இருட்டுல பிடிச்ச கொழுக்கட்டைன்னா என்ன அர்த்தம்?! கிச்சன் கார்னர்

கம்மிங்க் வெள்ளிக்கிழமை நம்ம பிள்ளையாருக்கு பொறந்த டே.  பொறந்த நாள்ன்னா கேக் வெட்டுவோம். ஆனா நம்ப பிள்ளையாரு இந்தியாவுல பொறந்ததால இவருக்கு கேக் வெட்டாம கொழுக்கட்டையும், சுண்டலும் செஞ்சு பொரி, கடலை வச்சு படைச்சா போதும்.   பிள்ளையார்ன்னு ஏன் பேர் வந்துச்சுன்னு இப்ப தெரிஞ்சுக்கலாமா?! 

ஒருநாள் பார்வதிதேவி குளிக்க போகும்போது மஞ்சள் பொடியால(தன் உடல் அழுக்குன்னும் ஒரு கதை உண்டு. நாம நல்லவிதமாவே சொல்லுவோம்..) ஒரு குழந்தையை உருவாக்கி  காவலுக்கு வச்சிட்டு போனாராம். அங்க வந்த சிவனை தடுத்தி நிறுத்தி இருக்கு அந்த குழந்தை. கோவம் வந்த சிவப்பெருமான் அக்குழந்தையின் தலையை வெட்டிட்டாராம். அங்க வந்த பார்வதி தேவி இதைக்கண்டு கலங்கி, அக்குழந்தையை உயிர்ப்பிச்சு தருமாறு கேட்டுக்கிட்டாராம். அதுக்கு சிவப்பெருமான், வடக்கே தலை வைத்து இறந்திருக்கும் உயிரின் தலையை கொண்டு வருமாறு சொன்னாராம். உடனே அம்மன் உலகம் முழுக்க சுத்தி பார்த்திருக்கார், எங்கயும் அதுமாதிரியான தலை கிடைக்கல. கடைசில ஒரு யானையோட தலைதான் கிடைச்சதாம். அதை கொண்டு வந்து சிவனிடம் கொடுக்க, வெட்டுப்பட்ட குழந்தையின் உடலோடு அத்தலையை வச்சு உயிர்பிச்சு கொடுத்தாராம்..  அங்க வந்த எல்லாரும் மனித உடலும், யானை முகத்தோடு இருக்கும் பிள்ளையை கண்டு யார் இந்த பிள்ளை? யார் இந்த பிள்ளைன்னு கேட்டதால பிள்ளையார்ன்னு பேர் வந்துச்சாம். 

எல்லோரும் பிள்ளையார் சதுர்த்திக்கு மட்டும் கொழுக்கட்டை செய்வாங்க. ஆனா, எங்க ஊர்ல கல்யாண, காதுகுத்து, சீமந்தம், கிரகப்பிரவேசம் செய்யும் முன் குல தெய்வத்துக்கு சாமி கும்பிடும்போதும், பொங்கல் பண்டிகை கழிந்ததும் சாமி கும்பிட, ஆடி மாசம் மாரியம்மனுக்கு கூழ் ஊத்தன்னு எப்படியும் மாசம் ஒரு தரமாவது கொழுக்கட்டை செய்ய வேண்டி வரும்.  அதனால, எனக்கு கொழுக்கட்டை நல்லாவே செய்ய வரும். ரொம்ப ஈசியா அதே நேரம் ருசியா எப்படி கொழுக்கட்டை செய்யலாம்ன்னு இனி பார்க்கலாம். பிடிச்சு வச்சாதான் கொழுக்கட்டை.. பூரணம் வச்சு செய்யுறதுக்கு பேரு மோதகம், இல்லன்ன உருண்டை.

தேவையான பொருட்கள்:

பச்சரிசி - 1 ஆழாக்கு (ரேஷன் அரிசின்னா கொழுக்கட்டை நல்லா வரும்)

வெல்லம் - கால் கிலோ

வேர்க்கடலை - 100 கிராம்

உப்பு - கால் டீஸ்பூன்

பச்சரிசியை குறைஞ்சது 2 மணிநேரம் ஊற வச்சு கழுவி, காட்டன் துணில மூட்டைக் கட்டி ஈரம் காய்ஞ்சதும் மிக்சில இல்ல மெஷின்ல அரைச்சுக்கோங்க. வெல்லத்தை பொடிப் பண்ணி வச்சுக்கோங்க. வேர்க்கடலையை வறுத்து, ஆறினதும் தோல் நீகி சுத்தம் செஞ்சுக்கோங்க. வெல்லத்தை பொடிச்சு வச்சுக்கோங்க.

வேர்க்கடலையை மிக்சில ரெண்டு சுத்து ஓடவிட்டு, கூடவே பாதி வெல்லத்தை சேர்த்து பொடிச்சுக்கோங்க. ரொம்ப நைசா இல்லாம கரகரப்பா அரைச்சுக்கோங்க.

அரைச்ச பச்சரிசி மாவை ஜலிச்சு இட்லி பானைல வச்சு வேக விடுங்க. கைல மாவு ஒட்டாம வரும்வரை குறைஞ்சது கால் மணி நேரம் வேக வைங்க.  ஒரு பாத்திரத்தில் தண்ணி ஊத்தி  வெல்லம், கொஞ்சூண்டு உப்பைச் சேர்த்து சூடு பண்ணுங்க. கொதிக்க வைக்கனும்ன்னு அவசியம் இல்ல. வெல்லம் கரையும் அளவுக்கு சூடு பண்ணால் போதும்.

மாவு வெந்ததும், ஒரு அகலமான பாத்திரத்தில் போட்டு கட்டி இல்லாம ஆற வைங்க. வெல்லத்தை வடிகட்டி கொஞ்சம் கொஞ்சமா மாவில் சேர்த்து சப்பாத்தி மாவு பதத்துக்கு பிசைஞ்சுக்கோங்க. எல்லார் வீட்டுலயும் மேல் மாவு வெறும் உப்பும், சுடுதண்ணியும் ஊத்தி செய்வாங்க. ஆனா, அதை சின்ன பிள்ளைக சாப்பிட அடம்பிடிக்கும். உள்ளிருக்கும் பூரணத்தை மட்டும் சாப்பிட்டுட்டு மேல் மாவை தூக்கி போட்டுடும். அதனால, வெல்லம் சேர்த்து செய்வது எங்க வீட்டு பழக்கம். 

சின்ன வயசுல விளையாட களி மண்ணுல சொப்பு செய்வோம். அதுப்போல பிசஞ்ச மாவு எடுத்து சொப்பு செஞ்சு பொடிச்ச வேர்க்கடலை, வெல்லப் பொடியை வச்சு மூடி உருட்டிக்கோங்க. 

எல்லாத்தையும் உருட்டி வச்சு இட்லிப் பானைல தேவையான அளவு தண்ணி வச்சு உருட்டி வச்சிருக்கும் உருண்டைகளை கால் மணி நேரம் வேக வைங்க.

 சூடான, சுவையான, மிருதுவான கொழுக்கட்டை ரெடி. 

டிப்ஸ்: கொழுக்கட்டை பூரணத்துக்கு வேர்க்கடலைப் போலவே எள்ளை வறுத்து வெல்லம் சேர்த்து பொடிப் பண்ணியும் வைக்கலாம். தேங்காய் துருவி சர்க்கரை ஏலக்காய் சேர்த்தும் பூரணம் வைக்கலாம்.

கொழுக்கட்டை உருட்டும்ப்போது ஃபேன் போடாம பார்த்துக்கோங்க. இல்லாட்டி உருண்டைகள் வெடிக்கும். மாவு பிசையும் போது வெல்லம் தண்ணி பத்தலைன்னா சாதாரண தண்ணி சேர்த்தும் செய்யலாம். தண்ணிய சேர்க்க சேர்க்க மாவு தண்ணியை இழுத்துக்கிட்டா உருண்டை நல்லா வரும்.

யார்மேலயாவது கோவம் வந்தாலோ இல்லன்னா கொஞ்சம் அசிங்கமா இருக்குற ஆளை பார்த்தாலாவோ இருட்டுல பிடிச்ச கொழுக்கட்டை போல இருக்கான்னு சொல்வோம். அதுக்கு என்ன அர்த்தம்ன்னா, கொழுக்கட்டைன்னா பிசைஞ்ச மாவை கைக்குள் வச்சு பிடிச்சு வைப்போம். கொழுக்கட்டைக்குன்னு தனி உருவம் இருக்காது. பார்த்து பார்த்து செய்யும்போதே இப்படின்னா, இன்னும் இருட்டுல செஞ்சா எப்படி இருக்கும்?! யோசிச்சு பாருங்க.

கொழுக்கட்டை செய்வோம்... பிள்ளையார் அருளை பெறுவோம்.

தமிழ்மணம் ஓட்டுப்பட்டை..
http://tamilmanam.net/rpostrating.php?s=P&i=1470044

நன்றியுடன்,’
ராஜி. 

கொழுக்கட்டை - கிச்சன் கார்னர்

எல்லோரும் பிள்ளையார் சதுர்த்திக்கு கொழுக்கட்டை செய்வாங்க. ஆனா, எங்க ஊர்ல கல்யாண, காதுகுத்து, சீமந்தம், கிரகப்பிரவேசம் செய்யும் முன் குல தெய்வத்துக்கு சாமி கும்பிடும்போதும், பொங்கல் பண்டிகை கழிந்ததும் சாமி கும்பிட, ஆடி மாசம் மாரியம்மனுக்கு கூழ் ஊத்தன்னு எப்படியும் மாசம் ஒரு தரமாவது கொழுக்கட்டை செய்ய வேண்டி வரும். 

அதனால, எனக்கு கொழுக்கட்டை நல்லாவே செய்ய வரும். ரொம்ப ஈசியா அதே நேரம் ருசியா எப்படி கொழுக்கட்டை செய்யலாம்ன்னு இனி பார்க்கலாம்.

தேவையான பொருட்கள்:

பச்சரிசி - 1 ஆழாக்கு (ரேஷன் அரிசின்னா கொழுக்கட்டை நல்லா வரும்)

வெல்லம் - கால் கிலோ

வேர்க்கடலை - 100 கிராம்

உப்பு - கால் டீஸ்பூன்

பச்சரிசியை குறைஞ்சது 2 மணிநேரம் ஊற வச்சு கழுவி, காட்டன் துணில மூட்டைக் கட்டி ஈரம் காய்ஞ்சதும் மிக்சில இல்ல மெஷின்ல அரைச்சுக்கோங்க. வெல்லத்தை பொடிப் பண்ணி வச்சுக்கோங்க. வேர்க்கடலையை வறுத்து, ஆறினதும் தோல் நீகி சுத்தம் செஞ்சுக்கோங்க. வெல்லத்தை பொடிச்சு வச்சுக்கோங்க.

வேர்க்கடலையை மிக்சில ரெண்டு சுத்து ஓடவிட்டு, கூடவே பாதி வெல்லத்தை சேர்த்து பொடிச்சுக்கோங்க. ரொம்ப நைசா இல்லாம கரகரப்பா அரைச்சுக்கோங்க.

அரைச்ச பச்சரிசி மாவை ஜலிச்சு இட்லி பானைல வச்சு வேக விடுங்க. கைல மாவு ஒட்டாம வரும்வரை குறைஞ்சது கால் மணி நேரம் வேக வைங்க.  ஒரு பாத்திரத்தில் தண்ணி ஊத்தி மிச்ச வெல்லம், உப்பைச் சேர்த்து சூடு பண்ணுங்க. கொதிக்க வைக்கனும்ன்னு அவசியம் இல்ல. வெல்லம் கரையும் அளவுக்கு சூடு பண்ணால் போதும்.

மாவு வெந்ததும், ஒரு அகலமான பாத்திரத்தில் போட்டு கட்டி இல்லாம ஆற வைங்க. வெல்லத்தை வடிகட்டி கொஞ்சம் கொஞ்சமா மாவில் சேர்த்து சப்பாத்தி மாவு பதத்துக்கு பிசைஞ்சுக்கோங்க.

சின்ன வயசுல விளையாட களி மண்ணுல சொப்பு செய்வோம். அதுப்போல பிசஞ்ச மாவு எடுத்து சொப்பு செஞ்சு பொடிச்ச வேர்க்கடலை, வெல்லப் பொடியை வச்சு மூடி உருட்டிக்கோங்க. 

எல்லாத்தையும் உருட்டி வச்சு இட்லிப் பானைல தேவையான அளவு தண்ணி வச்சு உருட்டி வச்சிருக்கும் உருண்டைகளை கால் மணி நேரம் 

வேக வைங்க.

 சூடான, சுவையான, மிருதுவான கொழுக்கட்டை ரெடி. 

டிப்ஸ்: கொழுக்கட்டை பூரணத்துக்கு வேர்க்கடலைப் போலவே எள்ளை வறுத்து வெல்லம் சேர்த்து பொடிப் பண்ணியும் வைக்கலாம். தேங்காய் துருவி சர்க்கரை ஏலக்காய் சேர்த்தும் பூரணம் வைக்கலாம்.

கொழுக்கட்டை உருட்டி வச்சது ஃபேன் காத்துல காய விடாம பார்த்துக்கோங்க. இல்லாட்டி உருண்டைகள் வெடிக்கும். மாவு பிசையும் போது வெல்லம் தண்ணி பத்தலைன்னா சாதாரண தண்ணி சேர்த்தும் செய்யலாம். சிலர் மேல் மாவுக்கு வெல்லம் சேர்க்காம வெறும் உப்பு மட்டும் போட்டு பிசைஞ்சும் கொழுக்கட்டை செய்வாங்க.

மேல படத்துல உருண்டைகளில் வேர்க்கடலை பூரணம் வச்சு நான் உருட்டினேன். சோமாஸ் போல இருப்பதில் எள் பூரணம் வச்சு சின்னவ இனியா கொழுக்கட்டை பிடிச்சா. கொழுக்கட்டைப் பிடிக்குறதுல அப்புவோட ஹெல்ப் என்னன்னா.....,

.

.

.

.

.

.

.

.

.

.

.

 என்னை திட்டிக்கிட்டே கொழுக்கட்டைப் பிடிக்குறதை படம் பிடிச்சது.

அடுத்த வாரம் வேற ஒரு ஈசியான ரெசிபியோட சந்திக்கலாம்.

அத்திரி பாச்சா கொழுக்கட்டை- பாட்டி சொன்ன கதை

ஒரு ஊரில் ஒரு வியாபாரி இருந்தான்.அவனுக்கு பக்கத்து ஊரில் பெண்ணெடுத்து திருமணம் செய்து வைத்தனர். வியாபார விஷயமாக அவன் வெளியூர் சென்று விட்டதால் திருமணம் முடிந்து பலநாள் ஆகியும் அவனால் தன்னுடைய மாமியார் வீட்டுக்கு விருந்துக்குப் போக இயலவில்லை.

பின்னர் ஒருமுறை அவன் வியாபாரம் செய்ய சென்ற ஊரிலிருந்து மிக பக்கமாக அவனுடைய மாமியார் வீடு இருந்ததால் மனைவி இல்லாமல் தான் மட்டும் தனியாக அங்கு போயிருந்தான்.வெகுநாள் கழித்து விருந்துக்கு வந்த மருமகனை மாமியாரும் நன்கு உபசரித்தாள்.வேளைக்கு ஒரு பலகாரம் செய்து அசத்தினாள்.

அதில் மருமகனுக்கு மாமியார் செய்து கொடுத்த கொழுக்கட்டையே மிகவும் பிடித்தமானதாக இருந்தது.மேலும் மேலும் வேண்டுமென்று கேட்டு வாங்கிச் சாப்பிட்டவன் இதுவரை தன் மனைவி அதைச் செய்து தந்ததில்லை என்று அதன் பெயரைக் கேட்டுத் தெரிந்து கொண்டான்.

விருந்துக்குப் பிறகு கிளம்பியவன் மறந்து விடக்கூடாது என அந்த பலகாரத்தின் பெயரையே மனனம் செய்து உச்சரித்தபடியே நடந்தான்.

வழியில் குறுக்காக ஒரு வாய்க்கால் இருந்தது.அதைத் தாண்டிச் செல்லும் நோக்கில் குதித்தவன் சட்டென்று 'அத்திரி பாச்சா' என்றான்.

மிகப் பிரயத்தனப் பட்டு கடினமான ஒரு வேலையைச் செய்பவர்கள் இப்படி ஏதாவது வார்த்தையைப் பயன்படுத்துவார்கள்.அது போல இவன் வாய்க்காலைத் தாண்டும் போது 'அத்திரி பாச்சா'எனக் கூற பிறகு கொழுக்கட்டைப் பேரை மறந்து அத்திரி பாச்சா எனக் கூறிக் கொண்டே வீட்டுக்குச் சென்றான்.

மனைவியிடம் மாமியார் செய்து தந்த பலகாரத்தின் சுவையை சிலாகித்துக் கூறியவன் எனக்கு அதே போல அத்திரி பாச்சா செய்து கொடு என்றான்.மனைவி குழம்பிப் போனாள்.இதென்ன புதுப் பேராக உள்ளது.இப்படியொரு பலகாரம் எனக்குத் தெரியாதே என்றாள்.

கணவன் திரும்பத் திரும்ப அந்தப் பேரைச் சொல்ல மனைவி தெரியாது என்றே கூற கோபமான அவன் அவள் கன்னத்தில் ஓங்கி அறைய கன்னம் வீங்கிப் போனது.

இதைப் பார்த்த அவன் அம்மா அடப்பாவி இப்படி அடித்து கன்னம் கொழுக்கட்டை போல் வீங்கி விட்டதே எனஅவன் சந்தோஷத்தில் குதித்தபடி அதேதான்....அந்தப் பேர்தான் கொழுக்கட்டை ...கொழுக்கட்டை என்று குதித்தான்.

இவ்வளவு நேரமும் கணவன் கொழுக்கட்டை என்பதைத்தான் பேரை மறந்து அத்திரி பாச்சா என்றான் என்பதை புரிந்து கொண்டவள் அவனுக்கு நிறையச் செய்து கொடுத்தாள்...

குட்டீஸ் உங்களுக்கும் [அத்திரி பாச்சா] கொழுக்கட்டை பிடிக்கும் தானே?