"யாராவது காப்பாற்றுங்களேன் "

தூக்கத்தில் கனவு அன்று ..,

கனவில் தூக்கம் இன்று ..,

 தேடலே தொழிலாகி..,

வலைத் தளங்களானது

வாழ்க்கை ..,

ஒவ்வொரு நாளும்

வெவேறு தேடல்கள்.

மறைச்சொல்லை

மறக்கிறோம்

முடமாகிறது தொடக்கம்...,

தொடக்கூடாததைத்

தொடுகிறோம்

குப்பையாகிறது  கோப்பு.     

விரல் நுனிகளில் வைரஸ்

புற்றாகிறது  பூக்கள்..,

அடுத்த கிரகம் தேடி

அலைகிறோம்

"ஆண்டி வைரஸ்" தேடி  

விஞ்ஞான  எல்லையை

எட்டிக் கொண்டே

பயணிக்கிறது அறிவு...,

அறிவைக் குட்டிக் கொண்டே

பயணிக்கிறது விஞ்ஞானம்.

குடம் தேனாய்

விஞ்ஞானம் கண்டோம்,

குடத்துக்குள்ளேயே

வீழ்ந்தோம்

  

"யாராவது காப்பாற்றுங்களேன் "