Showing posts with label கேபிள் கலாட்டா.. Show all posts
Showing posts with label கேபிள் கலாட்டா.. Show all posts

Saturday, August 05, 2017

கனவுக்கன்னி டூ ஆண்டி - கேபிள் கலாட்டா

அம்மா அப்பாக்கு என்மேல கொள்ளை அன்பு. நல்லபடியா வளர்க்குறேன்னு என்னை பயத்தோடவே வளர்த்துட்டாங்க. அவங்க பேசிப்பாங்க. என்னை பேச விடமாட்டாங்க. அப்பா, அம்மாக்கிட்ட சொல்ல வேண்டியதைலாம் அவங்க இல்லாதப்ப தனியா இருக்கும்போது  ரோல்பிளே மாதிரி சொல்லிக்குவேன்.  அந்த பழக்கம் இன்னிய வரை தொடருது. பேச ஆளில்லன்னா இப்படிதான் போல. இதுமாதிரி தனியா பேசி நான் யாரையும் பார்த்ததில்லை. மனநோயாளிகளை தவிர. முதல்முறையா என்னை மாதிரி ஓவியாவை   பார்த்தேன். ஜூலி மாதிரி என் பெரிய பொண்ணு. நான் எதாவது சொன்னா அவ அப்பாக்கிட்டா ஒன்னுக்கு ரெண்டா கோள் மூட்டுவா. நாந்தான் முக்கியம் என்னைதான் சீராட்டனும்ன்னு சக்தி, காயத்திரி மாதிரி கோவக்கார என் பையன். இடியே விழுந்தாலும் தானுண்டு தன் படிப்புண்டு, தன் வாட்ஸப் உண்டு, தன் மேக்கப் உண்டுன்னு  ரைசா மாதிரி என் சின்ன பொண்ணு. வீட்டுல யாராவது எப்படியாவது போங்க எனக்கு என் வேலைதான் முக்கியம்ன்னு கணேஷ் மாதிரி என் ஆத்துக்காரர். எங்களுக்குள் நடக்கும் சண்டைய சமாதானப்பண்ணியே ஓய்ஞ்சு போகும் வையாபுரி மாதிரியான அம்மா, அழுகும் குழந்தைகளை கட்டிப்பிடி வைத்தியம் செஞ்சு தேத்தும் சினேகன் மாதிரி அப்பா.. ஆரவ் மாதிரி தேவைபோது மட்டும் உறவு கொண்டாடும் உறவுகள்.. இப்படி நம்ம வீட்டுல இருக்குற கேரக்டர்களை காட்டுறதாலாயே பிக்பாஸ் பிடிச்சு போச்சு.



 ஸ்ட்ரெயிட் பார்வேர்டா இருந்தா திமிர் இருக்கும். அழகு இருந்தாலும் திமிர் இருக்கும். ஆனா ரெண்டும் இருந்தும் ஓவியாக்கிட்ட திமிர் இல்ல.  பொதுவா குழந்தைதனம் இருக்குற பொண்ணுங்களை பிடிக்கும். ஓவியாவை தமிழகம் கொண்டாடுறதுல தப்பில்ல. வீட்டு வேலை செய்யலைன்னா பொண்ணுங்களை திட்டுவோம். ஆனா, நமக்கு பிடிச்ச பொண்ணாயிருந்தா போற வீட்டுல எப்படிலாம் லோல்படபோகுதோ! இங்காவது ஃப்ரீயா இருக்கட்டும்ன்னு சொல்வோம். அதுப்போலதான் ஓவியாக்கிட்ட சில கெட்டப்பழக்கம் இருந்தாலும் அவுட்ஸ்போக்கன், ஸ்ட்ரெய்ட் ஃபார்வேர்ட்ன்னு நம்மை ஈர்த்துச்சு. எல்லாரும் ஊத்த மூஞ்சியோடு இருக்கும்போது அழகா ரெடியாகி குத்தாட்டம் போடும் அழகு, ஆடிக்கிட்டே பேசும் குழந்தைத்தனம், கொஞ்சூண்டு அன்பு காட்டினாலும் மெல்ட் ஆகிடும் ஓவியான்னு சீக்கிரத்துலயே இந்த மாதிரி ஒரு பொண்ணுதான் நம்ம வீட்டுக்கு வரனும்ன்னு நினைக்குமளவுக்கு சீக்கிரத்திலேயே கொண்டு வந்திருச்சு.  பொங்கி வந்த அழுகையை கேமராவிலிருந்து க்யூட்டா மறைச்ச பொண்ணு அதே கேமரா முன் பொங்கி பொங்கி அழுத கோலம்....


புதிய பறவை படத்துல சிவாஜி, சரோஜாதேவிக்கிட்ட சொல்வார். என்னை வீழ்த்த நீ வேற வழியை தேர்ந்தெடுத்திருக்கலாம். காதல்ன்ற ஆயுதம்தானா கிடைச்சதுன்னு ... அதுமாதிரி ஆரவ் ஜெயிக்க எத்தனையோ வழியிருக்க காதலை சொல்லி ஒரு பொண்ணை வீழ்த்தனுமா? ரெண்டு பேரையும் ஸ்க்ரீன்ல பார்க்கும்போது அத்தனை பொருத்தம். ஒரே மன அலைவரிசை, ஜோடிப்பொருத்தம், கெமிஸ்ட்ரின்னு... அப்ப்ப்ப்ப்பா. டிவில பார்க்கும்போதே அந்த பொண்ணுக்கு ஆரவ் மேல கொள்ளை ஆசைன்னு தெரியும்.




காயத்திரியின் அடக்குமுறை, சக்தியின் ஆணாதிக்கம், ரைசாவின் பொறாமை, நமீதாவின் போட்டி, ஆர்த்தியின் கிண்டல், சினேகனின் பாலியல் சீண்டல், ஜூலியின் மறைமுக தாக்குதல்ன்னு அத்தனையையும் கெத்தா கடந்து வந்த பெண், ஆரவ்வின் போலியான காதலால செமையா அடிவாங்கிடுச்சு. ஸ்கிரிப்ட்டாவே இருந்தாலும் இது டூ மச். சின்ன வயசிலிருந்தே அன்புக்கு ஏங்குன பொண்ணை.. அன்போட எக்ஸ்ட்ரீம் லெவலுக்கு கொண்டு போய்... இமேஜ் பாதிக்கும், என்கிட்ட பேசாதன்னு சொல்லி ஒரேநாளில் துண்டிச்சதோடு, ஓவியாவை வெறுப்பேத்த ஜூலி, காயத்ரி, ரைசான்னு கடலைப்போட நொறுங்கிப்போய் சாகவும் துணிஞ்சிடுச்சு.  காதல் தோல்வி ஒரு பொண்ணை எப்படி பாதிக்கும்ங்குறதுக்கு ஓவியா சாட்சி. 



நீ வெளிய வா ஓவியா! நாங்க இருக்கோம். கண்ட கழிச்சடையெல்லாம் தாங்கி உயிரை கொடுத்த தமிழகம் உன்னையும் தாங்கும். நாங்க இருக்கோம். ஆரவ் இல்லாட்டியும், பிக்பாஸ் வீடு இல்லாட்டியும் எத்தனையோ பேரின் வீடும், இதயமும் உனக்காக காத்திக்கிட்டிருக்கு. கெட் வெல் சூன் ஓவியா. 



விஜய் டிவில மௌனராகம்ன்னு ஒரு சீரியல் ...  மாலை 7.30 டூ 8 வரை ஒளிப்பரப்பாகுது. தன் அம்மாவோட இறப்புக்கு பின் தன் அப்பாவை தேடி புறப்படும் ஒரு சிறுமி பத்திய கதை அது. வல்லூறுகள்க்கிட்ட இருந்து தப்பிக்க தன்னை ஆம்பிளையா வேசம் போட்டுக்கிட்டு தெருவுல சுத்துது. அந்த பையனை பிடிச்சு போய் ஒருத்தர் தத்தெடுத்து போய் வளர்க்குறாரு. இதுவரை எல்லாமே ஓக்கே. ஆனா, பல நாளா வீட்டுல இருந்தும் வீட்டுல இருக்கவுங்க யாரும் அது பொண்ணுதான்னு கண்டுப்பிடிக்கல. அது எப்படி?! என்ன லாஜிக் இது?!



90களில் பல ஆண்களின் தூக்கத்தை கெடுத்த கனவுக்கன்னியான சிம்ரன் ஆண்டியாகி , கல்லூரி பேராசிரியா ஒரு சீரியல்ல நடிக்குறாங்க.  கல்லூரி பேராசிரியரா தான் சந்திக்கும் பிரச்சனைகளிலிருந்து எப்படி வெளி வர்றாங்கன்னுதான் கதை. இந்த சீரியல் புதிய தலைமுறை  டிவில 8.30க்கு அகினி பறவைன்ற பேர்ல ஒளிப்பரப்பாகுது.



சத்தியம் டிவில உரக்க சொல்வோம்ன்ற நிகழ்ச்சி ஞாயிறு மதியம் 12.30க்கு ஒளிப்பரப்பாகுது. அதிகார துஷ்பிரயோகம், சமூக அவலங்கள், மறைக்கப்பட்ட உண்மைகள்ன்னு வாரம் ஒரு விசயத்தை ஆதாரத்தோடு  அலசுறாங்க. இந்த வாரம் நீட் தேர்வு பத்தி பேசப்போறாங்க.

தமிழ்மணம் ஓட்டுப்பட்டை..
http://tamilmanam.net/rpostrating.php?s=P&i=1468501

நன்றியுடன், ‘
ராஜி. 


Saturday, January 04, 2014

விஜய் டிவிக்கு நன்றி! - கேபிள் கலாட்டா

ரசித்தவை:
முகப்புத்தகத்தில் ரசித்தவற்றை கேப்டன் டிவில தொகுத்து வழங்குறாங்க. அதுல ஒரு வீடியோவுல பரபரப்பான ரோட்டுல பெரிய மரம் ஒண்ணு விழுந்துடுது. மழை பெய்யுது. கார், பஸ், லாரி, சைக்கிள்ன்னு எல்லா வாகனமும் நின்னுட்டு, பெரிய டிராஃபிக் ஜாம் ஆகிடுது. ஓட்டு வாங்கி நாட்டை காப்பாத்த வேண்டிய அரசியல்வாதி சலிச்சுக்கிட்டு தன் கார்ல இருந்து இறங்கி, தன் அதிகாரத்தையும், பணபலத்தையும் பயன்படுத்தி வேற காரை வைரவைக்குறார். இறங்கி வேலை செய்ய வேண்டிய காவல்துறையும் ஜீப்புல உக்காந்து தூங்குது. பஸ்சுல, கார்ல உக்காந்திருக்குறவங்க சலிச்சுக்குறாங்க. வண்டில, சைக்கிள்ல இருக்குறவங்க டீக்கடையில ஒதுங்கி மழைக்கு இதமா டீக் குடிக்குறாங்க.

ஸ்கூல் விட்டு வரும் ஏழெட்டு வயது பையன், புத்தகப்பையை கீழப் போட்டுட்டு அந்த மரத்தை தள்ளப் பார்க்குறான். சுத்தி இருக்குறவங்கலாம் நமுட்டு சிரிப்போடு அந்த பையனை ஏளனமா பார்க்குறாங்க. அவனைப் பார்த்து அங்க ரோட்டுல விளையாடிக்கிட்டிருந்த மத்த பசங்க ஒடி வந்து தள்ளப் பார்க்குதுங்க. அடுத்து தன் காதலனை துரத்தி விடுறா ஒரு மாடர்ன் பொண்ணு. ஒவ்வொருத்தரா சேர்ந்து அந்த மரத்தை தூக்கி தூரப்போட்டுடுறாங்க. அவங்க உழைப்பையும், விடாமுயற்சியையும் பார்த்து இயற்கையே வழிவிட்ட மாதிரி மழை நின்னு சூரியன் வெளிவருது. எல்லோரும் அந்தப் பையனை தூக்கி கொண்டாடுறாங்க. விடாமுயற்சி, உழைப்பு, ஒற்றுமையை எடுத்துச் சொல்லும் க்ளிப் நல்லா இருந்துச்சு.


விஜய் டிவி நீயா!? நானா!?வை ஆரம்பக் காலக்கட்டத்துல விடாம பார்த்துட்டு இருந்தேன். ஆனா, சமீபக்காலங்களில் நிகழ்ச்சியை பார்க்குறதையே தவிர்த்துட்டேன். ஆங்கில புத்தாண்டு அன்னிக்கு சேனல் மாத்திக்கிட்டு வரும்போது தற்செயலா நீயா!? நானா!?வைப் பார்க்க நேர்ந்தது. வந்தது வந்துட்டோம். என்ன தலைப்புன்னு பார்த்துட்டு போலாம்ன்னு பார்த்தா நீயா!?நானா!? அவார்ட்ன்னு தலைப்பு. சரி சினிமா, குத்துப்பாட்டு, சண்டைக்குதான் அவார்டுன்னு சேனல் மாத்த போகும்போது அறிவிக்கப்பட்ட விருதுகள்லாம் வித்தியாசமாய் இருக்கவே பிள்ளைகளையும் பார்க்க வச்சேன். 

ஃபேஸ்புக்குல நாம அப்லோட் பண்ணுற படத்தை யார் வேணுமினாலும் அழிக்கலாம்ன்னு ஒரு ஆப்ஷன் இருக்கு. அதை, மார்க்குக்கு சுட்டிக்காட்டி அப்படி அழிக்க முடியாத மாதிரி செட்டிங்க்ஸ் மாத்தி 8 லட்சம் பரிசு வாங்குன தமிழகத்தை இளைஞர், கல்வி மறுக்கப்பட்ட மளிகைக்கடைக்காரர் ஒருத்தர் நடத்த ஆரம்பிச்ச ஸ்கூல், எழுத்தாளர் பாரதிதம்பி, தலித் பெண்களின் பிரச்சனைக்காக ஓங்கி குரல் கொடுக்கும் சமூக சேவகி, நீச்சல் போட்டியில் சாதித்து வரும் “தலைவாசல் விஜய்” அவர்களின் மகள், இந்திய டாப் 10 ஹோட்டல்களில் ஒன்றான, பாரீஸ் கார்னர்ல நடைப்பாதையில் இயங்கி வரும் ஒரு தாய்லாந்து உணவம், போலியோவினால பாதிக்கப்பட்டு படுத்த படுக்கையில் இருந்தவாறே நவீன தொழில்நுட்பத்தைப் பயன்படுத்தி மாசம் 20லட்சம் சம்பாதிப்பவர் என விருது வாங்கியவர்கள் அனைவரும் சாமானியர்களே! வருச ஆரம்பத்துல ஒரு நல்ல நிகழ்ச்சி பார்க்க வைத்த விஜய் டிவிக்கு நன்றி!

ஆச்சர்யம்:
ஜி தொலைக்காட்சியில் குஷ்பூ தொகுத்தளிக்கும் நம்ம வீட்டு மகாலட்சுமி நிகழ்ச்சி பார்க்க நேர்ந்தது. டைட் ஜீன்ஸ், ஷர்ட், மிடில தலைவிரிச்சுப் போட்டுக்கிட்டு வராம அழகா தலைவாரி குஞ்சலம் நெத்திச்சுட்டி வச்சு, பாவாடை தாவணி கட்டி அழகா வந்தாங்க.  முதல் சுற்று ”தமிழ் பேசு” ஆங்கில கலப்பில்லாம ஒரு நிமிசம் தமிழ் பேசனும். ரெண்டாவது சுற்று “கண்டுபிடி கண்டுபிடி”. வழக்கம்போல திரைக்குப்பின்னே மறைந்திருக்கும் பிரபலத்தை கண்டுப்பிடிப்பது. மூணாவது சுற்று “திறந்திடு சீசே”. பல சாவிகளில் பெட்டிக்குண்டான சாவியை குறிப்பிட்ட நேரத்துக்குள் கண்டுப்பிடித்துவிட்டால் பெட்டிக்குள் இருக்கும் பொருள் கண்டுப்பிடிப்பவருக்கே. நாலாவது சுற்று பத்து நொடி காட்டப்படும் விடியோ க்ளிப்பிலிருந்து கேட்கப்படும் கேள்விகளுக்கு பதில் சொல்லனும்.


ஆர்வம்:
30 டூ 40 காலக்கட்டத்து ஆளுங்கலாம் தவறாம தங்களோட சின்ன வயசுல ஒவ்வொரு ஞாயிறு மதியம் 1.15 மணிக்கு டிவி முன் ஆஜர் ஆகிடுவாங்க.  காது கேளாதவருக்காக ஒருவர் நியூசை ஆங்கிலத்தில் படிக்க, ஒரு அம்மா சைகை மொழியில் அதை சொல்லிக்கிட்டே வருவாங்க. அப்பத்தி ஆளுங்களுக்கு சூரியன், நிலா, மழை, இலங்கை, பாகிஸ்தான், ரயில்களுக்கெல்லாம் எப்படி ஆக்ட் பண்ணுறதுன்னு இன்னிக்கும் நல்லாவே தெரியும். அதுப்போல இப்ப புதிய தலை முறை சேனல்ல தினமும் சாயங்கால நேரத்துல போடுறாங்க. சொல்லும் மொழிப் புரிந்தாலும், அவங்க சைகைப் பாஷைக்காகவே நிகழ்ச்சிப் பார்க்குறேன்.

எரிச்சல்:
சாயந்தர நேரத்துல சும்மா இல்லாம சேனல் மாத்திக்கிட்டு வரும்போது பிள்ளைநிலா சீரியலை பார்க்க நேர்ந்தது. நிலான்ற பத்து வயசு அம்மா யாருக்கோ பத்து லட்சம் காசு கொடுக்கனும் போல! அவங்க வந்து நிலா அம்மாக்கிட்ட சண்டைப் பிடிக்க, நிலா அம்மா எப்படி பைசா திருப்பி தருவதுன்னு தெரியாம முழிக்க, பத்து வயசு பொண்ணு நிலா, ”இன்னும் ஒரு வாரத்துல உங்க பணம் உங்க கைக்கு வரும். அதுக்கு நான் பொறுப்பு”ன்னு சவால் விடுது. அதைக்கேட்ட கடன் கொடுத்தவங்களும் சரின்னு போய்டுறங்க. பத்து வயசுப் பொண்ணு எப்படி பத்து லட்சம் பணத்தைப் புரட்டும். என்னதான் குழந்தைகளை மையப்படுத்தி கதை நகர்ந்தாலும் இப்படியா!?