இப்படியொரு சட்டை விளம்பரம்! - கேபிள் கலாட்டா

நமக்கு தெரியாத நமக்கு அருகிலிருக்கும் கோவில்களின் வரலாறு, அங்கு நடத்தப்படும் விழாக்களையும் அழகா, எளிய நடையில், தெளிவான உச்சரிப்பில் சின்ன சின்ன ஆன்மீக குறிப்புகளையும், கோவில் அமைவிடத்தையும் சொல்வதோடு..., சுவாமிக்கு செய்யப்படும் அபிஷேகத்தினையும் ஜீ டிவில ஒளிப்பரப்புறாங்க  தினமும் காலை எட்டு முப்பது முதல் ஒன்பது வரை அற்புதங்கள் தரும் ஆலயம்ன்ற நிகழ்ச்சியில் ஒளிப்பரப்புறாங்க.

அது ஒரு சட்டை விளம்பரம்...  முதல் நாள் வேலைல சேர்வது, பிறந்த நாளுக்கு அப்பா அம்மா கால்ல விழுந்து ஆசிர்வாதம் வாங்குறது, நண்பர்களோடு அரட்டை அடிக்குறது, இல்லாதவர்களுக்கு உதவுற போது வரும் சந்தோசம் இந்த சட்டையை அணியும்போதும் வரும்ங்குற மாதிரி வருது அந்த விளம்பரம்.  மத்த விளம்பரம் மாதிரி இந்த சட்டைய போட்டு வந்தா பொண்ணுங்களாம் மயங்குவாங்கன்னு அபத்தமா பொண்ணுங்களை காமிக்காம வர்றதுக்கே பாராட்டலாம்.

தந்தி டிவில மாலை 7 மணிக்கு 20/20(மொத்தம் நாப்பது)ன்ற நிகழ்ச்சி வருது.  காலை முதல் மாலை வரை நடந்த நிகழ்ச்சிகளை ரத்தின சுருக்கமா ஜெட் வேகத்துல சொல்றாங்க. நம்ம இந்தியா, நம்ம ஊரு செய்திகள், சினிமா கொண்டாட்டங்கள், விளையாட்டு செய்திகள்ன்னு வெகு சுவாரசியமா இருக்கும். சும்மா அரைச்ச மாவையே அரைச்சு கொடுக்கும் செய்திகள்ல இருந்து ஒரு நாளைய நிகழ்ச்சிகளை சொல்லி சேனலை மாத்த விடாம கட்டிப்போட்டுடுறாங்க.

சமூக வலைத்தளங்களில் உலா வரும் சுவாரசியமான, சிரிக்க வைத்த வீடியோக்களை தந்தி டிவியின் இதெப்படி நிகழ்ச்சில சொல்றாங்க. சிலதை நாம பார்த்திருப்போம். நாம மிஸ் பண்ணதை டேட்டா செலவில்லாம  இந்த நிகழ்ச்சில பார்க்கலாம். இது திங்கள் முதல் வெள்ளி வரை மதியம் 2.30மணிக்கு ஒளிப்பரப்புறாங்க..  இதுல காமெடி வீடியோக்கள் மட்டுமில்லாம சிந்திக்க வைக்கவும், சமுதாய விழிப்புணர்வு வீடியோக்களும் வரும்..

சனிக்கிழமைதோறும் காலை 10 மணிக்கு பெண்ணோவியம்ன்ற பேர்ல நிகழ்ச்சி ஒளிப்பரப்பாகும். இதுல கைவண்ணம், சமையல், மருத்துவ குறிப்புகள், அழகு குறிப்புகள், வாழ்க்கையில் ஜெயித்த பெண்களின் தன்னம்பிக்கை கொடுக்கும் பகிர்வுன்னு ஒளிப்பரப்பாகுது.. எந்த டிவின்னு சொல்ல மறந்துட்டேனே! வசந்த் டிவிலங்க...

அடுத்த வாரம்...

மருத்துவர்கள் நாடி பிடிச்சு பார்க்குறது ஏன்னு ஐஞ்சுவை அவியல்லயும்,

நரசிம்மரின் உக்கிரம் தணிக்க தயிர்சாதம் செய்முறையை கிச்சன் கார்னர்லயும்,

சித்திரகுப்தன் கதையை தெரிந்த கதை தெரியாத உண்மைலயும்,

கமல் கடாய் தையல் பத்தி கைவண்ணத்திலயும்...

கோடைகாலத்தில் கூழ் ஊத்துவது ஏன்னு புண்ணியம் தேடி பதிவிலயும் பார்க்கலாம்....

நன்றியுடன்,

ராஜி.