தம்பியென்ற நிலையை கடந்து போனானே! போனானே! - பாட்டு புத்தகம்

தனியாய் பிறந்து வளர்ந்ததால் எனக்காக, என் சார்பா பேச யாருமில்லைன்ற எண்ணம் எனக்கு இன்றுவரை உண்டு.  இரண்டாவது பெண்ணாய் பிறந்தபோது ஆண் பிள்ளை இல்லியேன்ற எண்ணத்தைவிட, இரு பெண்களும் ஒருத்தருக்கு ஒருத்தர் ஆறுதலாய் இருப்பாங்கன்ற எண்ணமே எனக்கு தோணுச்சு. வேண்டுதலின் பலனா?! இல்ல அம்மா அப்பா செய்த புண்ணியமான்னு தெரியாது. மூன்றாவது பையனா பிறந்தான்.  

குரங்கு கையில் சிக்கிய பூமாலை போல இந்த பாட்டு - பாட்டு புத்தகம்

கோதுமை ஊற வைத்து ஆட்டி,  பால் எடுத்து, புளிக்க வைத்து, வாணலியில் நெய் சேர்த்து அதில் நீர்த்த கோதுமை பாலை சேர்த்து கிளறி, சர்க்கரை சேர்த்து கிளறி, வறுத்த முந்திரி, திராட்சை ஏலக்காய் பொடி சேர்த்து கிளறி, சுருண்டு வரும்போது இறக்காம விட்டால் அடிப்பிடிச்சு மொத்த உழைப்பும் வீண்,

மானே தேனே கட்டிப்புடி - பாட்டு புத்தகம்

மோகன் படமா?! மைக் புடிச்சு பாடும் பாட்டு கண்டிப்பா இருக்கும். அப்படி ஒரு காட்சி இருந்தால் படம் ஹிட்ன்னு 80-90களில்  சினிமா செண்டிமெண்ட்..  அந்த செண்டிமெண்ட் நல்லாவே வேலை செய்தது. பாட்டுக்காகவே மோகனின் படங்கள் ஹிட் அடித்தது. மொக்கை படமானாலும் மோகன் படங்களில் பாட்டு நல்லா இருக்கும். ஓரிரு பாட்டுக்கள் இல்ல எல்லா பாட்டுமே! மோகன்+இளையராஜா+எஸ்.பி.பி இந்த மூன்று பேரின் கெமிஸ்ட்ரி நல்லாவே ஒத்துப்போச்சு.

என்னை ஏன் பிடிக்காது என்றாய்?! - பாட்டு புத்தகம்

என்னதான் பிடிச்ச இனிப்பு பண்டமா இருந்தாலும் ஓரிரு துண்டுகள் சாப்பிட்டால் பரவாயில்லை.  அதையே சாப்பிட்டுக்கிட்டிருந்தால் போரடிக்க ஆரம்பிக்கும். அதுமாதிரிதான் இந்த பாட்டும்... ஆனா என்ன டிவில தினத்துக்கு பத்து முறை பார்த்து, கேட்டு போரடிக்கவே ஆரம்பிச்சிடுச்சு.

வரியில்லாத பாட்டும் ஹிட் அடிக்குமா?! - பாட்டு புத்தகம்

ஒரு பாட்டுன்னா என்ன வேணும்?! கவர்ந்திழுக்கும் இசை, காந்தர்வ குரல், அர்த்தமுள்ள வரிகள், ஆழமான கருத்துகள்.. இவை போதும் .   அட, எது இருக்கோ இல்லியோ பாட்டுக்கு இசையும் இசைக்கேத்த வரிகளும் முக்கியம். 

மனிதன் நினைப்பதுண்டு வாழ்வு நிலைக்குமென்று.. - பாட்டு புத்தகம்

சோகத்துல ஓஓஓன்னு கத்தி அழுது அரற்றுவதும், மகிழ்ச்சியின்போது தலைகால் தெரியாம துள்ளி குதிப்பதும் மனித இயல்பு. அடிமேல் அடி விழுகும்போது உடல் மரத்துப்போகும். அதுமாதிரிதான், வாழ்க்கையில் தொடர்தோல்விகளை சந்திக்கும்போது மனசும் மரத்துப்போகும்.  அப்ப, எதுவும் நிரந்தரமில்லை. இதுவும் கடந்து போகும்ன்னு புரிதல் உண்டாகும். அந்த புரிதல் வந்தபின் மகிழ்ச்சியில் துள்ளி குதிக்கவும் மாட்டோம். துன்பத்தில் துவளவும் மாட்டோம். வாழ்க்கையில் எதுவும் நிரந்தரமில்லை. பம்மல்.கே.சம்பந்தம் படத்துல கமல் சொல்றது மாதிரி எல்லாமே  passing cloudsன்னு உணர்ந்தால்  கிட்னி சேதாரமில்லாம தப்பிக்கும். 

அவன்தான் மனிதன்னு சிவாஜி படம். முத்துராமன், ஜெயலலிதா நடிச்சது. எனக்கு எம்.ஜி.ஆரை பிடிக்காது. அதனால் ஜெயலலிதாவையும் பிடிக்காது. ஆனா, ஜெயலலிதாவின் இந்த படம் பார்ப்பேன். இன்னொரு படம் ஜெயலலிதா இரட்டைவேடத்தில் நடிச்சிருப்பாங்க. ஜெயசங்கர் , சோ என ஜோடி சேர்ந்திருப்பாங்க. அதுவும் பிடிக்கும். 

மனிதன் நினைப்பதுண்டு வாழ்வு நிலைக்குமென்று!!

இறைவன் நினைப்பதுண்டு பாவம் மனிதனென்று!!

மனிதன் நினைப்பதுண்டு வாழ்வு நிலைக்குமென்று!!

மனிதன் நினைப்பதுண்டு வாழ்வு நிலைக்குமென்று!!

இறைவன் நினைப்பதுண்டு பாவம் மனிதனென்று!!

இறைவன் நினைப்பதுண்டு பாவம் மனிதனென்று!!

மனிதன் நினைப்பதுண்டு வாழ்வு நிலைக்குமென்று!!

தந்தை தவறு செய்தார்... தாயும் இடம் கொடுத்தாள்...

தந்தை தவறு செய்தார்... தாயும் இடம் கொடுத்தாள்...

வந்து பிறந்து விட்டோம்! வெறும் பந்தம் வளர்த்து விட்டோம்!!

மனது துடிக்கின்றது... மயக்கம் வருகின்றது...

அழுது லாபம் என்ன?! அவன் ஆட்சி நடக்கின்றது..

மனிதன் நினைப்பதுண்டு வாழ்வு நிலைக்குமென்று...

காட்டு மனமிருந்தால் கவலை வளர்ந்து விடும்...

காட்டு மனமிருந்தால் கவலை வளர்ந்து விடும்..

கூட்டைத் திறந்து விட்டால் அந்தக் குருவி பறந்து விடும்..

காலில் விலங்கு விட்டோம் கடமை என அழைத்தோம்..

நாலு விலங்குகளில் தினம் நாட்டியம் ஆடுகின்றோம்..

மனிதன் நினைப்பதுண்டு வாழ்வு நிலைக்குமென்று..

விதியின் ரதங்களிலே, நாம் விரைந்து பயணம் செய்தால்

மதியும் மயங்குதடா, சிறு மனமும் கலங்குதடா!!

கொடுக்க எதுவுமில்லை.. என் குழப்பம் முடிந்ததடா!!

கணக்கை முடித்து விட்டேன். ஒரு கவலை முடிந்ததடா!!

மனிதன் நினைப்பதுண்டு வாழ்வு நிலைக்குமென்று!!

இறைவன் நினைப்பதுண்டு பாவம் மனிதனென்று!!

திரைப்படம்:  அவன்தான் மனிதன்,

பாடியவர்: டி.எம். சௌந்தரராஜன்

இயற்றியவர்: கவிஞர் கண்ணதாசன்

இசை: எம்.எஸ். விஸ்வநாதன்

நடிகர்கள்: சிவாஜி கணேசன்.

பாட்டு புடிச்சிருக்கா சகோ’ஸ்

நன்றியுடன்,

ராஜி

ஒரு பொண்ணை இப்படியா வர்ணிப்பாங்க?! - பாட்டு புத்தகம்

டி.ராஜேந்தர் படங்கள் ரிலீஸ்ன்னா கிராமம், நகரம்ன்ற பாகுபாடு இல்லாம  எல்லா இடத்திலும் வெற்றிகரமா ஓடும். ரஜினி, கமல் படங்களுக்கினையாக அந்த காலத்தில் இவர் படங்கள் வெற்றிப்பெற்றது. அதுக்கு காரணமா அவர் படங்களில் அம்மா தங்கை செண்டிமெண்ட், ஹீரோவின் காதல் தோல்வி, டி.ராஜேந்தர் ஹீரோயினை தொடாமல் நடிப்பது, இசை, கதை, ரைமிங்கான வசனம்ன்னு நிறைய சொல்லிக்கிட்டே போகலாம்.  அவர் படத்தோட செட்டிங்க்காகவே படத்துக்கு போன ஆட்கள் பலர் உண்டு.

உன்கூடவே பொறக்கனும்.... உன் கூடவே இருக்கனும்.. - பாட்டு புத்தகம்

என் முதல் பொறந்த நாளுக்கு ரேடியோ செட் கட்டி, சீரியல் பல்ப் போட்டு ஊருக்கே விருந்து வச்ச அதே அப்பா, கல்யாணத்துக்குமுன்  புதுத்துணி எடுத்துக்கொடுத்து, எல்லாருக்கும் கொடுக்க சாக்லேட்டை வாங்கி தந்த அதே அப்பாதான் என்ன சாதிச்சேன்னு இப்ப பொறந்த நாள் கொண்டாடனும்ன்னு கேட்பாரு?!  ஞாயிற்றுக்கிழமைல பொறந்த நாள் வந்தால் பிரியாணியோடு மதியம் சாப்பாடு, கையில் ஒரு நூறு ரூபா. இதுதான் பல வருசமா தொடர்ந்து வருது...  பிள்ளைகள் வளர்ந்தபின் அதுங்க கேக் வாங்கி வந்து, எதாவது கிஃப்ட் பண்ணும்...

பாடகி பி.சுசீலாவை இளையராஜா இதற்காகத்தான் தவிர்த்தாரா?! - பாட்டு புத்தகம்

ஒவ்வொரு நடிகர், நடிகைக்கும் ஆஸ்தான மேக்கப் மேன், உடை அலங்காரம், டிரைவர்ன்னு இருந்த காலக்கட்டம் அது,   டி.எம்.சௌந்திரராஜன்தான்  எம்.ஜி.ஆர், சிவாஜியின் பெரும்பான்மையான  பாடல்களை பாடுவார். அதேமாதிரி பத்மினி , சரோஜாதேவி மாதிரியான முன்னனி நாயகிகள் பாடலை பாட பி.சுசிலாதான் பாடுவது வழக்கம்...  ஒரு படத்தில் இரண்டு கதாநாயகிகள் இருந்தால் முதல் கதாநாயகிக்கு பி.சுசீலாவும், இரண்டாவது கதாநாயகிக்கும் மற்றவர்களும் பாடுவது எழுதப்படாத விதி.

சின்னக்குயில் சித்ராவின் முதல் பாட்டு இதுவா?! - பாட்டு புத்தகம்

சின்னக்குயில் பாடும் பாட்டு கேட்குதா?!.. பூவே பூச்சூடவா படத்துல வரும் பாட்டு. பாடகி சித்ரா பாடியது. அவரோட முதல் பாடல் அதுதான்னும், அதனால்தான் சித்ராக்கு அடைமொழியா சின்னக்குயில்ன்னு வச்சிருக்கிறதா நினைச்சுக்கிட்டிருந்தேன். ஆனா, சமீபத்துலதான் தெரிஞ்சது, சித்ரா பாடிய முதல் பாட்டு நீதானா அந்தக் குயில் படத்துல வரும் பூஜைக்கேத்த பூவிது... பாட்டுன்னு...

இன்றைய கேப்டன் நிலைக்கு இந்த பாட்டு பொருந்தி போகுதா?! - பாட்டு புத்தகம்

சமீபத்துல கேப்டன் டிவியில் தே.மு.தி.க கட்சி மீட்டிங்க் போய்க்கிட்டிருந்துச்சு. கடைசியில் விஜயகாந்த் பேசினார். 

பெண்களை வீக்கர் ஆஃப் செக்ஸ்ன்னு ஏன் சொல்றாங்க?!-பாட்டு புத்தகம்

பெண்களை வீக்கர் ஆஃப் த செக்ஸ்ன்னு சொல்வாங்க.   இதுக்கு பலவாறாய் அர்த்தம் சொல்வாங்க. உடல்ரீதியாக பலவீனமானவங்கன்னு அர்த்தம்ன்னு சொல்வாங்க.  ஆனா, ஆணுக்கு நிகரா எல்லா வேலைகளையும் செய்றாங்க. அடுத்து அறிவுரீதியா சொல்வாங்க. அதுவும் தப்புன்னு பெண்கள் நிரூபிச்சு எல்லா படிப்புகளிலும் வெளுத்து வாங்கி உயர் பதவிகளில் இருக்காங்க. அப்ப மனரீதியாக சொல்லலாமா?!

ம்ம்ம்ம் சொல்லலாம். ஏன்னா, பெண் மனசு இளகினது. சட்டுன்னு உணர்ச்சிவசப்படுவாங்க. காதல், ஆசை, பொன்னாசை, மண்ணாசைன்னு எதுக்காவது சட்டுன்னு எல்லாரையும் நம்பி ஏமாந்து போவாங்க(விதிவிலக்குகள் உண்டு.)   அதனால் சொல்லி இருப்பாங்களோ?!

பிள்ளைநிலா படத்தில் ராதிகா பணக்கார வீட்டு பெண்ணாய், எதுக்கும் அஞ்சாத அறிவார்த்தமான பொண்ணா இருக்கும். மோகனோடு ஒரே காலேஜில் படிப்பாங்க. மோதல்ல ஆரம்பிச்சு பிரண்டாகி,  மோகன் மேல் காதல்கொண்டு, ஒரு நாலு வருசம் கழிச்சு மோகனை சந்திச்சு தன்னோட காதலை சொல்லும். ஆனா, அந்த நேரத்தில் மோகனுக்கு கல்யாணமாகி  ஒரு குழந்தைக்கும் தகப்பனா இருப்பார். ராதிகா காதலை ஏற்க மறுத்துடுவார். அப்ப ராதிகா சொல்லும் வசனம் டாப்..

இனிமே, எந்த பொண்ணாவது உங்கக்கிட்ட என்னைய பத்தி என்ன நினைக்குறீங்கன்னு கேட்டா, அப்பிடி இப்படி எதாவது சொல்லி புகழாதீங்க. ஏன்னா, பொண்ணுங்க மனசு எந்தளவுக்கு இறுக்கமோ, அந்தளவுக்கு இளக்கம், எந்தளவுக்கு இளக்கமோ அந்தளவுக்கு இறுக்கம்ன்னு சொல்லி சூசைட் பண்ணிக்கும்.  வீக்கர் ஆஃப் த செக்ஸ்ன்ற வார்த்தை கேட்டால், இந்த வசனம் நினைவுக்கு வரும். 

பிள்ளை நிலா படத்தில் வரும் ராஜா மகள்.. ரோஜா மலர் பாட்டு ரொம்ப பிடிக்கும். இந்த பாட்டு ரெண்டு முறை வரும். ராதிகாவை புகழ்ந்து வரும். அடுத்து சோகமா ஒருமுறை வரும்..

ராஜாமகள் ......ரோஜாமகள்.....

    ராஜாமகள்...... ரோஜாமகள்

   வானில் வரும் வெண்ணிலா

   வாழும் இந்தக் கண்ணிலா

   கொஞ்சும் மொழி பாடிடும் சோலைக்குயிலா?

   ராஜாமகள்....... ரோஜாமகள்

 பன்னீரையும் வெந்நீரையும்

உன்னோடுதான் பார்க்கிறேன்!!

பூவென்பதா?! பெண்ணென்பதா?!

நெஞ்சோடு நான் கேட்கிறேன்.

முள்ளோடுதான்.. கண்ணோடுதான்..

ரோஜாக்களும் பூக்கலாம்!!

அம்மாடி நான், அத்தோடுதான்

உன் பேரையும் சேர்க்கலாம்!!

கோபம் ஒரு கண்ணில்..

தாபம் ஒரு கண்ணில்..

வந்து வந்து செல்ல..

விந்தை என்ன சொல்ல?!

வண்ணமலரே!!

ராஜாமகள்....... ரோஜாமகள்.......

ஆடைகளும்.. ஜாடைகளும்...

கொண்டாடிடும் தாமரை..

வையகமும்... வானகமும்,,,

கைவணங்கும் தேவதை.

நீயும் ஒரு ஆணையி,ட

பொங்கும் கடல் ஓயலாம்!!

காலை முதல் மாலை வரை

சூரியனும் ஓயலாம்!

தெய்வமகள் என்று

தேவன் படைத்தானோ!?

தங்கச்சிலை செய்து

ஜீவன் கொடுத்தானோ?!

மஞ்சள் நிலவே....

ராஜாமகள்... ரோஜாமகள்...

படம்: பிள்ளை நிலா

இசை:இளையராஜா

பாடியவர்: ஜெயச்சந்திரன்.

எழுதியவர்:வாலி

இதே பாட்டு சோகபாட்டாவும் வரும்.. செத்துப்போன ராதிகா மோகனுக்கு மகளா பேபி ஷாலினியா பொறந்து வந்து பழிவாங்கும்.

ராஜா மகள் ரோஜா மகள்
வானில் வரும் வெண்ணிலா
வாழும் இந்தக் கண்ணிலா
கொஞ்சும் மொழி பாடிடும் சோலைக் குயிலா
பெண் : ராஜா மகள் ரோஜா மகள்
பெண் : முள்ளோடுதான் கள்ளோடுதான்
ரோஜாக்களும் பூக்கலாம்
அம்மாடி நான் அத்தோடுதான்
உன் பேரையும் சேர்க்கலாம்
பெண் : கட்டில் வர எண்ணம் இட்டு
தொட்டில் வந்து சேர்ந்தவள்
மன்னவனே உன் நினைவில்
வெண்ணிலவாய் தேய்ந்தவள்
பெண் : கோபம் ஒரு கண்ணில்
தாபம் ஒரு கண்ணில்
வந்து வந்து செல்ல
விந்தை என்ன சொல்ல
எந்தன் உயிரே…….ஏ…..ஏ…ஏ…..ஏ……
பெண் : ராஜா மகள் ரோஜா மகள்

நட்புடன் 
ராஜி .

காதல் என்னவெல்லாம் செய்யும்?!- பாட்டு புத்தகம்

ஒரு பாட்டு என்னவெல்லாம் செய்யும்?! பாட்டு யோசிக்க வைக்கும், அழ வைக்கும், திருந்த வைக்கும், கண்மூடி தூங்க வைக்கும், எரிச்சல்பட வைக்கும், சங்கடப்பட வைக்கும்.... இன்னும் சொல்லப்போனா அதனுடனே வாழவைக்கும் என இந்த பாட்டை கேட்டப்பின் தான் உணர்ந்தேன். காதல்ன்னா என்ன?! அது மனசுல இருக்கா?! இல்ல மூளையில் இருக்கா?! அதோட பலம் எது?! பலவீனம் எதுன்னு அரிதான தமிழ் வார்த்தைகளை வச்சு அற்புதமா வந்திருக்கும் பாட்டு இது,

எப்பயும்போல ரொம்பவே லேட் நான்.. அதான் இந்த பாட்டை இப்போதான் கேட்க நேர்ந்தது.வசீகரமான இசைதான். ஆனா, சிலருக்கு இரைச்சலாகூட இருக்கலாம்.  நாசர் பன்முக கலைஞர்ன்னு தெரியும் ஆனா, காதலை பற்றி எளிமையாய் இப்படி புரிய வைப்பார்ன்னு தெரியாது. பாடலின் பிற்பாதியில் வரும் ம்ம் தேடவேண்டாம் என தொடங்கும் காதலை பற்றிய வர்ணனையில் நவரசத்தையும் குரலில் காட்டி இருப்பார். 

காதலை கொண்டாடும் இந்த வாரத்தில் காதலை பத்தின பாட்டை கேட்டு பாருங்க..

பேரன்பே காதல்..

 உள்நோக்கி ஆடுகின்ற ஆடல்

சதா…

ஆறாத ஆவல்

 ஏதேதோ சாயல் ஏற்று

திரியும் காதல்

 பிரத்யேக தேடல்

 தீயில் தீராத காற்றில்

புல் பூண்டில் புழுவில்

உளதில் இளதில்

 தானே எல்லாமும் ஆகி

நாம் காணும் அருவமே

 இத்யாதி காதல்

இல்லாத போதும்

தேடும் தேடல்

சதா…

மாறாது காதல்

மன்றாடும் போதும்

மாற்று கருத்தில் மோதும்

மாளாது ஊடல்

 நாம் இந்த தீயில்

வீடு கட்டும் தீக்குச்சி

நாம் இந்த காற்றில்

ஊஞ்சல் கட்டும் தூசி

நாம் இந்த நீரில்

வாழ்க்கை ஊட்டும் நீர் பூச்சி

நாம் இந்த காம்பில்

காமத்தின் ருசி

 காதல் கண்ணீரில் சிலந்தி

காதல் விண்மீனின் மெகந்தி

காதல் மெய்யான வதந்தி

காலம் தோறும் தொடரும் டைரி

காதல் தெய்வீக எதிரி

காதல் சாத்தானின் விசிறி

காதல் ஆன்மாவின் புலரி

வாழ்ந்து பெற்ற டிகிரி

 ஓர்… விடைக்குள்ளே…

வினாவெல்லாம்… பதுங்குதே…

நாம்… கரைந்ததே…

மறைந்ததே… முடிந்ததே…

கொஞ்சும் பூரணமே வா

நீ… கொஞ்சும் எழிலிசையே

பஞ்ச வர்ண பூதம்

நெஞ்சம் நிறையுதே

காண்பதெல்லாம்… காதலடி…

 காதலே காதலே

தனி பெருந்துணையே

கூட வா கூட வா

போதும் போதும்

காதலே காதலே

வாழ்வின் நீளம்

போகலாம் போக வா

நீ... 

: 

திகம்பரி…

வலம்புரி…

சுயம்பு நீ...

நீ…

பிரகாரம் நீ...

பிரபாபம் நீ...

பிரவாகம் நீ...

நீ…

ஆ ஆ...

சிருங்காரம் நீ…

ஆங்காரம் நீ…

ஓங்காரம் நீ...

நீ…

நீ…

அந்தாதி நீ…

அந்தாதி நீ…

அந்தாதி நீ…

நீ…

காதல் என்னவெல்லாம் செய்யும்?!

 ம்ம்…

தேட வேண்டாம்

முன் அறிவிப்பின்றி வரும்..

அதன் வருகையை

இதயம் உரக்க சொல்லும்..

காதல்…

காதல் 11ஒரு நாள் உங்களையும்

வந்தடையும்

அதை அள்ளி அணைத்துக் கொள்ளுங்கள்...

அன்பாக பார்த்துக் கொள்ளுங்கள்...

காதல் தங்கும்...

காதல் தயங்கும்...

காதல் சிரிக்கும்...

காதல் இனிக்கும்...

காதல், கவிதைகள் வரையும்...

காதல் கலங்கும் ...

காதல் குழம்பும்..

காதல் ஓரளவுக்கு புரியும்..

காதல் விலகும்..

காதல் பிரியும்..

கதவுகளை மூடாமல்

வழி அனுப்புங்கள்..

காத்திருங்கள்..

ஒரு வேளை காதல் திரும்பினால்?!

தூரத்தில் தயங்கி நின்றால்?!

அருகில் செல்லுங்கள்!!

அன்புடன் பேசுங்கள்...

போதும்…

காதல் உங்கள் வசம்..

உள்ளம் காதல் வசம்..

மாற்றங்கள் வினா

மாற்றங்களே விடை

காதல்…

படம்:  96

இசை: கோவிந்த் வசந்தா

எழுதியவர்: கார்த்திக் நேத்தா 

பாடியவர்: சின்மயி, கோவிந்த் வசந்தா, பத்ரா ராஜின், நாசர் 

நடிப்பு: திரிசா, விஜய் சேதுபதி

நன்றியுடன்,

ராஜி.

வேறெதும் தேவையில்லை நீ மட்டும் போதும் - பாட்டு புத்தகம்

உனக்காக எதுவும் செய்வேன், எதுவும் விட்டுக்கொடுப்பேன்னு சொல்வானு/ளுங்க. ஆனா, அப்படி ஒன்னும் இருக்க தேவையில்ல. எதுக்காவும் விட்டுக்கொடுக்காம இருந்தாலே போதும்.  அதுமாதிரியான ஒரு உணர்வுதான் இந்த பாட்டு. இப்பத்திய பாட்டுங்க கேக்குற மாதிரி இல்லன்னாலும் இந்த பாட்டு கேக்குற மாதிரி இருக்கும். கேட்டதும் பிடிச்ச பாட்டு.. நீங்களும் கேட்டு பாருங்க..

வேறெதுவும் தேவை இல்லை
நீ மட்டும் போதும்!!
கண்ணில் வைத்து காத்திருப்பேன்..
என்னவானாலும்....

உன் எதிரில் நான் இருக்கும்
ஒவ்வொரு நாளும்..
உச்சி முதல் பாதம் வரை
வீசுது வாசம்...

தினமும் ஆயிரம் முறை
பார்த்து முடித்தாலும்
இன்னும் பார்த்திட சொல்லி
பாழும் மனம் ஏங்கும்..

தாரமே! தாரமே! வா!!
வாழ்வின் வாசமே வாசமே நீதானே!!?
தாரமே! தாரமே! வா!!
எந்தன் சுவாசமே சுவாசமே நீ
உயிரே வா!!

மேலும் கீழும் ஆடும் உந்தன்
மாய கண்ணாலே..
மாறுவேடம் போடுது என்
நாட்கள் தன்னாலே...

ஆயுள் ரேகை முழுவதுமாய்
தேயும் முன்னாலே..
ஆளும்வரை வாழ்ந்திடலாம்
காதலின் உள்ளே..

இந்த உலகம் தூளாய்
உடைந்து போனாலும்
அதன் ஒரு துகளில்
உன்னை கரை சேர்ப்பேன்

தாரமே! தாரமே! வா!!...

நீ நீங்கிடும் நேரம்
காற்றும் பெரும்பாரம்..
உன் கைத்தொடும் நேரம்
தீ மீதிலும் ஈரம்..

நீ நடக்கும் பொழுது
நிழல் தரையில் படாது
உன் நிழலை எனது உடல்
நழுவ விடாது..

பேரழகின் மேலே ஒரு
துரும்பும் தொடாது..
பிஞ்சு முகம் ஒரு நொடியும்
வாடக்கூடாது..

உன்னை பார்த்திருப்பேன்
விழிகள் மூடாது..
உன்னை தாண்டி எதுவும்
தெரியக்கூடாது..

தாரமே தாரமே வா

பாட்டு உங்களுக்கும் பிடிச்சிருக்குதானே?!

படம்: கடாரம் கொண்டான்

இசை:ஜிப்ரான்

நடிகர்கள்; அபி ஹாசன், அக்‌ஷராஹாசன்

பாடியவர்:சித் ஸ்ரீராம்

நன்றியுடன்,

ராஜி

என் ஜீவன் பாடுது.. உன்னைத்தான் தேடுது.. - பாட்டு புத்தகம்

எள்ளலும் எகத்தாளமுமாய் காதல் பாடல்பாடி நம்மையும் ரொமாண்டிக் மூடுக்கு கொண்டு போறதில் எஸ்.பி.பியை மிஞ்ச யாருமில்லை. அதேப்போல் சோகப்பாடல்களைப்பாடி நம் கண்ணில் நீரை வரவழைப்பதில் கே.ஜே.யேசுதாஸைவிட யாருமில்லை. தாஸன்னான்னு இளையராஜாவால் செல்லமாய் கூப்பிடப்படும் யேசுதாஸ் பல பாடல்களை பாடி இருந்தாலும யேசுதாஸின் டாப் டென் பாடல்கள்ன்னு வரிசைப்படுத்தினால் அதில் நீதானா அந்தக்குயில் படத்தில் வரும்  என் ஜீவன் பாடுது..உன்னைத்தான் தேடுது...பாடல் கட்டாயம் இருக்கும்.

பாட்டின் முதலில் வரும் ஹம்மிங்க் பாட்டு சுமந்து வரும் சோகத்துக்கு கட்டியம் கூறி நம்மை அழைத்துச்சொல்லும்.  பாடலின் இடையிடையே ஒலிக்கும் உடுக்கை சத்தம்  நம் மனசின் அடி ஆழத்திலிருக்கும் சோகத்தை அசைச்சு வெளிக்கொணர்ந்துட்டுதான் ஓயும். பாடல், வரிகள், இசைன்னு இந்த  பாட்டு ஹிட்டடிக்க பல காரணங்கள் இருந்தாலும், இந்த படம் ஹிட் அடிக்காம போனதுக்கு ஒரே காரணமாதான் இருக்கும். அது இந்த படத்துல நடிச்ச ராஜா. செத்தவன் கையில் கொடுத்த வெத்தலை பாக்கு மாதிரின்னு எங்க ஊர் பக்கம் சொல்வாங்க, அந்த மாதிரி, உணர்ச்சிகொந்தளிப்பில் ஒலிக்கும் இந்த பாட்டை எந்தவித உணர்ச்சியுமில்லாம வெறும் வாயை மட்டுமே அசைச்சு சொதப்பி வச்சிருப்பாரு.

இரவுப்பயணத்தின்போது இந்த பாட்டை கேட்டா, கண்ணில் நீர் எட்டிப்பார்க்காம இருக்காது...

என் ஜீவன் பாடுது, உன்னைத்தான் தேடுது..

என் ஜீவன் பாடுது, உன்னைத்தான் தேடுது...

காணாமல் ஏங்குது, மனம் வாடுது...

எங்கே என் பாதை மாறி, எங்கெங்கோ தேடி தேடி....

என் ஜீவன் பாடுது.. உன்னைத்தான் தேடுது...

ஆஆஆஆ

கண்ணோடு மலர்ந்த காதல் ,

நெஞ்சோடு கனிந்த நேசம்

பொன்னாக வளர வேண்டும் வாழ்விலே!

ஒன்றோடு ஒன்று சேரும் .

உல்லாசம் வாழ்வில் கூடும் 

என்றே நான் நினைத்தேன் உண்மை நீரிலே...

உன் மேனி சேர துடிக்குது ஓர் மனம்,

கல்யாண காலம் வந்ததும் திருமணம்

எப்போது அந்த சொர்க்கம் தோணுமோ?! 

ஆஆஆஆஆஆ..

என் ஜீவன் பாடுது..உன்னைத்தான் தேடுது..

நெஞ்சத்தை திறந்து வைத்தேன்.

எண்ணத்தை சொல்லி வைத்தேன்.

என் ராணி மனசு இன்னும் தெரியலே!!

முல்லைப்பூ வாங்கி வந்தேன்.

முத்தாட ஏங்கி நின்றேன்.

கொண்டாட காதல் நாயகி வரவில்லை!!

என் ஜீவன் போனப்பாதையில் போகிறேன்..

என் நெஞ்சில் பொங்கும் கேள்வியை கேட்கிறேன்

அன்பே என் காலம் யாவும் நீயன்றோ?!!

ஆஆஆ..

என் ஜீவன் பாடுது..உன்னைத்தான் தேடுது...

படம்: நீதானா அந்தக்குயில்..

நடிகர்கள் :ராஜா, ரஞ்சனி

இசை: இளையராஜா

பாடியவர்: கே.ஜே.யேசுதாஸ்

அடுத்த வாரம் கார்த்திக் பாட்டோடு வர்றேன். அதுக்கொரு காரணம் இருக்கு.. என்னன்னு ஒருவாரம் வெயிட் செய்யண்டி!!

நன்றியுடன், 

ராஜி. 

ஏதேதோ எண்ணம் வளர்த்தேன்.. பாட்டு புத்தகம்

புன்னகை மன்னன் படத்தை விசிஆர்லதான் பார்த்தேன். அப்பாவின் நண்பர்கிட்ட கேசட் அப்பா வாங்கி வந்தார். கேசட் இருந்தவரைக்கும் பொழுதன்னிக்கும் இந்த படம்தான் போகும்.  எத்தனை முறை பார்த்தாலும் சலிக்காது. கமல், ரேகா, ரேவதி, ஸ்ரீவித்யான்னு அத்தனை பேரும் அழகா இருப்பாங்க. நல்லாவும் நடிச்சிருப்பாங்க. இந்த படத்தின் எல்லா பாட்டுகளும் சூப்பர் டூப்பர் ஹிட்.  அப்பத்திய ஆட்களுக்கு மட்டுமல்ல, இப்பத்திய பசங்களுக்கும்கூட பிடிக்குது. அதும் இந்த படத்தோட பி.ஜி.எம்.. சான்சே இல்ல. மௌனராகம், கோபுரவாசலிலே, அமரன், இப்படி ஒருசில படங்களோட பி.ஜி.எம்க்கு அடுத்து இந்த படத்தோடபி,ஜி.எம் பிடிக்கும்.

இந்த படத்தின் எல்லா பாட்டுக்களை போலவே, ஏதேதோ எண்ணம் வளர்த்தேன்.. பாட்டும் பிடிக்கும்.  படத்துல கமல்-ரேகா போர்ஷன் அஞ்சு நிமிசம்தான் வரும்.  அதும் ஒரு பாட்டுலயே முடிஞ்சுடும். ரேகா-கமல் மலையிலிருந்து குதிச்சு, ரேகா செத்து, கமல் ஜெயிலுக்கு போனப்பொறவு டைட்டில் ஆரம்பிக்கும். டைட்டில் சாங்க்தான் இன்னிக்கு பார்க்கப்போற பாட்டு.. பாட்டுல மீண்டும் கமல்-ரேகா போர்ஷன் வரும். எனக்கென்னமோ இந்த பாட்டு வலிந்து திணிக்கப்பட்டதாவே இருக்கும். கமல் ஜெயிலுக்கு போனப்பிறகு சோகமா வயலினோ இல்ல வீணையையோ ஒலிக்க விட்டிருந்தா இன்னும் கொஞ்சம் எஃபக்டிவ்வா இருந்திருக்கும்ன்னு என் கருத்து. எது எப்படியோ! பாட்டு ரொம்ப பிடிக்கும். உங்களுக்கும் பிடிக்கும்ன்னு நினைக்குறேன்.

ஏதேதோ எண்ணம் வளர்த்தேன்....

உன் கையில் என்னை கொடுத்தேன்...

நீதானே புன்னகை மன்னன்

உன் ராணி நானே

பண் பாடும் பாடகன் நீயே!!

உன் ராகம் நானே!!

ஏதேதோ எண்ணம் வளர்த்தேன்..

உன் கையில் என்னை கொடுத்தேன்

சில காலமாய் நானும் சிறை வாழ்கிறேன்..

உனை பார்த்ததால் தானே உயிர் வாழ்கிறேன்..

தூக்கம் விழிக்கிறேன்..

பூக்கள் வளர்க்கிறேன்..

சில பூக்கள் தானே மலர்கின்றது..

பல பூக்கள் ஏனோ உதிர்கின்றது...

பதில் என்ன கூறு...

பூவும் நானும் வேறு...

ஏதேதோ எண்ணம் வளர்த்தேன்..

உன் கையில் என்னைக் கொடுத்தேன்...

குலதெய்வமே எந்தன் குறை தீர்க்க வா!!

கை நீட்டினேன் என்னை கரை சேர்க்க வா!!

நீயே அணைக்கவா!

தீயை அணைக்க வா!

நீ பார்க்கும்போது பனியாகிறேன்!!

உன் மார்பில் சாய்ந்து குளிர் காய்கிறேன்!!

எது வந்த போதும்

இந்த அன்பு போதும்.

ஏதேதோ எண்ணம் வளர்த்தேன்

உன் கையில் என்னை கொடுத்தேன்...

திரைப்படம்: புன்னகை மன்னன்

இசை: இளையராஜா

பாடியவர்: சித்ரா

எழுதியவர்: வைரமுத்து

நன்றியுடன்,
ராஜி