குட்டி குட்டி உருளைக்கிழங்கு வறுவல் - கிச்சன் கார்னர்

உருளைக்கிழங்கு.... இது எல்லாருக்கும் பிடித்தமானது. இந்த உருளையை பிடிக்காதுன்னு யாரும் சொல்லி  நான் கேட்டதில்லை. உடலுக்கு ஆகாது ஆனாலும், கொஞ்சமா வைன்னு சொல்றவங்களைதான் பார்த்திருக்கேன். உருளைக்கிழங்கில் வறுவல், பொரியல், சிப்ஸ், பொடிமாஸ்,குருமான்னு சமைச்சு அசத்தலாம்.

என் அம்மாவோ இல்ல நானோ மார்க்கெட்டுக்கு போனால் சின்ன சைஸ் உருளைக்கிழங்கை  அதாங்க baby potato  வாங்க மறக்க மாட்டோம்.  மாமாக்கு வெங்காயம் அதிகமா போட்டு உருளைக்கிழங்கு பொரியல் செய்யனும்.  கூடவே உளுந்து வடை இருந்தால் உருளைக்கிழங்கை தொட்டுக்கிட்டு சில பல வடைகள் காலியாகும்.  சின்ன சைஸ் உருளைக்கிழங்கை மாமா சீண்டவே மாட்டாரு. அது முழு விளைச்சல் இல்லாதது, கூடவே அது சுத்தம் பண்ணுறது கஷ்டம்ன்னு வாங்கி வரமாட்டாரு. 

அதனால் மாமா இல்லாதபோது சமைச்சு சாப்பிடுவோம். சமீபத்துல ஒருநாள் மாமா வீட்டுக்கு வரலைன்னு சொன்னதால் இந்த குட்டி உருளைகிழங்கை ஃப்ரை பண்ணி வச்சிருந்தேன்,  மதியமா சாப்பாட்டிற்கு வந்தவர் வேண்டா வெறுப்பா ஒரு உருளை வறுவலை சாப்பிட்டவர் சூப்பரா இருக்கே! இத்தனை நாள் மிஸ் பண்ணிட்டேனேன்னு சொல்லி சாப்பிட்டார். 

குட்டி உருளை வறுவல் எப்படின்னு பார்க்கலாமா?!

தேவையான பொருட்கள்:

baby potato எனப்படும் குட்டி உருளைக்கிழங்கு

மிளகாய் தூள், 

இஞ்சி பூண்டு பேஸ்ட்,

எண்ணெய் - 1 டீஸ்பூன்

கடுகு

உப்பு

வறுத்து அரைக்க..

சோம்பு - 1 டீஸ்பூன்,

சீரகம்-1 டீஸ்பூன்,

தனியா-1 டீஸ்பூன்,

உ.பருப்பு-1 டீஸ்பூன்,

மிளகு- காரத்திற்கேற்ப

கறிவேப்பிலை ஒரு கொத்து

தனியா, சீரகம், சோம்பு, தனியா, மிளகு, உ.பருப்பினை சிவக்க வறுத்து கடைசியா கருவேப்பிலையையும் அதே சூட்டில் லேசா வறுத்து  ஆற வச்சுக்கனும்.

வறுத்ததை ஆற விடுங்க. உருளைக்கிழங்கை நல்லா கழுவி முழுசா வேக வச்சு தோல் உரிச்சு வைங்க.

கொரகொரப்பா அரைச்சுக்கனும்...

 பெருங்காயப்பொடி, மஞ்சள் தூள், மிளகாய்தூள், உப்பை எடுத்து வச்சுக்கோங்க.

வாணலியில் எண்ணெய் ஊத்தி காய்ஞ்சதும் கடுகு போட்டு பொரிய விடுங்க. உ.பருப்பு போட்டு சிவந்ததும், கறிவேப்பிலை போட்டு சிவக்க விடுங்க. எடுத்து வச்சிருக்கும் மிளகாய் தூள், உப்பு, பெருங்காயப்பொடி, மஞ்சள்தூள் சேர்த்து கிளறி விடுங்க. இஞ்சி பூண்டு பேஸ்ட் கொஞ்சம் சேர்த்து கிளறி விடனும்..

வேக வச்சு தோல் உரிச்ச குட்டி உருளைக்கிழங்கை கத்தி இல்ல முள் கரண்டி வச்சி அங்கங்க குத்தி மிளகாய் தூள் கலவையில் போட்டு பிரட்டுங்க.

வறுத்து பொடிச்சு வச்சிருக்கும் மசாலாவை சேருங்க.

நல்லா கிளறி, பொடியின் பச்சை வாசனை போகும்வரை பிரட்டி அடுப்பிலிருந்து இறக்கிடுங்க. 

குட்டி, குட்டி உருளைக்கிழங்கு வறுவல் ரெடி., சாம்பார் சாதம், ரசம் சாதம், புளிசாதம், தயிர் சாதம், எலுமிச்சை சாதத்திற்குலாம் ஏத்த சைட் டிஷ் இது. என் பிள்ளைங்க போக, வர.... வாய்ல ஒன்னு எடுத்து போட்டுக்கிட்டு போகும்.

செஞ்சு பார்த்துட்டு எப்படி இருக்குன்னு சொல்லுங்க!!

நன்றியுடன்,

ராஜி