பீர்க்கங்காய் தோல் துவையல் - கிச்சன் கார்னர்

பீர்க்கங்காயில் கூட்டு, பொரியல், சாம்பார், மசியல்ன்னு செய்வோம். அப்படி செய்யும்போது பீர்க்கங்காயின் தோல் சீவி எறிஞ்சுடுவோம். அப்படி அந்த தோலை தூக்கிப்போடாம முன்னலாம் துவையல் செஞ்சு சாப்பிடுவோம். இப்பலாம் அப்படி செய்யுறதில்ல.... பீர்க்கங்காயின் நன்மைகளை ஏற்கனவே போட்ட இந்த பதிவுல போய் பார்த்துட்டு வாங்க. 

தேவையான பொருட்கள்..

பீர்க்கங்காய் தோல்

காய்ந்த மிளகாய்,

உ.பருப்பு

கடலைப்பருப்பு

தனியா

உப்பு,

புளி

தேங்காய்

பீர்க்கங்காய் தோல் சீவி எடுத்துக்கோங்க..

வாணலில எண்ணெய் ஊத்தி காய்ஞ்சதும்  உளுத்தம்பருப்பு, கடலைப்பருப்பு, தனியா  சேர்த்து சிவக்க விடுங்க. 

சீவி வச்சிருக்கும் பீர்க்கங்காய் தோலை சேர்த்து பச்சை வாசனை போகும் வரை வதக்குங்க..

தேங்காய், உப்பு சேர்த்து வதக்குங்க...

புளி சேர்த்து வதக்குங்க

மிக்சில இல்ல ஆட்டுக்கல்லுல கொரகொரப்பா அரைச்சு எடுத்தா சூப்பர் துவையல் ரெடி. தயிர்சாதம், ரசம் சாதம், சாம்பார் சாதத்துக்கு ஏத்த டிஷ்.

அம்மில வச்சு அரைச்சு முடிச்சதும், அம்மியில ஒட்டியிருக்கும் துவையலில் சாதம்போட்டு பிசைஞ்சு உருட்டி அம்மா கொடுப்பாங்க.... ம்ம்ம்ம்ம்ம் யம்ம்ம்ம்ம்ம்ம்ம்ம்ம்மி.... துவையல் ருசிச்சது அம்மா கைமணமா?! இல்ல அம்மிக்கல்லா? இல்ல அம்மாவின் பாசமான்னு இன்னும் தெரில.

தமிழ்மணம் ஓட்டுப்பட்டை..
http://tamilmanam.net/rpostrating.php?s=P&i=1466799

நன்றியுடன்,

ராஜி.