ஆட்சியாளர்களும், அதிகாரிகளும் சரியா திட்டமிட கத்துக்கோங்கப்பா. - ஐஞ்சுவை அவியல்

(படங்கள் செல்போன்ல எடுத்தது. கொஞ்சம் அப்படி இப்படிதான் இருக்கும்)

சிவன் கொடுத்த சாபத்திலிருந்து நிவர்த்தி பெற, சிவனின் ஆலோசனைப்படி காவிரி நதியின் தென்புறத்தில் பார்வதி மயில் ரூபம்கொண்டு தவமிருக்கிறாள். அவள் தவத்தினை கண்டு மெச்சிய சிவன் ஆண் மயில் உருவங்கொண்டு, பெண்மயிலாய் இருக்கும் பார்வதியுடன் நாட்டியம் ஆடியக்காரணத்தால் மயிலாடிய காவிரித்துறைன்னு பேர் உண்டாச்சு. கொஞ்ச நாளைக்கு முன்னாடி வரை இந்த ஊருக்கு மாயவரம். திருமுறைல மயிலாடுதுறைன்னு பேர் இருக்குறதை சொல்லி எம்.ஜி.ஆர் மயிலாடுதுறைன்னு பேர் வச்சாராம்.

மயிலாடுதுறையில் இருக்கும் புண்ணிய தீர்த்திற்கு காவிரி துலாக்கட்டம்ன்னு பேரு. ஒவ்வொரு ஐப்பசி மாசமும் காவிரி தீர்த்தவாரி இங்க நடக்கும். கங்கையில் தினமும் குளிப்பதுக்கு நிகரான புண்ணியம் இந்நாளில் இங்கு நீராடினால் கிடைக்கும் என்பது ஐதீகம். இக்கரையில் நடக்கும் காவிரி தீர்த்தவாரி மிகவும் சிறப்பு வாய்ந்ததாகும். காவிரிக்கரையில் இருக்கும் சிவன் ஆலயங்களில் இருக்கும் நந்திகளில் இரண்டு மட்டுமே மேற்கு நோக்கி இருக்கு. ஒன்று கர்நாடகாவில், மன்றொன்று இங்கொன்று. காவிரியின் நடுவே தனிச்சன்னிதியில் நந்தி பகவான் அருள்பாலிக்கிறார்.

புஷ்கரம் என்பது நதிகளுக்குண்டான விழாவாகும். புஷ்கரம்ன்னா ஆதி குருன்னும் அர்த்தம்.. குருப்பெயர்ச்சியின்போது, குருபகவான் ஒரு ராசியிலிருந்து இன்னொரு ராசிக்கு இடம்பெயரும்ப்போது அந்தந்த ராசிக்குரிய நதிகளில் நடைப்பெறும் விழாவே புஷ்கரமாகும்... மும்மூர்த்திகளும், முப்பத்து முக்கோடி தேவர்களும், மூவுலகில் இருக்கும் அனைத்து புண்ணிய நதிகளும் வாசம் செய்யும் இந்நாளில் நீராடுவதால் அனைத்து ஜென்மத்து பாவங்களும் நீங்கும் என்பது நம்பிக்கை. மகா புஷ்கர விழாவினை முன்னிட்டு செப் 12லிருந்து மயிலாடுதுறை காவிரி துலாக்கட்டத்தில் மகா சுதர்ஷ்ண யாகம் நடத்தப்பட்டது. இந்த யாகம் செய்வதால் கண் திருஷ்டி விலகும், எதிரிகளால் உண்டாகும் தொல்லை நீங்கும்.

அன்றிலிருந்து தினம் ஒன்றாக 27 நட்சத்திரங்களை குறிக்கும் விதமாக 27 பெண்குழந்தைகளை அலங்கரித்து அமரவைத்து அவrகளுக்கு அணிவித்து உடைகள், மங்களப்பொருட்கள் கொடுத்து ஆரத்தி எடுத்து வழிபடும் கன்னிகா பூஜை உட்பட நடத்துறாங்க. எல்லாம் சரி, லட்சக்கணக்கான பக்தர்கள் வருவார்கள் என எதிர்பார்த்தவங்க அதுக்குண்டான ஏற்பாடுகளை சரிவர செய்ய தவறிட்டாங்க. உடை மாற்ற மறைவிடம், கழிவறைன்னு செய்ய தவறிட்டாங்க. பக்தர்கள் ரொம்ப அவஸ்தைப்பட்டதை கண்கூடாக பார்க்க நேர்ந்தது. ஆட்சியாளர்களும், அதிகாரிகளும் சாமானியர்களை நினைவில் கொண்டு சரியா திட்டமிட கத்துக்கோங்கப்பா. .

முகநூலில் பார்த்ததும் பயந்தது....

முகநூலில் பார்த்ததும் கான்டானது....

நாலு மூலைச் சதுரப் பெட்டி, அதன் மேல் ஓடுமாம் குதிரைக் குட்டி அவர்கள் யார்?
யோசிச்சு பதில் சொல்லுங்க... ஊர் சுத்தின அலுப்பு. தூங்கிட்டு வாரேன்..

தமிழ்மணம் ஓட்டுப்பட்டை...
http://tamilmanam.net/rpostrating.php?s=P&i=1472005
நன்றியுடன்,
ராஜி.

ஒரு புறாவுக்கு அக்கப்போரா?! - ஐஞ்சுவை அவியல்.

மாமோய்! இந்த வாரம் குருபெயர்ச்சி நடந்துச்சுல்ல. அதன்படி உங்களுக்குதான் நேரம் சரியில்ல. அதனால, வியாழக்கிழமை அன்னிக்கு கோவிலுக்கு போய் குருபகவானுக்கு விளக்கேத்தி வரச்சொல்லி இருக்காங்க.  

லூசே! கடவுள் கொடுக்க நினைக்குறதை யாராலும் தடுக்க முடியாது. கடவுள் தடுக்க நினைக்குறதை யாராலும் தடுக்க முடியாதுன்னு ஒரு பழமொழி உண்டு. அதன்படி பார்த்தா, நடந்த வினை எதையும் இல்லாம போகாது. அதுக்குண்டான எதிர்வினை கண்டிப்பா நடந்தே தீரும். அப்புறம் ஏன் சாமி கும்பிடனும்ன்னு கேட்டா... இறைவன் பக்கம் நம்ம மனசு போச்சுன்னா மீண்டும் தப்பு பண்ண வாய்ப்பும் கிடைக்காது, நேரமும் இருக்காதுங்குறதாலதான் சாமி, பூதம், கிரகம்லாம் உண்டாக்கி வச்சிருக்காங்க. 

அப்ப, கோவில் போகக்கூடாது, சாமி கும்பிடக்கூடாதுன்னு சொல்லுறியளா!?

ம்ஹூம். சாமியால மட்டும் எல்லாம் மாறிடும்ன்னு நம்பாதன்னுதான் சொல்றேன்.  இதுக்குமேல எதாவது சொன்னா என்னை கரிச்சு கொட்டுவே.  நம்மால கோவிலுக்கு போக முடியாதபோது நம்மை சேர்ந்தவங்க நம்ம ட்ரெஸ்சை கொண்டு போய் கைல வச்சிக்கிட்டு சாமி சுத்திவர்றதை பார்த்திருப்போம். அது குரு விசயத்துல செல்லாது. அவங்கவங்களுக்கு பலன் கிடைக்கனும்ன்னா அவங்கவங்களேதான் குருவை வழிப்படனும்.  அதேப்போல, குருவுக்கு முன்பாக நேருக்கு நேராக நின்னுதான் கும்பிடனும். ஏன்னா, அப்பதான் குருவோட பார்வை முழுசா நம்மீது படும்.   குரு சன்னிதியிலிருந்து தானியம் தானம் செஞ்சா குருவின் அருள் கிடைக்கும், புஷ்பராகமும், தங்கமும், மஞ்சள் நிற ஆடையும், முல்லைப்பூவும், கொண்டைக்கடலையும் குருவுக்கு உகந்தது.  

சரிங்க மாமா! நினைவில் வச்சுக்குறேன். 

உன்னை மாதிரியே ஒரு  கடமை உணர்ச்சில ஒரு ஆள் இருக்காரு. தெரியுமோ!

கிண்டல் பண்ணுறீகன்னு தெரியுது. என்ன கதைன்னு மட்டும் சொல்லுக. 

சேலம் மாவட்டம் அரூரிலிருந்து எல்லவாடிங்குற ஊருக்கு போற பஸ்சுல ஒருத்தர் தன்னோடு ஒரு புறாவை கொண்டு போயிருக்கார் ஒரு ’குடி’மகன். அதோடு பேசிக்கிட்டும், கொஞ்சிக்கிட்டும் வந்திருக்கார். அப்ப பார்த்து செக்கிங்க் வந்திருக்கார். புறாக்கு டிக்கெட் எடுக்கலைன்றதை தெரிஞ்சுக்கிட்ட செக்கர் கண்டக்டருக்கு மெமோ கொடுத்திருக்கார்.  விலங்குகள், பறவைகளுக்கு டிக்கட் விலைல நாலுல ஒரு பங்கு விலைல டிக்கெட் எடுக்கனுங்குறது ரூல்ஸ்ன்னு செக்கர் சொல்ல... அது 30 பறவை வரைக்கு டிக்கட் இல்லாம கொண்டு போகலாம்ன்னு வாதாட... இந்த விசயம் நீதிமன்றம் வரைக்கும் போயிருக்காம். 

அட ஆண்டவா! இப்படிலாம் கூட நடக்குமா மாமா...

  இதுக்கே இப்படின்னா,  கோவைல பெரிய காட்டையே அழிச்சு ஆதிசிவன்னு ஒரு சிலையை நிறுவுன ஈஷா யோகா மையத்து ஆளுங்க நதிகளை இணைக்க போறதா கொஞ்ச நாளாய் சொல்லிக்கிட்டிருக்காங்க. நதிகளை இணைக்க மிஸ்டுகால் கொடுக்க சொல்லி அதுக்கு சென்னைல விழா எடுத்தாங்க.  அதுல கலந்துக்கிட்டவங்களாம் யாருன்னு பார்த்தா தமிழக ஆத்து மணலை வடநாட்டு ஆளுகளுக்கு வித்து பணம் பண்ணுற சேகர் ரெட்டியின் நண்பரான ஓபிஎஸ், இதை தடுக்காத முதல்வர் ஈபிஎஸ், ஜெ மரணமான அப்பல்லோ மருத்துவனை பிரதாப் ரெட்டி.... இப்படி இவங்க அடிக்குற கூத்துக்கு என்ன சொல்ல?!

 

கல்யாணத்துல என்னென்னமோ புதுமைலாம் நடக்குது. மொய் எழுதுறதை கம்ப்யூட்டரைஸ் பண்ணி இருக்காங்க பாருங்க...

டிஜிட்டல் இந்தியாவின் நவீன கரண்ட் கம்பம்....

தமிழ்மணம் ஓட்டுப்பட்டை
http://tamilmanam.net/rpostrating.php?s=P&i=1471365

நன்றியுடன்,
ராஜி. 

சென்னைக்கு புதுசா போறீங்களா?! - ஐஞ்சுவை அவியல்

மாமா சாப்பிட வாங்க.

இன்னிக்கு என்ன ஸ்பெஷல்?!

எதிர்வீட்டு பாய் வீட்டுல இருந்து  பிரியாணி கொடுத்து அனுப்பி இருக்காங்க. அதான் இன்னிக்கு ஸ்பெஷல். என்னதான் நம்ம வீட்டுல பிரியாணி செஞ்சாலும் பாய்மாருங்க செய்யுற பிரியாணி மாதிரி ஆகுமா?!

ம்ம்ம்ம்ம் ரம்ஜான் பிரியாணி ஓகே. ரம்ஜான் பண்டிகைன்னா என்னன்னு தெரியுமா?! 

நமக்குலாம் பிரியாணி தரும் டே..

ஏய் எடக்கு மடக்கா பேசினே ... செவுளு பிஞ்சிரும்... 

ம்க்கும் நான் ஜோக்கடிக்கடிக்கக்கூடாது.  நாம வினாயகர் பொறந்த நாளை வினாயகர் சதுர்த்தி, முருகர் பொறந்த நாளை வைகாசி விசாகம், ஏசு பொறந்த நாளை கிறிஸ்துமஸ்ங்குற மாதிரி எதாவது முஸ்லீம் சாமி பொறந்த நாளை ரம்ஜான்ன்னு கொண்டாடுவாங்க.

ஒருவிசயம் தெரியலைன்னா தெரியலைன்னு ஒத்துக்கோ. அதைவிட்டு ஜல்லியடிக்காத. ஏழைகளின் பசிக்கொடுமையை உணர இந்நோன்பு உதவுது. ஏழைகளின் வறுமையை உணர்ந்து அவர்களுக்கு எல்லாவகை உதவிகளையும் செய்யுறதே இப்பண்டிகையின் முக்கிய நோக்கம். ரம்ஜான் பண்டிகைக்கு ஈகை பெருநாள்ன்னும்  ஈகை திருநாள்ன்னும் செந்தமிழில் அழைக்கப்படுது. 

முஸ்லீமா பொறந்த ஒவ்வொருத்தருக்கும் தன் வாழ்நாளில் செய்ய வேண்டியது என மொத்தம் அஞ்சு கடமை இருக்கு. இறைவன் ஒருவனே. முகம்மது நபி அவரது தூதர்ன்னு நம்பனும். அதுக்கப்புறம் தினம் ஐந்து வேளை தொழுகை, ரமலான் மாதத்தில் நோன்பு இருக்கனும். ஏழைகளின் துயர் உணர ஜகாத் என்ற கொடை, ஹஜ்ன்ற புனித பயணம்ன்ற ஐந்து கடமை. 

ரம்ஜான் மாதத்துல இருக்கும் நோன்பானது தீமைகள் பக்கம் செல்லாமல் தடுத்து நன்மைகளின் பக்கம் நடக்க முன்னோட்டமாவும், கேடயமாவும் இருக்கும்ன்னு இஸ்லாம் மதம் சொல்லுது.  ரம்ஜான் மாசத்துல 30 நாளும் நோன்பிருப்பது தார்மீக கடமையாகும்.  தனிமனித ஒழுக்கம், நல்ல பண்புகள், தர்மம், ஆன்மீக ஈர்ப்பு இதுதான் நோன்பு வைப்பதன் முக்கிய நோக்கமாகும். பிற நாட்களைவிட நோன்பு இருக்கும் காலத்தில்தான் மனிதன் இறைவனுக்கு நெருங்கி வருகிறான். மற்ற நான்கு கடமைகளை நிறைவேற்றும்போது உடலால் தன்னை வருத்திக் கொள்ளும் நிலை ஏற்படாது. ஆனால் நோன்பு கடமையை நிறைவேற்றும்போது மட்டும் பசி, தாகம் போன்றவற்றால் உடல் ரீதியாக சிரமம் ஏற்படும். அந்த சிரமத்தை சகித்து இறைவனுக்காக நோன்பு வைப்பதால் அந்த குணம் இறைவனுக்கு பிடித்துப்போகிறது. 

ஐந்து வேளை தொழுதல், குர்ஆன் படித்து, தர்மங்கள் அதிகம் செய்வது ஆகியவற்றுக்கு ரம்ஜானில் முன்னுரிமை தரப்படுகிறது. பொய், புறம் பேசுதல், ஏமாற்றுவது என அனைத்து குற்றங்களில் இருந்தும் மனிதன் தன்னை இம்மாதத்தில் தடுத்துக்கொள்கிறான். நோன்பு இருக்கிறோம் என்ற பயம் அவனை ஆட்டிப்படைக்கிறது. ரம்ஜான் இல்லாத மாதங்களிலும் இந்நிலை தொடர வேண்டும்ங்குறதுக்காகவே ஒரு வாரம், பத்து நாள் என இல்லாமல் 30 நாட்கள் அதாவது ஒரு மாதம் முழுவதும் நோன்பு இருப்பது கடமையாக்கப்பட்டுள்ளது. ‘சஹர்’ ன்னு சொல்லப்படுற காலை உணவில் இருந்து இந்த நோன்பு தொடங்குது. விடியற்காலை 4 மணிக்கு சாப்பிட்டு, நோன்பை ஆரம்பிப்பாங்க. 

சூரிய உதயத்துக்கு முன்பாகவே (காலை 5 மணி) நோன்பு தொடங்கிடும். சூரியன் அஸ்தமனமான பிறகு, அதாவது மாலை 6 மணிக்கு பிறகு நோன்பை முடித்துக்கொள்வார்கள். நோன்பு முடிப்பதற்கு ‘இப்தார்’ன்னு பேரு. நோன்பு வைக்க சிலப்பேருக்கு விதிவிலக்கு  கொடுத்திருக்கு. வயதானவர்கள், நோய்வாய்ப்பட்டவர்கள், மனநோயாளிகள்,  கர்ப்பிணிகள், பாலூட்டும் தாய்மார்கள், மாதவிலக்கு உடையவர்கள், பயணத்தில் இருப்போர் ஆகியோர் நோன்பு இருக்க வேண்டியதில்லை. வயதானவரகள், குணமடையா நோய்வாய்ப்பட்டவர்கள் (வசதி உடையோர்) நோன்புக்கு பதிலாக, 30 நாள் உணவுக்கு செலவான தொகையை தர்மமாக தரலாம். மற்றவர்கள் ரம்ஜான் மாதத்துக்கு பிறகு, தங்கள் விட்ட நோன்பை, மற்ற நாட்களில் வைக்க வேண்டுமென்பது விதி. 

ரம்ஜான் மாதத்தில் நோன்பு வைப்பதுடன் கடமை முடிந்துபோவதில்லை. இம்மாதத்தில் இறைவனின் அருட்கொடைகளை பெற பலவிதமான வாய்ப்புகளை இறைவன் ஏற்படுத்தி கொடுக்கிறார்.  அதில் ஒன்றுதான் ‘ஜகாத்’. இதுவும் முஸ்லிம்களுக்கு கடமையாக்கியுள்ள ஐந்து விஷயங்களில் ஒன்று.  கடந்த ஓராண்டில் சேமித்து வைக்கப்பட்ட பணம், நகைகளின் மீது இரண்டரை சதவீத தொகையை எடுத்து ஏழைகளுக்கு வழங்க வேண்டும். இதுதான் ஜகாத். ஜகாத் தொகையை, முதலில் பெற தகுதி வாய்ந்தவர்கள் வறுமையில் உள்ள உங்கள் உறவினர்கள்தான் என்கிறது இஸ்லாம். முதலில் அவங்களுக்கு கொடுக்கனும்.  பிறகு, பிற ஏழைகளுக்கு கொடுக்கலாம். அடுத்தது பித்ரா. பித்ரான்னா அதுவும் ஒருவிதமான தானம்.  ரம்ஜான் மாத கடைசி நாளில் பிறை பார்த்து மறுநாள் ஈகைப் பெருநாள் கொண்டாடப்படும். பிறை பார்த்ததில் இருந்து ஈகைப்பெருநாளுக்கான தொழுகைக்கு செல்வதற்கு முன்பு ஏழைக்கு பித்ரா கொடுத்துவிட வேண்டும். அரிசி அல்லது கோதுமையை ஒன்றரை படி அளவுக்கு கொடுக்கலாம். இல்லன்னா அதற்குரிய பணத்தை கொடுக்கலாம். ஒரு குடும்பத்தில் 6 பேர் இருக்கிறார்கள் என்றால் 6 பேருக்கும் கணக்கிட்டு பித்ரா தர வேண்டும். ஜகாத், பித்ரா தவிர சதகா எனப்படும் பிற தர்மங்களையும் இம்மாதத்தில் அதிகம் செய்யுமாறு இஸ்லாம் வலியுறுத்துது.

இம்மாதத்தில் கடைசி பத்து நாள்களில் ஒற்றைப்பட எண்களில் (21, 23, 25, 27, 29 இரவுகள்) புனித இரவு ஒன்று இருக்கிறது. அது லைலத்துல் கத்ர் இரவு. நமக்கு சிவராத்திரி மாதிரி இஸ்லாமியர்களுக்கு இந்த ராத்திரி.  அந்த இரவில் அதிகமாக இறைவனை வழிபடுங்கள் என்கிறார் முகமது நபி. ஆனால் அது எந்த இரவு என்பதை இஸ்லாம் கூறவில்லை. அதனால் இந்த ஐந்தில் எந்த இரவாகவும் அது இருக்கலாம் என்ற படப்படப்புடன் இறைவனின் கருணையை பெற ஐந்து இரவுகளும் விழித்திருந்து பிரார்த்தனைகளில் முஸ்லிம்கள் ஈடுபடுவார்கள். இம்மாதத்தின் கடைசி பத்து நாட்களில் முகமது நபி இதிகாப் இருப்பார்கள். 

இதிகாப்ன்னா  பத்து நாட்கள் மசூதியிலேயே தங்கியிருந்து வெளியிடங்களுக்கு செல்லாமல் இறைவனை மட்டுமே நினைத்து, பிரார்த்தனை செய்யுறது. பத்து நாட்கள் இதிகாப் இருக்க இயலாதவர்கள், 5 அல்லது 3 நாட்கள்கூட இதிகாப் இருக்கலாம். இம்மாதம் முடிந்து, ஷவ்வால் மாதத்தின் முதல் நாள்தான் ஈத் எனப்படும் ஈகைப் பெருநாள் கொண்டாடப்படுகிறது. இந்நாளில் சிறப்பு தொழுகை நடத்தி, தர்மம் செய்து, உறவினர்களை சந்தித்து வாழ்த்துகளை பரிமாறிக்கொள்வார்கள். 30 நாட்கள் நம்மை பக்குவப்படுத்திச் சென்ற நல்ல குணங்களை அதன் பின்பும் நினைவில் கொள்ள வேண்டும். தொடர்ந்து நல்ல செயல்களில் ஈடுபட வேண்டும். இதுதான் ரம்ஜான் பண்டிகையின் நோக்கம். இதுலாம் தெரிஞ்சுக்காம பிரியாணிய மட்டும் ஞாபகம் வச்சுக்கிட்டு இருக்கே. தீனிப்பண்டாரம். 

அப்ப்ப்ப்ப்ப்பாடி இத்தனை நல்ல விசயம் இருக்கா?!  பிரியாணியோடு சேர்த்து இதையுமெல்லாம் நினைவுல வச்சுக்கிடுதேன் மாமா. 

பிரியாணி சூடு ஆறதுக்குள்ள சாப்பிடனும் அதனால, இன்னிக்கு வெறும் மீம்ஸ் மட்டும் சட்டுபுட்டுன்னு பார்த்துட்டு போயிரலாம்...  சென்னைக்கு புதுசா போறவங்க கதி... 

அந்த காலத்து அலாரம் பீஸ்கள்....

நம்மூரு விஞ்ஞானி......

பிரியாணி செரிமானம் ஆக யோசிங்க.....

நிலா, நட்சத்திரங்கள், சூரியன்... இவைகளில் எது புத்திசாலின்னு சொல்லுங்க பார்ப்போம்....

நன்றியுடன்,

ராஜி. 

என்னவருக்கு வந்த ஊடல்

திங்கள் கிழமை மதியம் வரை என்னோடு நல்லாவே உறவாடிக்கிட்டு இருந்த என்னவருக்கு என்ன ஆச்சுன்னு தெரியல. அதுக்கப்புறம் என்கிட்ட பேசுறதையே நிறுத்திக்கிட்டார். எம்புட்டு யோசிச்சும் நான் என்ன தப்பு பண்ணேன்னு எனக்கு புரியவே இல்ல. எவ்வளவோ சமாதானப்படுத்தியும், கெஞ்சியும் கேட்டுப் பார்த்துட்டேன். ம்ஹூம் நோ ரெஸ்பான்ஸ். 

ஸ்கூல் விட்டு வந்த அப்புக்கிட்ட சொல்லி, சமாதானப்படுத்தப் பார்த்தேன். அப்படியும் சமாதானமாகி கோவம் குறையல. சரிடா, உடம்புக்கு எதாவது முடியலியோன்னு செக் பண்ணி பாருடான்னு சொன்னேன். அப்பு, உடம்பு  முழுக்க செக் பண்ணி பார்த்து, உடலில் இருக்கும் அழுக்கு, தூசிலாம் துடைச்சி புது ட்ரெஸ் போட்டு விட்டும் என்னுடனா என்னவரின் ஊடல் குறையல.

அவரின் ஊடலால் மனசு நொந்து போயிருந்த சமயத்தில் பெரிய பொண்ணு ஊரிலிருந்து வந்தாள். அவளிடம் சொல்லி சமாதானப்படுத்தப் பார்த்தேன். அவளும் என்னால முடியலைம்மான்னு சொல்லிட்டா. ச்சீ போ. உனக்கே இம்புட்டு கோவம் இருக்குன்னா, தப்பே செய்யாத எனக்கு எம்புட்டு கோவமிருக்கும்ன்னு சொல்லி, நாலு நாளாகத் திரும்பி கூடப் பார்க்காம இருந்துட்ட்டேன்.  

பெரிய பொண்ணுக்கு பிடித்ததை சமைத்துப் போடுவதும், அவளுடன் ஷாப்பிங் போவதிலும், சின்ன பொண்ணை பத்தாவது பரிட்சைக்கு தயார் செய்வதிலும் இருந்ததால் என்னவரின் பிரிவு எனக்கு பெருசா தெரியல. இன்னிக்கு தூயா ஊருக்குக் கிளம்பிட்டா. சின்னவ ஸ்கூல் போயிட்டா. தனிமை வாட்டவே, எதாவது டாக்டரைக் கூட்டி வந்து பார்க்கலாமா?ன்னு யோசிச்சுக்கிட்டே கடைசியாய் ஒரு முறை பேசிப் பார்க்கலாம்ன்னு வெட்கத்தை விட்டு அவரைத் தொட்டவுடன், தன் கோவத்தையெல்லாம் மறந்து, என்னுடன் சகஜமாகி, நாலு நாட்கள் பேசாதக் கதையெல்லாம் பேசித் தீர்க்க ஆரம்பிச்சிருக்கோம்.  பைசா செலவில்லாம, நாலு நாள் ஓய்விலேயே என்னவர் சகஜ நிலைமைக்கு திரும்பிட்டதுதான் எனக்கு ஆச்சர்யம்!!

மனிதருக்கு மட்டுமில்ல இயந்திரத்துக்கும் ஓய்வுத் தேவைன்னு இந்த நாலு நாளில் என்னவரின் ஊடலால் புரிஞ்சுக்கிட்டேன். இனி, அடிக்கடி, உனக்கு  கொஞ்சம் ஓய்வு தருகிறேன்  என் ஆசை கணினியே!

பெண்கள் படி தாண்டினால வரும் விளைவு - ஐஞ்சுவை அவியல்

என்னங்க மாமா! எங்க போய்ட்டு வர்றீங்க!?

நம்ம ஊருல இருக்கும் டாஸ்மாக்கை எடுக்க சொல்லிப் போராட்டம் நடத்தலாம்ன்னு இருக்கோம். அதுக்குதான் மீட்டிங் போட்டு வரோம்.

ஏன்!? என்னாச்சு!? அது இல்லாம நம்ம ஊரு ஆம்பிள்ளைகளுக்கு பொழுது விடிஞ்சு பொழுது போகாதே!

ஸ்கூல் காம்பவுண்ட் பக்கத்துலயே டாஸ்மாக் கடை இருக்கு. காலி பாட்டில்களில் இருக்கும் மிச்சம் மீதி சரக்கை ஸ்கூல் பிள்ளைங்க சொட்டு சொட்டா சொட்டி குடிக்குறாங்க. அதுமில்லாம, கோவிலும் பக்கத்துலயே இருக்குறதால குடிமகன்களால பென்கள் கோவிலுக்கு போகவே அச்சப்படுறாங்க. 

அதுமட்டுமில்ல மாமா! போதை தலைக்கேறி சரக்கு பாட்டிலை உடைச்சு போட்டுட்டு போய்டுறதால ஸ்கூல் பிள்ளைங்க காலில் கண்ணாடி ஏறி காயம் படுதுங்க குழந்தைங்க.

ம்ம் அதனாலதான் இங்கிருந்து டாஸ்மாக்கை வேற இடத்துக்கு மாத்தச் சொல்லி போராட்டம் பண்ணப் போறோம். 

போராட்டம் நடத்துறதுல தப்பில்ல! பொதுமக்களுக்கு பாதகம் வராம போராட்டம் பண்ணுங்க. அதான் முக்கியம்.

நினைவு வச்சுக்குறேன் புள்ள. இன்னிக்கு கடைத்தெருவுக்கு போறதுக்காக வண்டில போய்க்கிட்டு இருக்கும்போது பத்து, பன்னெண்டு வயசுல ரெண்டு ஆண் குழந்தைங்க மூட்டை முடிச்சுகளோடு இருந்துச்சு. என்னன்னு கேட்டேன். அம்மா அப்பாவோட தப்பான நடவடிக்கைப் பிடிக்காம எங்கயோ போய்ட்டுதாம். இப்ப அவங்க எங்க எப்படி இருக்காங்கன்னு கூடத் தெரியாதாம். கேட்க ஆளில்லாததால அப்பனோட ஆட்டம் அதிகமாகி உடம்பு சரியில்லாம போய் செத்து போய்ட்டாராம். அதனால, பெரியவங்க யாருமில்ல வாடகை வராதுன்னு வீட்டைக் காலிப் பண்ண சொல்லிட்டாங்களாம். எங்க போறதுன்னு தெரியாம உக்காந்து இருந்த பசங்களைப் பார்க்கும்போது பாவமா இருந்துச்சு. அப்புறம், ஊர் தலைவர் கிட்ட கெஞ்சி கேட்டு இப்பத்திக்கு சமுதாயக் கூடத்துல தங்க வச்சி, கைச்செலவுக்கு கொஞ்சம் பணம் தந்துட்டு வந்திருக்கேன். இனிதான் எதாவது கருணை இல்லத்தை கேட்டு பார்க்கனும்.

அதனாலதான், பொம்பளைங்க எந்த சூழ்நிலையிலயும் உணர்ச்சி வசப்படக்கூடாதுன்னு சொல்லுறது. போனவ ரெண்டு குழந்தைகளைக் கூட்டி போயிருந்தால் நல்லா இருந்துருக்கும். இப்ப பாருங்க, குழந்தைங்க திக்கு திசை தெரியாம நிக்குதுங்க. 

ம்ம்ம் அந்த பசங்க கெட்டவங்க கையில சிக்காம நல்லப்படியா இருந்தா நல்லது. அதான் என் வேண்டுதல் புள்ள.

ம்க்கும் ஊரெல்லாம் நல்லா இருக்கனும்ன்னு நினைக்குறீங்களே! பொண்டாட்டி மனசு புரிஞ்சு நடந்துக்கனும்ன்னு தெரியுதா உங்களுக்கு!?

உன் மனசு கஷ்டப்படுற மாதிரி என்ன செஞ்சுட்டேன் புள்ளா!?

ஒண்ணுமே செய்யலைன்னுதான் சொல்றேன். என் ஃப்ரெண்ட் ராஜி வீட்டுக்காரர் வாலண்டைன்ஸ் டேவுக்காக ராஜிக்கு அல்வாவும், பூவும் வாங்கி வந்து கொடுத்திருக்கார். 

அது மட்டும்தான் உன் ஃப்ரெண்ட் சொன்னாளா!? அதுக்கப்புறம் நடந்ததை சொல்லலியா!?

என்ன நடந்துச்சு!? அல்வாவையும், பூவையும் பார்த்த சின்ன பொண்ணு இனியா, டேய் அப்பு! அப்பா, 20 வருசம் கழிச்சு அம்மாக்கு அல்வா கொடுத்து காதுல பூ சுத்துறாங்கடான்னு சொன்னான். அதுக்கு அப்பு, ஆனா, அம்மா தினமும் அப்பா காதுல பூ சுத்தி அல்வா தர்றங்கன்னு சொன்னான்.

சரி, சரி, ஊரான் வீட்டு கதை நமக்கெதுக்கு!? ஒரு ஜோக் சொல்லவா!?

நீ ஆரம்பிச்சா நல்லது. நான் ஆரம்பிச்சா புரணி பேசுறதா!? சரி ஜோக் சொல்லு, சிரிச்சு தொலைக்குறேன்.

இப்படிலாம் வேண்டா வெறுப்பா கேட்டால் சொல்ல மாட்டேன்.

ஹி! ஹி!, ஹா! ஹா! இப்ப சொல்லுடி

ராமு: வெயிட்டான படிப்பு படிச்சும் என் பையனுக்கு வேலை கிடைக்கல

சோமு: அப்படியா… என்ன படிப்பு படிச்சிருக்காரு….?

ராமு:  L(kg) U(kg)pre(kg).

நல்ல வெயிட்டான படிப்புதான். நான் விடுகதை சொல்றேன் பதில் சொல்லு பார்க்கலாம்!

வெளியே உள்ளதை எறிந்து உள்ளே உள்ளதை சமைத்தான். பின் வெளியே உள்ளதை  சாப்பிட்டு விட்டு உள்ளே உள்ளதை எறிந்தான் அது என்ன?

விடையை யோசிச்சிக்கிட்டே இரு. நான் கடைத்தெருவுக்கு போய் வந்திடுறேன்.

மனைவின்னா போகப்பொருளா!? - கேபிள் கலாட்டா

பாப் பாடல்கள்ன்னாலே ஆங்கிலத்துல இரைச்சலும், காதலும், காமமும் பொங்கி வழியும்ன்னு பொதுவா ஒரு கெட்டப்பேர் இருக்கு. சில தமிழ் பாப் பாடல்கள் வந்தாலும் மக்கள் மனசுல அவ்வளவா பதியலை/ அதுலயும் ஆங்கிலம் கலந்துதான் வந்திருக்கு. ஆனா, மக்கள் டிவில பாப் பாடல்கள் தமிழ்ல ஒளிப்பரப்பாகுது. அம்மாவைப் (அந்த அம்மா இல்லீங்கோ! பெத்த அம்மா)  பற்றிய பாடின எல்லோருக்கும் புரியுற மாதிரியும் நல்ல கருத்தாழம் மிக்கதா இருந்துச்சு. புதிய முயற்சிக்கு பாராட்டுகள்.

சன் டிவில சொல்லுங்கண்ணே! சொல்லுங்க!ன்னு ஒரு நிகழ்ச்சி ஒளிப்பரப்பாகுது. அதுல ஒரு பொறியியல் கல்லூரி மாணவ மாணவிகளை வச்சு ஒரு நிகழ்ச்சி நடந்துச்சு. உங்களுக்கு வரப்போகும் மனைவி எப்படி இருக்கனும்ன்னு கேட்ட கேள்விக்கு எல்லா மாணவர்களும், அழகா இருக்கனும், படிச்சு வேலைக்கு போகனும், பணக்கார பொண்ணா இருக்கனும்ன்னு சொன்னாங்க. அதேப்போல மாணவிகளை கேட்ட போது, வீட்டு வேலைகளை செய்யனும், பணக்காரனா இருக்கனும்ன்னுதான் சொன்னாங்களே தவிர ஒருத்தரை ஒருத்தர் புரிஞ்சுக்கனும், விட்டு கொடுத்து போற நல்லவரா இருக்கனும்ன்னு யாருமே சொல்லல.

மனைவின்னா போகப்பொருளாகவும், வாழ்க்கைத்தரத்தை உயர்த்துற ஒரு ஏணியாக மட்டுமே பார்க்கும் ஆண்களையும், கணவன்ன்னா சம்பாதிச்சு போட்டு வீட்டு வேலைகளை செஞ்சு நோகாம வச்சிருக்கும் ஒரு மெசினா பார்க்கும் பொண்ணுங்களையும் பார்க்கும்போது எரிச்சலாதான் வருது. இது மாதிரியான படிச்ச முட்டாள்களை என்ன செய்வது!? இவங்கலாம் படிச்சு என்ன சாதிக்க போறாங்க!?

புதிய தலைமுறை சேனல்ல சனிக்கிழமை ராத்திரி 8.30க்கு கொஞ்சம் சோறு வரலாறு நிகழ்ச்சி போடுறாங்க. பார்க்க தவறவிட்டவங்களுக்காக ஞாயிறு மதியம் மீண்டும் ஒளிப்பரப்புறாங்க. மக்கள் டிவில போட்ட அதே நிகழ்ச்சிதான் இப்ப புதிய தலைமுறை டிவில வருது.

உணவும் உணவு சார்ந்த வரலாறும்... வரலாறும் வரலாறு சார்ந்த உணவும் ஒரு ஊரின் சிறப்பு உணவுகள், அவ்வூரின் வரலாற்று சிறப்பு மிக்க இடங்கள், தெரு ஓர உணவுகள், அது சார்ந்த சுவாரஸ்யமான வரலாற்று பின்னனிகளும் இந்நிகழ்ச்சில வருது. எதாவது ஒரு உணவு, அதன் வரலாறு, அதன் செய்முறைகள் இந்த நிகழ்ச்சியில் இடம்பெறுது.

பரோட்டா, அல்வா, பிரியாணி, சப்பாத்தி, கூட்டு, அதிரசம்ன்னு எல்லா வகையான சாப்பாடு பத்தியும் விளக்கமா சொல்றார். ரெண்டு வருசத்துக்கு முன்  முதன் முதலா மக்கள் டிவில இந்த நிகழ்ச்சியைப் பார்க்கும்போது நம்ம கோவை நேரம் ஜீவாதான் நிகழ்ச்சி வழங்குறாரோன்னு நினைச்சுப்பேன். ஜீவாக்கிட்ட முதன்முதலா பேசும்போதும் நீதானா ஜீவான்னும் கேட்டு தெளிவுப் படுத்திக்கிட்டேன். மிஸ் பண்ணக்கூடாதுன்னு நினைக்கும் நிகழ்ச்சி. ஆனா, சனி, ஞாயிறுங்குறதால கண்டிப்பா மிஸ் பண்ணிடுவேன். நிகழ்ச்சியை தொகுத்து வழங்குறவர் பேர் தெரியாது. ஆனா, குரல் வளம், நிகழ்ச்சி பங்களிப்புலாம் பிரமாதமா இருக்கும்.

சன் டிவில தெய்வ மகள்ன்னு ஒரு சீரியல். மத்த சீரியல்கள் விட இது கொஞ்சம் பெட்டர். அழுகாச்சி, பெண்கள் வெடிகுண்டு, விஷம்லாம் அசால்ட்டா யூஸ் பண்ணுறதுன்னு இல்லாம பெண்களுக்கே உண்டான பொறாமை, கோள் மூட்டுற குணங்களோடு கதை நகருது. ஹீரோயின் தன் கணவருக்கு தெரியாம தன் நகைகளை தங்கச்சிக்கிட்ட கொடுத்துட்டு வந்துட்டதால அவ வீட்டுக்காரரோட சண்டைப் போட்டு அம்மா வீட்டுக்கு வந்துடுறா. அங்க, அவ அம்மா பொண்ணுக்கு கொம்பு சீவி விடாம, கல்யாணம்ன்னா என்ன!? கணவன், மனைவின்னா என்ன!? ஏன் விட்டுக் கொடுத்து போகனும்? எதனால குடும்ப உறவு வந்துசு!? நீ மாப்ளை சொல் பேச்சு கேட்டு நடன்னு அழகா சொல்லி தன் பொண்ணை புகுந்த வீட்டுக்கு அனுப்புறாங்க. இந்த காலத்துல எந்த அம்மா தன் பொண்ணு செஞ்சது தப்புன்னு சொல்வாங்க!?

கேபிள் கலாட்டா தொடரும்.....,

பிரபல பதிவர்கள் வீட்டு பொங்கல் பண்டிகை ஒரு கண்ணோட்டம் - 500வது பதிவு

தமிழர் திருநாளாம் பொங்கல் பண்டிகையை சமீபத்துலதான் நாம கொண்டாடினோம். பிரபல பதிவர்கள்லாம் அவங்கவங்க வீட்டுல எப்படி கொண்டாடுனாங்கன்னு பதிவா போட்டு இருப்பாங்க. நீங்களும் படிச்சு, பார்த்து ஆஹா, ஓஹோன்னு கமெண்ட் போட்டுட்டு வந்திருப்பீங்க. அதுலாம் பதிவுக்காக கொஞ்சம் மிகைப்படுத்தி இருக்கும்.

அதனால, நம்ம சக பதிவர்கள்லாம் நிஜமாவே எப்படி அவங்க  வீட்டுல எப்படி பொங்கல் கொண்டாடினாங்கன்னு கொஞ்சம் கஷ்டப்பட்டு தகவல் சேகரிச்சதால கொஞ்சம் லேட்டாகிட்டுது.., சாரி..., இனி ஒவ்வொரு பதிவரும் அவங்க வீட்டுல எப்படி கொண்டாடினாங்கன்னு அவங்கவங்க குடும்பத்தார்கிட்ட கேட்டு தெரிஞ்சுக்கிட்டது...,

”மின்னல் வரிகள்” கணேஷ் அண்ணா வீட்டில்...,

சரிதா: ஏங்க! பொங்கல் வைக்க டைம் ஆகிட்டுது. எல்லாம் ரெடி.., அடுப்பை  பத்த வச்சு பொங்க பானை வெக்கலாம். வாங்கன்னு கூப்பிட்டா அங்க என்னத்தை தேடுறீங்க?! ஏங்க! ஏங்க!

கணேஷ் அண்ணா: நீ பட்டுப் புடவைக்கும், தங்க வளையலுக்கும் ஏங்குறது தெரிஞ்சும் கண்டுக்காமத்தானே இருக்கேன்..

சரிதா:  நான் கரடியா கத்துறது உங்க காதுல விழலியா?!

கணேஷ் அண்ணா: எனக்கு கரடி பாஷைலாம் தெரிஞ்சா நான் ஏன் இங்க இருக்கேன். சர்க்கஸ்ல போய் ரிங்க் மாஸ்டராகி நல்லா சம்பாதிச்சு வேற பொண்ணை கட்டி நல்லா இருந்திருப்பேனே!

சரிதா: என்னாது அங்க முணுமுணுப்பு??!! 

கணேஷ் அண்ணா: ஒண்ணுமில்லம்மா! சாண்டில்யன் தன்னோட ஒரு நாவல்ல பொங்கல் வைப்பதன் சிறப்பு என்ன? எப்படிலாம் வெக்கனும்ன்னு எழுதி இருக்கார் அதைதான் தேடிக்கிட்டு இருக்கேன்.

சரிதா: ம்க்கும்.., நீங்க எப்போ தேடி நாம எப்போ பொங்கல் வைக்குறது??!!  உங்க பாச மலர்கள்ல ஒண்ணு சசிக்கிட்ட போன் போட்டு கேட்டு பாருங்க...,

கணேஷ அண்ணா: அது பாவம், சின்ன பொண்ணு அதுக்கு ஒண்ணும் தெரியாது..,

சரிதா: அப்படின்னா, அடுத்த பாசமலர் ராஜிக்கிட்ட கேளுங்களேன்.

கணேஷ் அண்ணா: உன்னை கட்டிக்கிட்ட நாள் முதலா இன்னிக்குதான் உருப்படியா ஒரு யோசனை சொல்லி இருக்கே. ராஜிக்கு எல்லாம் தெரியும் அவளை கேட்டுட்டு வரேன்.

”அவர்கள் உண்மைகள்” மதுரை தமிழன் வீட்டில்...,

ஹவுஸ் பாஸ்: ஏங்க! பொங்கல் வைக்க, கூட மாட ஒத்தாசை பண்ணாம அங்க என்ன செல்லை நோண்டிக்கிட்டு இருக்கீங்க.

மதுரை தமிழன்: வரேன் இரு.

ஹவுஸ் பாஸ்: ஏங்க, இங்க வந்து ஹெல்ப் பண்ணா சீக்கிரம் சாமி கும்பிடலாமில்ல!!

மதுரை தமிழன்:  பொங்கல் வச்சுட்டேன். ஏழு காய் போட்டு குழம்பு வச்சாச்சு. பூஜை ரூம்ல விளக்குலாம் ஏத்தி ரெடி பண்ணி வச்சுட்டென். நீ கற்பூரம் காட்ட வேண்டியதுதான் பாக்கி! வேற என்ன வேலை பாக்கி இருக்கு நான் உனக்கு ஹெல்ப் பண்ண!?

ஹவுஸ் பாஸ்: என்ன அங்க வாய் நீளுது!? நல்ல நாளும் அதுமா பூரிக்கட்டையை எடுக்கக் கூடாதுன்னு நினைச்சா எடுக்க வச்சுடுவீங்க போல!! இந்த கற்பூரத்தை யார் ஏத்தி தருவாங்க. 10000ல பட்டுச் சேலை எடுத்துக் கட்டி இருக்கேன். அது கசங்கக் கூடாது.

மதுரை தமிழன்: ம்க்கும், புடவை கசங்க கூடாது. ஆனா, புருசனை மட்டும் கசக்கி புழிவா!

” கோவை நேரம்” ஜீவா வீட்டில்..,

ஹவுஸ் பாஸ்: ஏனுங்க! இன்னிக்கு பொங்கல் பண்டிகை. சர்க்கரை பொங்கல் செய்யனும்.., பொங்கல் குழம்பு வைக்கனும்.., கொஞ்சம் மளிகை சாமான் வாங்கி வர்றீங்களா?!

ஜீவா: இதோ பாரும்மா! சர்க்கரை பொங்கல், நம்ம மூணவது தெருவுல இருக்குற -------   ஹோட்டல்ல நல்லா இருக்கும். காலையில  8 மணிக்கு கூட்டம் கம்மியா இருக்கும். அங்க வாங்கிக்கலாம்.பொங்கல் குழம்பு லாங்க் பஜார் ரோடுல இருக்குறா------- ஹோட்டல்ல நல்லா இருக்கும் அங்க வாங்கிக்கலாம். டேஸ்ட் கொஞ்சம் மட்டமா இருந்தாலும் கலர் கலரா அம்மணிகள்லாம் வருவாங்க.

ஹவுஸ் பாஸ்: !@#$%^  +)&^%$ !@#%^&&

ஜீவா: நல்ல நாளும் அதுவுமா, நிம்மதியா  ஒரு பக்கார்டியா  அடிக்க உடுறாளா?! நொய், நொய்ன்னு சே இதுக்கு நான் டூர் இருக்குன்னு வழக்கம்போல எங்கிட்டாவது கிளம்பி போய் இருக்கலாம்.

ஸ்கூல் பையன் வீட்டில்...,

ஹவுஸ் பாஸ்: ஏங்க! பொங்கல் வைக்க அடுப்பு ரெடி பண்ண சொன்னா வரலை. நானே ரெடி பண்ணி, பானை வாங்கி வந்து பொங்கல் வைக்க ரெடி பண்ணிட்டேன். நீங்க கற்பூரம் காட்டவாவது வாங்களேன்.

ஸ்கூல் பையன்: வர மாட்டேன் போடி!

ஹவுஸ்பாஸ்: என்னது போடியா!? 

ஜூனியர் ஸ்கூல் பையன்:: நல்ல நாள் அதுமா அப்பாவை அடிக்காதம்மா!

ஹவுஸ் பாஸ்: பையனுக்காக சும்மா வுடுறேன். நானும் பார்க்குறேன் ஒரு வாரமா நீங்க சரியில்ல. எது சொன்னாலும் எரிஞ்சு எரிஞ்சு விழுறிங்க. முஞ்சை தூக்கி எரவானத்துல வச்சிருக்கீங்க. நல்ல நாளும் அதுமா ஏங்க இப்படி அழிச்சாட்டியம் பண்ணுறீங்க.

ஸ்கூல் பையன்: அடிப்போடி, எனக்கு பிடிச்ச மாதிரி ட்ரெஸ் எடுத்துக் கொடுத்தியா!?

ஹவுஸ்பாஸ்: புரியலை!

ஸ்கூல் பையன்: என் பேர் என்ன!? ஸ்கூல் பையன். என் பேருக்கு தகுந்த மாதிரி  சட்டை, ட்ரவுசர் எடுக்காம வேட்டி ஃபேண்ட் எடுத்திருக்கியே! அதான் கோவம்.

ஹவுஸ் பாஸ்: ம்க்கும். நீங்க எனக்கு அடங்க மாட்டீங்க. இருங்க உங்க அக்கா ராஜிக்கு போன் பண்றேன். அப்பதான் அடங்குவீங்க.

ஸ்கூல் பையன்: அம்மா தாயே! உன்கிட்ட அடிகூட வாங்கலாம். அவங்கக் கிட்ட அட்வைஸ்ன்ற பேர்ல கடிலாம் வாங்கமுடியாது. இதோ வந்துட்டேன்.

கடல் பயணங்கள் சுரேஷ்குமார்....,

ஹவுஸ்பாஸ்: டேய் கண்ணா! உன் அப்பாவை கூப்பிடுடா. சாமி கும்பிடலாம்.

ஜூனியர் சுரேஷ் குமார்: ம்க்கும் உங்க வீட்டுக்காரர் எங்க இருக்கார். அலங்காநல்லூர் ஜல்லிக்கட்டை பதிவாக்க காரெடுத்து கிளம்பி ஒரு மணிநேரமாச்சு.

ஹவுஸ் பாஸ்: இந்தாள்கிட்ட இதே ரோதனையாப் போச்சு! 

ஆரூர் மூனா வீட்டில்...,

ஆரூர் மூனா அம்மா: ஏம்மா! அந்த பானையை எடுத்து மஞ்சள் துண்டு கோர்த்து கட்டும்மா

ஹவுஸ் பாஸ்: கட்டிடேனுங்க அத்தை. அரிசி களைஞ்சு வெச்சுட்டேன். குழம்பு வைக்க காய்லாம் கூட கட் பண்ணி வெச்சுட்டேன்.

 ஆரூர் மூனா அம்மா: பொங்க பானை அடுப்புல வெக்கனும் செந்தில் எங்கேம்மா!? கூப்பிடு அவனை!!

ஹவுஸ் பாஸ்: ம்க்கும். உங்க புள்ள எங்கே இங்க இருக்க போறார். இன்னிக்கு பொங்கல் பண்டிகையை முன்னிட்டு  12 படம் ரிலீஸ் அதனால, நேத்து நைட்டே பாய், தலைகாணிலாம் எடுத்துக்கிட்டு தியேட்டர் வாசல்லயே போய் படுத்துக்கிட்டார்.

திண்டுக்கல் தனபாலன் வீட்டில்...,

ஹவுஸ் பாஸ்: பொங்கல் பொங்கி வரும் போது எல்லாரும் சத்தமா சொல்லுங்க. பொங்கலோ பொங்கல்ன்னு...,

திண்டுக்கல் தனபாலன்: ஏய்! நீங்க யாரும் சொல்லக்கூடாது, நாந்தான் முதல்ல சொல்லுவேன். சீக்கிரம் பொங்கல் வை. அப்புறம் நமக்கு முன் மத்த வீட்டுலலாம் பொங்க வச்சிட போறாங்க.

  ”காணாமல் போன கனவுகள்” ராஜி மற்றும் வீட்டில் ...

பெரியப்பா: ஏம்மா தூயா! செங்கல் கொண்டு வாம்மா!

தூயா: இந்தாங்க பெரியப்பா.

பெரியம்மா: அந்த அரிசில இருக்குற கல்லு, நெல்லுலாம் பொறுக்கி சுத்தம் பண்ணும்மா.

தூயா: சரி பெரியம்மா. என்ன காய்கறின்னு சொன்னா.., நான் கழுவி நறுக்கி தருவேன்.

ராஜியோட ஹவுஸ் பாஸ்: ஏய் தூயா! நீதான் வேலை செய்யுறே. உங்கம்மா எங்கே?!

தூயா: ம்க்கும் அம்மா என்னிக்குப்பா வீட்டு வேலைகள் செஞ்சு இருக்காங்க?! அதோ பாருங்க பதிவுல போடுறதுக்காக வளைச்சு வளைச்சு போட்டோ எடுக்குறதை..., மனசுக்குள் பிரபல பதிவர்ன்னு நினைப்பு...,

ராஜியோட ஹவுஸ் பாஸ்:     1{@}%:&{)_!?$<>^&*&))()@<>{}][’;./,

டிஸ்கி: இது என்னோட 500 வது பதிவு. என்னையும் ஒரு ஆளாய் மதிச்சு நான் போடும் பதிவையும் படிச்சு ஆதரவு தரும் சகோதரர்கள் அனைவருக்கும் நன்றி! ஆளுக்கொரு கேக் துண்டு எடுத்துக்கோங்க. அமெரிக்காவுல இருந்து நீளும் கை மேல மட்டும் ஒரு கண் வச்சுக்கோங்கப்பா! அது ரெண்டு, மூணு கேக் துண்டு எடுத்துக்கும்.

பதிவர்கள்லாம் சேர்ந்துக் கொண்டாடும் சமத்துவ பொங்கல்

பதிவர் சந்திப்பு நடத்தி புத்தகம் வெளியிடுறது, குறும்படம் வெளியிடுறது மட்டும்தானே இத்தனை நாள் நாம செஞ்சோம். வெவ்வேற இடம்,மொழி, கலாச்சாரம், சாதி, மதத்து ஆளுங்கலாம் ஒண்ணு சேர்ந்துதானே எதுவா இருந்தாலும் கூடி கும்மியடிக்கிறோம். அதனால, இந்த பொங்கல் பண்டிகையை எல்லா பதிவர்களும் சேர்ந்து சமத்துவப் பொங்கல் வைக்கலாம்ன்னு ஒரு ஐடியா தோணவே மின்னல் வரிகள் கணேஷ் அண்ணா தலைமைல எல்லோரும் ஒண்ணுக் கூடியாச்சு. 

”மின்னல் வரிகள்”கணேஷ் : ஏம்மா ஆதி! பொங்கல் வைக்கும் இடத்தை சுத்தம் பண்ணி கோலம் போட்டு விடும்மா!

ஆதி வெங்கட்: போங்க கணேஷ் அண்ணா, இப்பதான் டெல்லி, ஸ்ரீரங்கம்ன்னு ரெண்டு இடத்துலயும் வீடு சுத்தம் பண்ணி, கோலம் போட்டதுல உடம்புக்கு முடியல. நீங்க வேற யார்கிட்டயாவது சொல்லிக்கோங்க. 

”மின்னல் வரிகள்”கணேஷ் : ஏம்மா! அமைதியான, அடக்கமான பொண்ணு நீயே செய்யலைன்னா வேற யார் செய்வாங்க!?

ஆதி வெங்கட்: ஏன்? உங்க தங்கச்சி சசிக்கிட்ட சொல்லுங்களேன். 

”மின்னல் வரிகள்”கணேஷ் :எங்கம்மா! அவளுக்கு கிராமத்து பாணில கவிதை எழுத வருமே தவிர, இதெல்லாம் தெரியாதும்மா!  

ஆதி வெங்கட்: சரி, சரி நானே செய்யுறேன். இதுக்கப்புறம் வேற எதும் செய்ய மாட்டேன்.

”மின்னல் வரிகள்”கணேஷ் : சரிம்மா! பானை வாங்க யாரை அனுப்பலாம்.

ஆரூர் மூனா செந்தில்: நான் போறேனே சார்.

”மின்னல் வரிகள்”கணேஷ் : ஒண்ணும் வேணாம். உன்னை அனுப்பினா எப்படி பஸ் ஏறினேன், ஆட்டோக்காரன் இடிச்சது முதற்கொண்டு பானை உடையாம கொண்டு வந்தது எப்படின்னு கதையா சொல்லி சாகடிப்பே. நான் யாரையாவது அனுப்புறேன்.

ஆரூர் மூனா செந்தில்: உங்க சிஷ்யன் சீனுவை அனுப்ப வேண்டியதுதானே!

”மின்னல் வரிகள்”கணேஷ் : ஐயோ! அவனையா!? அப்புறம் பானை விக்குறவங்கக்கிட்ட போய் காதலிப்பது எப்படி? நீங்க லவ் லெட்டர் எழுதுனீங்களா!? கவிதை எழுத வருமா!?ன்னு இம்சை பண்ணிட்டு இருப்பான். 

கோவை நேரம் ஜீவா! நான் போய் வாங்கி வரவா!?

”மின்னல் வரிகள்”கணேஷ் : ஒண்ணும் வேணாம் சாமி! பானை கடைக்கு பக்கத்துல எதாவது ஹோட்டல், திண்பண்டக் கடை இருந்தா நீ பதிவு தேத்தப் போய்டுவே!

கோவை நேரம் ஜீவா! அப்ப ஆவியை அனுப்பலாமா!?

ஆவி: நானே கொலை வெறில இருக்கேன். யாராவது என்னைப் பத்தி பேசினீங்க. என் பேருக்கேத்த மாதிரி மாறிடுவேன்

”மின்னல் வரிகள்”கணேஷ் :என்ன சோகம் ஆவி!

ஸ்கூல் பையன்: ம்ம் அவன் ஆளு நஸ்ரியா நடிச்ச படம் ஏதும் வரலியாம்!! அதான். விடு ஆவி.., தமிழ்ல வராட்டி என்ன!? மலையாளத்துல ஒரு படம் வந்திருக்கு. அதைப் பார்த்து மனசு ஆத்திக்கோ!

ஆவி: ம்க்கும், என்ன இருந்தாலும் தாய் மொழிப்போல வருமா!?

ஸ்கூல் பையன்: அடப்பாவி, உன் மொழிப்பற்றை காட்ட வேண்டிய நேரமா இது!?

”மின்னல் வரிகள்”கணேஷ் : நல்லா வாய்ச்சிருக்கானுங்கப் பாரு எனக்குன்னு. ஏர்ல பூட்டுன எருமைங்க மாதிரி. நீங்கதான் இப்படின்னா, கரும்பு, அரிசி, வெல்லம், நெய்லாம் வாங்கப்போன நம்ம ஆஃபீசர் என்ன ஆனார்ன்னு தெரியலியே! 5 பொருளை வாங்கி வர மூணு மணி நேரமா!?

நாய் நக்ஸ்: பர்ச்சேஸ் பண்ணப் போன இடத்துல கரும்பு, மஞ்சள் எங்க விளைஞ்சது!? வெல்லத்துல ஈ மொய்ச்சதுன்னு சொல்லி கடைக்காரனை ரெய்டு விட்டுக்கிட்டு இருக்கார். இப்பதான் போன்ல சொன்னார்.

”மின்னல் வரிகள்”கணேஷ் : அப்படியா!? பொங்கல் அதுவுமா ஒரு ஆச்சர்யம் நீங்க போன் போட்டு பேசி இருக்கீங்க பாரு நக்ஸ்!!

நாய் நக்ஸ்: நான் போன் போட்டதா சொன்னேனா!? வழக்கம்போல மிஸ்டு கால் விட்டேன். சண்டைக்கு நடுவால ஆஃபீசர் போன் பண்ணி சொன்னார்.

”மின்னல் வரிகள்”கணேஷ் : அதானே பார்த்தேன். நீங்கதான் போன் பண்ணி பேசிட்டீங்களோன்னு!!  பொருட்கள்லாம் வாங்க யாரை அனுப்புறதுன்னு தெரியலியே!

வெங்கட் நாகராஜ்: நான் வேணுமின்னா கடைவீதிக்கு போய் பொருட்கள் வாங்கி வரவா!? 

”மின்னல் வரிகள்”கணேஷ் : நீங்க பொறுப்பானவர்தான். போய் வாங்க. ஆனா, உங்க காதை அங்க இங்க கதைக் கேட்க அனுப்பாம போனமா வந்தமான்னு இருக்கனும். இப்பவே நல்ல நேரம் போய்க்கிட்டு இருக்கு. 

ரூபக் ராம்: எங்களையே வெரட்டிக்கிட்டு இருக்கீங்களே! உங்க ஆசைத்தங்கச்சி ராஜி சும்மாதானே இருக்காங்க. அவங்களைக் கூப்பிட்டு வேலை வாங்குங்களேன்.

ராஜி: ஹலோ! நான் ஒண்ணும் சும்மா இல்ல ரூபக். நீங்கலாம் பொங்கல் வைக்கும்போது எனக்கு செமத்தியான வேலை இருக்கு. அதனால நான் முன்கூட்டியே ரெஸ்ட் எடுத்துக்குறேன்.

மதுரை தமிழன்: எல்லாம் வாங்கி வந்து, மொழுகி, கழுவி நாங்கலாம் பொங்கல் வைக்கும்போது மேடத்துக்கு என்ன வேலை இருக்கு? பதிவு தேத்த போட்டோ எடுக்குறதும், குறிப்பெடுக்குறதும்தானே!

ராஜி:!!!!!!!!!!!!!!!!!??????

”மின்னல் வரிகள்”கணேஷ் : ராஜி வாயை அடைக்க பெரிய அண்ணன் என்னால ஆகலைன்னாலும், சின்ன அண்ணன் மதுரை தமிழ்னால மட்டும்தான் முடியுது...

ராஜா: இப்படியே பேசிட்டு இருந்தே சாயந்தரம் ஆகிடுச்சு. இனி எங்க பொங்கல் வச்சு சாப்புடுறது!? வயத்துக்குதான் ஒண்ணும் கிடைக்கலை. காதுக்காவது பொங்கல் கிடைக்கட்டும். எல்லோரும் சத்தமா சொல்லுங்க பொங்கலோ பொங்கல்!

பொங்கலோ பொங்கல்!!

பொங்கலோ பொங்கல்!!

பொங்கலோ பொங்கல்!!

பொங்கலோ பொங்கல்!!

பொங்கலோ பொங்கல்!!

சுடுதண்ணி, டீ போட்டு சாப்பிட்டு கழுவிய பாத்திரத்தைக் கொண்டு அடிப்பது எப்படி!?

 ஹரி பத்த வச்ச அடுப்புல ஆவி, சீனு, வச்ச சுடுதண்ணியையும், பிரகாஷ் அவிச்ச முட்டையையும் கணேஷ் அண்ணா சாப்பிட்டு கழுவப் போட்ட பாத்திரத்தை ராஜா கழுவி காய வச்சதை எடுத்து உருப்படியா பிளாக்குல எழுதாம மொக்கைப் போட்டு கொல்லும் பதிவர்கள் மேல் அவர்கள் வீட்டம்மாக்கள் பாத்திரம் எறிவது எப்படின்னுதான் இன்னைய பதிவுல பார்க்கப் போறோம். 

தேவையானப் பொருட்கள்:

கழுவி வச்ச பாத்திரம்

வூட்டுக்காரர். 

வூட்டுக்காரர்:

காலைல வாசல் தெளிச்சு கோலம் போட்டு, பொண்டாட்டியை எழுப்பி காஃபி போட்டு கொடுத்து, லஞ்ச், பிரேக் ஃபாஸ்ட்லாம் ரெடி பண்ணி வச்சு, பிள்ளைகளை ஸ்கூலுக்கு ரெடி பண்ணி அனுப்பிட்டு வீடு வாசல் கூட்டி துணியை மெஷின்ல போட்டுட்டு, டிவி சீரியல் பார்க்கும் பொண்டாட்டிக்கு நொறுக்ஸ் செஞ்சு கொடுத்துட்டு, அம்மாடி,முடிஞ்சா விளம்பர இடைவேளையின்போதோ! இல்ல கரண்ட் கட் போதோ மெஷின்ல இருக்கும் துணியை காய வச்சு எடுத்து வந்து மடிச்சு வைக்கும் கஷ்டமான வேலையை கொடுத்துட்டு.., ஆஃபீசுல போய் ஹாயா ஃபேஸ்புக், பிளாக், ட்விட்டர்ன்னு மொக்கைப் போடும் படுபாவி வூட்டுக்காரரா இருந்தா நலம்.

பிளாக்கரா இல்லாம வொயிட்டரா அதாவது வெள்ளந்தியா இருக்குற வூட்டுக்காரர்லாம் இதுக்கு சரிப்பட மாட்டார்.

பாத்திரம்: 
சுடுதண்ணி, டீ போட்ட பாத்திரத்தை விட முட்டை வேக வச்ச பாத்திரம், சிக்கன், மீன் சமைச்ச பாத்திரமா இருந்தா நலம். என்னா அதான் கப்படிக்கும்!!

நேரம்: 
பொண்டாட்டி பேச்சை கேட்டு வீட்டு வேலை செய்யாம பிளாக், ஃபேஸ்புக்குன்னு கடலைப் போடும் நேரம் கடலை போட்டாலும் கூட தாங்கிக்கலாம். மொக்கைப் போட்டால் விடவே விடாதீங்க. அடி உதவினாலும் அண்ணன் தம்பி உதவ மாட்டாங்கன்ற பழமொழிக்கேற்ப அடிச்சாதான் இதெல்லாம் சரிப்பட்டு வரும்.

இனி எப்படி பாத்திரத்தால அடிப்பதுன்ற வகைகளைப் பார்க்கலாம்!!

முதல் வகை:
கம்ப்யூட்டர்ல உக்காந்திருக்கும் வூட்டுக்காரர் கவனிக்காத போது கையில் பாத்திரம் எடுத்துக்கிட்டு கிட்டக்க போய் ஆற, அமர ஓங்கி நங்குன்னு பின் மண்டையில அடிக்கலாம்.

இரண்டாம் வகை:
அடிக்க வருவதை உணர்ந்து எஸ்கேப் ஆகுற ஆள் மேல குறி பார்த்து பாத்திரத்தை எறியலாம். உடம்புல எங்க வேணுமின்னாலும் அடிப்படட்டும். நம்ம குறிக்கோள் அடிப்படனுமேத் தவிர, எங்க அடிப்படனும்ன்னு இல்ல. கண்ணை மட்டும் விட்டுடுங்க. அப்புறம் வீட்டு வேலைலாம் செய்ய முடியாதே!

மூன்றாம் வகை:
எதையும் உணராமல் இருப்பவரை பாசமா, டிவி பார்த்தவாறே, ஏங்க! இங்க வாங்களேன்! உங்கக்கிட்ட ஒண்ணு சொல்லனும்ன்னு கிட்ட கூப்பிட்டு பக்கத்துல உக்கார வச்சுக்கிட்டு, ஆசையா கையை பிடிச்சு பின்னால முறுக்கி ஓங்கி நங்குன்னு குத்துங்க.

ரத்தம். வீக்கம் வரப்படாது. அதான் முக்கியம்.  ரத்தம், வீக்கம் வந்தால் நம்ம பேர் சொந்தம், பந்தங்களுக்கிடயே நாறிப்போகும் ஜாக்கிரதை அம்மணீஸ்!

பிரபல பதிவருக்கு சிக்கன் பிரியாணி கிடைக்காத சோகம்- சொல்வதெல்லாம் உண்மை

வணக்கம் நேயர்களே!  நேத்து நம்ம ஸ்டூடியோக்கு வந்த ராஜி மேடம், தன் தம்பி கால் கிலோ அல்வா வாங்கி தராததால, மனசொடிஞ்சு அழுதாங்க. அதனால, நாமளும் அந்த சோகம் தாங்காம அழுதுட்டோம்! நம்மக்கிட்ட சொன்னதால, அவங்க மனபாரம் போய் நல்லா இருக்காங்களான்னு கேட்கலாம் வாங்க. அதுக்கு முன்னாடி, அவங்க ஏன் அழுதாங்கன்னு தெரிஞ்சுக்கனும்னா ஒரு சின்ன ரிகாப் பார்த்துட்டு வாங்க.

ஹலோ ராஜி மேடம்!! சாரி சாரி, ராஜியக்கா! நேத்து மனசு விட்டு அழுததால உங்க மனபாரம் நீங்கிடுச்சா?! மிச்ச கதைலாம் பேசலாமா?!

ம்ம்ம்ம் பேசலாம் லட்சுமி மேடம்!!

மகளை பார்த்துட்டு பெங்களூருல இருந்து ப்ளைட் பிடிச்சு ஞாயித்துக்கிழமை காலைல 8.30க்கு சென்னை மீனம்பாக்கம் வந்தேன். அடடா! பதிவர் சந்திப்பு 9 மணிக்கு தொடங்குமேன்னு டாக்சி பிடிச்சு மண்டபம் வந்தேன். வந்ததும், என் சொந்தங்களை பார்த்ததும் பரவசமாகி சட்டுன்னு இறங்கி டாக்சிக்கு பணம் கொடுத்து அனுப்பிட்டேன். மண்டப்த்துல வந்து பார்த்தப் பின் தான் தெரிஞ்சது கேமரா டாக்சிலயே விட்டுட்டேன். அடடா, படம் எடுத்து ஒரு மாசத்துக்கு போஸ்ட் தேத்தலாம்ன்னு நினைச்ச என் நினப்புல மண்.

(அப்பாடி! பதிவுலகம் தப்பிச்சுது) அப்புறம்மா!

சுய அறிமுகம் நடந்துக்கிட்டு இருக்கும்போது, தூரமா நின்னுட்டு இருந்த ஜீவா இங்க வாங்கக்கான்னு கூப்பிட்டார். என்னன்னு தெரியலியே! ஒரு வேளை கோவை காட்டன் புடவை வாங்கி வந்து அக்காவை அதிர்ச்சியில் ஆழ்த்துறாரோன்னு நினைச்சுக்கிட்டே போனேன். ஆகா, இந்த பதிவர் உங்களை பார்க்கனும்ன்னு சொன்னார். யார்ன்னு தெரியுதா பாருங்கன்னு சொன்னார். யாருன்னு தெரியலை, ஒரு க்ளூ குடு ஜீவானு சொன்னேன்..அதுக்கு அந்த பதிவரே, நான் திருத்தணியை சேர்ந்தவன்மான்னு சொன்னதும்தான் பட்டுன்னு தோணுச்சி அது,”விக்கியண்ணா”ன்னு.  சொல்லாம கொள்ளாம வந்து ஆச்சர்யத்துல ஆழ்த்திட்டார் மனுசன்.

 பதிவர் சந்திப்புல பிரியாணிலாம் போடுறாங்கன்னு கேள்விப்பட்டதிலிருந்து டெய்லி ஒரு வேளை மட்டும் சாப்பிட்டு ஃபுல் கட்டு கட்ட ரெடியா இருந்தேன். ஆனா, பாருங்க தட்டெடுத்து போய் நீட்டினதும் வெஜ் பிரியாணி வந்து விழுந்துச்சு!! இது யார் பண்ண சதின்னு தெரியலை!!

அச்சச்சோ! இத மாதிரியான கொடுமையெல்லாம் கூடவா நடந்துச்சு?!

ஆமாங்க. சரி, சிக்கன் ஃபீசாவாது எடுத்து சாப்பிடலாம்ன்னு பார்த்தா ஒரு சின்ன தயக்கம். என் தம்பிகள் யாரும் பக்கத்தில் இல்லாததால எடுத்துக்கலை. ஞாயித்துக்கிழமை வெறும் வெஜ்ஜோட முடிஞ்சு போச்சு!!

சாப்பிட்டு உண்ட மயக்கம் தீர உக்காந்துட்டு இருக்கும்போது மயிலன் கவிதை வாசிக்க போறார். வாங்கன்னு வந்து சொல்லிட்டு போனாங்க. போன வருசம் கல்யாண பத்திரிகை வாசிச்சான்! இந்த வருசம் அப்பாவாக போறேன்னு சொல்லுவானோன்னு கிண்டல் பண்ணிக்கிட்டே கவிதையை கேட்டால்...., பயபுள்ள, நிஜமாவே,  அவனுக்கு ஆம்பிள்ளை குழந்தை நாளைக்கு பிறக்க போகுதுன்னு சொல்றான்.

இப்படியே அடுத்த வருசம் காது குத்து, அதுக்கடுத்த வருசம் பொண்ணுக்கு அப்பாவான சேதி, அதுக்கு காது குத்து, புது வீட்டு கிரகப்பிரவேசம், மகளோட சடங்கு, கல்யாணம்ன்னு பதிவர் சந்திப்புலயே அழைப்பு வச்சு இன்விடேசன், போன் செலவை குறைக்கும் மயிலனின் புத்திசாலித்தனத்தை பார்த்து, இப்படிதான் நாமளும் இனி சிக்கனமா நடந்துக்கனும்ன்னு முடிவு பண்ணிட்டேன் மேடம்.

அப்புறம் மதுமதியோட 90டிகிரின்னு ஒரு குறும்படம் போட்டாங்க. நல்லா இருந்துச்சு. முதல்ல அந்த பொண்ணு ஏன் பிச்சை எடுக்க போகுதுன்னு யூகிச்சுட்டேன். ஆனா, ஜியாமிண்ட்ரி பாக்ஸ் வாங்காம அப்பாக்கு மருந்து இல்லாட்டி வேற யாருக்காவது அந்த காசுல எதாவது அந்த பொண்ணு செய்யும்ன்னு முடிவை யூகிச்சு வச்சிருந்தேன். ஆனா, என் யூகம் பொய்யா போச்சு! அந்த பொண்ணு ஜியாமிண்ட்ரி பாக்ஸ் வாங்கிட்டு போற மாதிரி முடிச்சிருந்தார்,

அதும் சரிதான். அந்த பொண்ணு நல்லா படிச்சு வந்தாதானே இதுப்போல இருக்குறவங்களுக்கு உதவ முடியும்!!

நீங்க சொல்றது சரிதான் ராஜியக்கா!

சேட்டைக்காரன், மோகன்குமார், சதீஷ் எழுந்தின புத்தகம் வெளியிடும் நேரம் வந்துச்சு. நான் அப்பவே பஸ் பிடிச்சாதான் நைட் 9மணிக்காவது வீட்டுக்கு போக முடியும்ன்னு புறப்பட்டு வந்துட்டேன். இனி நான் மொக்கை போடக்கூடாதுன்னு எச்சரிச்சு எனக்கொரு ஷீல்ட் கொடுத்ததாவும், அதை கணேஷ் அண்ணா வாங்கி வச்சிருக்குறதாவும் சொன்னார்.

நம்ம வீட்டு விசேசத்துக்கு, நம்ம வீட்டு பிள்ளைகளே ஒரு நிமிசம் ஓய்ஞ்சு நிக்கும். ஆனா, சீனு, சிவா, பிரபா, அரசன், ஆவி, செந்தில், மதுமதி, இன்னும் பெயர் தெரியா சகோதரர்கள் ஓடின ஓட்டம் இருக்கே!  தன் சொந்தங்கள் வரலை. அதே நேரத்துல அவங்களால எந்த உபகாரமும் நடக்க போறதில்லை. ஆனாலும், சந்திப்புக்காக கிட்டத்தட்ட ஒரு மாசமா ஓடி..., ஓடி..., சான்சே இல்ல . அடுத்த வருசமும் இதுப்போன்ற நிகழ்ச்சியை நடத்தனும்.

நாலு ஆம்பிளைங்க இருக்குமிடத்தில் ஒரு பொம்பளை போனால் வயசை மறந்து பார்ப்பாங்க. கமெண்டி இல்லாட்டி ஒரு கோணல் சிரிப்பாவது இருக்கும்.  ஆனா, இத்தனை பேர் இருந்த அரங்கத்தில் ஒரு கெட்ட பார்வை ஒருத்தரும் பார்க்காம, இவங்க எங்க சகோதரி, எங்களை நம்பி இவங்க வீட்டில் அனுப்பி இருக்காங்கன்னு கண்ணியம் காத்தாங்க.

இதை விட வேறென்ன வேணும். இந்த தோழமைக்காகவே, சின்ன சின்ன அசவுகரியங்களை தாங்கிக்கலாம்.

ஓ! அப்படியா!! நீங்க சொன்னதுக்கப்புறம் எனக்கே கலந்துக்கனும்ன்னு தோணுது. அடுத்த வருசம் நானும் கலந்துக்குறேன்மா! என்னையும் கூப்பிடுவீங்களா?! 

யாருக்கும் தனிப்பட்ட அழைப்பு இல்ல. ஆனா, பதிவரா இருந்தா உலகத்தின் எந்த மூலைல இருந்தும் வரலாம்! 

அப்படிங்களா?! நான் இன்னிக்கே பிளாக் ஆரம்பிச்சுடுறேனுங்க.

வாங்க! வாங்க! வந்து ஜோதில ஐக்கியமாகுங்க!