மதுரை மீனாட்சி சுந்தரேசுவரர் கோயில் -புண்ணியம் தேடி

வாரம் தோறும் புண்ணியம் தேடிப் போறப் பயணத்துல உலகப் புகழ்பெற்ற கோவில்களோடு தினமும் ஒருவேளை பூஜைகள்கூட நடக்காத சில கோவில்களையும் பார்த்து வந்திருக்கிறோம். அதே வரிசையில்  இன்னைக்கு உலகப் புகழ்பெற்ற அருள்மிகு மீனாட்சி சுந்தரேசுவரர் கோயில் பற்றி பார்க்கபோறோம்.

இக்கோவில் வரலாற்று புகழ் மிக்க ஆலயம் என்பதால் இந்த நகரமும் திருகோவிலும் பயணித்த சில வரலாற்று பயணங்களையும் நாம இங்கே பார்க்கலாம். தென்னிந்திய வரலாற்று பக்கங்களைப் புரட்டிப் பார்த்தோம்னா அதில் குறிப்பிடத்தக்க முக்கிய இடம் மதுரைக்கும், மீனாக்ஷி அம்மன் கோவிலுக்கும் உண்டு. முற்கால மற்றும் பிற்கால பாண்டியர்கள், சுல்தான்கள், நாயக்கர்கள் மற்றும் பிரிட்டிஷ் ஆட்சிகாலத்தில் பல சாதனைகளையும், சோதனைகளையும் தாண்டிவந்தது இந்த கோவில்ன்னு சொன்னா மிகையாகாது.

இது 1784 ல வரையப்பட்ட படம். அப்பொழுது அங்குக் கரைப்புரண்டோடும் ஆறும், அதன் பின்னியில் கோவிலும் தெரிகிறது. மதுரை பல்வேறு அரசாட்சியின் கீழ் இருந்தாலும், பாண்டியர்கள் மற்றும் நாயக்கர்கள் காலம்தான் மதுரைக்குப் பொற்காலமாக இருந்திருக்கு. கிபி 1 முதல் 5ஆம் நூற்றாண்டு வரையில் சங்ககாலப் பாண்டியர்கள் வசமும், 5 முதல் 13ஆம் நூற்றாண்டு வரையில் இடைக்காலப் பாண்டியர்கள் வசமும் இருந்த மதுரை 14 முதல் 16 ஆம் நூற்றாண்டின் தொடக்கம் வரை டெல்லி சுல்தான்களின் கொடுங்கோல் வசம் இருந்தது. விஜயநகரப் பேரரசு மூலம் அந்த டெல்லி சுல்தான்களின் ஆட்சி முறியடிக்கப்பட்டு 1520 ல் விஜயநகரர்களின் நேரடிக் கண்காணிப்பில் இயங்கும் நாயக்கர்கள் ஆட்சி பீடத்தில் அமர்ந்தனர். அவர்கள் ஆட்சியாண்டில் 1623 முதல் 1659 வரையிலான மன்னர் திருமலையின் ஆட்சி மீனாட்சியம்மன் கோயிலுக்கும், மதுரைக்கும் ஒரு பொற்காலமாக இருந்திருக்கிறது.

1736 ல் நாயக்கர்கள் வீழ்ச்சியுற, 1801ல் பிரிட்டிஷாரிடம் சென்றது. ஆங்கிலேயர்கள் இந்தக் கோவிலின் கலைப் பொருட்களை பாதுகாக்காவிட்டாலும், அழிக்கவில்லை என்பதே மிகப் பெரிய ஆறுதலான விஷயம்.  இதற்குப் பிறகுதான் இந்த வைகை நதியின் குறுக்கே பென்னிகுவிக் பாலம் கட்டப்பட்டு இருக்கும் அதன்பிறகு புலம் பெயர்வு நடந்து இருக்கலாம். அந்த பாலத்தை யானை கட்டும் பாலம் எனவும் சொல்வாங்க. பழையக் காலத்தில் மன்னர்களின் யானையை இதில்தான் கட்டுவாங்க. இப்ப இருக்கிற மதுரையின் மையப்பகுதி பெரும்பாலும் நாயக்கர்களால் கட்டப்பட்டது. கோயில், மற்றும் மனனர் அரண்மனை நடுவிலிருக்க, அதனைச் சுற்றி வீதிகளையும், குடியிருப்புகளையும் அமைக்கும், இந்து நகர அமைப்பான "சதுர மண்டல முறை" மதுரையில் பின்பற்றப்பட்டு இருக்கு.

இது 1798 ல வரையப்பட்ட கோவிலின் மாதிரி படம். இதெல்லாம் இப்ப எந்த வாசல இருக்குனு மீனாக்ஷி அம்மனுக்கே வெளிச்சம். முதன் முதலில் குலசேகர பாண்டியனால் இந்தக்கோயில் கட்டப்பட்டதென்றாலும், அந்தக்கோயிலை நாயக்கர்கள் மிகச்சிறப்பாக மாற்றினர்.  நாயக்கர்கள் மதுரையை 16முதல் 18ஆம் நூற்றாண்டு வரை ஆண்டிருக்கிறார்கள். அதனால் தங்களது ராஜமுத்திரையின் பிரதிபளிப்பாக மதுரை மீனாட்சி அம்மன் சுந்தரேசுவரர் கோயிலை நிர்மாணித்திருக்கிறார்கள்.இனி கோவிலின் அமைப்பை பார்க்கலாம்...,

 இது ஒரு பழைய தெலுங்கு புத்தக பதிப்பிலிருந்து எடுக்கப்பட்டது. அதன்படி இந்த கோவிலின் பரப்பு 750x830 அடி பரிமாணத்தில் 25 ஏக்கர் அளவில் அமைக்கப்பட்டுள்ளது. இந்தக் கோயிலின் பணிரெண்டு கோபுரங்களும், தெய்வங்களும் மற்றும் அவதாரங்களின் சிலைகளாலும்  அலங்கரிக்கப்பட்டுள்ளது. நான்குப் பெரியக் கோபுரங்களும் திசைக்கொன்றாக வெளிச்சுவரில் இருக்கின்றன. தெற்கு வாசலில் உள்ள இந்தக்கோபுரம்தான் மற்றவைகளைவிடப் பெரியது. கீழிருந்து கிட்டத்தட்ட 50 மீட்டர் (160 அடி) உயரத்தில் இருக்கிறது. இந்தக்கோபுரத்தின் மீது மட்டுமே நம்மால் ஏறிப்பார்க்ககூடிய அமைப்பில் இருக்கிறது இந்தக்கோபுரத்தின் மீதிருந்து பார்த்தால் மற்ற அனைத்து கோபுரங்களையும் இரண்டு விமானங்களையும் மிகத் தெளிவாகப் பார்க்கமுடியும். இதில் மீனாட்சிக்கு நான்கு, சொக்கநாதருக்கு நான்கு, சுற்றுச் சுவரில் நான்கு என இந்தக் கோயிலில் 12 கோபுரங்கள் இருக்கின்றன. வெளிச்சுற்றுச் சுவரில் இருக்கும் ஆச்சரியப்பட வைக்கும் கோபுரங்களே மதுரையின் சிறப்பு.

 

இந்த நான்கு சுற்றுச்சுவர் கோபுரங்களை விடுத்து, மேலும் நான்கு சிறிய கோபுரங்கள் இந்த இரண்டு ஆலயங்களிலும் காணப்படுகின்றன. வேலைப்பாடுகள் முடிக்கப்படாமல் உள்ள கிழக்கு வாசல் ராஜகோபுரத்தின் அடிப்பகுதி கிட்டத்தட்ட 60 மீட்டர்கள் இருக்கிறது (174 சதுர அடி) இது முடிவு பெறாமல் இருக்கிறது. கோயில் மதில்சுவருக்கு உள்ளேயே இருப்பவை ஆடிவீதிகள் என்றும், மதிலுக்கு வெளியே உள்ளவை சித்திரை வீதிகள் என்றும், பிறகு ஆவணி மூல வீதிகள் பிறகு மாசி வீதிகள் என்றும் அழைக்கப்படுகிறது. கிழக்கு மேற்காக நீண்டுள்ள இந்த முழு அமைப்பும் நான்கு திசைகளிலும் உள்ள கோபுரங்களை அடிப்படையாகக் கொண்டு அமைக்கப்பட்டுள்ளன. கோயிலுக்கு வெளியில் உள்ள அந்த சித்திரை வீதிகளை ஒரு வலம் வந்து நான்கு கோபுரங்களையும் பார்த்தப் பின்னர் அம்மன் வாயில் வழியாக உள்ளே நுழைவோம். சரி இனி, இந்த கோவிலின் ஸ்தல வரலாற்றைப் பார்க்கலாம்.....,

இந்தப் படம் சிவனைத் தொழும் இந்திரன்.ஆயிரங்கால் மண்டபத்தில் வைக்கப்பட்டிருக்கிறது. இந்திரன் ஒருமுறை ஒரு துர்தேவதையைக் கொன்றதற்கு பிராயச்சித்தம் செய்யும் பொருட்டு பூலோகத்திற்கு வந்தான். அப்போதைய பாண்டிய நாட்டின் கடம்ப வனத்திற்கு வந்தபோது தன் துன்பங்கள் நீங்கியதை உணர்ந்தான். உண்மையை அறிய முற்பட, அங்குள்ள ஒரு கடம்ப மரத்தின் அடியில் உள்ள சிவலிங்கம்தான் தன் துன்பம் நீங்கியதற்குக் காரணம் என்பதை அறிந்தான். அதன் பக்கத்தில் ஒரு சிறு குளமும் இருந்தது. அவன் சிவலிங்கத்தை வணங்கி அதற்கென ஒரு சிறிய கோவிலைக் கட்டினான். அந்த சிவலிங்கம் இன்னும் இங்கே இருக்கு .அதற்கு இந்திர விமானம்ன்னு சொல்கிறாங்க.

மேலும், மானவூரைச் சேர்ந்த தனஞ்செயன் என்ற வியாபாரி ஒருமுறை கடம்ப வனத்தின் வழியாகச் சென்ற போது, இரவு இந்திர விமானத்தில் தங்க நேர்ந்தது. காலையில் அவன் எழுந்து பார்த்தபோது சிவலிங்கத்தை வழிபட்டதற்குரிய அடையாளங்கள் தெரிந்தது. அதனை தேவர்களின் வேலையென நினைத்த வியாபாரி மன்னன் குலசேகரபாண்டியனிடம் சென்றுக் கூறினான். அதற்கு ஏற்றார்போல் முதல் நாள் இரவே, சிவபெருமான் பாண்டியனின் கனவில் தோன்றி குறிப்பிட்ட இடத்தில் ஒரு கோயிலும், அதனை மையமாகக் கொண்டு ஒரு நகரத்தையும் நிர்மாணிக்குமாறு சொன்னாராம் குலசேகரனும் கோவிலைக் கட்டி முடித்தான் என சொல்லபடுகிறது. இதில் இடப்பக்கம் இருப்பது வியாபாரி தனஞ்சயன் சிற்பம்.  வலப்பக்கம் இருப்பது குலசேகரன் சிற்பம் இந்த இரண்டு சிற்பங்களும் பொற்றாமரைக் குளத்தின் வடக்கு பக்கத்தில் உள்ளது.

இது மீனாட்சி ஆட்சி நடக்கும் இடமல்லவா!? ஆகையால் முதலில் தாயாரை தரிசித்துவிட்டு இறைவனை தரிசிக்கலாம். இப்ப நாம முதலில் வசந்த மண்டபம் வழியே கோவிலுக்குள் செல்லலாம். 22 ஆண்டுகளில் கட்டப்பட்ட இந்த மண்டபத்திற்கு மூன்று புறம் பாதை இருக்கு . 333x105 அடிகள் என்ற அளவில் செவ்வக வடிவில் இந்த மண்டபம் இருக்கிறது. மண்டபத்தின் மேற்குக் கோடியில் உள்ள மார்பிள் இருக்கை இறைவன்-இறைவியின் ஆசனமாக உபபோகப்படுத்தப்படுகிறது. வசந்தோத்சவம் என்று சொல்லப்படுகிற இளவேனிற்கால திருவிழா வைகாசி மாதம் இந்த மண்டபத்தில் வைகாசி மாதம் (மே/ஜுன்) நடைபெறுகிறது. இந்த மண்டபத்தை திருமலை நாயக்கர் கட்டினார். இதை புதுமண்டபம் ன்னும் சொல்வாங்க.

 இந்த மண்டபத்தின் தூண்களில் சிவன், மீனாட்சி, அவர்களின் திருமணம் மேலும் மதுரையை நிர்மாணித்த விஸ்வநாத நாயக்கர்லிருந்து திருமலை நாயக்கர் உட்பட பத்து நாயக்கர்கள் மற்றும் அவரது துணைவிகள் இவங்க சிலைகள் இருக்கு.  நிறைய யாளிகள் சிலையும்  குதிரைக் குளம்புகள், சிப்பாய்களின் தோள்களில் தாங்கி இருக்கிற மாதிரி சிற்பங்கள் நிறைய இருக்கு.

இதன் உத்திரங்களில் நிறைய ஓவியங்களால் அழகுப்படுத்தப்பட்டு இருக்கின்றன. புது மண்டபத்தில் நிறைய அழகான சிற்பங்கள் இருக்கு அதில் ஒன்று இரண்டு என வரிசை படுத்தினால் முதலில்....,

1. ஏகபாதமூர்த்தி

2. இரண்டு யானைகளுடன் கூடிய யாளி

3. குதிரை வீரர்கள்

4. கஜயுகர்

5. தடாதகைப் பிராட்டியார்

6. சூரியன்

7. புலிக்குப் பால்கொடுத்தது

8. பன்றிக்குட்டிகளுக்குப் பால்கொடுத்தது

9. சந்திரன்

10. சுந்தரேஸ்வரர்

11. துவாரபாலகர்கள்

12. நாயக்க மன்னர்கள் (1 முதல் 10 பட்டம் வரை)

 13. கருப்பத்தி கருங்கல் சவுக்கை

14. கருங்குருவிக்கு உபதேசம்

15. மையப்பகுதியின் மேல்விதானத்தில் ராசிச்சக்கரம்

16. கல்யானைக்குக் கரும்பு கொடுத்தது

17. பதஞ்சலி

18. வியாக்ரபாதர்

19. பத்ரகாளி

20. ஊர்த்துவ தாண்டவர்

21. மீனாட்சி சுந்தரேஸ்வரர் திருமணக்காட்சி

22. பிரம்மா

23. தேவேந்திரன்

24. அர்த்த நாரீஸ்வரர்

25. சங்கர நாராயணர்

26. அதிகார நந்தி

27. கைலாச பர்வதம்

28. திரிபுரஸம்ஹாரம் வரை நிறைய சிற்பங்கள் இருக்கு.

புது மண்டபம் தாண்டி, கிழக்கில் முடிவடையாத ராஜகோபுரம் உள்ளது. இந்தப் பெரிய கோயில் கோபுரம் 174x107 அடிகள் அளவிலான அடிப்பரப்பைக் கொண்டுள்ளது. நுழைவாயில் 22 அடிக்கு உள்ளது. இதன் ஒரே கல்லினால் ஆன தூண்கள் கிட்டத்தட்ட 30 மீட்டர்கள் இருக்கின்றன. இந்த கட்டிடப் பணியை ஆரம்பித்த திருமலை நாயக்கர் பணிகள் நிறைவடையும் முன்னே காலமானார். ஆகையால்தான் முற்றுபெறாமல் இருக்கிறதோ என்னமோ!? இது ராஜ கோபுரத்தின் பழையபடம். இந்த படத்தை மார்ச் 1858 ல ட்ரிப் லினெயஸ் என்கிற போட்டோகிராபர் எடுத்து இருக்கிறார். அவர் 1822 ம் ஆண்டு பிறந்தவர் 1902 மறைந்து விட்டார்
இந்த படத்தை பொது பயன்பாட்டுக்கு தந்தவர் லேடி டெனிசன் 

இது அந்த முற்று பெறாத ராஜ கோபுரத்தின் தற்போதைய நிலை. இந்த நந்தி இருக்கும் இடத்தில் ஒரு சதுர வடிவ கிணறு இருந்தது. அதை மூடித்தான் இப்பொழுது இந்த நந்தி எழுப்பப்பட்டுள்ளது பழையப் படத்தில் ஆக்கிரமிப்புகள் இல்லாமல் தெளிவாக இருக்கிறது ஆனால் இப்பொழுது  கடைகள் ஆக்கிரமித்து சிலைகள் வெளியே தெரியவில்லை.

 கிழக்கு கோபுரத்தில்  (ஒன்பது தளங்கள்) 161'3". 1011 சிற்பங்கள் இருக்கு. இது கிழக்கு கோபுரத்தில் பக்கத்தில் இருக்கும் பிரதான நுழைவு வாயிலின் பழைய படம். இதன் முழு விவரங்களையும் மௌனசாட்சிகளில் பிறகு பார்க்கலாம்

அடுத்து நாம பார்க்கப் போறது அம்மனை தரிசிக்க செல்லும் பிரதான நுழைவாயில் இது கிழக்கு சித்திரைவீதியிலேயே, இராஜகோபுரத்திற்கு வெகு அருகிலேயே இருக்கு இந்த கோபுரம் ஒரு நுழைவாயில் போன்ற வளைந்த அமைப்பில் இருக்கு. இது அம்மன் சந்நிதிக்கு நேரே இருக்கு இதுவும் 1858 ல எடுத்த படம்.

அடுத்து நாமப் பார்க்கப் போறது அம்மனை தரிசிக்க செல்லும் பிரதான நுழைவாயில். இது கிழக்கு சித்திரைவீதியிலேயே, இராஜகோபுரத்திற்கு வெகு அருகிலேயே இருக்கு. இந்தக் கோபுரம் ஒரு நுழைவாயில் போன்ற வளைந்த அமைப்பில் இருக்கு. இது அம்மன் சந்நிதிக்கு நேரே இருக்கு. முன்பு, இந்த வழிகளில் கடைகள் இருந்தன. இப்பொழுது கடைகள் அப்புறபடுத்தப்பட்டு பாதுகாப்பு படையினர் பராமரிக்கின்றனர். இது தற்போதைய நிலை. இனி அடுத்து நாம கோவிலின் வெளிப்பக்கம் வலம் வரலாம். முதலில் தெற்கு பக்கம் இருக்கிற கோபுரத்தை பார்க்கலாம்...,

ஒன்பது தளங்கள் கொண்டது இந்தத் தெற்கு கோபுரம் 170'6" உயரத்துடன் 1511 சிற்பங்கள் . வெளிச்சுற்றுகளிலேயே உயரமாக மிகவும் கம்பீரமாக இந்தக் கோபுரம் இருக்கு. இதன் பழைய படங்கள் கூட இருக்.கு பதிவின் நீளம் கருதி அதை இணைக்கவில்லை. தெற்குக் கோபுரத்திலிருந்து போனா பெரியார் பஸ் ஸ்டாண்ட் போய்டலாம்(நான் சொன்னது சரியா!? தவறா!?ன்னு தம்பி தமிழ்வாசியும், ரமணி அப்பாவும்தான் சொல்லனும்).

அடுத்துப் பார்க்கப் போறது வடக்கு கோபுரம். கிழக்குக் கோபுரத்தை ஒத்து கட்டப்பட்டுள்ள இந்த வடக்கு கோபுரம் ஒன்பது தளங்களுடன் 160'6" உயரமுடையது. மற்ற கோபுரங்களை விட குறைவான சிற்பங்களே இதில் இருக்கு. கோபுரத்தின் பெரும்பகுதி சிறிய தூண், பிள்ளைக்கால்கள் போன்றவைகளால் பின்னப்பட்டிருப்பதினால் , சிலைகளின் எண்ணிக்கை குறைந்திருக்க வேண்டும்.

அடுத்து மேற்குக் கோபுரம் நாம் ரயில்வே ஸ்டேஷன் ல இருந்து வரும்போது முதலில் தெரிவது இந்த மேற்குக் கோபுரம். படிஞாயிறு கோபுரம்ன்னும் சொல்வாங்க. இது அந்த காலத்தைய போட்டோ.

இது தற்போதைய மேற்கு கோபுரத்தினுடைய நிலை. இதில் ஒன்பது தளங்கள் இருக்கு 163'3" உயரத்துடன் 1124 சிற்பங்களைக் கொண்டிருக்கிறது. இந்த கோபுரம் டவுன்ஹால் ரோடு வழியாக சென்றால் ரயில்வே ஸ்டேஷன் போகலாம்.

இனி கோவிலுக்குள் செல்லலாம். அதற்கு முன்பு நாம தெரிஞ்சுக்க வேண்டிய சில தகவல்கள்...,

இந்த நான்கு சுற்றுச்சுவர் கோபுரங்களைத் தவிர மேலும் நான்கு சிறிய கோபுரங்கள் சிவன் மற்றும் தாயார் சன்னதிகளில் இருக்கு  வேலைப்பாடுகள் முடிக்கப்படாமல் உள்ள கிழக்கு வாசல் ராஜக்கோபுரத்தின் அடிப்பகுதி கிட்டத்தட்ட 60 மீட்டர்கள் இருக்கிறது (174 சதுர அடி). நாம் மொத்தம் இந்த ஐந்து  வழிகளில் ஏதேனும் ஒன்று வழியாக உள்ளே வரலாம். மீனாட்சி அம்மன் சன்னதிக்கு எதிரே இருக்கிற கிழக்கு வாசல்தான் பிரதான வாயிலாக சொல்லப்படுகிறது. 

கோவிலின் மூலாதாரமான மீனாட்சி வீற்றிருக்கும் திசையையில் இருக்கும்  இந்த ஒரு வாயில் மட்டுமே கோபுரம் முடிவு பெறாமல் இருக்கிறது. இங்கு இன்னும் வெளியிடப்படாத சில கல்வெட்டுகள் இருப்பதாகச் சொல்லபடுகிறது. இந்தக் கோபுரத்தின் கீழ் மதுரையின் காவல் தெய்வம் மதுரைவீரன் கம்பீரமாக வீற்றிருக்கிறார். இவருக்கு அருகில் பதினெட்டாம்படி இருக்கின்றது. இங்குப் பிரச்சினைகளைத் தீர்த்து வைக்க சத்தியப் பிரமாணம் எடுத்துகொள்ளும் பழக்கமும் இங்கு பொய்சொன்னால், சொன்னவங்களுக்கு உடனடி தண்டனைகள் கிடைப்பதாகவும் சொல்லபடுகிறது.

இந்த திருகோவிலின் இரண்டாம் நிலையில் ஐந்து இடங்களும் மிகவும் முக்கியமானவை....,

1. அஷ்டசக்தி மண்டபம் (அம்மன் கேட்)

2. மீனாட்சி நாயக்கர் மண்டபம்

3. ஆடிவீதிகள் (உள்கோயில் பிரகாரம்)

4. சித்ர கோபுரம்

5. முதலி மண்டபம்

இடதுபுறம் வெளிப் பிரகாரத்தில் இருப்பது வன்னி மரத்தடி விநாயகர் ஆலயம். இது ஆடிவீதி என்றும் சொல்வாங்க. கற்கள் பதிக்கப்பட்டு, அழகாக இருக்கு. வன்னி மரத்தடி விநாயகர் ஆலயத்தில், பெண்கள் தங்களின் வேண்டுதல்களுக்காக தொட்டில் கட்டி, வழிபாடு செய்யும் பழக்கம் இருக்கு.

மாலை நேரம் நெருங்கி வருவதால், கோவிலை இயற்கை வெளிச்சத்தில் அடுத்தவாரம் பார்க்கலாம். முன்னலாம் இங்க கேமரா கொண்டுச் செல்ல அனுமதி கிடையாது. இப்ப இந்தக் திருக்கோவில் தொல்லியல் துறையின் கீழ் பராமரிக்கப்படுவதால் மொபைல் கேமராவிற்கு அனுமதி உண்டு. அதற்குக் கட்டணமாக 50 ரூபாய் வசூலிக்கப்படுகிறது. நாம் இங்க திருக்கோவில் ஸ்தல வரலாறும், அதன் பரிணாம வளர்ச்சியையும் சேர்த்தே பார்ப்பதினால் என் மொபைல் கேமராவையும் தாண்டி நிறைய படங்கள் இணையதளத்திலிருந்து எடுக்க வேண்டுயதாகிவிட்டது. இனி இந்தத் திருக்கோவில் வரலாற்றின் தொடர்சியை அடுத்தவாரம் பார்க்கலாம்...., 

இறைவன் மற்றும் இறைவியின் பொற்பாதங்களுக்கு மலர்களைக் காணிக்கையாக்கிவிட்டு நான் கிளம்புறேன். 

நன்றி! வணக்கம்!

ஐஸ்குச்சி செல்போன் ஸ்டாண்ட் - கிராஃப்ட்

வலைச்சரத்துல பிசியா இருந்த சமயத்துல பதிவு போட ஒரு செல்போன் ஸ்டேண்ட் செய்யச் சொல்லி அப்புக்கு சொல்லிக் கொடுத்துட்டு நான் எப்பவும் போல வலை வீசிக்கிட்டு இருந்தேன். 

செல்போன் ஸ்டேண்டை செய்யும்போது ரெண்டு தப்பு செஞ்சுட்டான். ஒண்ணு என்னைப் போல வரிசையா  ஃபோட்டோ எடுக்கல. ரெண்டாவது பின்பக்கமா சாய்ச்சு செய்ய வேண்டியதை முன்பக்கமா சாய்ச்சு வச்சு செஞ்சுட்டான். பிழைகளை பொறுத்துக்கொள்ள என் சகோக்களுக்கு சொல்லியா தரனும்!?

தேவையான பொருட்கள்:

ஐஸ்குச்சி

ஃபெவிக்கால்

மேல் படத்துல இருக்குற மாதிரி குச்சிகளைத் தனித்தனியா முதலில் ஒட்டிக்கோங்க.

7 குச்சிகள் கொண்டதை அடிப்பாகத்துல வர மாதிரி வச்சுக்கிட்டு சைடு பாகத்தை ஒட்டுங்க.

அடுத்து மற்றொரு சைடு பாகத்தை ஒட்டுங்க.

அடுத்து பின் பாகம் ஒட்டனும். அதை பின்பக்கமா சாய்ச்சு ஒட்டுங்க. அப்பு, முன்பக்கமா சாய்ச்சு ஒட்டிட்டான். அந்த தப்பை நீங்க ஒட்டாதீங்க.

அடுத்து மற்றொரு சைடு பாகத்தை ஒட்டினா செல்போன் ஸ்டேண்ட் ரெடி.

பின்பக்கமா சாய்ஞ்சிருக்குற மாதிரி செஞ்சிருந்தா இன்னும் நல்லா இருந்திருக்கும்!? இன்னொரு முறை செய்யும்போது நல்லா செய்றேன்னு சொல்லி இருக்கான்.

அடுத்து என்ன கிராஃப்ட் அப்புவை செய்யச் சொல்லலாம்ன்னு யோசிக்கனும். அதனால, டாட்டா!

SONYயின் தந்தை - மௌனச்சாட்சிகள்

இனி இந்நாட்டின் எதிர்காலம் அவ்வளவுதான் என அண்டை நாடுகளின் அனுதாபம் ஒரு புறம். புல், பூண்டு இனி இங்கு முளைக்காத மாதிரி செஞ்சுட்டோம். சோத்துக்கு சிங்கிதான் அடிக்கனும்ன்ற எதிரிநாட்டின் வெற்றி கெக்கலிப்பு மறுபுறம்.  போரில்தான் தோற்றோம் பொருளாதாரத்திலாவது ஜெயிப்போம்ன்னு நம்மால் முடியும்ன்ற தன்னம்பிக்கையோடு  விடாமுயற்சியுடனும், கடின உழைப்போடு உழைத்த ஜப்பானியர்களுக்கு காலம் கொடுத்த பரிசு அமெரிக்காவுக்கு நிகராக பொருளாதாரரீதியாக 30 ஆண்டுகளில் தலை நிமிர்ந்து நிற்க வைத்தது. 

 ஜப்பானை இந்த நிலைக்கு கொண்டு வந்தவர்கள் நிறையப் பேர் இருந்தாலும் SONY கம்பெனிப் பொருட்கள் மட்டுமல்லாது ஜப்பானியத் தயாரிப்புக்கென்று உலக அளவில் நற்பெயரைப் பெற்றுத்தந்த ஜப்பானிய தொழிலதிபரான அக்யோ மொரிட்டோவும் ஒரு காரணம்.

1921 ஆம் ஆண்டு ஜனவரி 26ம் தேதி மெஹோயான்ற இடத்தில் மூத்தப் பிள்ளையாய் பிறந்தார்.  அவரது குடும்பம் 400 ஆண்டுகளாக செய்து வந்த சாக்கே என்னும் மதுபானம் தயாரிக்கும் தொழிலையே அவரும் தொடர வேண்டுமென விரும்பிய அவரது தந்தை, சிறு வயது முதலே நிறுவன கூட்டங்களில் கலந்துக்கொள்ளச் செய்தார். எலக்ட்ரானிக்ஸ் பொருட்களை கழட்டிப் பார்த்து மறுபடியும் சரியாக மாட்டுவதில் ஆர்வம் கொண்டிருந்தார். படிக்கும் காலத்தில் இயற்பியலும், கணிதமும் கைவந்த கலையாயிற்று மொரிட்டோவுக்கு.....,

மேற்படிப்புக்காக ஒசாக்கா இன்டீரியல் பல்கலைகழகத்தில் இயற்பியல் பாடத்தில் படித்து பட்டம் பெற்றார். பின், ஜப்பான் கடற்படையில் அதிகாரியாக பணியாற்றினார். அப்போது இபுக்கான்ற பொருளியல் வல்லுனருடன் நட்பு ஏற்பட்டது. இரண்டாம் உலகப்போருக்குப் பின் தன் குடும்பத்தொழிலான மதுபான தயாரிப்பில் ஈடுபட அவருக்கு விருப்பமில்லாமல் போனது. அதற்கு காரணம் உலகத்தையே தன் பக்கமும், ஜப்பான் பக்கமும் திரும்ப வைக்க வேண்டுமென விரும்பினார்.

தனது 25 வயதில், 1946ம் ஆண்டு மே மாதம் 7ம் தேதி தனது நண்பர் இபுக்காவுடன் சேர்ந்து வெறும் 190 ஆயிரம் யென்(375டாலர்) மூலதனத்தில் 20 ஊழியர்களைக் கொண்டு “டோக்கியோ டெலிகம்யூனிகேஷன்ஸ் கார்ப்பரேஷன்” என்ற நிறுவனத்தை தொடங்கினார். போரில் பாதிக்கப்பட்ட ஒரு பாழடைந்த இடம்தான் அவருடைய தொழிற்சாலை. கூடிய விரைவிலேயே டேப் ரெக்கார்டர்ன்ற ஒலிப்பதிவுக் கருவியை உருவாக்கியது இவரது நிறுவனம்.ஆனால், தான் தயாரிச்ச டேப் ரெட்க்கார்டர் மிகப்பெரியதாய் இருந்ததால் அதிக வரவேற்பைப் பெறாது என மொரிட்டா உணர்ந்தார். கூடவே, போருக்குப் பிந்தையக் காலம் என்பதால் அதிக விலைக் கொடுத்து வாங்கும் நிலையில் ஜப்பானியர்கள் என்பதையும் உணர்ந்து அமெரிக்காவி பெல் லேப்ஸ்ன்ற நிறுவனத்திடமிருந்து உரிமம் பெற்று கையடக்க வானொலியை உருவாக்கினார். அமெரிக்கர்களின் தொழில்நுட்பத்தைக் கொண்டு புதிய பொருள் படைக்கும் திட்டம் மொரிட்டாவுக்கு நல்லப் பெயரைப் பெற்றுத் தந்தது. நல்லபெ பெயருக்குக் காரணம் தரக்கட்டுப்பாடுக்கு முக்கியத்துவம் தந்து அதுக்கென்று தனித்துறையை உருவாக்கினதுதான்.

தன்னுடைய புதுப் பொருள் உலகம் முழுக்கப் பரப்ப முடிவு செய்த மொரிட்டாவுக்கு எல்லோராலும் உச்சரிக்கக் கூடிய எளிதானப் பெயரைத் தேடினார். அவரும், அவருடைய ஊழியர்களின் தேடலில் சிக்கியதுதான்  சோனஸ் ன்றச் சொல். இலத்தீன் மொழியில் சோனஸ் என்றால் ஒலி என்று பொருள். அந்த சொல்லையும் அப்போது அமெரிக்காவில் புகழ் பெற்றிருந்த “சானி பாய்ஸ்” ன்ற இசைக்குழுவின் பெயரையும் இணைத்து 1958 ல் ”சோனி(SONY) கார்ப்பரேஷன்” என்று தன் நிறுவனத்திற்கு பெயர் மாற்றினார் மொரிட்டா.

சில வருடங்கள் கழித்து அமெரிக்காவில் சோனி நிறுவனக்கிளையைத் தொடங்கி தன் குடும்பத்தோடு அங்கு குடிப்போனார், அங்கு சென்று, வாடிக்கையாளர்களைத் திருப்திப் படுத்தும் விதமாக புதுப் புது மின்சாதனப் பொருட்களைக் கண்டுப்பிடித்து வெளியிடத் தொடங்கினார்.

ஒரு முறை தன் குடும்பத்தோடு சுற்றுலா செல்லும்போது டேப் ரெக்கார்டர் கொண்டு வருவதில் இருந்த சிக்கல்களைக் கண்ட மொரிட்டோ வாக்மேனைக் கண்டுப் பிடித்தார். ஒலிவாங்கியை காதில் மாட்டிக்கொண்டு தெருவில் யாராவது நடப்பாங்களா!?ன்னு சுற்றத்தார் கேலி செய்தனர். ஆனாலும், மொரிட்டோ சோர்ந்து விடவில்லை. வாக்மேன் சந்தைக்கு வந்து சக்கைப் போடு போட்டதை நீங்கள் அவ்வளவு சீக்கிரம் மறந்து விடமுடியாது.

தொலைக்காட்சி, வீடியோ ரெக்கார்டர்ன்னு இவர்களின் தயாரிப்பு பட்டியல் நீள ஆரம்பித்தது. அமெரிக்கா மட்டுமல்லாது உலகம் முழுதும் சோனியின் புகழ் பரவ ஆரம்பித்த்டது. எல்லா சாதனை மனிதர்களையும் போலவே மொரிட்டோ மிக சுறுசுறுப்பானவ. தன் 60 வயதில் நீசறுக்கு, ஸ்கூபா முக்குளிப்பு டென்னிஸ் விளையாடக் கற்றுக்கொண்டார். ஓவியம், இசையை பெரிதும் விரும்பினார், 72 வயதில் பக்கவாதப் பாதிப்பால் எல்லாப் பொறுப்புகளிலிருந்தும் விலகினார்.

தரம் ஒன்றே தாரகமந்திரம்ன்னு சாதனைப் புரிந்த மொரிட்டா 1999ம் ஆண்டு அக்டோபர் 3ம் தேதி தனது 78 வயதில் டோக்கியோவில் காலமானார்.   அவர் இறந்தபோது உலகப் பணக்காரர்களின் வரிசையில் 386வது இடத்தில் இருந்தார்.  அவரின் கடின உழைப்புக்கு கிடைத்த மற்றொரு பரிசு இங்கிலாந்தின் உயரிய ஆல்பர்ட் விருது, ஃப்ரான்ஸின் ஆக உயரிய லெஜெண்ட் ஆப் ஹானர் விருது, ஜப்பானிய மன்னரின் பர்ஸ்ட் க்ளாஸ் ஆர்டர் விருது உட்பட கணக்கிலடங்கா விருதுக்கு சொந்தக்காரர் மொரிட்டா.

தன் சுய சரிதையில்..., வாழ்க்கையிலும் தொழிலிலும் வெற்றிப்பெற பள்ளியில் வாங்கும் மதிப்பெண்கள் முக்கியம் அல்ல  ஆர்வம் மட்டுமே படைப்புத்திறனுக்கான திறவுகோல். ஆர்வத்தோடு, கடின உழைப்பு, தரமும் சேர்ந்தால் உலகை வசப்படுத்தலாம் ”ன்னு குறிப்பிட்டுள்ளார். அவர் சொன்னதைப் போலவே எல்லோர் வீடுகளிலும் சோனி தயாரிப்பின் எதாவது ஒரு பொருள் இருக்கும்தானே!?

மீண்டும் அடுத்த வாரம் மௌனச் சாட்சிகள் பகுதிக்காக சந்திக்கலாம்.

கொழுக்கட்டை - கிச்சன் கார்னர்

எல்லோரும் பிள்ளையார் சதுர்த்திக்கு கொழுக்கட்டை செய்வாங்க. ஆனா, எங்க ஊர்ல கல்யாண, காதுகுத்து, சீமந்தம், கிரகப்பிரவேசம் செய்யும் முன் குல தெய்வத்துக்கு சாமி கும்பிடும்போதும், பொங்கல் பண்டிகை கழிந்ததும் சாமி கும்பிட, ஆடி மாசம் மாரியம்மனுக்கு கூழ் ஊத்தன்னு எப்படியும் மாசம் ஒரு தரமாவது கொழுக்கட்டை செய்ய வேண்டி வரும். 

அதனால, எனக்கு கொழுக்கட்டை நல்லாவே செய்ய வரும். ரொம்ப ஈசியா அதே நேரம் ருசியா எப்படி கொழுக்கட்டை செய்யலாம்ன்னு இனி பார்க்கலாம்.

தேவையான பொருட்கள்:

பச்சரிசி - 1 ஆழாக்கு (ரேஷன் அரிசின்னா கொழுக்கட்டை நல்லா வரும்)

வெல்லம் - கால் கிலோ

வேர்க்கடலை - 100 கிராம்

உப்பு - கால் டீஸ்பூன்

பச்சரிசியை குறைஞ்சது 2 மணிநேரம் ஊற வச்சு கழுவி, காட்டன் துணில மூட்டைக் கட்டி ஈரம் காய்ஞ்சதும் மிக்சில இல்ல மெஷின்ல அரைச்சுக்கோங்க. வெல்லத்தை பொடிப் பண்ணி வச்சுக்கோங்க. வேர்க்கடலையை வறுத்து, ஆறினதும் தோல் நீகி சுத்தம் செஞ்சுக்கோங்க. வெல்லத்தை பொடிச்சு வச்சுக்கோங்க.

வேர்க்கடலையை மிக்சில ரெண்டு சுத்து ஓடவிட்டு, கூடவே பாதி வெல்லத்தை சேர்த்து பொடிச்சுக்கோங்க. ரொம்ப நைசா இல்லாம கரகரப்பா அரைச்சுக்கோங்க.

அரைச்ச பச்சரிசி மாவை ஜலிச்சு இட்லி பானைல வச்சு வேக விடுங்க. கைல மாவு ஒட்டாம வரும்வரை குறைஞ்சது கால் மணி நேரம் வேக வைங்க.  ஒரு பாத்திரத்தில் தண்ணி ஊத்தி மிச்ச வெல்லம், உப்பைச் சேர்த்து சூடு பண்ணுங்க. கொதிக்க வைக்கனும்ன்னு அவசியம் இல்ல. வெல்லம் கரையும் அளவுக்கு சூடு பண்ணால் போதும்.

மாவு வெந்ததும், ஒரு அகலமான பாத்திரத்தில் போட்டு கட்டி இல்லாம ஆற வைங்க. வெல்லத்தை வடிகட்டி கொஞ்சம் கொஞ்சமா மாவில் சேர்த்து சப்பாத்தி மாவு பதத்துக்கு பிசைஞ்சுக்கோங்க.

சின்ன வயசுல விளையாட களி மண்ணுல சொப்பு செய்வோம். அதுப்போல பிசஞ்ச மாவு எடுத்து சொப்பு செஞ்சு பொடிச்ச வேர்க்கடலை, வெல்லப் பொடியை வச்சு மூடி உருட்டிக்கோங்க. 

எல்லாத்தையும் உருட்டி வச்சு இட்லிப் பானைல தேவையான அளவு தண்ணி வச்சு உருட்டி வச்சிருக்கும் உருண்டைகளை கால் மணி நேரம் 

வேக வைங்க.

 சூடான, சுவையான, மிருதுவான கொழுக்கட்டை ரெடி. 

டிப்ஸ்: கொழுக்கட்டை பூரணத்துக்கு வேர்க்கடலைப் போலவே எள்ளை வறுத்து வெல்லம் சேர்த்து பொடிப் பண்ணியும் வைக்கலாம். தேங்காய் துருவி சர்க்கரை ஏலக்காய் சேர்த்தும் பூரணம் வைக்கலாம்.

கொழுக்கட்டை உருட்டி வச்சது ஃபேன் காத்துல காய விடாம பார்த்துக்கோங்க. இல்லாட்டி உருண்டைகள் வெடிக்கும். மாவு பிசையும் போது வெல்லம் தண்ணி பத்தலைன்னா சாதாரண தண்ணி சேர்த்தும் செய்யலாம். சிலர் மேல் மாவுக்கு வெல்லம் சேர்க்காம வெறும் உப்பு மட்டும் போட்டு பிசைஞ்சும் கொழுக்கட்டை செய்வாங்க.

மேல படத்துல உருண்டைகளில் வேர்க்கடலை பூரணம் வச்சு நான் உருட்டினேன். சோமாஸ் போல இருப்பதில் எள் பூரணம் வச்சு சின்னவ இனியா கொழுக்கட்டை பிடிச்சா. கொழுக்கட்டைப் பிடிக்குறதுல அப்புவோட ஹெல்ப் என்னன்னா.....,

.

.

.

.

.

.

.

.

.

.

.

 என்னை திட்டிக்கிட்டே கொழுக்கட்டைப் பிடிக்குறதை படம் பிடிச்சது.

அடுத்த வாரம் வேற ஒரு ஈசியான ரெசிபியோட சந்திக்கலாம்.

பெண்கள் பாதுகாப்பு சட்டம் குடும்பத்தை சிதைக்குதா!? ஐஞ்சுவை அவியல்

வாங்க மாமா! எங்கப் போய் வர்றிங்க!? மூணாவது தெரு முனியனுக்கும் அவன் பொஞ்சாதிக்கும் சண்டை. அந்தப் புள்ள பொசுக்குன்னு போய் போலீஸ்ல பிராதுக் கொடுத்துட்டு வந்துருச்சு. இப்ப முனியன் ஜெயில்ல. அதான் என்ன ஏதுன்னு விசாரிச்சு அவனை வெளில கூட்டி வரலாம்ன்னு போனோம்.

ஏன் என்னாச்சு!? முனியன் அண்ணா ரொம்ப நல்லவராச்சே! அதிர்ந்துக் கூட பேச மாட்டாரே!!

ம்ம் அதான் நிஜம். முனியன் பொண்டாட்டி செல்வி தன்னோட நகைகளை தன் அண்ணன்கிட்ட கொடுத்திருக்கு. தன்கிட்ட சொல்லிட்டு கொடுத்திருக்கலாமில்ல! இது என்ன உன் அப்பா சம்பாதிச்சுக் கொடுத்ததான்னு முனியன் கேட்டிருக்கான். ரெண்டுத்துக்கும் சண்டை வந்திருக்கு. உடனே, போலீஸ்ல போய் வரதட்சனை கேட்டு கொடுமைப் படுத்துறான்னு சொல்லி அழுதிருக்கு. பொம்பளைக் கண்ணீரைப் பார்த்ததும் என்ன ஏதுன்னு விசாரிக்காம முனியனை தூக்கி உள்ள வச்சுட்டாங்க.

இப்பலாம் யாரையாவது பழைவாங்கனும்ன்னு நினைச்சா உடனே ஈவ் டீசிங், பாலியல் கொடுமை முயற்சி, வரதட்சணைக் கொடுமைன்னு பிராது கொடுக்குறதுதான் பேஷனாப் போச்சு!! மகளிர்க்காக மகளிர் காவல் நிலையம் வந்தாலும் வந்தது பொய் புகார்கள் அதிகமாப் போச்சு!!

ம்ம்ம்ம்ம் நீங்கச் சொல்றதும் சரிதான் மாமா!  சென்னைல உமான்னு ஒரு பொண்ணு கொலையாகிப் போச்சு! தெரியுங்களா!?

ம்ம்ம் கொலையானதும் தெரியும், கொலையாளிகளைப் பிடிச்சதும் தெரியும்.அதுக்கு முன்ன நடந்த கலாட்டாக்களும் தெரியும். வழக்கத்தை விட முன்கூட்டியே அலுவலகத்தை விட்டு உமா ஏன் கிளம்புனாங்க!? வீட்டுக்கு தெரியாத உமாக்கு எதாவது மறுபக்கம் இருக்கான்னு!? ஆயிரம் கேள்விகள்.

டெல்லி நிர்பயா விசயத்துல ராத்திரில, ஆண் நண்பரோட போனதுதான் காரணம்ன்னு வாய் கிழிய பேசினவங்க இப்ப என்ன சொல்லுவாங்க. உமா நடுராத்திரில போகலை, உடல் தெரிய உடை அணியலை!! ஆண் நண்பருடனும் செல்லலை!ஆனாலும் உமாவின் சிதைவுக்கு என்னக் காரணம்!? ஆரம்பத்துல இருந்தே நம்ம வீட்டுல ஆணை விட பொம்பளை பிள்ளைங்க மட்டம்ன்னு சொல்லிச் சொல்லி வளர்க்குறதுதான் காரணம். பெண்ணுக்கும் உணச்சி, மனம்  உண்டுன்னு பசங்களுக்கு சொல்லி வளர்க்குறாமா!? இல்லியே!!  எளியோரை வலியோர் வதைப்பது நம்ம சமூகத்துல சகஜம். தன்னைவிட எளியவரான பெண்ணை, ஆண்கள் வதைப்பதும் சகஜம்தான்னு நினைச்சு நடந்துக்குறாங்க.

நீங்க சொல்றதுலாம் சரிதான் மாமா! ஆனா, பெண்களும், எங்கப் போனாலும் வீட்டுல உண்மையான தகவலைச் சொல்லிட்டுப் போகனும், தனிமையான இடத்துக்குப் போக நேரும்போது கொன்ச நேரம் காத்திருந்து அந்தப் பக்கம் போகும் ஆட்கள் துணையோடு போகலாம். காதலன், உறவினரே ஆனாலும் தனிமையில் போறதை தவிர்க்குறது நல்லது. முடிஞ்ச அளவுக்கு எதாவது தற்காப்புக் கலையைக் கத்துக்குறதும் நல்லது.

நீ சொல்லுற பாயிண்டும் நல்லாதான் இருக்கும் புள்ள.

சீரியசான விசயமாவேப் பேசிட்டோம். என் ஃப்ரெண்ட் ராஜி வீட்டுக்குப் போயிருந்த சமயம். ராஜியோட பையன் அப்புக்கு அப்ப 5  இல்ல ஆறு வயசிருக்கும், நான்  போன நேரம் ராஜி வீட்டுக்கு அவங்க வீட்டுக்கு பக்கத்து வீட்டு பாட்டி வந்திருந்தாங்க. ராஜி அந்தப் பாட்டிக்கிட்ட நாங்க இந்த வீட்டுக்கு குடி வந்து ஒரு வருசமாகப் போகுது. இன்னும் தாத்தா பேர் தெரிஞ்சுக்கல. தாத்தா பேர் என்னன்னு கேட்டா.

அதுக்கு அந்த பாட்டி தாத்தா பேரு ரெண்டுப் பேரும்மான்னு சொன்னாங்க. உடனே, அப்பு என்னாது!!?? உங்க வீட்டுல தாத்தா ரெண்டு பேரான்னு கேட்டதும், பாட்டி ஒரு நிமிசம் திகைச்சாலும் உடனே பாட்டி சிரிச்சுட்டாங்க.

உன் ஃப்ரெண்டை போலவே அவ பையனும் எகணை மொகனையாவே சிந்திக்குறான் பாரு. சரி நான் ஒரு ஜோக் சொல்லவா புள்ள!!??

சொல்லுங்க மாமா!

டீச்சர்: உலகம் ஒரு நாடக மேடை. அதில் நாம் அனைவரும் நடிகர்கள்.

மாணவி: சார்! சார்!! அப்போ எனக்கு விஷால ஜோடியா போடுங்க சார்!

டீச்சர்: !!!!!!!!!!????????

நீங்க ஜோக் சொன்னீங்க. நான் ஒரு விடுகதை கேக்குறேன் அதுக்குப் பதில் சொல்லுங்க பார்க்கலாம்!!

நெஞ்சிலே ஒரு கல், வீட்டிலே ஒரு கல், வானத்திலே ஒரு கல் - அதெல்லாம் என்ன கல்!?

வெயில்ல அலைஞ்சது தலை வலிக்குது! ஒரு காஃபி போட்டு கொண்டு வா! அப்புறம் பதில் சொல்றேன்.

விடை தெரியலைன்னாலும் சமாளிக்குறதுல ஒண்ணும் குறைச்சல் இல்ல மாமா! இருங்க காஃபி போட்டு கொண்டாறேன்.