ஈசியாய் செய்யலாம் பூண்டு ஊறுகாய் - கிச்சன் கார்னர்

கறிக்குழம்புக்குக்கூட ஊறுகாய் தொட்டுக்கும் ஆள் நான், மாங்காய், எலுமிச்சை, நார்த்தங்காய், கிச்சிலிக்காய்...ன்னு விதம் விதமா வத்தல் போட்டு வருசம் முழுக்க வெரைட்டியாய் ஊறுகாய் சாப்பிட்டாலும், பூண்டு, தக்காளி, பிரண்டை..ன்னு இன்ஸ்டன்டா செஞ்சு சாப்பிட்டாதான்  சாப்பிடுறதுலயே ஒரு திருப்தி வரும்.

செமஸ்டர் லீவ் முடிஞ்சு மகனார் ஹாஸ்டல் கிளம்புறதால அவருக்கு தேவைன்னு கொஞ்சம் பூண்டு ஊறுகாய் செய்தோம்.. அப்படியே பிளாக்குக்கும் கொஞ்சம் தொட்டுக்க படம் எடுத்தாச்சுது...

தேவையான பொருட்கள்..

பூண்டு - கால் கிலோ

புளி - 100கிராம்

காய்ந்த மிளகாய் - 15

உப்பு - தேவையான அளவு,

நல்ல எண்ணெய் - 50 m.l

கடுகு - 2 டீஸ்பூன்

பெருங்காயம் - 1 டீஸ்பூன்,

மஞ்சப்பொடி - ஒரு சிட்டிகை

வெந்தயம்- 1/4 டீஸ்பூன்

செய்முறை: 

பூண்டினை உறிச்சு சுத்தம் செய்து கழுவி ஈரம் போக காய வச்சுக்கனும்.  மிளகாயை தண்ணில ஊற வச்சுக்கனும், புளியை ஊற வச்சுக்கனும். கடுகு ஒருஸ்பூன், வெந்தயத்தினை வெறும் வாணலியில் வறுத்துக்கனும்.  வெந்தயம் அதிகம் வறுபட்டால் கசக்கும். அதனால் பொன் முறுவலா வறுத்துக்கிட்டா போதும்..

புளியை கெட்டியாய்  கறைச்சு  வடிக்கட்டிக்கனும். பூண்டு, மிளகாயினை புளித்தண்ணி சேர்த்து மைய அரைச்சுக்கனும்...

வாணலியில் நல்ல எண்ணெய் ஊற்றி காய்ந்ததும் மீதமிருக்கும் கடுகினை போட்டு பொரிய விடனும்.. கறிவேப்பிலையும் சேர்த்துக்கலாம்.  

கடுகு பொரிஞ்சதும் அரைச்சு வைத்திருக்கும் பூண்டு விழுதினை சேர்த்து நல்லா வதக்கனும். மிக்சியை கொஞ்சமா தண்ணி ஊத்தி கழுவி  ஊறுகாயில் சேர்க்கலாம். ஒன்னும் ஆகாது.

தேவையான அளவுக்கு உப்பு சேர்த்துக்கனும்.... ஊறுகாய், வத்தல் மாதிரியான நாட்பட வைத்திருக்கும் பொருட்களுக்கு கல் உப்பு சேர்ப்பதே சரி. 

மஞ்சப்பொடி சேர்த்துக்கனும்..

பெருங்காயப்பொடி சேர்த்து நல்லா கொதிக்க விடனும். வெளிலலாம் தெரிக்கும். அதனால், வாணலியை மூடிப்போட்டு வைக்குறது நல்லது. 

தண்ணிலாம் வத்தி, எண்ணெய் பிரிஞ்சு வரும் நேரத்தில் அடுப்பை அணைச்சுடனும்.

வறுத்து வச்சிருக்கும் கடுகு, வெந்தயத்தினை பொடி செய்துக்கனும்....

ஊறுகாயினை ஒருநாள் முழுக்க வெயிலில் வைக்கனும். பின்னர், பொடிச்சு வச்சிருக்கும் கடுகு, வெந்தய பொடியினை சேர்த்து நல்லா கலந்துக்கனும். 

சுவையான பூண்டு ஊறுகாய் தயார். பழைய சாதம், தயிர் சாதம், கூழ், எலுமிச்சை சாதம், க்குலாம் இந்த ஊறுகாயினை தொட்டுக்க செமயா இருக்கும்.  வெளில வச்சாலும் 15 நாள் முதல் ஒரு மாசம் வரை தாங்கும். ப்ரிட்ஜில வச்சா இன்னும் கூடுதல் நாட்களுக்கு வரும். 

குறிப்பு: எந்த ஊறுகாயாய் இருந்தாலும் காத்து புகாம இறுக மூடி வைக்கக்கூடாது. கடையில் இருக்கேன்னு கேட்டால் அதில் ரொம்ப நாட்களுக்கு கெடாமல் இருக்க, வினிகர் மாதிரியான ரசாயண கலவை இருக்கும். வீட்டில் அதுலாம் சேர்ப்பதில்லை. அதனால், ஒரு ஸ்பூன் போட்டு அதுமேல மூடி போட்டு மூடி வச்சால் போதும். நேரம் கிடைக்கும்போது வெயிலில் வச்சு எடுத்ஹ்டால் சீக்கிரத்துல கெட்டு போகாது.

நன்றியுடன்,

ராஜி

அதியமான் ஔவையாரின் அன்புக்கு சாட்சி - கிச்சன் கார்னர்

மூத்தோர் சொல்லும் முதுநெல்லியும் ஆரம்பத்துல கசக்கும், ஆனா போகபோக இனிக்கும்ன்னு ஒரு பழமொழி இருக்கு. இனிப்புன்னா சுவை மட்டுமல்ல நல்ல பலனும் கொடுக்கும். அதியமானுக்கும், ஔவையாரின் அன்புக்கும் இந்நெல்லிதான் சாட்சி.   பெருநெல்லி, அரைநெல்லின்னு ரெண்டு வகையில் நல்ல சதைப்பற்றோடு  கிடைக்குது.  ஆரஞ்ச் பழம் போல ஆறு பிரிவா இருக்கும். கோடைக்காலங்களில் கிடைக்கும் அரைநெல்லிக்காய் வீட்டு தோட்டங்களில் விளையும். புளிப்பு சுவையுடன் நீர்சத்தோடு இருக்கும். மரக்கிளைகளில் கொத்துகொத்தாய் அரைநெல்லி காய்க்கும். பெருநெல்லி மலைப்பிரேதசங்களில் அதிகளவு கிடைக்கும்.  துவர்ப்பு, புளிப்பு, இனிப்பு சுவையுடன் இருக்கும். ஐரோப்பா, வடகிழக்கு ஆப்பிரிக்கா, மேற்கு, தெற்கு மற்றும் தென்கிழக்கு ஆசிய பகுதிகளில் நெல்லி மரங்கள் அதிகளவில் வளரக்கூடியவை. ஊறுகாய்,சாதம், ஜூஸ்ன்னு பலவிதங்களில் சாப்பிடலாம். இது ஏழைகளின் ஆப்பிள்ன்னும் சொல்லலாம்.

நெல்லிக்காய்ல புரதம், கொழுப்பு, மாவுச்சத்து, கால்சியம், பாஸ்பரஸ், இரும்பு சத்து, நியாசின், வைட்டமின் பி மற்றும் சி, கரிச்சத்து, சுண்ணாம்பு சத்து, தாதுப்பொருட்கள்ன்னு ஏராளமான சத்துகள் நெல்லியில் இருக்கு.

மருத்துவபலன்; 

 நெல்லிக்காய்கள் கண்களுக்கு குளிர்ச்சி தரும். செரிமான பிரச்சனையை போக்கும். சிறுநீரை பெருக்கி நீர்க்கடுப்பை போக்கும். உடல்சூடு, எலும்புருக்கி, பெரும்பாடு, வாந்தி, வெள்ளைப்படுதல், ஆண்குறி கொப்புளங்கள் போக்கும். நுரையீரல் சம்பந்தமான காசநோய் தீர்க்கும். ஸ்கர்வி நோயும் போக்கும். உடலில் எதிர்ப்பு சக்தியை உண்டாக்கும். திரிபலா சூரணம் தயாரிப்பில் நெல்லியும் ஒரு மூலப்பொருள். மொத்தத்தில் நெல்லிக்காய் ஒரு கற்பக மருந்துன்னு சொன்னா பொருத்தமா இருக்கும்.

நெல்லி வேர் வாந்தி, மலச்சிக்கலை குணமாக்கும். நெல்லிக்காய் வத்தல் இருமல், சளியை போக்கும். உடலை பலப்படுத்தும்,.

நெல்லிக்காய் தைலம் இப்போது எல்லா கடையிலும் கிடைக்குது. இத்தைலத்தை தலையில் தேய்த்து தலைமுழுகினா கண் சம்பந்தமான பிரச்சனை தீரும். பொடுகு கட்டுப்படும், முடி உதிர்தலும் தடுக்கும்.

இனி ஊறுகாய் செய்முறையை பார்க்கலாம்..

பெருநெல்லி 

மிளகாய்,

மிளகாய்தூள்,

உப்பு,

எண்ணெய்,

மஞ்சப்பொடி.

கடுகு, 

வெந்தயம்,

எண்ணெய்,

பெருங்காயம்

வெல்லம்.

நெல்லிக்காய்களை ஆவியில் வேகவச்சு, ஆறவிட்டு, ஈரம்போக துடைச்சு சின்ன சின்ன துண்டுகளா போட்டுக்கோங்க. வெறும் வாணலியில் கடுகு, வெந்தயம் போட்டு வறுத்து பொடி செய்து வைத்துக்கொள்ளவும்.

ஒரு கடாயில எண்ணெயை ஊத்தி காய்ஞ்சதும் கடுகு போட்டு வெடிக்க விடுங்க.

காய்ந்த மிளகாயை போடவும்..

மிளகாய் சிவந்ததும் துண்டு போட்ட நெல்லிக்காயை போட்டு வதக்கவும்..

உப்பு சேர்க்கவும்...

மஞ்சப்பொடி சேர்க்கவும்....

மிளகாய் தூள், பெருங்காயப்பொடி சேர்த்து வதக்கவும்...

மிளகாய்தூள் வாசனை போக வதக்கியதும் வறுத்து பொடி செய்த கடுகு வெந்தயம் பொடி சேர்த்து வதக்கவும்..

கொஞ்சம் வெல்லப்பொடி சேர்த்து வதக்கி இறக்கவும்..

சுவையான நெல்லிக்காய் ஊறுகாய் ரெடி. ஒரு நாளைக்கு வெயில்ல வெச்சு எடுத்து கண்ணாடி அல்லது பீங்கான் அல்லது பிளாஸ்டிக் ஜார்ல போட்டு வெச்சுக்கிட்டா ஒருமாசம் வரை தாங்கும்.

நாளை யதுகுல வம்சத்தின் முடிவினை தெரிஞ்சுக்கலாம்...

நன்றியுடன்...

ராஜி.

தக்காளி ஊறுகாய் - கிச்சன் கார்னர்

கோடைக்காலம் வந்தாலே  பொண்டுங்க, பொட்டு பொடுசுங்கலாம் ஊறுகாய், வத்தல்லாம் போடுற வேலைல இறங்கிடுவாங்க.  மாங்காய், எலுமிச்சை, நார்த்தங்காய்லாம் இப்போ விலைக் குறைவா கிடைக்கும். அதனால வத்தல் போட்டு சேமிச்சு வச்சு வருடம் முழுக்க பயன்படுத்திக்குவாங்க.  அதே நேரத்தில் தக்காளி, பூண்டு மாதிரியானலாம் விலைக் குறைவான நேரத்துல ஊறுகாய் செஞ்சு சாப்பிடுவாங்க. என்ன இதுலாம் பத்து இல்ல ஒரு மாசம்தான் தாங்கும்.  வருசம் முழுக்க சேமிச்சு வச்சுக்க முடியாது அதான் இதுல இருக்கும் மைனஸ் பாய்ண்ட்.

தேவையானப் பொருட்கள்:

நல்லா பழுத்த தக்காளி - 1 கிலோ

மிளகாய் பழம் அல்லது காய்ந்த மிளகாய் - 100கிராம்

புளி - 100கிராம்

உப்பு- தேவையான அளவு,

எண்ணெய் - 100 மிலி

பெருங்காயம் -  சிறிது

கடுகு - சிறிது

வெந்தயம் - சிறிது.

 தக்காளியை நல்லா கழுவி ஈரம் போக துடைச்சு நாலு துண்டா வெட்டி பீங்கான் ஜாடி இல்ல பிளாஸ்டிக் டப்பாவுல போட்டு உப்புப் போட்டு ஒரு நாள் முழுக்க ஊற விடுங்க. 

மறுநாள் காலைல ஒரு பிளாஸ்டிக் பேப்பர்ல தக்காளியை மட்டும் காய வைங்க. தக்காள் ஜூஸை தனியா வெயிலில் வைங்க. 

தக்காளி நல்லா காய்ந்ததும் ட்வெயிலி வைத்த தக்காளி ஜூசில் தக்காளி, மிளகாய், புளி போட்டு ஊற வைங்க. ஊறினாதான் அரைக்க முடியும். இல்லன்னா நைசா அரையாது. தக்காளிலாம் ஊறினதும் உரலில் இல்ல மிக்சில போட்டு நைசா அரைச்சுக்கோங்க. தண்ணி பத்தலைன்னா ஆறின சுடுதண்ணி சேர்த்து அரைக்கலாம். 

ஒரு வாணலில எண்ணெய் ஊத்தி காய்ந்ததும் கடுகுப் போட்டு பொரிய விடுங்க. 

கடுகு பொரிந்ததும் தக்காளி, மிளகாய் அரைத்த விழுதைக் கொட்டி வதக்குங்க. 

எண்ணெயும், தக்காளி விழுதும் ஒண்ணோட ஒண்ணு சேர்ந்ததும் அடுப்பை ஆஃப் பண்ணிட்டு இறக்கிடுங்க. ஊறுகாய் ஆறினதும் ஒரு டீஸ்பூன் கடுகு, ஒரு டீஸ்பூன் வெந்தயம், கொஞ்சம் பெருங்காயத்தை வறுத்து பொடிப் பண்ணி ஊறுகாய்ல மிக்ஸ் பண்ணிக்கோங்க. இப்படி ரெடியான ஊறுகாயை ஒரு நாள் முழுக்க வெயிலில் வைங்க.   

காரசாரமான  தக்காளி ஊறுகாய் ரெடி.காத்து புகாத மாதிரிலாம் டப்பாவுல வைக்காம லேசா திறந்து வச்சுக்கோங்க. இல்லாட்டி பூரணம் பிடிச்சுடும்.   (ரெடியான தக்காளி ஊறுகாய் படமெடுக்க மறந்துட்டேன்.  ஒரு வாரம் கழிச்சுதான் படமெடுக்காதது நினைவு வந்து மிச்சம் மீதியைதான் படமெடுத்தேன். அதான் காய்ஞ்சு போன மாதிரி இருக்கு.) 

மோர் சேர்த்த பழைய சாதம் , கூழ்க்குலாம் இந்த ஊறுகாய் மேட்ச் ஆகும். அடுத்த வாரம் என்ன செய்யலாம்!?

லீவுக்கு வரும் சொந்தக்காரங்க தலைத்தெறிச்சு ஓட வைக்குற மாதிரி பஜ்ஜி செய்யலாமா!?

பூண்டு ஊறுகாய் - கிச்சன் கார்னர்

முன்னலாம் வெயில் காலம் வந்துட்டா நம்ம பாட்டி, அம்மா, சித்தி, பெரியம்மா. அத்தைலாம் மாங்காய், எலுமிச்சை, நார்த்தங்காய், கிச்சிலிக்காய், நெல்லிக்காய்லாம் வெட்டி, உப்பு போட்டு காய வச்சு வத்தலாக்கி எடுத்து வச்சுக்குவாங்க.

ஒரு மாசத்துக்கொரு முறை, வத்தல்ல கொஞ்சம் எடுத்து சுடுதண்ணில ஊற வச்சு, மிளகாய் தூள், பெருங்காயம்லாம் போட்டு தாளிச்சு, கடுகு வெந்தயம் வறுத்து போட்டு ஊறுகாய் செய்வாங்க. காலைல பழைய சாதத்துல தயிர் ஊத்தி ஒரு துண்டு ஊறுகாய் வச்சு சாப்பிட்டா ஸ்ஸ்ஸ்ஸ்ஸ் தேவாமிர்தமா இருக்கும். நான்லாம் கறிக்கொழம்புக்கு கூட ஊறுகாய் சாப்பிட்ட காலம்லாம் உண்டு!

ஆனா, இப்போ இருக்குறவங்களுக்கு அந்த பொறுமை இல்ல(எனக்கும் சேர்த்துதான்). கடைக்கு போனா விதம், விதமா ஊறுகாய்கள் நாக்கில் எச்சி வர வைக்க வரிசைக்கட்டி நிக்குதுங்க. என்னதான் அந்த ஊறுகாய்கள் ருசிச்சாலும், விநிகர் மற்றும் கெமிக்கல் வாசனை போகாம அப்படியே இருக்கு.

அதனால, நான் அந்த ஊறுகாய்களை வாங்குறது இல்ல. வீட்டுலயே செஞ்சுக்கிடுவேன். பூண்டு ஊறுகாய்ன்னா என் பசங்களுக்கு முக்கியமா பெரியவளுக்கு பிடிக்கும். அவளை பார்க்க எப்ப போனாலும், இதை ஒரு பாட்டில் கொண்டு போனாதான் அவளுக்கு ஒரு திருப்தி. அரை கிலோ ஊறுகாயை இட்லி, சப்பாத்தி, சாதம், சும்மான்னு ரெண்டே நாள்ல காலி பண்ணிட்டு ஊறுகாய் காலின்னு சொல்வா!

பூண்டு உரிக்கும்போது பட்ட கஷ்டம் அவ சொல்லும் வார்த்தைல காணாம போய்டும்.ஈசியான பூண்டு ஊறுகாய் செய்யுறது எப்படின்னு இன்னிக்கு பார்க்கலாம்!!

தேவையான பொருட்கள்:
பூண்டு - 1/2 கி
மிளகாய் - 25
புளி, - 200 கிராம்
உப்பு- தேவையான அளவு,
கடுகு - 1 டேபிள்ஸ்பூன்,
கடுகு,வெந்தயம் வறுத்து அரைத்த பொடி - 1 டேபிள்ஸ்பூன்,
எண்ணெய் - 100மிலி
மஞ்சப்பொடி -சிறிது,

பூண்டை உரிச்சு, கழுவிக்கோங்க.

மிளகாயை காம்பு கிள்ளி எடுத்து வச்சுக்கோங்க!

புளில நார், கொட்டை, மண் இல்லாம சுத்தம் பண்ணிக்கோங்க! புளி, மிளகாய் ரெண்டையும் கொஞ்சம் நேரம் தண்ணில ஊற வைங்க.அப்பதான் மிக்சில போட்டு அரைக்கும்போது மிளகாய் விதைகள் அரைப்படும்.  

மிக்சில முதல்ல மிளகாய், புளி போட்டு கொஞ்ச நேரம் அரைச்சுட்டு கழுவி வெச்ச பூண்டை போட்டு நைசா அரைச்சுக்கோங்க! 

வாணலில எண்ணெய் ஊத்தி காய்ஞ்சதும், கடுகு போட்டு பொறிய விடுங்க!

அரைச்சு வச்சை பூண்டு விழுதை சேர்த்து வதக்கிக்கோங்க. மிக்சில லேசா தண்ணி விட்டு கழுவி ஊத்திக்கோங்க. ஊறுகாய் கெட்டு போகாது! 

உப்பு சேர்த்துக்கோங்க!

மஞ்சப்பொடி சேர்த்துக்கோங்க.

பெருங்காய பொடி சேர்த்து நல்லா கொதிக்க விடுங்க. அடிக்கடி கிளறி விடுங்க. இல்லாட்டி அடிப்பிடிச்சுக்கும். ஊறுகாய்ல இருந்து எண்ணெய் பிரிஞ்சு வர ஆரம்பிக்கும்போது அடுப்பை ஆஃப் பண்ணிட்டு இறக்கிடுங்க.

பொடி செஞ்சு வச்ச கடுகு, வெந்தயப்பொடியை சேர்த்து கிளறி விடுங்க.

பூண்டு ஊறுகாய் ரெடி. டப்பாவை முழுசா மூடி வைக்காம லேசா காத்து போற மாதிரி வச்ச இருபது நாட்கள் வரை நல்லா இருக்கும். ஃப்ரிட்ஜ்ல வச்சு யூஸ் பண்ணா ஒரு மாசம் வரை வரும் .

விநிகர், கெமிக்கல், கல்ர்லாம் கலக்காம ஒரு ஊறுகாய் ரெடி! பூண்டு உடம்புக்கும் நல்லது, லேசான, இனிப்பும் புளிப்பும், காரமுமா இந்த ஊறுகாய் நல்லா இருக்கும், சாதம், இட்லி, தோசை, உப்புமா, சப்பாத்தி, வெரைட்டி ரைஸ்ன்னு எல்லாத்துக்கும் சைட் டிஷ் இதான் எங்க வீட்டில்.நீங்களும் செஞ்சு பாருங்க.

டிஸ்கி: ஊறுகாய் செய்ய முக்கியமான ஒரு பொருளை சொல்ல மறந்துட்டேன். அது என்னன்னா ஊறுகாய் செய்ய பூண்டு உரிக்க ஏமாந்த ஆண் முக்கியமா வேணும் (அது, அப்பாவா, தம்பியா, காதலனா, கணவனா இல்ல மகனா இருக்கலாம்). ஊறுகா செய்ய போறது ஆணாய் இருந்தால் சாரி, நீங்களே உரிச்சுக்கோங்க!!

அடுத்த வாரம் வேற ஒரு ஈசியான டிஷ்ஷோட வர்றேன்!!