டிடிம்மா! இனி இப்படி உடை உடுத்துறதை குறைச்சுக்கோம்மா! - கேபிள் கலாட்டா

ஆரம்பத்துல ”காஃபி வித் அனு”வைத் தொடர்ந்து பார்த்தேன். கொஞ்ச நாளுக்கப்புறம் அந்த நிகழ்ச்சி சோர்வடைய வச்சுடுச்ச். இப்ப, அனு மேடம்க்கு பதிலா “டிடி”ன்னு செல்லமா சொல்ற திவ்யதர்சினி தொகுத்து வழங்குறாங்க. நான் நிகழ்ச்சியை பார்க்குறதே இல்ல. தற்செயலா சேனலை மாத்திக்கிட்டு வரும்போது  இந்த நிகழ்ச்சி வந்துச்சு. எப்பவுமே சிரிச்சே கொல்லும் டிடி, அன்னிக்கு புடவையில் வந்துச்சு.  ஒரு பக்கம் சேலை முந்தானை நழுவ விட்டப்படி. மாடர்ன் ட்ரெஸ்ல வரும்போது எப்படி இருந்தாலும் கண்டுக்க போறதுல்ல. புடவைன்னு வரும்போது இதுப்போல முந்தானை நழுவுனா கண்டிப்பாய் கண்ணை உறுத்தும். தெரியாமல் நழுவி இருந்தாலாவது ஏத்துக்கலாம். அதுவே தப்பு. ஏன்னா, அது ஒண்ணும் நேரடி ஒலி(ளி)ப்பரப்பு இல்ல. வேணுமின்னே மாடர்ன், ஸ்டைல் என்ற பெயரால் இப்படி ஒரு பக்க முந்தானை இல்லாம வரலாமா!? எப்படி அவங்க குடும்பத்தார் அனுமதிக்குறாங்க!? டிடிம்மா! இனி இப்படி உடை உடுத்துறதை குறைச்சுக்கோம்மா! 

ராஜ் டிவில வெள்ளித்திரைன்னு ஒரு நிகழ்ச்சி ஒளிப்பரப்பாகுது. அதுல சினிமா சம்பந்தப்பட்ட நிகழ்ச்சிகள்லாம் வரும். சீரியல் நடிகை ஒருத்தங்க தொகுத்து வழங்குறாங்க. அவங்க பேர் தெரியல. சேனல் மாத்திக்கிட்டு வரும்போது இந்த நிகழ்ச்சியை சில சமயம் பார்க்க நேர்ந்துச்சு. கொடுமைடா சாமி! ஓவர் மேக்கப், உச்சரிப்பு சரி இல்ல. மூணாங்கிளாஸ் பசங்க மனப்பாடம் பண்ணி ஒப்புவிக்குற மாதிரி இருக்கு.

டிஸ்கவரி சேனலில் தினந்தோறும் இரவு 8  மணிக்கு ஃபுட் ஃபேக்டரின்னு ஒரு நிகழ்ச்சி ஒளிப்பரப்புறாங்க. அதுல, நாம விரும்பி சாப்பிடும் பெப்சி, கோக், லேஸ் போன்ற உணவுகள் முதற்கொண்டு பிராண்டட் ஷூ, கூலிங் கிளாஸ், டிவிலாம் எப்படி தயாராகுதுன்னு காட்டுறாங்க. சலிப்பு தராத நிகழ்ச்சி.

ஜீ தொலைக்காட்சியில்  ”கலாட்டா கிட்ஸ்”ன்னு ஒரு நிகழ்ச்சி நடக்குது. பெற்றோருடன், குழந்தைகளும் கலந்துக்கும் நிகழ்ச்சி. பசங்களுக்கும், பெத்தவங்களுக்கும், எவ்வளவு தூரத்திற்கு புரிந்துணர்வும், குழந்தைகளை பெத்தவங்க எப்படி வழிநடத்துறாங்கன்னு வெளிப்படுத்தும் விதமா இருக்கு. இதுவும் சுவாரசியமான நிகழ்ச்சி.

விஜய் டிவில ஒல்லி பெல்லின்னு ஒரு நிகழ்ச்சி. சராசரி உடல் எடையைவிட அதிகம் இருக்குறவங்க கலந்துக்கிட்டு உடல் எடையை குறைக்கும் நிகழ்ச்சி. இதுல யோகா, டயட்,  ஜிம், டான்ஸ்ன்னு அதற்குறிய ஆட்களைக் கொண்டு கத்துக் கொடுக்குறாங்க. ஏறிய உடல் வெயிட்டை குறைக்க எப்படிலாம் பாடுபடுறாங்கன்னு பார்க்கும்போது கொஞ்சம் கவலையாதான் இருக்கு.

கேபிள் கலாட்டா தொடரும்.....,