நெத்திச்சுட்டி ஆடும் உச்சந்தலை - கைவண்ணம்

எங்க தெருவிலிருக்கும் ஒருத்தங்க பெண் குழந்தை பெரிய மனுஷியாகிட்டா. அவளுக்கு தலைப்பின்னிவிட என்னை கூப்பிட்டாங்க. எல்லா அலங்காரமும் முடிஞ்சபின் பார்த்தா நெத்திச்சுட்டி இல்ல. எங்க வீட்டு பொண்ணுங்கக்கிட்ட கேட்டாலும் இல்லன்னு சொல்லிடுச்சுங்க. யார்க்கிட்ட கேக்கலாம்ன்னு யோசிக்கும்போது, அங்க இங்க ஏன் கேக்கனும்ன்னு அரை மணிநேரத்துல செஞ்சு கொண்டு போய் கொடுத்துட்டேன். அந்த பொண்ணுக்கும் ரொம்ப சந்தோசம்... எங்க சித்தியே செஞ்சுக்கொடுத்ததுன்னு எல்லார்க்கிட்டயும் சொல்லிக்கிட்டு இருந்தா. இப்ப இதேமாதிரி தங்களுக்கும் செஞ்சுத்தரசொல்லி சிலர் கேட்டிருக்காங்க. 

முப்பது இழைகள் கொண்டதா மூணு இழைகளை எடுத்துக்கனும்...

அதை தலைப்பின்னுற மாதிரி கொஞ்சம் லூசா பின்னிக்கனும். டைட்டா பின்னுனா கோணிக்கும். நேரா வராது. 

பின்னி முடிச்சதும் மடிச்சு ரெண்டுத்தையும் க்ளூ போட்டு ஒட்டிக்கனும்.

நடுவில் கற்களும், அதைச்சுத்தி கோல்ட் மணியும் வச்சு ஒட்டியாச்சு.

தலைமுடியில் மாட்ட கொக்கி வைக்க பீட் வச்சு கம்பியும் வச்சாச்சு.

நெத்திச்சுட்டியின் நுனியில் தொங்க ஒரு பதக்கத்தை கேன்வாஸ் துணியில் ரெடி பண்ணியாச்சு.

பதக்கத்தை ஒட்டியாச்சு...

இன்னும் அழகுப்படுத்த பதக்கத்தின் கீழ குஞ்சலம்....

அழகான நெத்திச்சுட்டி ரெடி.

பாப்பாக்கு பரிசளிக்க வளையல்.....

கழுத்துமாலை.....

கம்மல், வளையல், கழுத்துமாலைன்னு ஒரு செட் பாப்பாக்கு பரிசா கொடுத்தாச்சு. அவளுக்கும் ரொம்ப சந்தோசம்.  எனக்கும் திருப்தி.

தமிழ்மணம் ஓட்டுப்பட்டை...
http://tamilmanam.net/rpostrating.php?s=P&i=1465533

நன்றியுடன்,

ராஜி.