வாங்குன பல்பையெல்லாம் இப்படியும் மாத்தலாம் - சுட்ட படம்

நான் லவ்வால, பல பல்ப்- வாங்குன பையன்...  அதனால, என் லைஃப் ஒளி வீசுதே!ன்னு  சினிமா பாட்டு இருக்கு,  நாம வாங்குன பல்ப்லாம் எரிய விட்டா ஒரு ஊருக்கே வெளிச்சம் கிடைக்கும். அப்படி வெளிச்சம் போட்டு காட்ட விருப்பம் இல்லாததால் அந்த பல்பை வச்சு என்னவெல்லாம் செய்யலாம்ன்னு கூகுள்ல தேடுனதுல இப்படிலாம் செய்யலாம்ன்னு கூகுள் சொல்லுச்சு. இனி அடுத்து இந்த வேலைதான்...

வாங்கின பல்பையெல்லாம் இப்படி மாத்த தயாரா?!

நன்றியுடன்,

ராஜி

அன்பர்கள் தின வாழ்த்து அட்டை - கிராஃப்ட்

முன்னலாம் எங்க வீட்டுல யாருக்குப் பிறந்த நாள், கல்யாண நாள் வந்தாலும் சரி,  பொங்கல், தீபாவளின்னு பண்டிகை வந்தாலும் சரி, பசங்க கடைல இருந்து வாழ்த்து அட்டையும், பரிசும் வாங்கி வந்து தருவாங்க. கைச்செலவுக்கு கொடுக்கும் காசுல சேத்து வச்சிருந்து இதுப்போன்றப் பரிசுப் பொருட்களை வாங்கித் தருவதை வழக்கமாவே வச்சிருக்காங்க.

நான் செய்யும் கிராஃப்ட் அயிட்டத்தைப் பார்த்து, என்னோடு உக்காந்து அவங்களே செஞ்சுப் பரிசாய் கொடுக்குறதை இப்ப ஆரம்பிச்சு இருக்காங்க. பைசா மிச்சம் பிடிக்குறது ஒரு பக்கமிருந்தாலும், தன் கையால செஞ்சுக் அப்பா, அம்மாவுக்கோ இல்ல கூடப்பிறந்தவங்களுக்கோ இல்ல ஃப்ரெண்ட்ஸ்களுக்கோ கொடுக்கும் போது அவங்களுக்கும் ஒரு திருப்தி என் பொண்ணு செஞ்சது, என் ஃப்ரெண்ட்ஸ் செஞ்சதுன்னு பெருமையடிக்குறதுல நமக்கும் ஒரு திருப்தி.

பசங்க யூஸ் பண்ணி மீந்துப் போன சாட் பேப்பர் கொண்டு அழகான வாழ்த்து அட்டைகள் செய்யுறதுக்கு சொல்லித் தந்திருக்கேன். நாளைக்கு அன்பர்கள் தினம் வருதே!! அதுக்காக, மாங்கு, மாங்குன்னு உக்காந்து வாழ்த்து அட்டைகள் செய்யுதுங்க சின்னது ரெண்டும்...,

தேவையான பொருட்கள்:

பிடித்தமான கலர்ல சாட் பேப்பர்கள்

ஃபெவிக்கால்

கத்திரிக்கோல்

குந்தன் கற்கள்

உல்லன் நூல்

தேவையானப் பொருட்களலாம் எடுத்து வச்சுக்கோங்க.

சின்ன பொண்ணு இனியா பத்தாவது படிக்குறா.டியூஷன், ஸ்கூல்ல ஸ்பெஷல் கிளாஸ்ன்னு இருக்குறதால, ரொம்ப மெனக்கெடாம செவ்வகமான சாட் பேப்பர்ல ஹார்ட் ஷேப்ல க்ளூ தடவி கல கலரான உல்லன் நூலை ஒட்டிக்கிட்டா.

நடுவுல ஒரு பேப்பர் பூ செஞ்சு ஒட்டிட்டா. பக்கத்துல க்ளூ தடவிஉல்லனை ஒட்டி சிம்ப்ளா ஒரு பூ போல செஞ்சு ஒரு வாழ்த்து அடையை ரெடிப் பண்ணிட்டா.

தன் அக்காவுக்கு கொடுக்க சின்னவ இனியா வாழ்த்து அட்டையை ரெடி பண்ணிட்டா.

அப்பு, செவ்வகம் வடிவில் சாட் பேப்பரை மடிச்சு, மடிப்புல இருந்து உள் பக்கம் பார்த்த மாதிரி பத்து கோடு போட்டுக்கிட்டான்.

கோடு போட்டது வரை கத்திரிக்கோலால் கட் பண்ணிட்டான்.

உள்பக்கத்தில் வெட்டியதில் ஒண்னு விட்டு ஒண்ணு வெளியெலடுத்து மேல் படத்தில் இருக்குற மாதிரி மடிச்சு விட்டுட்டான்.

மடிச்சதுல, ஓரத்துல ஆப்பிளும்,  இதய வடிவத்துல சாட் பேப்பரை ஒட்டிட்டான்.

வெட்டிய சாட் பேப்பர் மேல வேற கலர் பேப்பர் ஒட்டி, குந்தன் கல்லால ஒரு டிசைன் வரைஞ்சு அப்பா, அம்மாக்கு கொடுக்க வாழ்த்து அட்டையை தயார் பண்ணிட்டான்.  

இதை கொடுக்கும் பிள்ளைகளுக்கும், வாங்கும் எங்களுக்கும் எவ்வளவு மகிழ்ச்சியை தரும்ன்னு உங்களுக்கு சொல்லவும் வேணுமா!?

அடுத்த வாரம் வேற ஒரு கிராஃப்ட் அயிட்டத்தோடு சந்திக்கலாம்.

நன்றி! வணக்கம்!

அலங்கார சிடி - கிராஃப்ட்

பெரியவ தூயாவோடு சின்னதுங்க ரெண்டுமே ஒத்துப் போகும். சின்னதுங்க கோவம், ஆசைக்கேத்த மாதிரி, தூயா பேலன்ஸ் பண்ணி நடந்துப்பா. ஆனா, சின்னதுங்க ரெண்டுத்துக்கும் எப்பவுமே ஆகாது. சின்னவ ஃபேன் போடச் சொன்னா, அப்பு நோட்டுல இருக்கும் பேப்பர்லாம் பறக்குது வேணம்ன்னு சொல்வான். 

அப்பு ஃபேன் போடச் சொல்லும்போது எனக்கு குளிருதுன்னு சின்னவ சொல்லுவா. அவனுக்கு பூரி சாப்பிட ஆசை வந்தா, சின்னவளுக்கு தோசை வேணும். அவனுக்கு வேலூர்ல துணி எடுத்தா சின்னவளுக்கு சென்னைக்குப் போகனும். இப்படியே ரெண்டும் போட்டிப் போட்டிக்கிட்டு சண்டைப் போடும். 

அவங்க சண்டை முடிவுல “நீ சரியாய் இருந்தா எல்லாம் சரியாய் இருக்கும்”ன்னு எனக்குதான் டோஸ் விழும். டியூஷன், ஸ்பெஷல் கிளாஸ்,ஸ்கூல் போய் வரும்போதே இந்த லட்சணம்ன்னா லீவு விட்டா என் கதி!?

அதான் அரைப் பரிட்சை லீவுக்கு கிராஃப்ட் செய்ய தேவையானப் பொருட்களை வாங்கி வந்து கொடுத்திட்டேன். தினம் ஒண்ணு செய்யனும்ன்னுச் சொல்லி..., எப்படி செய்யனும்ன்னும் சொல்லியும் கொடுத்திட்டேன். அப்படி லீவுல பசங்க கிளாஸ் பெயிண்டிங் கொண்டு சிடில செஞ்ச டெகரேஷன் தான் இன்னிக்கு பார்க்கப் போறது....,

தேவையானப் பொருட்கள்:

உதவாத பழைய சிடி

கிளாஸ் பெயிண்ட்

அவுட் லைனர்

சிடி மார்க்கர் பேனா

தேவையானப் பொருட்களை எடுத்து வச்சுக்கோங்க. சிடில தூசு இல்லாம சுத்தமா துடைச்சு வைங்க.

உங்களுக்கு பிடிச்ச டிசைனை சிடில சிடி மார்க்கர் பேனாவால வரைஞ்சுக்கோங்க..., வரையத் தெரியனும்ன்னு அவசியமில்ல. நமக்குத் தெரிஞ்ச கோலத்தைக் கூட போட்டுக்கலாம். இல்லாட்டி ட்ரேஸ் கூட எடுத்த்க்கலாம். அப்படி டிரேஸ் எடுக்கும்போது கருப்பு கார்பன் யூஸ் பண்ணுங்க.

அவுட் லைனர் கொண்டு நாம வரைஞ்சிருக்கும் டிசைன் மேல போட்டுக்கோங்க. அவுட் லைனர் டியூப் ல இருக்கும். அதை லேசா அழுத்திக்கிட்டே அப்படியே டிசைன் மேல வரைஞ்சு ஒரு பத்து நிமிசம் காய விடுங்க.

அவுட்லைன் காய்ந்ததும், பொருத்தமான கிளாஸ் பெயிண்ட் கலரை போடுங்க. இதுக்கு பிரஷ் தேவையில்ல. அந்த பாட்டில்ல இருந்து அப்படியே போடலாம். அப்படிப் போடும்போது, குமிழ் வராம பார்த்துக்கோங்க. அப்படி குமிழ் இருந்தா ப்யிண்ட் காய்ஞ்சதும் குமிழ் உடைஞ்சு அந்த இடம் பெயிண்ட் இல்லாம அசிங்கமா இருக்கும்.

அலங்கார சிடி ரெடி. சிடி நடுவில் இருக்கும் ஓட்டை மேல் பெப்சி, கோக் பாட்டில் மூடியை வச்சு அதன் மேல மெழுகு வத்தி ஏத்தலாம்.  இல்லன்னா சின்னதா குங்குமச் சிமிழ் வச்சு பிக்ஸ் பண்ணி வீட்டுக்கு வரும் கெஸ்ட்களுக்கு கொடுக்கலாம். இதையே சுவத்துலயும் தொங்க விடலாம்.

வலதுப்பக்கம் இருக்குறது அப்பு செஞ்சது, இடதுப்பக்கம் இருக்குறது சின்னவ செஞ்சது, கிளாஸ் பெயிண்டிங் செட் 65 ரூபாய்லயும், 85 ரூபாய்லயும் கிடைக்குது. 65 ல 6 கலரும், அவுட்லைனும் கிடைக்குது. 85 10 க்லரும் அவுட்லைனும் கிடைக்குது.

தேவையில்லாத சிடிக்களை குப்பைலதான் போடுறோம். அதனால சுற்றுச்சூழல் பாதிக்கப்படுதுன்னு பெரியவங்கலாம் சொல்றாங்க.அதனால, தூக்கியெறியாம இப்படி எதாவது செஞ்சு பயன்படுத்தலாமே! சுற்றுச்சூழல் பாதிப்புல இருந்து உலகை காப்பாத்த ஏதோ நம்மால முடிஞ்சது!!!

மீண்டும் அடுத்த வாரம் புதுசா ஒரு கிராஃப்ட் செய்யுறதை பார்க்கலாம்,

டாட்டா! பை பை, சீ யூ....,