என் நேசம் உன்னோடுதான்

நீயும் அழகன்தான்
ஆனால்,
உன்னைவிட அழகனை கண்டிருக்கிறேன்.

நீயும் அன்பானவன்தான் ,
ஆனால்,
உன்னைவிட அன்பானவனை உணர்ந்திருக்கிறேன்.

நீயும் குணவான்தான்
ஆனால்,
உன்னைவிட குணவான்களை சந்தித்திருக்கிறேன்.

ஆனால்,
நான் அவர்களை எல்லாம் நேசிக்காததன்
காரணம்?
அவர்களெல்லாம்
நீயில்லை என்பதால்.

கோபத்தின் கோபம்

என் கோபங்கள் எல்லாம்
என்மீது கோபப்படுகின்றன..
உன்மீது நான்
கோபப்படுவதில்லையென........

மரணத்தையும் தாண்டும் காதல்

விழி மூடும் மெல்லிசையில்
உதட்டோரப் புன்னகையில்
மென்மையாய் வருடிச் செல்லும்
உன் நினைவுகள்....,

என் மரணத்தோடு மடிந்துவிடுவதில்லை,
நம் காதல்.
என் மரணம் தாண்டியும் அது வாழும்..,

உன்னையும், என்னையும் போல்....,
எத்தனையோ ஜீவன்கள்....,
நிஜத்தையே காணமுடியாத
நிழல்களாய் போனாலும்,
நினைவுகளின் உயிர்குடித்தபடி
வாழ்வதால்தான்.......,
வாழ்கிறது
வாழ்வும்,உலகமும் .....,

என் உலகம்

உன்னுள்ளே தொடங்கி,
உன்னுள்ளே முடிந்துவிடும்
என்னுலகமும் உருண்டைதான்.