தேர்தலும், கிரிக்கெட்டும் கோடைக்காலத்தில் நடத்துவதன் மர்மம் - ஐஞ்சுவை அவியல்

ஏனுங்க மாமா! ராத்திரி இம்புட்டு நேரமாச்சே! இப்பதான் வீட்டுக்கு வர வழித்தெரிஞ்சுதா!?  

கட்சி மீட்டிங் நடந்துக்கிட்டு இருந்துச்சு. அங்கப் பேசுறது கேட்டுக்கிட்டு இருந்ததால டைமாகிடுச்சு.

இப்ப பத்தாவது பரிட்சை நடக்குது. மத்த பசங்களுக்கும் பரிட்சை நடந்துக்கிட்டு இருக்கு. இந்த நேரத்துல, நேரம் கெட்ட நேரத்துல கட்சிப் பாடல்களை சத்தமா பாட விடுறதும், கோஷம் போட்டுக்கிட்டு தெருத் தெருவா சுத்துறதும் நல்லாவா இருக்கு. தேர்தல் ஆணையமும், அரசியல் கட்சிகளும் ஏன் இதை யோசிக்க மாட்டேங்குறாங்க. எனக்கு ரொம்ப நாளாய் ஒரு டவுட்டு மாமா! அதெப்படி பள்ளி பொதுத் தேர்வு வரும்போது எலக்‌ஷனும் நடக்குது. கிரிக்கெட் மேட்சும் நடக்குது. அதுக்கான காரணம் என்ன மாமா!?

எனக்கும் சரியா தெரியல புள்ள. ஒரு வேளை கோடைக்காலம்ங்குறதால வெயில் கொடுமைத் தெரியாம இருக்க ஒரு பொழுது போக்கா இருக்கட்டுமேன்னு நல்ல எண்ணத்துல வைக்குறாங்களோ என்னமோ!!?? 

அப்படியும் இருக்கலாம் மாமா.  மாமா ரெண்டு நாளைக்கு முன்னாடி எதிர்த்த வீட்டு ரேவதி தன் ஒன்றரை வயசு குழந்தையை இடுப்புல வச்சுக்கிட்டு தெருவுல நின்னு வேற ஒருத்தர்கிட்ட கதைப்பேசிக்கிட்டிருந்திருக்கா. குழந்தை கையிலிருக்கும் பிஸ்கட்டை நாய் பிடுங்கி இருக்கு. நாய் பிஸ்கட்டை மட்டும் பிடிங்காம குழந்தை கையையும் சேர்த்து கடிச்சிடுச்சு. நல்ல வேளை அதிகமா காயம் எதும் படல. லேசா பல்தடம் பதிஞ்சதோட சரி. குழந்தை கத்துனதை கேட்டுதான் என்ன நடந்துச்சுன்னு ரேவதி புரிஞ்சுக்கிட்டு இருக்கா. 

இப்படியா! கதை பேசுவீங்க. கைவிரலை கடிச்சு துண்டாக்கி இருந்தா என்ன செய்யுறது. டாக்டர்கிட்ட கூட்டிப் போனாங்களா!?

இல்ல மாமா. லேசா பல்தடம் பட்டதுக்கு எதுக்கு டாக்டர்கிட்டப் போகனும்ன்னு விட்டுட்டாங்க.

என்ன ஒரு இருநூறு ரூபாய் செலவாகுமா!? டாக்டரைப் பார்த்துட்டு வரச்சொல்லு.

ம்ம்ம் சொல்றேன் மாமா. ராஜி பையன் சின்ன வயசுல சாமிக் கும்பிடும்போது சாமி! பெரிய அக்காவை காப்பாத்து, சின்ன அக்காவை காப்பாத்து, எனக்கு கோவம் வரக்கூடாது, 3 வண்டி வாங்கி நாங்க மூணு பேரும் ஸ்கூல் போகனும்.  நான் வேலைக்குப் போய் அம்மா, அப்பாவைக் காப்பாத்தனும், பெரிய வீடுக்கட்டி அம்மாவுக்கு ஒரு ரூம், அப்பாவுக்கு ஒரு ரூம், எங்க மூணு பேருக்கும் ஒரு ரூம் வச்சு வீடுக்கட்டனும்ன்னு சாமிக் கும்பிடுவான். 

ஏண்டா, உங்க மூணு பேருக்கும் ஒரு ரூமா!? அது நல்லா இருக்காதேடா, ஆளுக்கொரு ரூம் கட்டிக்கோங்கன்னு ராஜி சொன்னா, ஆளுக்கொரு ரூம் கட்டினா தனித்தனியா படுக்கனும். அப்புறம் நான் உச்சாப் போறதை நீங்க கண்டுப்பிடுச்சுடுவீங்கனு சொல்வான்.

ஆஹா! நல்ல ஐடியாதான் சரி உனக்கொடு படம் காட்டுறேன். அதுல எத்தனை கறுப்பு புள்ளி, வெள்ளைப் புள்ளி இருக்குன்னு சொல்லுப் பார்க்கலாம்.

இருங்க உங்களுக்கொரு ஜோக் சொல்லிட்டு அப்புறம் விடை சொல்றேன். 

கிளினிக்கில் எதுக்கு 12 ராசிகளின் பெயர்களை டாக்டர் எழிலன் சார்

எழுதி வெச்சிருக்கிறாரு?

ராசியில்லாத டாக்டர்னு யாரும் சொல்லிடக் கூடாது

பாருங்க, அதான்!

ஹா! ஹா! இதும் நல்ல ஐடியாதான். விடைச் சொல்லுப் பார்க்கலாம்.

இருங்க வரேன்....,