கடன் தொல்லைக்கு காரணமான ருணக்காரன்னும் சொல்வாங்க. இந்த செவ்வாய் கிரகம் ஆயில்யம் நட்சத்திரத்தன்னிக்கு  செயலற்று போகும்ன்னு ஜோதிடம் சொல்லுது. ஆயில்யம்ன்னா பிண்ணிக்கொள்வதுன்னு ஒரு அர்த்தமாம். ஆயில்யம் நட்சத்திரத்தின் குறியீடா பிண்ணிக்கொண்டிருக்கும் பாம்பைதான் சொல்றாங்க. அதனால்தான் மருத்துவம் பார்க்க ஆயில்யம் நட்சத்திரம் சிறந்ததுன்னு சொல்றாங்க. அதனாலும் இந்த குறியீடு வந்ததா சொல்றாங்க.

இனி இன்னொரு காரணத்தை பார்க்கலாம்!! கிரேக்கர்களை பொறுத்தவரை மருத்துவம்ன்றது கடவுள் தந்த பரிசுன்னு இன்னமும் நம்புறாங்க.  ஒலிம்பஸ் மலையில் உள்ள கடவுளின் தூதரான ஹெர்ம்ஸ் என்பவர் காடூசியஸ்ன்ற மந்திரக்கோலைகோலை கையில் வச்சிருப்பார். இந்த மந்திரக்கோலை அவருக்கு கிரேக்க கடவுளான அப்பல்லோ, ஹெர்ம்ஸ் உடனான தனது நட்புக்கு அடையாளமாக இந்த காடூசியஸ்ன்ற மந்திரக்கோலை பரிசாக தந்தார். இரண்டு பாம்புகள் பிண்ணி பிணைந்தபடி இருக்கும் ஒரு தடி. அந்த தடியோட மேற்பகுதியில் இறக்கைகள் இருக்கும். காடூசியஸ் மந்திரக்கோலில் நடுவில் இருக்கும் தடி நமது தண்டுவடத்தை குறிக்கும்.   இரண்டு பாம்பில் ஒன்று விசம்(நோய்) இன்னொரு பாம்பு அந்த விசத்தினை முறிக்கும் மருந்து(குணப்படுத்துதல்) ன்னு அர்த்தம். இப்படி பின்னி பிணைந்த பாம்புகள் ஆண், பெண்ணின் சேர்க்கை எனவும் சொல்றது உண்டு. சித்த மருத்துவப்படி இரும்பை தங்கமாக்கும் ரசவாதத்தில் இந்த தடியில் இருக்கும் ஆண் பாம்பு கந்தகம் எனவும், பெண் பாம்பு பாதரசம்ன்னும் சொல்றாங்க.   இரண்டு கொள்கைகளின் தொடர்புகளின் அடையாளமாகும். இரண்டு பின்னிப் பிணைந்த மற்றும் பாம்புகளை ஒன்றிணைக்க ஆர்வமாக இருப்பது ஞானத்தை வெளிப்படுத்துதுன்னும் சொல்றாங்க.  காடூசியஸ்சில் இருக்கும் சிறகுகள் இரண்டும் காற்றை  அடையாளமா கொண்டது. எந்த தடை இருந்தாலும் காற்றைப்போல எல்லா இடத்திலும் நுழையும் தன்மைக்கொண்டது மருத்துவம்ன்னு இந்த குறியீடு சொல்லாம சொல்லுது. 16ம் நூற்றாண்டிலிருந்துதான் இந்த காடூசியஸ் குறியீட்டை பரவலா பயன்படுத்த ஆரம்பிச்சாங்க.  

அதென்ன மாமா கொடிய விசம் கொண்டதும், உயிரை எடுக்கும் பாம்பை போயி உயிர் காக்கும் மருத்துவத்துக்கு குறியீடா வச்சிருக்காங்க. 


மனிதன் உருவான காலத்தில் தன் உயிருக்கு ஆபத்து தரும்  மிருகங்களையும் இடி, மின்னல், மழை மாதிரியான இயற்கை சீற்றங்களை கண்டு பயந்தான். தன்னால் கட்டுப்படுத்த முடியாததையும், தான் பயப்படுவதையும் கடவுளாய் பாவிக்கும் வழக்கம் மனிதனின் ரத்தத்தில் ஊறிப்போன ஒன்று.  அதுமாதிரிதான் பாம்பு, சிங்கம், புலி, காற்று, நெருப்புலாம் வணங்கினான். எழுத, வரையும் கலை வந்தபின் இயற்கை சீற்றங்கள் கடவுளின் அம்சமானது. மிருகங்கள் அந்த கடவுளுக்கு வாகனமாகின. பாம்பினை வாழ்க்கை மற்றும் மனிதனை மீளுருவாக்கம் செய்யும் சக்தியாக ஆதிமனிதர்கள் வணங்கினர்.   உயிரை பறிக்கும் பாம்பின்கொடிய விசத்திலிருந்து ஏகப்பட்ட உயிர்காக்கும் மருந்துகள் தயாரிக்கப்படுது. அதனால்தான்  பாம்பு  மருத்துவ குறியீட்டில் இடம்பெற்றது.  அதனால்தான் எல்லா கடவுளும் பாம்பினை வச்சிருக்காங்க. 

அதேமாதிரிதான், மருந்து கடைகளிலும், டாக்டர் கொடுக்கும் மருந்து சீட்டிலும் Rxன்னு இருக்கும் Reciepeன்ற லத்தீன் மொழில இருந்துஅ வந்தது.  இதுக்கு என்ன அர்த்தம்ன்னா  எடுத்துக்கொள்ளவும்ன்னு  அர்த்தம். 

சரி மாமா! ராஜி பொண்ணூ கல்யாண பத்திரிக்கையில் சீமந்த புண்ணிய புத்திரின்னு இருந்துச்சே அதுக்கு என்ன அர்த்தம்?!
முதல் குழந்தையை சீமந்த புண்ணிய புத்திரன்/புத்திரின்னு சொல்வாங்க. ஒரு பெண் முதல் குழந்தையை கருவில் சுமக்கும்போது சீமந்தம் என்னும் வளைகாப்பு சடங்கு நடத்துவாங்க.  ரெண்டாவது. மூணாவது குழந்தையை சுமக்கும்போது வளைகாப்பு சடங்கு நடத்தமாட்டாங்க. ஏன்னா, முதல் குழந்தையை சுமக்கும்போது பிரசவத்தை எண்ணி பயம் இருக்கும். அதை போக்கும்விதமா இப்படி விழா நடத்துவது உண்டு. அதனால்தான் முதல் குழந்தையை அப்படி சிலர் சொல்வதுண்டு. இன்னும் சில பத்திரிக்கைகளில்  மாப்பிள்ளை/ பொண்ணு பேருக்கு முன் திருவளர்ச்செல்வன்/செல்வின்னும், திருநிறைச்செல்வன்/செல்வின்னும் போடுறதை பார்த்திருக்கோம்.  திருவளர்ச்செல்வன்?செல்வின்னா அந்த குடும்பத்தின் மூத்த மகன்/ள்ன்னும்,  இதுதான் முதல் கல்யாணம், இன்னும் பசங்க எங்களுக்கு இருக்காங்கன்னு உங்க வீட்டுக்கு பொருந்துமான்னு பாருங்கன்னு சொல்லாம சொல்லுறதுக்காக இப்படியொரு குறிப்பு. அதேப்போல, திருநிறைச்செல்வன்/செல்வின்னா இது எங்க குடும்பத்தின் கடைசி மகன்/மகளின் திருமணம்.  இனி எங்க வீட்டில் கல்யாணத்துக்கு ஆள் இல்லன்னு மறைமுக சொல்றதுக்காக இந்தமாதிரி பத்திரிக்கையில் போடுறாங்க.

இது எதுவுமே இல்லாம, இங்கிலீஷ்ல அடிக்கும்போது, பொண்ணோட பேருக்கு முன்னாடி SOWன்னு போடுறாங்க. இதுக்கு என்ன அர்த்தம்ன்னு கேட்டால் சௌபாக்கியவதியை சுருக்கி சௌன்னு போடுறதா சொல்றாங்க. அட! கூறு கெட்ட குக்கருகளா! SOWன்ற இங்கிலீஷ் வார்த்தைக்கு பெண்பன்றின்னு ஒரு அர்த்தமிருக்குன்னு பத்திரிக்கை வைக்க வர்றவங்கக்கிட்ட சொல்லத்தோணும். ஆனா, என்ன நினைச்சுப்பாங்களோன்னு அமைதியா விட்டுடுறது. கல்யாண பத்திரிக்கை அடிக்கும்போது இதுலாம் கவனத்தில் வச்சுக்கனும். 

போதும் மாமா! இப்பவே நம்ம பதிவுலாம் ரொம்ப நீளம்ன்னு சொல்ல ஆரம்பிச்சுட்டாங்க. இந்த பதிவையாவது இத்தோடு நிறுத்திக்கலாம்.
சரி புள்ள ! போறதுக்கு முன்னாடி பதிவு படிச்ச களைப்பு நீங்க ஒரு குட்டிப்பாப்பா சோறு திங்கும் அழகை பார்த்திட்டு போகட்டும்..
ஒரு பருக்கை இலையிலும் இல்லை. கையிலும் இல்ல. அதோட அம்மா ஊட்டும் சோறும் வாய்க்குள் போகல. வீடு க்ளீன் பண்ணும் வேலை இருந்தாலும் பரவாயில்லைன்னு குழந்தையை தானே சாப்பிட விட்டிருக்காங்க பாருங்க. அதுக்கே வாழ்த்தலாம் மாமா!

நன்றியுடன்,
ராஜி


Up pointing backhand index