இனி அந்தப் பெண்ணுக்கு கல்யாணம் நடக்குமா!? - கேபிள் கலாட்டா

விஜய் டிவில நடுவுல கொஞ்சம் டிஸ்டர்ப் பண்ணுவோம்ன்னு ஒரு புது நிகழ்ச்சி. சிரிப்பு நடிகர் பாலாஜியும், ஈரோடு மகேஷும் தொகுத்து வழங்குறாங்க. நிகழ்ச்சியோட ஆரம்பத்துல 4 பேரை வச்சு, வாய்ல கொழுக்கட்டைன்னு சொல்லி வாய்ல சின்ன தக்காளியை வச்சுக்கிட்டு பேசச் சொன்னாங்க. 

அது எரிச்சலைத் தரவே நான் சேனலை மாத்திட்டேன். கொஞ்ச நேரம் கழிச்சு சேனல் மாத்திட்டு வரும்போது பார்த்தா, 2 பேர் அவுட்டாகி வெளில போய்ட்டாங்க. மிச்சம் ரெண்டுப் பேர்கிட்ட தமிழ் புத்த்தகம், வரலாறு, கோவில், கலாச்சாரம் பத்திக் கேள்விக் கேட்டுக்கிட்டு இருந்தாங்க. கொன்றை வேந்தனை யார் எழுதினதுன்னு கேட்டதுக்கு கொன்றைவேந்தனைப் படிச்சிருந்தும் திருவள்ளுவர்ன்னு தப்பா பதில் சொல்லி பசங்கக்கிட்ட பல்ப் வாங்கினேன். 

அடுத்தவங்களைப் பத்தி என்கிட்ட யாராவது சொன்னால், அவங்களைப் பத்தி என்கிட்ட சொல்லுறது மாதிரிதான் என்னைப் பத்தியும் அவங்கக்கிட்ட சொல்லுவீங்கன்னு புரணி பேசுறதை அவாய்ட் பண்ணிடுவேன். அதனாலயே, சொல்வதெல்லாம் உண்மை நிகழ்ச்சியை நான் பார்க்குறதே இல்ல. தற்செயலா உறவினர் வீட்டுல இந்நிகழ்ச்சியைப் பார்க்க நேர்ந்தது.

ப்ளஸ் டூ படித்துக் கொண்டிருக்கும் பெண் அப்பாவின் குடியினால மனசொடிஞ்சு பக்கத்து வீட்டுப் பையனோடு ஓடிப் போச்சு. இதை பஞ்சாயத்து பண்ண ஒரு கூட்டம் உக்காந்துப் பேசிக்கிட்டு இருந்துச்சு. பஞ்சாயத்து பண்ணி அவன் உன்னை லவ் பண்ணலை. சும்மா டைம் பாசுக்குன்னு கண்டுப்பிடிச்சு!? அந்தப் பொண்ணை அப்பா, அம்மாவோடு அனுப்பி வச்சுட்டாங்க.

என்னதான் அந்தப் பொண்ணு மேல தப்பிருந்தாலும் இப்படியா ஊரைக் கூட்டி தன் பொண்ணு ஓடிப்போனதை சொல்லனும்!?  இனி அந்தப் பொண்ணு எப்படி ஊர், உறவினர்கள் முன் நிற்கும்? யார் கல்யாணம் கட்டிப்பாங்க!? 

இதுமட்டுமில்லாம, எப்பப் பாரு, காதல், காமம், துரோகம், கள்ள உறவு இதைப் பத்தியே பார்த்துக்கிட்டு இருக்குறதால உறவுகள் மேல எதிர்கால சந்ததிகளுக்கு எப்படி நம்பிக்கை வரும்!? கஷ்டப்பட்டு படிக்க வச்ச அண்ணனுக்கு மரியாதை செலுத்தும் தங்கை, மச்சினர் கல்யாணத்துக்கு நகைகள் கொடுத்து உதவிய அண்ணியைத் தாங்கும் மச்சினர் மனைவின்னு உறவுகளுக்குள் இருக்கும் நல்ல விசயங்களை காட்டலாமே!!

சன் டிவில திரை விமர்ச்னம் சொல்லும் ரத்னாவோட கணீர் குரலும், உச்சரிப்பும் செம அழகு. அதுக்கேத்த மாதிரி கிளிப்பிங்க்ஸ் போட்டு அசத்துறதுக்கு சன் டிவியை அடிச்சுக்க முடியாது. படத்தை எடுத்து சன் டிவிக்கிட்ட கொடுத்து எடிட் வேலையை அவஙளே பார்த்து ரிலீஸ் பண்ணச் சொல்லிட்டா, அந்தப் படம் கண்டிப்பா சூப்பர் டூப்பர் ஹிட்தான்.

எதாவது தடங்கல் வந்து இடஞ்சல் வந்து நிகழ்ச்சிப் பார்க்க முடியாமப் போய்டும். ஆனா, இந்த வாரம் மிஸ் பண்ணாம குட்டீஸ் சுட்டீஸ் பார்த்துட்டேன். குழந்தைகளோடு மழலைப் பேச்சு நம்ம கவலைகளாஇ மறந்து ரொம்பவே ரசிக்க வைக்குது.

இந்த வாரம் கலந்துக்கிட்ட குழந்தைகள் எல்லாமே நல்லாப் பேசினாங்க. ஒரு குழந்தை தன் தாத்தாவை மாஸ்டர்ன்னு சொல்ல, அதுக்கு இமான் அண்ணாச்சி.., பரோட்டா மாஸ்டரா?! டீ மாஸ்டரான்னு கலாய்க்க இப்படிலாம் பேசினா தாத்தாக்கு கோவம் வந்து அடிச்சுட்வாங்கன்னு அழகாச் சொல்லிச்சு. இன்னொரு குழந்தை தன் அப்பா குடிச்சுட்டு வந்ததை அரங்கில் சொல்ல, அக்குழந்தையின் அப்பாவும், அம்மாவும் சங்கடத்தில் நெளிய,குடிக்குறது சரியா!? தப்பா!?ன்னு மழலை மொழியில் உலகம் பார்க்க தன் குழந்தக்கேட்க, இனி அக்குழந்தையின் அப்பா குடிக்க மாட்டார்ன்னு நினைக்குறேன்.

ஒரு பாட்டி, தன் பேத்தியை பக்கத்தில் உக்கார வச்சு கோலம் போடக் கத்துக் கொடுக்குறாங்க. எப்படிப் போடனும்ன்னு செஞ்சுக் காமிச்சுட்டு பேத்தியை கோலம் இழுக்கச் சொல்றங்க. பாட்டி நீ கண்ணை மூடிக்கன்னு சொல்லுது. அதுக்கு ஏன்மா!?ன்னு கேக்க வெட்கமா இருக்கு பாட்டின்னு பேத்தி சொல்லுது.

பேத்தி வளர்ந்து பெரியாளனதும் பாட்டி ஒரு நெக்லசை கொடுக்க, கண்ணை மூடிக்க பாட்டின்னு சொல்லி போட்டுக் காட்டுது. பேத்திக்கும் பாட்டிக்குமிடையிலான உறவை அழகா சொல்லிச் செல்லுது இந்த விளம்பரம்.

முதல் பாதில பாட்டியா லட்சுமி ராமகிருஷ்ணன் நடிச்சிருக்கார். பிற்பாதில பாட்டி ஸ்ரீதேவி பேத்தியா நடிச்சிருக்கும். நீயே பாட்டி! உனக்கொரு பாட்டியான்னு கத்தத் தோணும் அந்த விளம்பரத்தைப் பார்த்து....,

கேபிள் கலாட்டா தொடரும்.....,